https://www.fjkmavaratrandohalo.org/

FJKM, Fitandremana Avaratr’Andohalo, Andohalo, Antananarivo (2026)

17/06/2026

🍁🍁Ny asan'ny vavaka sy ny herin'ny vavaka:

💟Manova toe-javatra ny vavaka ka ho sitrana sy ho voavonjy ny marary noho ny vavaka. Narary efa ho faty i Hezekia, Mpanjaka ary efa nasaina nafarana ny havany; saingy rehefa nivavaka izy dia niova hevitra hahasitrana azy indray Andriamanitra (2Mpan 20,1-11), 🙏🙏 Jak 5,14-16 "Misy marary va eo aminareo? Aoka izy hampaka ny loholon’ny fiangonana; ary aoka hanosotra diloilo azy amin’ny anaran’ny Tompo ireo sady hivavaka ho azy.💟 Ny vavaka atao amin’ny ny finoana dia hamonjy ilay marary, fa ny Tompo hanangana azy; ary raha nanota izy dia havela ny helony. Koa mifaneke heloka ianareo, ary mifampivavaha mba ho sitrana.

💟Hanehoan'Andriamanitra ny heriny sy ny fahefany ny vavaka ataon'ny olona ary mamindra fo Andriamanitra rehefa mivavaka ny olona, ka ialany ny fikasany hanafay 🙏🙏" Ary rehefa hitan’Andriamanitra ny nataon’ireo ny amin’ny nialany tamin’ny lalan-dratsiny dia nanenina Izy ny amin’ny loza izay nolazainy hamelezany azy ka tsy nataony izany." Jona 3,10

17/06/2026

⛅️MOFONAINA ALAROBIA 17 JONA 2026
⛪ATOLOTRY NY FITANDREMANA FJKM AVARATR'ANDOHALO
✨ MANAPAKA AMIN'NY FAHEFANY NY TOMPO✨
📖 Marka 2, 1-12 📖
1 Ary nony niditra tao Kapernaomy indray Izy, rehefa afaka andro vitsivitsy, dia re fa tao an-trano Izy, 2 ka dia tafangona ny maro, ka tsy nisy hitoerana intsony, na dia teny anoloan'ny varavarana aza; ary Izy nitory ny teny taminy.
3 Ary nisy nanatona nitondra ny anankiray mararin'ny paralysisa ho eo aminy, izay nolanjain'efa-dahy.
4 Ary satria tsy afaka nanakaiky Azy izy noho ny habetsahan'ny vahoaka, dia nanesorany ny tafon'ny trano nitoeran'i Jesoa, ka nony efa voasokatra, dia nampidininy teo ny fandriana izay nandrian'ilay nararin'ny paralysisa.
5 Ary Jesoa, nony nahita ny finoan'ireo, dia nanao tamin'ilay mararin'ny paralysisa hoe: Anaka, voavela ny helokao.
6 Ary nisy mpanora-dalàna sasany nipetraka teo ka nieritreritra tao am-pony hoe: 7 Nahoana Ilehity no miteny toy izany? Miteny ratsy Izy. Iza no mahavela heloka afa-tsy Iray ihany, dia Andriamanitra?
8 Ary niaraka tamin'izay Jesoa dia nahalala tao am-panahiny fa nieritreritra izany tao am-pony ireo, dia hoy Izy taminy: Nahoana ianareo no mieritreritra izany zavatra izany ao am-ponareo?
9 Iza moa no moramora kokoa, ny manao amin'ilay mararin'ny paralysisa hoe: Voavela ny helokao, sa ny manao hoe: Mitsangàna, betao ny fandrianao, ka mandehana?
10 Fa mba ho fantatrareo fa ny Zanak'olona manana fahefana etỳ ambonin'ny tany hamela heloka, dia lazaiko aminao (hoy Izy tamin'ilay mararin'ny paralysisa):
11 Mitsangàna, betao ny fandrianao, ka modia any an-tranonao.

12 Dia nitsangana izy ka nambeta ny fandriany niaraka tamin'izay ary niala teo anatrehan'ny olona rehetra; dia talanjona izy rehetra ka nankalaza an'Andriamanitra nanao hoe: Tsy mbola nahita izay toy izao izahay.

🙏 ℜ𝔞𝔶 𝔐𝔞𝔰𝔦𝔫𝔞 𝔬 , 𝔪𝔞𝔫𝔞𝔪𝔞𝔰𝔦𝔫𝔞 𝔞𝔫𝔞𝔶 𝔞𝔪𝔦𝔫'𝔫𝔶 𝔣𝔞𝔥𝔞𝔪𝔞𝔯𝔦𝔫𝔞𝔫𝔞, 𝔫𝔶 𝔗𝔢𝔫𝔦𝔫𝔞𝔬 𝔫𝔬 𝔣𝔞𝔥𝔞𝔪𝔞𝔯𝔦𝔫𝔞𝔫𝔞. 𝔄𝔪𝔢𝔫𝔞

16/06/2026

⛅️MOFONAINA TALATA 16 JONA 2026
⛪ATOLOTRY NY FITANDREMANA FJKM AVARATR'ANDOHALO
✨ MANAPAKA AMIN'NY FAHEFANY NY TOMPO✨
📖 Isaia 10,26-34 📖

26 Eny, Jehovah, Tompon'ny maro, hamely azy amin'ny kotopia, tahaka ny namelezana ny Midiana teo am-batolampy Oreba; ary ny tsorakazony haingainy eny ambonin'ny ranomasina ka hatsangany tahaka ny fanao tany Egypta.
27 Ary amin'izany andro izany dia ho afaka eo an-tsorokao ny entany ary ny bao fitondrany ho afaka amin'ny vozonao, ary ho tapaka* ny bao fitondrana noho ny fihatavezany.[Heb. simba]
28 Injao! tonga any Aiata izy, mamaky an'i Migrona izy ary mametraka ny entany ao Mikmasy,
29 Mihoatra ao an-kadilanana izy Ao Geba isika no handry, hoy izy; Mangovitra Rama, mandositra Gibean'i Saoly;
30 Mikiakiaha mafy, ry zanakavavin'i Galima, Mampandria sofina, ry Laisy. Indrisy, ry Anatota mahantra!
31 Lasa mandositra Madmena, ny mponina any Gebima mitondra ny entany mandositra.
32 Anio izy mbola mitoetra any Noba, Maninjitra ny tànany manambana ny tendrombohitr'i Ziona zanakavavy, dia ny havoan'i Jerosalema.
33 Indro, Jehovah, Tompon'ny maro, manapaka ny rantsany madinika amin'ny heriny mahatahotra; Ary izay mijoaka lava no voakapa, ary izay avo no aetry;
34 Ary kapaina vy ny ala mikirindro, ary Libanona dia alamaky ny iray Mahery.

🙏 ℜ𝔞𝔶 𝔐𝔞𝔰𝔦𝔫𝔞 𝔬 , 𝔪𝔞𝔫𝔞𝔪𝔞𝔰𝔦𝔫𝔞 𝔞𝔫𝔞𝔶 𝔞𝔪𝔦𝔫'𝔫𝔶 𝔣𝔞𝔥𝔞𝔪𝔞𝔯𝔦𝔫𝔞𝔫𝔞, 𝔫𝔶 𝔗𝔢𝔫𝔦𝔫𝔞𝔬 𝔫𝔬 𝔣𝔞𝔥𝔞𝔪𝔞𝔯𝔦𝔫𝔞𝔫𝔞. 𝔄𝔪𝔢𝔫𝔞

15/06/2026

🧡🧡😇😇Indro zaraina sy ampatsiahivina antsika ireo antony hivavahantsika:

☝️ Mivavaka isika mba hisaotra sy hanome voninahitra an'Andriamanitra.

☝️ Taomina mivavaka isika mba tsy hahatonga antsika ho latsaka amin'ny fakam-panahy 🙏🙏" Ary raha vao tonga tao amin’izany toerana izany Izy dia niteny taminy hoe: Mivavaha mba tsy hidiranareo amin’ny fakam-panahy." Lio 22,40

☝️Mivavaka isika mba hahazo hery mandrakariva ka ho afa-mandositra ny loza sy ny fahoriana samihafa amin'izao andro farany izao.🙏🙏 " Fa miambena ka mivavaha mandrakariva mba hahery ianareo ka ho afa-mandositra izany zavatra ho avy rehetra izany ary hitsangana eo anatrehan’ny Zanak’Olona." Lio 21,36

☝️ Taomina hivavaka isika rehefa ao anatin'ny zava-tsarotra toy ny fahoriana, aretina, ...🙏🙏 "Misy azom-pahoriana va eo aminareo? Aoka izy hivavaka. Misy faly va? Aoka izy hihira fiderana." Jak 5,13

☝️ Mivavaka isika rehefa tojo fanahiana samihafa 🙏🙏 "Aza manahy na amin’ny inona na amin’ny inona fa aoka ny fivavahana sy ny fifonana mbamin’ny fisaorana no hoentinareo manambara ny fangatahanareo amin’Andriamanitra amin’ny zavatra rehetra. " Fil 4,6

☝️ Tena tokony mifampivavaka isika🙏🙏 " Koa mifaneke heloka ianareo, ary mifampivavaha mba ho sitrana." Jak 5,16

☝️ Taomina hivavaka isika mba handrosoan'ny tenin'Andriamanitra amin'ny fiainan'ny mpino sy hielezan'ny Filazantsara.🙏🙏 "Farany, ry rahalahy, mivavaha ho anay mba handehanan’ny tenin’ny Tompo haingana ka hankalazaina toy izao eo aminareo izao " 2Tes 3,1

15/06/2026

⛅️MOFONAINA ALATSINAINY 15 JONA 2026
⛪ATOLOTRY NY FITANDREMANA FJKM AVARATR'ANDOHALO
✨ MANAPAKA AMIN'NY FAHEFANY NY TOMPO✨
📖 Salamo 104, 24-32 📖
24 Endrey ny hamaroan'ny asanao, Jehovah ô! Fahendrena no nanaovanao azy rehetra; Henika ny zavatra nataonao* ny tany.
25 Indro ny ranomasina sady lehibe no malalaka, Any no misy zava-mihetsiketsika tsy tambo isaina, Dia zava-miaina, na kely na lehibe.
26 Any no alehan'ny sambo Sy ny trozona, izay noforoninao hilaolao any.
27 Ireo rehetra ireo miandry Anao, Mba homenao ny haniny amin'ny fotoany.
28 Manome Hianao, dia manangona izy; Manokatra ny tananao Hianao, dia voky ny soa izy;
29 Manafina ny tavanao Hianao, dia raiki-tahotra izy; Alainao indray ny ainy, dia maty izy Ka mody any amin'ny vovoka nanalana azy,
30 Maniraka ny Fanahinao Hianao, dia ary izy, Ary manavao ny tarehin'ny tany Hianao.
31 Ho mandrakizay anie ny voninahitr'i Jehovah; Aoka Jehovah hifaly amin'ny asany.
32 Jereny ny tany, dia mihorohoro; Tendren'ny tànany ny tendrombohitra, dia midonaka.

🙏 ℜ𝔞𝔶 𝔐𝔞𝔰𝔦𝔫𝔞 𝔬 , 𝔪𝔞𝔫𝔞𝔪𝔞𝔰𝔦𝔫𝔞 𝔞𝔫𝔞𝔶 𝔞𝔪𝔦𝔫'𝔫𝔶 𝔣𝔞𝔥𝔞𝔪𝔞𝔯𝔦𝔫𝔞𝔫𝔞, 𝔫𝔶 𝔗𝔢𝔫𝔦𝔫𝔞𝔬 𝔫𝔬 𝔣𝔞𝔥𝔞𝔪𝔞𝔯𝔦𝔫𝔞𝔫𝔞. 𝔄𝔪𝔢𝔫𝔞

14/06/2026

FAMINTINANA NY TORITENY ANDROANY, ALAHADY 14 JONA 2026.

📖 Matio 28, 18-20
❓Tena iainan'ny fiangonana sy tanterahin'ny fiangonana ve ny asa izay ampanaovin'i Jesoa Kristy azy, araka izay ambaran'ny Perikopa eto?

👉 1) Mandeha ary manao mpianatra ny firenena rehetra
Rehefa lasa mpianatr'i Jesoa dia misy fepetra sy fitsipika ary fenitra arahina. Ny mahagaga anefa dia aty am-piangonana indrindra no tena misy ny fiainana gaboraraka fa zary lasa zioga ny fanarahana fitsipika. Tsy fiangonana ny fiangonana raha samy manao izay tiany fotsiny ny olona tsirairay avy fa tsy manaraka ny fitsipika iombonana mba hampirindra ny fiarahana manompo an' Andriamanitra.

👉 2) Manao batisa ho amin'ny anaran'ny Ray sy ny Zanaka ary ny Fanahy Masina
Fampidirana ny olona ho isan'ny vahoakan' Andriamanitra ny fanaovana batisa. Foto-kevitra no omen'i Jesoa, ary anjaran'ny fiangonana no manatanteraka izany. Tsy namaritra taona na toerana izy eto, fa ny nasainy natao dia ny hampidirana ny firenena rehetra ho ao amin'ny fanjakan' Andriamanitra.

👉 3) Mampianatra ny mba hitandreman'ny olona izay nandidian'i Jesoa azy
Irahina ny fiangonana mba hanao ho zava-dehibe ny zavatra ampianariny. Ny olona efa mahay no afaka mampita fahaizana amin' olon-kafa. Tsy misy afaka miala amin'izany izay rehetra mpanara-dia an'i Kristy. Tsy voatery ho fampianarana ara-bakiteny toy ny mahazatra no atao amin'izany fa fomba iray hanehoana izay nandidian'i Jesoa antsika ihany koa ny fitondrantena andavanandro.

Ho an' Andriamanitra irery ny voninahitra.

13/06/2026

⛅️MOFONAINA SABOTSY 13 JONA 2026
⛪ATOLOTRY NY FITANDREMANA FJKM AVARATR'ANDOHALO
✨ MANAPAKA AMIN'NY FAHEFANY NY TOMPO✨
📖 Salamo 72, 18-19 📖
18 Isaorana anie Jehovah Andriamanitra, Andriamanitry ny Isiraely; Izy irery ihany no manao fahagagana;
19 Ary isaorana mandrakizay anie ny anarany malaza; ary aoka ny tany rehetra ho henika ny voninahiny. Amena dia Amena.

🙏 ℜ𝔞𝔶 𝔐𝔞𝔰𝔦𝔫𝔞 𝔬 , 𝔪𝔞𝔫𝔞𝔪𝔞𝔰𝔦𝔫𝔞 𝔞𝔫𝔞𝔶 𝔞𝔪𝔦𝔫'𝔫𝔶 𝔣𝔞𝔥𝔞𝔪𝔞𝔯𝔦𝔫𝔞𝔫𝔞, 𝔫𝔶 𝔗𝔢𝔫𝔦𝔫𝔞𝔬 𝔫𝔬 𝔣𝔞𝔥𝔞𝔪𝔞𝔯𝔦𝔫𝔞𝔫𝔞. 𝔄𝔪𝔢𝔫𝔞

12/06/2026

🍁🍁 Andeha isika hahatsiaro am-bavaka ireo rehetra nanolo-tena hanompo an'Andriamanitra:

🙏🙏Fifaliana ho anay Jesoa Kristy Tompo ô, ny anisan'ny mpiara miasa Aminao. Na dia tsy mendrika aza izahay dia nantsoinao ho isan'ny mpanomponao, nofidianao sy nankasitrahan'ny fonao, ary nohamasininao tamin'ny alalan'ny Fanahinao Masina.
Mbola maro ny asa miandry sy haninarahanao anay, koa omeo anay ny hery ,tanjaka, fahasalamana , zotom-po, fahendrena hahafahanay miasa tsara ho Anao. Mivavaka izahay mba tsy ho mora kivy na hiraviravy tanana manoloana ny hasarotry ny fitaomana ny olona ho amin'ny fanjakanao. Ianao Jehovah efa niantso anay tamin’ny fahamarinana sy nitantana ny tànanay, ary hiaro anay ka hanome anay ho fanekena ho an’ny olona,ho fanazavana ny jentilisa, hampahiratra ny mason’ny jamba, hamoaka ny mpifatotra hiala ao an-trano-maizina ary izay mipetraka ao amin’ny maizina hiala ao an-trano famatorana, Ianao Jesoa Tompo ô no antsoinay hiaraka aminay amin'ny fanatanterahana ny asa fanompoana Anao ary aoka ny voninahitrao tsy homenao ny hafa. Amena.

12/06/2026

⛅️MOFONAINA ZOMA 12 JONA 2026
⛪ATOLOTRY NY FITANDREMANA FJKM AVARATR'ANDOHALO
✨ MANAPAKA AMIN'NY FAHEFANY NY TOMPO✨
📖 Isaia 42, 1-9 📖
1 [Ny amin'ny Mpanompon'i Jehovah, mpitondra famonjena ho an'ny Isiraely sy ny firenena rehetra] Indro ny Mpanompoko, Izay tantanako, dia Ilay voafidiko sady sitraky ny foko Napetrako tao aminy ny Fanahiko; Hamoaka fitsipika ho an'ny jentilisa Izy.
2 Tsy hiantsoantso Izy, na hanandratra ny feony, na hanao izay handrenesana ny feony eny an-dalana.
3 Tsy hotapahiny ny volotara torotoro, ary tsy hovonoiny ny lahin-jiro manetona; Hamoaka izay tena rariny tokoa Izy.
4 Tsy ho reraka na ho kivy Izy, Mandra-panoriny ny rariny amin'ny tany, ary ny nosy hiandry ny lalàny.
5 Izao no lazain'i Jehovah Andriamanitra, Izay nahary ny lanitra sy nanenjana azy, Izay namelatra ny tany sy ny vokatra avy aminy, Izay manome fofonaina ny olona eo aminy sy fanahy ho an'izay mandeha eo aminy:
6 Izaho Jehovah efa niantso Anao tamin'ny fahamarinana sy nitantana ny tananao, Ary hiaro Anao Aho ka hanome Anao ho fanekena ho an'ny olona, Ho fanazavana ny jentilisa,
7 Hampahiratra ny mason'ny jamba, hamoaka ny mpifatotra hiala ao an-trano-maizina ary izay mipetraka ao amin'ny maizina hiala ao an-trano famatorana.
8 Izaho no Jehovah, izany no anarako, ka ny voninahitro tsy homeko ny hafa, na ny fiderana Ahy ho an'ny sarin-javatra voasokitra.
9 Ny amin'ny zavatra taloha, dia indreo, efa miseho; Ary zava-baovao kosa no toriko izao; Na dia tsy mbola miposaka aza ireny, dia ambarako aminareo.

🙏 ℜ𝔞𝔶 𝔐𝔞𝔰𝔦𝔫𝔞 𝔬 , 𝔪𝔞𝔫𝔞𝔪𝔞𝔰𝔦𝔫𝔞 𝔞𝔫𝔞𝔶 𝔞𝔪𝔦𝔫'𝔫𝔶 𝔣𝔞𝔥𝔞𝔪𝔞𝔯𝔦𝔫𝔞𝔫𝔞, 𝔫𝔶 𝔗𝔢𝔫𝔦𝔫𝔞𝔬 𝔫𝔬 𝔣𝔞𝔥𝔞𝔪𝔞𝔯𝔦𝔫𝔞𝔫𝔞. 𝔄𝔪𝔢𝔫𝔞

11/06/2026

⛅️MOFONAINA ALAKAMISY 11 JONA 2026
⛪ATOLOTRY NY FITANDREMANA FJKM AVARATR'ANDOHALO
✨ MANAPAKA AMIN'NY FAHEFANY NY TOMPO✨
📖 Hebreo 3, 1-6 📖

1 Koa amin'izany, ry rahalahy masina, mpiombona ny fiantsoana avy any an-danitra, hevero ny Apostoly sy Mpisoronabe Izay ekentsika, dia Jesosy,
2 Izay mahatoky ny nanendry Ary, tahaka an'i Mosesy koa tao amin'ny tranon'Andriamanitra rehetra*. [Izahao Nom. 12. 7]
3 Fa Izy dia natao miendrika hanam-boninahitra noho Mosesy, araka ny ananan'ny mpanao trano voninahitra bebe kokoa noho ny trano nataony.
4 Fa ny trano rehetra dia samy nisy mpanao azy; fa Izay nanao ny zavatra rehetra kosa dia Andriamanitra.
5 Ary Mosesy dia mpanompo nahatoky tao amin'ny tranon'Andriamanitra rehetra, ho fanambarana izay zavatra mbola holazaina;
6 fa Kristy kosa dia Zanaka manapaka ny tranon'Andriamanitra; ary isika no tranony, raha hazonintsika mafy hatramin'ny farany ny fahasahiana sy ny firavoravoana momba ny fanantenana.

🙏 ℜ𝔞𝔶 𝔐𝔞𝔰𝔦𝔫𝔞 𝔬 , 𝔪𝔞𝔫𝔞𝔪𝔞𝔰𝔦𝔫𝔞 𝔞𝔫𝔞𝔶 𝔞𝔪𝔦𝔫'𝔫𝔶 𝔣𝔞𝔥𝔞𝔪𝔞𝔯𝔦𝔫𝔞𝔫𝔞, 𝔫𝔶 𝔗𝔢𝔫𝔦𝔫𝔞𝔬 𝔫𝔬 𝔣𝔞𝔥𝔞𝔪𝔞𝔯𝔦𝔫𝔞𝔫𝔞. 𝔄𝔪𝔢𝔫𝔞

FJKM, Fitandremana Avaratr’Andohalo

17/06/2026

17/06/2026

16/06/2026

15/06/2026

15/06/2026

14/06/2026

13/06/2026

12/06/2026

12/06/2026

11/06/2026

Address

Telephone

Website

Alerts

Contact The Place Of Worship

Shortcuts

Share

Category