Fiangonana Advantista Mitandrina Ny Andro Faha7 Ambohidroa

09/06/2026

08/06/2026

BOKY FANOMPOANA KRISTIANINA
FAMINTINANA NY TOKO 16: "HETSIKA FANITARANA NY FIANGONANA"

Ity toko ity dia hafatra mahery vaika avy amin'i Ellen G. White izay manohitra ny fomba fiasan'ny fiangonana mifantoka amin'ny tenany ihany, ary manolotra tetikady feno fahasahiana ho an'ny fitoriana ny Filazantsara. Ny hevi-dehibe dia mizara ho lohahevitra dimy (5) lehibe:

1. Ny Ozona entin'ny "Fitangoronana" ara-panahy

Ny fahalemen'ny fiangonana lehibe:
Rehefa mivangongo amin'ny toerana iray ny mpino (ohatra, any amin'ny tanàn-dehibe na manodidina ny foibe lehiben'ny fiangonana), dia miharatsy ny fahasalamany ara-panahy. Lasa mifantoka amin'ny olana anatiny, ny disadisa, ary ny fifanandrinana ny mpino fa tsy amin'ny famonjena fanahy intsony.

Sira mitoby:
Mampiasa ny fanoharana momba ny sira i Ellen White. Ny sira dia tsy misy lanjany raha mijanona ao anaty fitoerany fotsiny, fa tsy maintsy hafafy sy ampiarahina amin'ny sakafo vao mahasira. Ny fitangoronana dia mahatonga ny mpino ho kamo sy tsy hamokatra.

2. Ny Tetikadin'Andriamanitra:

Ny baiko "Handeha":
Ny drafitr'Andriamanitra ho an'ny fiangonany dia ny hiely patrana. Tsy nandidy ny mpino hipetraka amin'ny toerana iray i Jesosy. Tokony ho hita manerana ny faritany rehetra, na ny kely indrindra aza, ny mazava.

Ny lesona avy amin'ny tantara:
Isaky ny tsy nety niely ny vahoakan'Andriamanitra teo amin'ny tantaran'ny Baiboly, dia namela "fanenjehana" na toe-javatra sarotra Andriamanitra mba hanaparihana azy ireo (toy ny nitranga tamin'ny fiangonana voalohany tao Jerosalema). Tsara kokoa ny miely an-tsitrapo noho ny miely an-keriny.

3. Ny Fifindra-monina Misionera

Antso ho an'ny fianakaviana tsotra:
Tsy ny mpitandrina na ny evanjelista ihany no antsoina handeha, fa ny fianakaviana kristianina tsotra koa. Amporisihina ny tantsaha, ny mpandraharaha, ny mpanao asa tànana mba hamidin'izy ireo ny fananany any amin'ny toerana efa mivangongo mpino, ka hifindra any amin'ny tanàna na tany mbola maizina.

Fiofana amin'ny fiainana andavanandro:
Ny fomba fitoriana tsara indrindra any amin'ireny toerana vaovao ireny dia ny fiainana kristianina feno fahatsorana sy fahamarinana hita eo amin'ny asa andavanandro sy ny fifandraisana amin'ny mpiara-belona.

4. Ny Fananganana Trano Fiangonana Vaovao

Fizarana ny hery:
Raha tokony handany vola be hananganana trano fiangonana goavana be sy lafo vidy amin'ny toerana iray efa misy fiangonana, dia tokony hozaraina izany vola izany hananganana trano fiangonana madinika maro any amin'ny faritra mbola tsy nitoriana.

Fiangonana miteraka fiangonana:
Ny fiangonana velona dia ny fiangonana mahay mandefa ny mpino ao aminy mba hanorina fiangonana vaovao any an-toeran-kafa.

5. Ny Vokatry ny Hetsika eo amin'ny Mpino

Fifohazan-panahy ho an'ny tena manokana:
Rehefa miala amin'ny faritry ny fahazahoan'aina (Zone de comfort) ny kristianina ka miatrika ny fanambin'ny fitoriana, dia voatery mivavaka bebe kokoa, mandalina ny Baiboly, ary mitoky tanteraka amin'Andriamanitra. Izany no fanafody lehibe indrindra manasitrana ny fahalemen'ny finoana.

Ny fahavononana amin'ny fiavian'i Kristy:
Ity hetsika ity dia fitaovana hanafainganana ny fitoriana ny Filazantsara maneran-tany mba hahatongavan'ny farany sy ny fiavian'i Jesosy Kristy.

06/06/2026

🌿 Nanao ahoana ny Sabatanareo androany? 😇

Manantena izahay fa samy nandray fitahiana sy hery vaovao avy tamin’Andriamanitra isika rehetra androany. 🥰

📖 Andao ary hifampizara teny fikasana sy andininy mampahery izay nanohina ny fontsika!

✨ Inona ilay andininy na teny fikasana ao amin’ny Baiboly tena mampahery anao amin’izao fotoana izao?

💬 Zarao ao amin’ny fanehoan-kevitra (commentaire) izany, fa mety ho ilay hafatra ilain’olona iray indrindra amin’izao andro izao.

🌸 “Mifampahereza ary mifampahatanjaha, tahaka ny ataonareo ihany.” — 1 Tesaloniana 5:11

🙏 Andao hiara-hampiely fanantenana sy hampahery ny hafa amin’ny alalan’ny Tenin’Andriamanitra. ❤️

03/06/2026

✨ HENANY, INTY AHO 😇✨

🌸 10 andro fiaraha-mivavaky ny vehivavy 🌸

Miaraka amin’ny lohahevitra manokana sy manankery isan’andro, dia manasa antsika vehivavy rehetra hiara-hivavaka sy hanovo hery ao amin'ny Tenin'Andriamanitra

🕕 isaky ny hariva amin'ny 6 ora ka hatramin’ny 7 ora
📍 Fiangonana Advantista Mitandrina ny Andro Fahafito Ambohidroa

💖 Fotoana iray hanamafisana ny finoana, hanavaozana ny fifandraisana amin’Andriamanitra ary handraisana fitahiana ho an’ny fiainana andavanandro.

📖 Andro voalohany: “Antso feno fitiavana”

Tongava maro, asao ny manodidina antsika tsirairay avy!

31/05/2026

✨💐 Journée Pastorale 2026 💐✨

Tena feno fitahiana sy zava-tsoa ny Sabata 30 May teo ho an’ny Fiangonana Advantista Mitandrina ny Andro Fahafito Ambohidroa. 🥰

🙏 Nandritra ny fanompoam-pivavahana maraina dia nitondra hafatra mafonja sy nanan-danja ny Raiamandreny Pasitora David Olivier, avy ao amin’ny "departement Aumônerie" FMC. Nandritra izany ihany koa no nanolorana mari-pankasitrahana ireo mpikambana eto anivon'ny distrikan'Ambohidroa, ao amin’ny sampana Asa Fanaovan-tsoa (service communautaire), ho fankasitrahana ny fanoloran-tenan'izy ireo eo amin’ny fanompoana. 🫡

🕊️ Ny tolakandro kosa dia voamariky ny fitsofan-dranon-jaza sy ny fanoloran-tena tamin’ny alalan’ny batisa, izay nandraisana fanahy 11 ho isan’ny ankohonan’Andriamanitra. Fotoana feno hafaliana tokoa izany. 🤗

💝 Satria moa Journée Pastorale no nankalazaina, dia nisy ny fiarahabana sy fanehoam-pitiavana manokana ho an’ny Raiamandreny Pasitora RAKOTOARIJAONA Vola sy ny ankohonany. Nisy ny fanolorana fanomezana avy amin’ny distrikan’Ambohidroa sy ireo mambra tsirairay avy, ho mariky ny fankasitrahana sy ny firaisankina eo amin’ny fiangonana sy ny mpitarika azy. 😇

🌷 Nifanojo tamin’ny fankalazana ny Fetin’ny Reny ihany koa izany, ka nandray anjara tamin’ny fanomezam-boninahitra ireo reny ny MINENF eto amin’ny distrika tamin’ny alalan’ny hira, kabary ary ny fanolorana karatra mirakitra firariantsoa sy fankasitrahana. 😘

⛪ Araka ny hita amin’ireo sary, dia mihamaro hatrany ireo mpivavaka ka efa manomboka tery ny toerana, indrindra amin’ireo fotoana lehibe iarahan’ny distrika mivory. Noho izany dia ao anatin’ny vina sy tetikasa "MANORINA HO FAMITANA NY IRAKA" ny fanavaozana sy fanitarana ny trano fiangonana mba hahafahana mandray bebe kokoa ireo mpino sy ireo liana amin’ny Tenin'Andriamanitra. (Mbola ho velabelarina amintsika miandalana eto ny mikasika izany.)
🤝 Koa raha misy manam-paniriana hanohana na handray anjara amin’ity tetikasa lehibe ity isika, dia afaka mifandray mivantana amin’ny Raiamandreny Pasitora RAKOTOARIJAONA Vola.

🙏 Voninahitra anie ho an’Andriamanitra irery ihany, Izay tompon’ny asa sy mpampitombo ny fiangonany. ✨

31/05/2026

🌷 Miarahaba sy mankasitraka ny Reny rehetra! 🌷

Amin’izao andro manokana ankalazana ny Reny izao dia mirary soa sy manolotra fankasitrahana feno ho anareo Reny rehetra izahay. 🥳💐

💖 Miarahaba manokana an’i Madame Pasitora Pejin'i Faniha, izay reny mpiahy sy mpanohana akaiky ny distrikan’Ambohidroa. Mankasitraka ny fitiavana, ny fanoloran-tena ary ny fikarakarana ataonao ho an’ny fiangonana sy ny rehetra izahay.

🙏 Ilay Andriamanitra namorona sy nanendry anareo ho reny, feno fitiavana sy fiaretana, anie hitahy sy hiaro ny fiainanareo isan’andro. Homeny hery sy fahendrena hatrany anie ianareo eo am-panatanterahana ny andraikitra masina napetrany eo an-tananareo.

🏡 Ho feno fifaliana, fiadanana ary fifankatiavana anie ny tokantrano tsirairay misy anareo. Ary ho valian’Andriamanitra fitia sy hasambarana mandrakariva anie ny fitiavana sy ny sorona ataonareo ho an’ny ankohonanareo sy ny manodidina.

📜 Ary hoy ny Soratra Masina:

"Hery sy voninahitra no fitafiany, ary ny andro ho avy dia ihomehezany (itsikiany). Manokatra ny vavany amin'ny fahendrena izy, ary ny lalàn'ny famindrapo no eo amin'ny lelany... Ny zanany mitsangana ka midera azy hoe sambatra, ny lahy koa mitsangana ka midera azy..."

_Ohabolana 31:25,26,28

✍🏼Indro tononkalo fohy no atolotray eto amin'ny ny sampana fifandraisana Ambohidroa ho anareo:

"Ny fitiavan'i neny ? toy ny voninkazo
Mamerovero ato am-poko, tsy mety malazo
Manatsara ny fiainako, isan'andro isan'andro
Na maraina na hariva, na alina na atoandro
Na mandalo aza ny fotoana, ny fitiavany tsy miato
Mamelombelona ny foko, tena zato isan-jato"

(_Oniala)

🌹 Tratry ny fetin’ny Reny!
Ho tsapanareo mandrakariva anie fa sarobidy eo imason’Andriamanitra sy eo am-pon’ireo tianareo ianareo. 💕🙏