OFS Fraternité Nationale-Madagascar

21/05/2026

** Hoan’ny Mpifidy :
- (2) Ministre Rezionaly OFS Voalohany sy Faharoa na Formateur.
- (1) Ministre Fraternité mijoro ara-dalàna I na II na Formateur.
- (1) Ministre Voalohany Biraon’ny Diosezy OFS
+ (2) Assistant National ofm sy ofm-cap.
** sy hoan' ireo OFS Observateurs / Mpijerijery afaka manatrika fa tsy mifidy.

Réf. : 004 /MN/ OFS – 026
Antony : FIANTSOANA FANATREHANA CHAPITRE NATIONAL ELECTIF 2026

Fiadanana sy Hafaliana !
Ho tanterahina any Mahajanga ny « Chapitre Nasionaly électif », izay hanavaozana ireo birao mandrafitra ny filankevitra nasionalin’ny OFS eto Madagasikara, noho izany dia miantso anao hanatrika izany izahay.

Toy izao ny andinindininy :

v Lohahevitra : “ Ny OFS dia mpitondra hafaliana lavorary, ka aoka amin’ny zavatra rehetra mitranga, mba hiezaka hitondra hafaliana sy fanantenana amin’ny olona rehetra”. (Fitsipi-piainana andininy 19)

v Fotoana : 18 juin 2026 hariva ny fahatongavana – 21 juin hariva ny fodiana na 22 juin
v Toerana : Mahajanga ao amin’ny CENTRE D’ACCUEIL PETIT SEMINAIRE SAINT PAUL – MAJUNGA BE
v Fandraisana anjara péréquation mitovy : saran-dalana 145 000 + vatsy 75 000 ariary = 220 000 Ariary isan’olona.
v Samy mitondra fitaovam-pihinana sy fidiovana ary izay zavatra na fanafody ilainy manokana ny tsirairay.

MARIHINA fa:

· Solontena 2 Isaky ny Birao rezionaly ary Ministre Birao Diosezy sy Fraternité 1 mijoro ara-dalana no antsoina hifidy.
· Tsy afaka manatrika ny fifidianana ireo izay tsy tonga eo am-panombohana ny chapitre.
· Raha tsy afaka ny mpanompo Voalohany sy Faharoa dia manendry mambra ao anaty birao izy ireo manatrika ny chapitre rehefa mitondra ny taratasy fanolorana avy amin’ny mpanompo voalohany.
· Izay efa niaina ny Velirano Mandrakizay nandritra ny 10 Taona ary tsy misy sampona ara-tsakramenta no afaka atolotra ho candidat ho Minisitra Nasionaly araka ny Sata and. 69.
· Ny birao am-perin’asa dia candidat avy hatrany amin’ny fifidianana, afa-tsy ireo nahavita mandat tamin’ny andraikitra iray ka nahavita andraikitra in-droa.
· Manolotra candidat ho mpifaninana ho fidina ao anatin’ny biraon’ny Filan-kevitra Nasionaly iray avy (1) fara-faha-keliny ny isaky ny Faritra sy ny Diosezy ary ny Fraternité.
· Ireo mpifaninana (candidat) tsy afaka manatrika ny chapitre electif nasionaly (tsy manan-jo hifidy) dia sokajiana ho mpijerijery (observateur).
· Ireo tsy nahazo fanasana hanatrika ny chapitre nefa tonga dia sokajiana ho mpijerijery (observateurs) ary manao fandraisana anjara toy izao : Vatsy 100 000 Ariary amin’ny fanatrehana ny chapitre national Electif ary miantoka ny saran-dalany mandroso sy miverina.
· Ireo nahazo fiantsoana manokana izay sokajiana ho mpijerijery (observateurs) dia mandray anjara : 80 000 Ariary amin’ny fanatrehana ny chapitre national Electif ary miantoka ny saran-dalany mandroso sy miverina.
· Ny taratasy fandrotsahana ho fidiana miaraka amin’ny Curriculum Vitae pastoraly dia alefa aty amin’ny Foibe Nasionaly na alefa amin’ny mailaka OFS : [email protected] alohan’ny Zoma 12 Jiona 2026 amin’ny 12 ora atoandro.
· Aoka hilaza mialoha raha toa ka ho tonga mialohan’ny 18 Jiona ny mpizaika, ary anjaran’izay tonga alohan’ny le 18 jiona hariva no miantoka sy manefa ny saran-toerana hatoriany sy ny sakafony amin’izay.
Dia mirary soa ho antsika rehetra hahavita be eo amin’ny sahan’ny Tompo, homban’ny Vavak’i Masina Maria Virjiny, Md François sy Mb Claire avy any Assise, Md Louis sy Mb Elisabeth avy any Hongrie ary ny Olontsambatra Lucien Botovasoa.
Fianarantsoa, faha-19 May 2026

Ny Minisitra Nasionaly ofs,
RAFARALAHY Hermann

28/04/2026

Fiadanana sy Hafaliana !

Hanao fivorian’ny birao filankevitra nasionaly ny JeFRA sy Fioretti (CONSEIL NATIONAL) ny 14-15-16-17 Mai 2026 izao, izay hatao ao amin’ny Village Md François - CLB Andrainarivo/ Antananarivo.
Angatahina amintsika filohan’ny faritra rehetra (Pdt Région) ny handefa ny tatitra avy aminareo aty amin’ny Filoha 1 sy faha-2 (Zoky David sy Zoky Donny) alohan’ny 14 Mai 2026 izao.
Ireto avy ny no ataonareo anatin'izany tatitra izany :
1- Ny anaran’ireo Mpikambana ao anatin'ny biraon’ny faritra + contact … /
2- Ny isany Mpikambana rehetra : Mpijerijery, Vita Dingana firosoana, Fanomezan-toky /
3- Ny zavatra vita/ Ny zavatra mbola hatao (VINA)/ Ny olana misy ary Vahaolana arosonareo (proposition).
Misaotra antsika ihany koa mitondra am-bavaka mba ho tontosa soa aman-tsara ny kasaina rehetra.🙏
Ny Birao filankevitra nasionaly JeFra sy Fioretti

16/04/2026

•FAMPATSIAHIVANA SY FANENTANANA ANTSIKA HOAN'NY FIFANINANAN-KIRA FANEVA araka ny fepetra voalaza eo ambany :

Fiadanana sy Hafaliana eh !

** Fisokafan’ny fifaninanan-kira mivoy ny Pakan’i Md François, izay hatao hira faneva, amin’ny maha Jobily lehibe ny taona 2026. Ireto avy ny fepetra amin’izany :
1. Lohahevitra : Ny Pakan’i Md François,
2. Halavan’ny hira sy ny feonkira manontolo : 4 min,
3. Mora raisina sy mora hiraina, misy refrain,
4. Ireo mahazo mandray anjara : isika fianakaviam-be fransiskanina rehetra,
5. Fara-fanaterana ny sangan’asa: ny 16 Mey 2026.

Manantena atsika haizay maro manana talenta any amin'ny faritra ireo mba samy hamorona hira tsara ho "meilleure chanson" dia mba ho reraka ireo mpitsara azy aty Antananarivo amin'izay an😆 Matoky anareo ato anaty Fianakaviambe Fransiskanina izahay. 🙏

Ny rahalahinareo OFS
Alefa à à à 👍🎧🎼🎹

16/04/2026

Ity ny Parite II tamin'ilay Fandaharana mikasika ny tantaran'i Olts BOTOVASOA - Mazotoa mijery eh 🙏

16/04/2026

Fiadanana sy Hafaliana eh ! Mahafaly anay ny mizara aminareo eran'ny NOSY ilay fandaharana fampahafantarana ny tantaran'i Zokibentsika OFS Olts Botovasoa, tamin'ny IBC ny alahady 12 Avril nankalazana ny Famindrampon'Andriamanitra iny. Aza hadino ny manaraka ny fandaharana ao amin'ny RDB anio hariva amin'ny 16h sy Asabotsy izao indray fa mahafinaritra e. Misaotra anareo Rahalahy sy Tanora ary ny Ekipan'ny IBC tamin'ny fiaraha-miasa ho Voninahitr'Andriamanitra irery ihany🙏

14/04/2026

Fiadanana sy Hafaliana !
Ankatoky ny fankalazana ny fetin’i zokintsika olts Botovasoa Lucien isika izao.
Koa manolotra ireto ny karazana vavaka iombonana ireto ny « Formateur Nasionaly OFS » mba hiombonantsika rehetra sy handraisana fahasoavana :
1. Sorona Masina
2. Office miaraka amin’i olts Botovasoa Lucien
3. Couronne franciscaine miaraka amin’ny olts Botovasoa Lucien
NB. : Lay couronne franciscaine miaraka amin’ny Hafatra Lucien Botovasoa olts sy ny famintinana ny tantarany.
Hitalaho ny Fanahy Masina mba ho vita ny adoration miaraka amin ny Olts Lucien Botovasoa.
Masina Maria virijiny sy Botovasoa Olts anie hivavaka ho antsika, homban ny Fahasoavan’Andriamanitra hatrany. 🙏
* Raha tsy mahita ny Pièces jointes en PDF eto ianao dia jereo any amin'ny MP : PAIX et JOIE TOUS ... misy azy ireo tompoko.

Ny Rahalahinareo OFS

Send a message to learn more

09/04/2026

Fiadanana sy Hafaliana eh !

Ho antsika rehetra mahita ny Pub eto dia asaina avokoa hanaraka ny fahitalavitra na page Facebook an’ IBC sy Radio Don Bosco izay iarahan’ireo JeFRA sy VPKT hampita amintsika ny tantaran’Olontsambatra Lucien BOTOVASOA, ary hiombom-bavaka amin’ny fanomanana ny JMJ Mada XI hatao any TOAMASINA na TAMATAVE amin’ny taona 2027 :
- Télévision IBC : Fandaharana « ILE DE FOI » ny Alahady 12 avril 2026 izao amin’ny 11h atoandro.
*** Miaraka mivavaka koa isika hoan’ny FANAMASINANA HO EVEKA an’i Frera Landry RASAMISON (ofm-cap) any Seychelles, mba ho vita soamantsara izany ka homeny ny Fahamasinana sy fahasoavana ary famindrampo isan’andro ho entiny mitondra ny Ondrin’Andriamanitra.
*** Tsaroantsika am-bavaka ihany koa isaky ny Alahadin’ny FAMINDRAMPO, ny RAY AM-PANAHINTSIKA i P. Pascal de GASPERIS (ofm-cap) izay mpiahy antsika Lahika Fransiskanina teto Madagasikara, fony fahavelony. Hivavaka ho antsika hatrany koa anie izy ary ho sambatra mandrakizay eo ankavanan’Andriamanitra.
- Radio RDB : ny alakamisy 16 avril, Vavaka maraina amin’ny 5h30 sy Onjam-panahy amin’ny 4 ora hariva.
- RDB : ny asabotsy 18 avril 2026, Raozery Masina amin’ny 20h Alina.
Samia ho tahin’Andriamanitra,🙏

Ny Rahalahinareo OFS

NB. : Fananan'ny Média ny horonan-tsary ka sarotra ho antsika ny manana azy, fa samia manaraka ao anaty IBC en ligne angamba hoan'ilay nangataka iny. Ny tantaran'i Lucien Botovasoa ao anaty fichier an-tsoratra no ananantsika sy efa amidy amin'ny Librairie ireny. Mankasitraka tompoko.

09/04/2026

Fiadanana sy Hafaliana ! Mitondra ambavaka ny Fanamasinana ho Eveka an'ity Fianakaviantsika Fransiskanina Malagasy ity isika rehetra🙏🏻

Ho tanterahina ny Alahady 12 Aprily izao ny fanamasinana ho Eveka an'i Mgr Landry Rasamison mandritry ny Sorona Masina izay atao ao amin'ny Domus Garden Victoria Seychelles.
Ny 21 Febroary lasa teo no voatendry ho Evekan'ny Diosezin'i Port Victoria ao Seychelles ity Relijiozy Malagasy avy amin'ny Fikambanana OFMCap ity

08/04/2026

Fiadanana sy hafaliana ! Joyeuses Pâques aby :
Taona 2027 no hanaovana ny JMJ Mada X any Toamasina. Mitohy noho izany ireo vavaka ho fiomanana amin’izany andro lehibe amin’ny finoana izany. Isam-bolana dia mandinika ny tantaran’Olomasina sy Olontsambatra iray, ka amin’ity volana AVRIL ity dia i Lucien BOTOVASOA no Olontsambatra hodinhiantsika. Koa asaina am-pitiavana isika rehetra hanaraka ny tantaran’i Olontsambatra Lucien B. Izany ny alahady 12 Avril ankalazantsika ny Famindrampon'Andriamanitra izao amin’ny fandaharana ILE DE FOI ao amin’ny fahitalavitra IBC miaraka amin’ireto JEFRA sy tanora avy ao amin’ny Vovonam-Pirenena Katolikan’ny Tanora, hiombom-bavaka ihany koa ho amin’ny fanomanana ny JMJ Mada X Ary indrindra MBA ho voatsagana ho Olomasina i Zokibentsika OFS eto Madagasikara io, fa tohizo ny vavaka totoafo🙏🏻 . Ilazao ny namana mba samy hahita sy handray fahalalana e❤️💐💫

31/03/2026

Fiadanana sy Hafaliana !
Isaorana isika rehetra eran’ny NOSY tamin’ny fandraisana anjara ary nandefa solontena tamin’ny VISITE CANONIQUE nataon’ny birao filankevitra Nasionaly tamin’ireo toerana 6 nangatahinay, ny 14 fév. hatramin’ny 1er Avril 2026.
Isaorana ianareo toerana nandray ny mpizaika niaraka tamin’ny Birao rezionaly, ianareo Assistants nasionaly mirahalahy, Assistants rezionaly sy Locaux tsy an-kanavaka, niara-dia sy nahatontosa izany : enga anie Andriamanitra manankarena fahasoavana hamaly Fitia anareo ka hitondra vokatsoa sy fahavononana hoan’ny tsirairay ny hafatra sy fampianarana izay nomena antsika mikasika ny : « RITOALY – SATA Andram-piainana – Ny vahaolana hoan’ireo izay nandroso olana taminay filankevitra nasionaly – Ny tokony Aim-panahy arahintsika – ny Adidy – ny Habit – ny fandraisantsika Indulgences - sns… »
1- Misy « BOKY ANKALAZAO NY TOMPO » an’i Zoky Raboanary mba iangaviana haverina aty Antananarivo fa nanaraka ireo izay nanao litorjia ny Asabotsy 14 février maraina, visite Antsirabe / Bevokatra azafady an !
2- Misaotra an’ireo izay nandrotsaka ny Cotisation annuelle ihany koa fa angatahina mba hataontsika liste tsara isaky ny Entités (OFS- JF – Fioretti) rehefa mandefa azy aty amin’ny Mpitam-bola na ny Mpitantsoratra Nasionaly fa ilaina amin’ny fanamarinana isantsika tompoko.
3- Ireto ny liste ireo efa nandefa ny azy nandritra iny fitsidihana iny, ka afaka mandefa MP amiko manokana na miantso raha ohatra ka misy tsy mifanandrify an’izay nalefa aty no voasoratra ao. Ho alefan’ny TG amintsika ny ROSIA rehefa tafaverina ao Antsirabe izy, sady ho ampidirina anaty cahier de registre avokoa izany. Mankasitraka anareo satria nanampy anay tamin’ny fanaovana fitsidihana izy ireny ary ho entina hanomanana ny fivorian’ny Filankevitra Nasionaly sy handoavana ny trosantsika any amin'ny Internasionaly ihany koa. Manentana antsika izay mbola tsy nahavita ny azy nanomboka 2022 – 2026 hanefa izany raha sitrakareo, fa anisany « critères napetraka ahafahantsika miditra fikambanana ny fahavitàna Adidy sy ny fanaovana HABIT mitovy » !!! Misaotra e. 🙏
Indro alefa eto indray ny didin’ny HABIT nolaniana tao amin’ny Chapitre Nasionaly efa tamin’ny taona 2016 tany na 2019 ireo.
PS. : Hoan’izay Jefra efa nandray ny CORDON tamin’ny Dingana Fanomezantoky tany aloha tany, dia asaina am-pitiavana ianareo hiofana ho amin'ny fandraisana ny VELIRANO OFS dia afaka anaovanareo indray izy ireny avy eo, fa ampirimo tsara.

*** Ho antsika any amin'ny Faritany manana toetr'andro MAFANA dia afaka atao fohy tanana ny tapany eo ambony hoan'ny lehilahy, fa jereo tsara ny Colle mampiavaka antsika ! Ny antsika vehivavy moa efa natao 3/4 io ny tanany mba ho haigony fa afaka atao fohy tanana ihany koa..

Ny Rahalahinareo ao amin’ny filankevitra Nasionaly OFS ✍️