Harambaton-Kevitra Faha 60 Taona

27/07/2021

ROJOM-BAVAKA 24 ora tsy miato ho an'i MADAGASIKARA, hotanterahana @ alalan'ny Zoom. Manomboka ny Zoma 30 jolay @ 6 ora hariva ka hatramin'ny Asabotsy 31 jolay @ 6 ora hariva. Anasana ny Kristiana rehetra tsy an-kanavaka. Malagasy maneran-tany no efa mandray anjara (Madagasikara, France, Belgique, Russie, Liban, Etats-Unis, Canada...).
🙏🌿🇲🇬🍀
Zoom
ID de réunion : 837 1657 1046
Code : 612741

29/05/2021

29/05/2021

“Ny famindrampon’i Jehovah no tsy mahalany ritra antsika, fa tsy mitsahatra ny fiantrany. Vaovao isa-maraina izany ;lehibe ny fahamarinanao.
Jehovah no anjarako, hoy ny fanahiko, ka dia hanantena Azy aho.” (Fitomaniana 3.22-24)

Tao anatin’ny vanim-potoana faran’izay mangidy no nisy
an’i Jeremia sy ny zanak’Israely teto – taona 586 talohan’i Jesosy Kristy - voadidon’ny Babyloniana ny tanànan’i Jerosalema, izaynobaboina ; nalefa sesitany ny ankamaroan’ny jiosy nohon'ny fahotany sy ny fikomiany, araka izay efa nampitandreman’ny Tompo azy ireo mialoha.
Mivaingana ny zava-nisy :mitondra fahoriana ny fikomiana amin’ Andriamanitra !
Ho an’i Jeremia manokana, dia mbola nizàka ny mafy indrindra koa izy ,satria nobantiana ary nenjehin’ireo mpiray tanindrazana aminy … jereo ange ny fitantarany ny zavatra niainany e! : “ noviraviraina aho” (and.11), “novokisany zava-mangidy” (and.15), “ny fahoriako, ny fanjenjenako” (and.19).
Na teo aza izany ady mafy nandalovan’i Jeremia izany, dia nifikitra hatrany tamin’Andriamanitra izy ;
Eto indrindra no ahazoantsika lesona sy fampaherezana lehibe :tsy niova ny fahatokiany nyTompo fa vao maika nihanàka toerana aza izany. Hoy izy : “HanantenaAzyaho” (and.21)…nikiaka mihitsy izy hoe “Jehovah no anjarako” (and.24)

Ohatra sarobidy no omen’i Jeremia antsika :ao anatin’ny ady sarotra (valan’aretina, fivelomana tsizarizary…) mbola afaka mitoky amin’Andriamanitra isika ; marina fa teo ny tsy fahatanterahana, ny fahotàna, saingy tsy miova ny fitiavany : “vaovao isa-maraina ny famindrampony” (and.23)
Tany amin’ny hopitaly Village Voara nandritra ny fotoana lavalava izahay mivady, satria tratry ny covid ny vadiko…tsy afaka nivoaka ny hopitaly koa ny tenako, satria nisy ny fepetra napetraky ny tompon’andraikitra hoe tsy mahazo mivoaka, sao mamindra aretina…nahita isan’andro ny olona marary manodidina ary maty nohon'ny tsy fahampian’ny oxygène. Teo indrindra no nahitànay ny hasarobidin’ny fiankinana amin’ny Tompo : “Jesosy ô, mamindrà fo aminay!” .
Isaoranay nyTompo, fa sitrana soa aman-tsara ny vadiko ;ary na dia niatrika ady mafy aza izahay tao amin’ny hopitaly, dia afaka nitarika fivoriam-bavaka tao amin’ny Bloc nisy anay, isaky ny tamin’ny telo ora tolakandro… nitondrafampaherezana ho an’nyrehetrataoizany, teo raha teo ireo vaky vava namoaka ny fifaliany, vokatr’izany , hany ka lasa nisy firahalahiana be tao amin’ny Bloc nisy anay.
Manana izay fomba hitondràny ny tsirairay ny Tompo :tsy voatery hitovy izany, na izay fomba efa mahazatra antsika… Tsia ! “Tsy mitsahatra ny fiantrany” (And.22)
Hampahery antsika anie Izy ! … Ho Azy irery ny voninahitra !

Rakotolehibe Mamy

25/03/2021

MAHAZO MANAO POLITIKA VE NY KRISTIANA?
io indray no lohahevitra ho resahantsika amin'ny Sabotsy alina ho avy izao, amin'ny sivy ora latsaka fahefany ao amin'ny REAL TV miaraka amin'ny Mpitandrina Luidgi Michael ANDRIANARIJAONA, anisan'ny mpiandraikitra ny fanompoam-pivavahana amin'ny teny vahiny FLM Ambolokandrina-Ankatso sy
Andriamatoa RAVALISON Rijamalala Mamy,Filohan’ny Komitin’ny Fiainam-pirenena eo anivon’ny Foibe F.J.K.M.
Izy ireo dia misolo tena ny Vovonana Politika ao amin'ny Hetsika Fampiraisana Kristiana ho an'ny Firenena sy ny Harambaton-kevitra
Azonao atao ny manaraka mivantana ny fandaharana amin'ny pejin'ny Real TV
Koa manasa anao hanaraka izany hatramin'ny farany

11/02/2021

Ho vahinin'i GASCAR Fenosoa anio alakamisy 11 febroary 2021 @ 8 ora sy 45 min alina ao @ Fandaharana ༺L’INVITE DU JOURL༻: i Pasteur RASOLOFOTIANA - Filohan’ny Misiona FMTA Mpitandrina FMTA Antranombiriky Foibe AMBATONAKANGA - HFKF.

Arahanao mivantana ao @ Canal TV 30UHF/543.25Mhz, ny Onjampeo Real94 FM, ny WEB Radio Real FM ary eto @ Pejy Facebook Real TV Madagasikara aorian'ny fampahalalam-baovao.
Anasàna anao hanaraka izany.

11/02/2021

Manasa antsika hanaraka ny fandaharana L'Invite du Jour anio amin'ny sivy ora latsaka fahefany alina izay hiarahana amin'ny mpitandrina RASOLOFOTIANA

Ho vahinin'i GASCAR Fenosoa anio alakamisy 11 febroary 2021 @ 8 ora sy 45 min alina ao @ Fandaharana ༺L’INVITE DU JOURL༻: i Pasteur RASOLOFOTIANA - Filohan’ny Misiona FMTA Mpitandrina FMTA Antranombiriky Foibe AMBATONAKANGA - HFKF.

Arahanao mivantana ao @ Canal TV 30UHF/543.25Mhz, ny Onjampeo Real94 FM, ny WEB Radio Real FM ary eto @ Pejy Facebook Real TV Madagasikara aorian'ny fampahalalam-baovao.
Anasàna anao hanaraka izany.

08/02/2021

KRISTIANA MALAGASY MAMBOLY FIAINANA( Kristiana MA.MA.FI)

Ho anao Ray, Renim-pianakaviana taomy ny ankohonanao,andao ho beazaina ho tia tontolo iainana ny zanantsika
Ho antsika fiangonana,fikambanana,sekoly,orinasa andao haneho firaisan-kina hiaraka HAMBOLY FIAINANA,HAMBOLY ALA
Na efa nanao sy mbola hanao aza ny fiangonana na fikambanana misy anao dia tsy maninona fa amin'io andao hatao ANGAREDONA ny fambolena ala eny TSINJONY AMPANGABE (PK30,RN7)
Mitondra sakafo atoandro sy voa ho afafintsika eny.Koa AZA ARIANA NY VOAn'ny sakafo (voam-boatabia,voam-boatavo, sns) fa ento amin'io fotoana io.
Fisoratana anarana ho antsika rehetra izay handeha ( na handeha fiara iombonana na hitondra fiara manokana): Institution Marthe Hervee 67ha ,na koa mandefa SMS amin'ny laharana 034 70 838 20
TONGAVA MAROBE
HO AN'NY TOMPO-HO AN'NY FIRENENA

06/01/2021

Jaona 20.21 (2021)
''Ary hoy indray Jesosy taminy: Fiadanana ho anareo; tahaka ny nanirahan'ny Ray Ahy no anirahako anareo kosa''
Faly miarahaba anao tratra izao taona vaovao 2021 izao! Ho marina amintsika amin'ity taona ity anie io Jaona 20.21 io.
Ny Hetsika Fampiraisana Kristiana ho an'ny Firenena sy ireo mpiaramiombonantoka rehetra dia faly manasa anao ho tonga amin'ny fifampiarahabana tratry ny taona vaovao ny zoma 8 Janoary izao amin'ny 2 ka hatramin'ny 5 ora hariva etsy amin'ny LE PAVE Antaninarenina .
Hifampizara indrindra ihany koa isika ny vokatra sy ny vinanasan'ny HARAMBATON-KEVITRA amin’io fotoana io.
Ho fandaminana dia iangaviana indrindra ianao hanamafy ny fahatongavanao anaty hafatra miafina na amin'ny laharana 0347083820
Mandram-pihaona tompoko

26/12/2020

Mbola mitohy ny fanangonan-kevitra ho fananganana ny HARAMBATON-KEVITRA HO AN'NY FAHA 60 TAONA,MARO TOHANAN'NY MARO
Ho antsika eto MAHAJANGA indray izao no hanao izany
Ilazao ny hafa mba ho tonga Maro isika amin'io fotoana io