Vaovao FJKM Fonohasina Firaisana

Vaovao FJKM Fonohasina Firaisana Pejy natao hanarahanao ny vaovaon'ny fiangonana FJKM Fonohasina Firaisana, SP Iarivo Avaradrano

ANIO, zoma 22 may 2026MIASA AO AMIN'NY MINO NY FANAHY MASINA 🥖📜I Mpanjaka 3, 26-28 26 Fa niteny tamin'n...
22/05/2026

ANIO, zoma 22 may 2026
MIASA AO AMIN'NY MINO NY FANAHY MASINA

🥖📜I Mpanjaka 3, 26-28

26 Fa niteny tamin'ny mpanjaka ravehivavy, renin'ny zaza velona satria nandevilevy ny fony noho ny amin'ny zanany ka nanao hoe: Tompokolahy Ă´, trarantitra ianao, omeo azy ihany ary ny zaza velona, fa aza dia vonoina re! Fa hoy kosa ny iray: Aoka tsy ho ahy tsy ho anao, fa zarao mihitsy. 27 Dia namaly ny mpanjaka ka nanao hoe: Omeo itsy ny zaza velona, fa aoka tsy hovonoina; fa io mihitsy no reniny.
28 Ary raha ren'ny Isiraely rehetra izany fitsarana nataon'ny mpanjaka izany, dia natahotra ny mpanjaka izy, satria hitany fa misy fahendren'Andriamanitra ao am-pony ho entiny mitsara.
Amena !

NY FAHENDRENA AVY AMIN'ANDRIAMANITRA
1- MAMPAHAFANTATRA NY MARINA
Ny Fanahin'Andriamanitra nitoetra tao amin'i Solomona no nahafahany nitsara marina. Na dia tsy nahita izay zavatra nitranga teo amin'ireto vehivavy niady zaza ireto aza izy dia hainy ny nitsara izany araka ny rariny sy ny fahamarinana. Notoloran'Andriamanitra saina
ny mpanjaka. Nino izy fa tsy hahatanty hamonoana Ilay zaza izay tena reniny. Ny olona iasan'ny Fanahy Masina dia manana fahendrena ka mahalala ny marina rehetra, eny fa na dia ny zava-miafina aza. Tsy hisy afaka hamitaka azy satria manome tolo-tsaina azy ny Fanahy Masina .

➡️ Aoka isika hangataka mba ho heniky ny Fanahy Masina mpanome hery , mpitari-dalana, mpanolo-tsaina,... mba tsy ho azon'ny olona fitahina.

2- MITONDRA VAHAOLANA
Nampitolagaga ny vahoaka sy ny firenena hafa ity fahaizan'ny Mpanjaka ity mitsara. Tsapan'ny olona fa misy fahendren'Andriamanitra tokoa ao anatiny. Fanahy mahay manavaka, mitondra ho amin'ny fahamarinana. Sambatra ny firenena raha toy izany ny toe-panahin'ny mpitondra rehetra: hanjaka ny fahamarinana, ho voahaja ny rariny sy ny hitsiny, satria misy fahatahorana an'Andriamanitra ao anatiny. Teto dia tsy vitan'ny na-
natahotra ny mpanjaka ny olona fa niaiky ny fananany fahendrena avy amin'ny Tompo.

➡️Ny Fanahy Masina dia manome zava-tsoa maro ho antsika, aoka izany hoentina hanaovana soa, hitondrana vahaolana ho an'ny hafa.
Tsarovy fa Izy no hampiteny sy hanolo-tsaina eo anatrehan'ny zava-tsarotra.
Amen.

Nirina Jarnys, Mpitandrina

ANIO, alakamisy 21 may 2026Jeremia 3, 1-5NY FIJANGAJANGANA DIA:👉 FAHALOTOANA MAHARIKORIKO AN'ANDRIAMANITRANambaran'And...
21/05/2026

ANIO, alakamisy 21 may 2026

Jeremia 3, 1-5

NY FIJANGAJANGANA DIA:

👉 FAHALOTOANA MAHARIKORIKO AN'ANDRIAMANITRA

Nambaran'Andriamanitra teto ny fahatezerany noho ny fijangajangan'ny olony, izay nohariny tahaka vehivavy mpijangajanga, izay tsy mahalala henatra intsony fa tena nandoto ny tenany tamin’ny lehilahy maro. Sarin'ny Zanak'Israely niodina tamin’Andriamanitra izany ka nanompo andriamani-kafa. Voaloto ny anaran'Andriamanitra, voahosy ny fahamasinany sy ny voninahiny, voaloto ny hasin'ny firenena amin’ny maha firenena masina azy, voaloto ny tany...

Ny olona mijangajanga dia sady mandoto ny tenany no mandoto ny fanahiny. Toetra maharikoriko an'Andriamanitra izany koa ialao. Ny fanompoan-tsampy dia fijangajangana eo anatrehan'Andriamanitra!

👉 MAHATONGA LOZA

Na dia efa nambara tamin’ny Zanak'Israely aza ny faharatsiany dia tsy mbola niova ihany izy, notohizany ihany ny faharatsiany. Loza no nihatra teo amin’ny firenena vokatr'izany. Nihantona ny orana, ka sahirana ny firenena. Tsarovy fa ny faharatsian'ny olona dia mahatonga loza eo amin’ny tany. Miantso antsika hibebaka ity teny ity, hiala amin’ny fijangajangana, na ara nofo na ara panahy. Tsy tian'ny Tompo ny mihatsaravelatsihy, mody miantso ny anaran'Andriamanitra ihany ny vava kanefa ny fahotana atao ihany!!! Mibebaha. Amen

Rajarison Volatiana, Mpitandrina

ANIO, alarobia, faha 20 may 2026MIASA AO AMIN'NY MINO NY FANAHY MASINA Sal 95.1-5/ Hira 18/ Vavaka/ Mofonaina/ Vavaka/...
20/05/2026

ANIO, alarobia, faha 20 may 2026

MIASA AO AMIN'NY MINO NY FANAHY MASINA
Sal 95.1-5/ Hira 18/ Vavaka/ Mofonaina/ Vavaka/ Hira 534
Efesiana 4. 1-4

1 Ary noho izany izaho, mpifatotra noho ny amin' ny Tompo, dia mangataka aminareo mba handeha miendrika ny fiantsoana izay niantsoana anareo, 2 amin'ny fanetren-tena rehetra sy ny fahalemem-panahy, amin'ny fahari-po mifandefitra amin'ny fitiavana, 3 mazoto mitana ny firaisana avy amin'ny Fanahy amin'ny fehim-pihavanana. 4 Iray ny tena, ary iray ny Fanahy, dia toy ny niantsoana anareo ho amin'ny fanantenana iray momba ny fiantsoana anareo; 5 iray ny Tompo, iray ny finoana, iray ny batisa, 6 iray Andriamanitra sady Rain’izy rehetra, Izay ambonin'izy rehetra sy manerana azy rehetra avy ao amin'izy rehetra.
Amena !

NY TOETRA TAKIANA AMIN'NY OLOM-BOAANTSO

1- FITONDRAN-TENA MENDRIKA NY FIANTSOANA:
Nisy ny fahasamihafana teo amin'ny Jiosy sy ny Jentilisa, hany ka zary samy nanao izay tiany hatao sy izay naharesy lahatra azy ny mpino. Niteraka fitondrantena hafahafa tsy mifanaraka amin'ny fiantson' Andriamanitra izany. Koa nampahatsiahivin'i Paoly fa ny olom-boantso dia tokony hiaina amin'ny fanetren-tena sy fahalemem-panahy, fahari-po, mifandefitra amin'ny fitiavana.

Izany hoe tsy amin'ny teny na vava fotsiny ny fanehoana ny fanekena ny antson' Andriamanitra fa aseho sy ijoroana vavolombelona amin'ny fomba enti-miaina manontolo mihitsy. I Jesoa Kristy no ohatra tsara halain-tahaka amin'izany.

2- MANKAMAMY NY FIHAVANANA:
Ahariharin'i Paoly fa iray ny tena ary iray ny Fanahy, ary toy izany koa no niantsoana ny mpino ho amin'ny fanatenana iray dia ny fiainana mandrakizay. Koa tokony hazoto hitana ny firaisana avy amin'ny fehim-pihavanana izy ireo. Iray ny Tompo, iray ny finoana koa tsy tokony hisy fomba na foto-kevitra hampisaratsaraka satria i Kristy no fihavanana. Ny devoly no mpampisaraka. Tsy tokony hanaiky saratsarahan'ny devoly ny olona fa hiombona sy hifankatia mandrakariva, araka ny didy nomen'ny Tompo hoe: "Didy vaovao no omeko anareo, dia ny mba hifankatiavanareo satria izany no hahafantaran'ny olona rehetra fa mpianatro ianareo".

Raha tena mpianatry ny Tompo tokoa isika dia tokony hankamamy ny fihavanana, ary handala sy hampanjaka ny firaisan-kina mandrakariva eo amin'ny fiarahamonina misy antsika, indrindra any am-piangonana.

Fanontaniana:
Tena mamkamamy fihavanana tokoa ve ianao ary manaiky ho mpampihavana?

Sampana Sekoly Alahady Foibe FJKM.

ANIO, talata 19 may 2026Lioka 2, 22-28Jesoa ao an-tempolyToko izay maneho ny fahazazan’i Kristy Jesoa ity toko faha-2 ...
19/05/2026

ANIO, talata 19 may 2026
Lioka 2, 22-28
Jesoa ao an-tempoly

Toko izay maneho ny fahazazan’i Kristy Jesoa ity toko faha-2 amin’ny filazantsara araka an’i Lioka ity. Ny teny voalahatra dia manambara ny amin’ny fitondrana an’i Jesoa tao an-tempoly tany Jerosalema. Ny Teny izany dia mitondra fahazavan-tsaina ho antsika ny amin’izay zava-misy entin’ny fitoeran’i Jesoa ao an-tempoly. Ambara eto fa JESOA AO AN-TEMPOLY DIA:

MANATANTERAKA NY LALÀNAN’ANDRIAMANITRA

Ambara eo amin’ny and. 23.24 fa nentina niakatra tany Jerosalema izy mba hatolotra ho an’ny Tompo araka ny voasoratra ao amin’ny lalànan’ny Tompo (…) ary mba hanatitra fanatitra araka izay voalaza ao amin’ny lalànan’ny Tompo. Teny mampahazava amintsika izao fa Jesoa ao an-tempoly dia mahatanteraka ny Lalànan’Andriamanitra. Eny, ny fiainany manontolo mihitsy no fahatanterahan’ny lalàna. Tonga niaina ambanin’ny lalànan’Andriamanitra Izy mba hanafaka tokoa isika rehetra izay eo ambanin’ny lalàna. Ankehitriny dia ambaran’ny Fanahy Masina amintsika fa isika tsirairay avy izay mino izao no tempolin’Andriamanitra. Jesoa ao anatintsika izany no hany iainantsika izany fahatanterahan’ny lalànan’Andriamanitra izany. Tsy hoe akory isika no lafatra nahatanteraka ny lalàna, fa noho i Jesoa velona ao anatintsika. Fahazavan-tsaina manitsy antsika izany tsy hirehareha fa hanetry tena tanteraka. Fahasoavana ao amin’i Kristy no ananantsika fiainana. Noho Izy dia hamarinina isika eo anatrehan’Andriamanitra. Tsy izay ataontsika, na vitantsika izany no mahamarina antsika fa noho i Jesoa irery ihany. Aoka tsy hirehareha amin’izay vitantsika satria tsy misy hamarinina amin’izany velively.

ANTOKY NY FAHATANTERAHAN’NY TENY FAMPANANTENANA

Ambaran’ny Soratra Masina eto fa i Simeona dia nampanantenain’ny Fanahy Masina fa tsy hahita fahafatesana raha tsy mahita an’i Kristy. Niandry fatratra izany tokoa izy ka dia nijoro ho marina sy mpivavaka tsara noho ny Fanahy Masina tao aminy. Asehon’ny fitantarana fa tsy namitaka ny Fanahy Masina satria tanteraka ny fampanantenana nomeny: hitany ny Mesia. Tsy fanantenana miankina amin’ny kisendrasendra na koa nofinofy noho izany ny fanantenana omen’ny Fanahy Masina fa tena azo antoka ary Jesoa ao an-tempoly no antok’izany fahatanterahan’ny Teny izany. Toky lehibe ho antsika rahateo izany. Marobe ny dokam-barotra na prôpagandy mampanantena zavatra tsara. Na dia misy tanteraka aza izy ireny dia matetika mandiso fanantenana. Ny Fanahy Masina kosa dia loharanom-panantenana azo antoka. Fanantenana mitondra fifaliana tena izy no omen’ny Fanahy Masina satria Jesoa no antok’izany. Isika izao no tempolin’Andriamanitra velona. Aoka ho i Jesoa no hitoetra eo anivontsika fa hanana fiadanana isika noho ny Antoka sy Toky izay asehon’ny fiainany.

Andriamatoa NIRINARIVELO Ando Fanomezana, Mpitandrina

ANIO alatsinainy 18 may 2026MIASA AO AMIN'NY MINO NY FANAHY MASINA« Nomery 11. 24 - 27 »FAMPIDIRANARy havana, mavesatr...
18/05/2026

ANIO alatsinainy 18 may 2026

MIASA AO AMIN'NY MINO NY FANAHY MASINA
« Nomery 11. 24 - 27 »

FAMPIDIRANA
Ry havana, mavesatra ny asan'Andriamanitra raha entina irery. Matetika isika no mety ho reraka sy kivy manoloana ny habetsahan'ny andraikitra. Ny tantara anio anefa dia mampiseho ny fomba fiasan'ny Fanahy Masina mitsinjara ny hery sy ny fanomezam-pahasoavana mba hifanampiana amin'ny fitondrana ny vahoakan'Andriamanitra.

NY FANAHY MITSINJARA NY ENTA-MAVESATRA
Fanazavana:
Nitaraina tamin'Andriamanitra i Mosesy noho ny hamafin'ny fitondrana ny Zanak'Isiraely. Ho valin'izany, dia nasain'i Jehovah nanangona fito-polo lahy tamin'ny loholona izy. "Dia nidina teo amin'ny rahona Jehovah ka niteny taminy, ary nangalany ny Fanahy Izay tao amin'i Mosesy ka napetrany tao amin'ny loholona fito-polo lahy". Vantany vao nilatsaka tamin'izy ireo ny Fanahy, dia naminany izy ireo. Ny tena mahagaga dia i Eldada sy Medada, izay nijanona tany an-toby fa tsy nankeny amin'ny trano-lay, dia nilatsahan'ny Fanahy ihany koa ary naminany tao an-toby izy roa lahy (And 26-27).

Lesona:
Miasa ao amin'ny mino ny Fanahy Masina mba hamorona fiaraha-miasa (travail d'Ă©quipe). Tsy voafetran'ny toerana ny asan'ny Fanahy (na tao an-trano-lay na tao an-toby dia samy nahazo). Rehefa mizara ny asany Andriamanitra, dia tsy mampihena ny herin'ny mpitarika (Mosesy) izany, fa vao mainka mampitombo ny isan'ny mpiasa hampandrosoana ny Fanjakany.

Fampiharana:
Amin'ny maha mpitondra fiangonana sy mpitory ny Filazantsara mankany ambanivohitra anao, dia aza mibaby irery ny vesatry ny asan'ny Tompo. Mivavaha mba hilatsahan'ny Fanahy Masina amin'ireo mpiara-miasa aminao sy ireo loholona eo anivon'ny fiangonana. Ny asan'ny Fanahy anio dia ny manangana olona hiara-misikina aminao hanamaivana ny asanao sy hanitatra ny fitoriana.

FAMARANANA
Ry havana, tsy irery ianao fa efa manomana mpiara-miasa ho anao ny Tompo. Avelao ny Fanahy Masina hizara ny fahasoavana amin'ny manodidina anao anio mba hiaraha-mientana. Amena.

Rakotoarijaona Lalaina Eric, Mpitandrina

Alahady 17 Mai 2026Alahadin'ny Sampana dorkasy "𝗠𝗜𝗔𝗦𝗔 𝗔𝗢 𝗔𝗠𝗜𝗡'𝗡𝗬 𝗠𝗜𝗡𝗢 𝗡𝗬 𝗙𝗔𝗡𝗔𝗛𝗬 𝗠𝗔𝗦𝗜𝗡𝗔"-----------✂️-----------Hafatry n...
17/05/2026

Alahady 17 Mai 2026

Alahadin'ny Sampana dorkasy

"𝗠𝗜𝗔𝗦𝗔 𝗔𝗢 𝗔𝗠𝗜𝗡'𝗡𝗬 𝗠𝗜𝗡𝗢 𝗡𝗬 𝗙𝗔𝗡𝗔𝗛𝗬 𝗠𝗔𝗦𝗜𝗡𝗔"

-----------✂️-----------
Hafatry ny tenin'Andriamanitra :
Epistily ho an'ny Filipiana
Ny mino hiasan'ny Fanahy Masina dia:
- mino miray hina ka tsy resim-pahavalo
(Fil 1: 27-28)
- mino manam-pinoana ka mahasedra'maharesy' fahoriana (Fil 1: 29-30)

Misaotra antsika rehetra niara-niombombaka anio.
Ho an'Andriamanitra irery anie ny voninahitra.

ANIO, sabotsy 16 may 2026Isaia 11. 1 - 5Ireo anarana samihafa iantsona ny Fanahy Masina sy ny vokatry ny fitoeran'ny F...
16/05/2026

ANIO, sabotsy 16 may 2026
Isaia 11. 1 - 5

Ireo anarana samihafa iantsona ny Fanahy Masina sy ny vokatry ny fitoeran'ny Fanahy Masina ao amin’ny olona no asongadin'Isaia mpaminany eto.

1) FANAHY MASINA = FANAHIN'I JEHOVAH, FANAHIN'NY FAHENDRENA SY NY FAHAZAVAN-TSAINA, FANAHIN'NY FAHALALANA SY NY FAHATAHORANA AN'I JEHOVAH.
Azo takarina avy amin'izany fa ny olona itoeran'ny Fanahy Masina dia: hendry, mazava saina, manam-pahalalana, matahotra an'i Jehovah ka mitandrina ny didiny sy manome voninahitra Azy. Jesoa Kristy Tompo no Ilay solofon'i Davida izay mitsimoka avy amin'ny fototr'i Jese voalaza eto fa hitoeran'ny Fanahin'i Jehovah. Marina taminy ireo voalaza ireo, sady hita tao Aminy ireo toetra maneho fa itoeran'ny Fanahy Masina Izy.

Fa mba manao ahoana kosa isika Kristianina ankehitriny izay mihevitra fa efa nandray ny Fanahy Masina sy itoeran'ny Fanahy Masina?

2)TSY HITSARA ARAKA NY HITAN'NY MASONY NY OLONA ITOERAN'NY FANAHY MASINA, FA HITSARA MARINA. Marina ara-bakiteny ny voalaza eto hoe: "Fahamarinana no ho fisikinany, ary fanahy mahatoky no ho fehin-kibony". Izany hoe: olona manao ny marina sy olona mandeha amin'ny fahamarinana ny olona itoeran'ny Fanahy Masina. Ary tsy izany ihany, fa olona mahatoky. Mahatoky= azo antoka, tsy mivadika, mitana ny teny sy ny fanekeny. Izany no vokatry ny Fanahy Masina miasa ao amin’ny olona itoerany. Hita tao amin’i Jesoa avokoa izany.

Fa mba manao ahoana kosa isika kristiana izay heverina sy mihevitra fa miasa ao amintsika ny Fanahy Masina? mandeha amin'ny fahamarinana ve isika? Manao ny marina ve isika ? Azo antoka ve isika ? Tsy mivadika ve isika ? Mitana ny fanekena nataontsika ve isika?

Maneke hiasan'ny Fanahy Masina Izay efa nomena antsika sy ao anatintsika. Miavaka ny olona manaiky tarihin'ny Fanahy Masina, fa sady hendry no mazava saina no manam-pahalalana. Ambonin'izany ny fahatahorana an'i Jehovah izay voaloham-pahendrena. Tsy azo afenina ny vokatry ny Fanahy, fa miseho miharihary. Amen!

Johasy Mpitily, Mpitandrina

Alakamisy 14 May 2026 - Andro niakaranaFanokanana mpandray ny Fanasan'ny Tompo : Andiany "MPANDRESY"Notarihin'ny Mpitand...
15/05/2026

Alakamisy 14 May 2026 - Andro niakarana
Fanokanana mpandray ny Fanasan'ny Tompo : Andiany "MPANDRESY"
Notarihin'ny Mpitandrina RASOLOFOMBOLANA Olivier (sous-délégué)

ANIO, zoma 15 may 2026 Kolosiana 3:1–4👉 Izay mino an’i Jesoa Kristy dia efa niara-maty sy niara-natsangana taminy, ka ...
15/05/2026

ANIO, zoma 15 may 2026
Kolosiana 3:1–4

👉 Izay mino an’i Jesoa Kristy dia efa niara-maty sy niara-natsangana taminy, ka tsy tokony hofehezin’ny fiainan’ny nofo intsony.
👉 Ny Fanahy Masina no mampiakatra ny saintsika hikatsaka an’i Kristy sy ny zavatra any ambony fa tsy ny zavatra ety an-tany.
👉 Rehefa miasa ao amin’ny mino ny Fanahy Masina dia ovainy hitovy amin’i Kristy ny fisainana sy ny fitondran-tena ary ny fiainana manontolo.

HAFATRA

👉 Rehefa miasa ao amintsika ny Fanahy Masina dia tsy hofehezin’ny asan’ny nofo intsony isika, fa hotarihina hanana fiainana mitodika amin’i Kristy.
👉 Ny olona izay feno ny Fanahy Masina dia haneho an’i Jesoa Kristy amin’ny fisainana sy ny fitondran-tenany ary ny fiainany manontolo.

FAMPIHARANA

✔ Omeo toerana hiasa ao am-ponao isan’andro ny Fanahy Masina amin’ny alalan’ny vavaka sy ny Tenin’Andriamanitra.
✔ Miezaha handà ny asan’ny nofo ary hanaraka ny fitarihan’ny Fanahy Masina, mba hanehoana an’i Kristy eo amin’ny fiainanao.

Randriatsilahy Tody, Mpitoriteny

Address

Antananarivo

Website

Alerts

Be the first to know and let us send you an email when Vaovao FJKM Fonohasina Firaisana posts news and promotions. Your email address will not be used for any other purpose, and you can unsubscribe at any time.

Shortcuts

Share

Category