Fiangonana Tana City 67ha

01/01/2026

Mirary taona feno fahasoavana, fitahiana, fiadanana ary fitiavana avy amin'i Andriamanitra ho antsika tsirairay.🥳🥳
ity verset ijoroan'ny fiangonana Tana City 67ha ity no atolotray ho anareo
Asan'ny apostoly 16:31 "Minoa an'i Jesosy Tompo dia hovonjena ianao sy ny ankohonanao"
Ny Tompo anie hikasika ny fon'izay mbola tsy mino AZY ary hitahiry antsika efa mino AZY.

25/12/2025

25/12/2025

Ny anionay😊
Jaona 1:12-14
12-Fa izay rehetra nandray Azy dia nomeny hery ho tonga zanak’Andriamanitra, dia izay mino ny anarany,
13-dia ireo izay tsy nateraky ny ra, na ny sitrapon’ny nofo, na ny sitrapon’ny olona, fa naterak’Andriamanitra.
14-Ary ny Teny dia tonga nofo ka nonina tamintsika; ary hitanay ny voninahiny, dia voninahitra mendrika ho an’ny Lahitokana avy tamin’ny Ray, sady feno fahasoavana sy fahamarinana.

22/12/2025

Aza kivy, aza ketraka @ famakiana ny tenin’Andriamanitra fa io no fiainana ho antsika.
Ao amin’ny tenin’Andriamanitra sy ny fanatrehaNY no ahitantsika fiadanana sy fifaliana lalina sy tsara alavitra noho izay atolotr’izao tontolo izao ho antsika😊

15/12/2025

Mampianatra antsika anetry tena sy amela heloka hatrany Andriamanitra.
Izany dia hitantsika ao @ vakiteny androany « matio 18 ».
Manasa antsika hatrany amaky ny teny sy ivavaka satria izany no ahafantarantsika ny sitrapon’Andriamanitra eo amin’ny fiainantsika.

08/12/2025

Matio 13: 3-9
3-Ary nilaza zavatra maro taminy tamin’ny fanoharana Izy ka nanao hoe: Indro, nivoaka ny mpamafy mba hamafy;
4-ary raha namafy izy, ny sasany dia voafafy teny amoron-dàlana; dia avy ny vorona ka nandany azy.
5-Ary ny sasany dia voafafy teny amin’ny tany marivo ambony vatolampy; dia nalaky nitrebona ireny, satria tsy nisy tany lalina.
6-Fa rehefa niposaka ny masoandro, dia nalazo ireny, ary satria tsy nanam-paka, dia maty izy.
7-Ary ny sasany dia voafafy teny amin’ny tsilo; ary ny tsilo naniry ka nangeja azy.
8-Ary ny sasany dia voafafy teny amin’ny tany tsara, dia namoa: ny sasany avy zato heny, ary ny sasany avy enim-polo heny, ary ny sasany avy telo-polo heny.
9-Izay manan-tsofina, aoka izy hihaino.

01/12/2025

Ny vakiteny androany dia mampianatra antsika sy manamafy hatrany fa mahay manao ny zavatra rehetra Andriamanitra ary IZY no misafidy ny oloNY.

Ny Matio 8 dia mitantara ireo fanasitranana izay nataon’i Jesosy, ary izany dia mampahery antsika sy mampatsiahy antsika fa Andriamanitra mpanasitrana IZY, ary tsy misy izay tsy haiNY atao.

Raha ao anaty aretina na tsy fahasalamana ianao amin’izao fotoana izao dia mampahery anao izahay anatona an’i Tompo fa IZY ilay mpitsabo antsika ary manafaka antsika amin’ny aretina rehetra. Apetrao eo AMINY ny aretinao, ny tahotrao, ny tebiby ao anatinao sy ny enta-mavesatrao fa IZY hanafaka sy anome fiadanana ho anao.

24/11/2025

Matio 3 : 2-3

2-Mibebaha hianareo; fa efa akaiky ny fanjakan’ny lanitra.
3-Fa izy no ilay nampilazaina an’Isaia mpaminany hoe: « Injany! misy feon’ny miantso mafy any an-efitra hoe:
Amboary ny làlan’i Jehovah, Ataovy mahitsy ny làlan-kalehany » (Isa. 40.3).

22/11/2025

Salamo 47 : 1-9
1-MITEHAFA tànana, ry firenena rehetra; Mihobia ho an’Andriamanitra.
2-Fa Jehovah no avo indrindra ka tokony hatahorana; Mpanjaka lehibe ambonin’ny tany rehetra Izy.
3-Mandresy firenena maro Izy ho ambanintsika Ary firenen-tsamy hafa ho ambanin’ny tongotsika.
4-Mifidy ny lovantsika ho antsika Izy,
Dia ny voninahitr’i Jakoba izay tiany.
5-Efa niakatra tamin’ny fihobiana Andriamanitra, Jehovah niakatra tamin’ny fitsofana ny anjomara.
6-Mankalazà an’Andriamanitra, eny, mankalazà; Mankalazà ny Mpanjakantsika, eny, mankalazà.
7-Fa Mpanjaka amin’ny tany rehetra Andriamanitra; Mahaiza mankalaza tsara hianareo.
8-Andriamanitra manjaka amin’ny firenen-tsamy hafa; Andriamanitra mipetraka eo ambonin’ny seza fiandrianany masina.
9-Ny mpanapaka ny firenen-tsamy hafa miangona Ho olon’Andriamanitr’i Abrahama; Fa an’Andriamanitra ny ampingan’ny tany; Avo indrindra Izy.

20/11/2025

Ny vakitenintsika androany dia mitantara ny razan’i Jesosy Kristy na ny niandohan’i Jesosy Kristy izay ao amin’i Matio 1.
Matetika rehefa tonga eo dia kamo na malaina isika amaky izay ambaran’ny baiboly, kanefa androany dia te anentana anao hoe : andao isika hiaraka amaky sy amantatra ny niavin’ilay Tompontsika satria tena zava-dehibe izany.
Raha te ahalala olona iray isika dia mila fantarintsika ny mombamomba azy, ka izany indrindra no maha zava-dehibe an’ity toko iray ato amin’i Matio ity.

Mahereza hatrany mivavaka sy mamaky ny teny fa izany no sitrak’Andriamanitra ary izany no ahafahantsika mahafantatra ny sitra-pon’Andriamanitra sy izay tiaNY atao eo amin’ny fiainantsika😊
Mirary tontolo andro mahafinaritra ho antsika rehetra😊

19/11/2025

Jakoba 5 : 7-20

7-ARY amin’izany dia mahareta tsara, ry rahalahy, mandra-pihavin’ny Tompo. Indro, ny mpiasa tany miandry ny voka-tsoa amin’ny tany ka maharitra amin’izany mandra-pahazony ny ranonorana aloha sy aoriana.
8-Mahareta koa hianareo, mampahereza ny fonareo, fa efa mby akaiky ny fihavian’ny Tompo.
9-Aza mifampimonomonona, ry rahalahy, fandrao hohelohina hianareo; indro, ny Mpitsara efa mitsangana eo anoloan’ny varavarana.
10-Ry rahalahiko, aoka ny mpaminany izay niteny tamin’ny anaran’ny Tompo no halainareo ho fianarana ny fandeferam-pahoriana sy ny faharetana.
11-Indro, ataontsika fa sambatra izay efa naharitra. Efa renareo ny faharetan’i Joba, ary efa hitanareo ny faran’ny nataon’ ny Tompo taminy, fa miantra indrindra ny Tompo sady be famindrampo.
12-Fa mihoatra noho ny zavatra rehetra, ry rahalahiko, aza mianiana, na amin’ny lanitra, na amin’ny tany, na amin’izay fianianana hafa akory aza; fa aoka ny fanaikinareo ho ,Eny’, ary ny fandanareo ho ,Tsia’, fandrao hiharan’ny fitsarana hianareo.
13-Misy azom-pahoriana va eo aminareo? Aoka izy hivavaka. Misy faly va? Aoka izy hihira fiderana.
14-Misy marary va eo aminareo? Aoka izy hampaka ny loholon’ ny fiangonana; ary aoka hanosotra diloilo azy amin’ny anaran’ny Tompo ireo sady hivavaka eo aminy;
15-ary ny fivavaky ny finoana dia hamonjy ilay marary, fa ny Tompo hanangana azy; ary raha nanota izy, dia havela ny helony.
16-Koa mifaneke heloka hianareo, ary mifampivavaha, mba ho sitrana hianareo. Ny fiàsan’ny fivavaky ny marina dia mahery indrindra.
17-Elia dia olona tahaka antsika ihany, ary izy nahery nivavaka mba tsy hilatsahan’ny ranonorana; dia tsy nilatsaka tamin’ny tany ny ranonorana telo taona sy enim-bolana.
18-Ary nivavaka indray izy, dia nandatsaka ranonorana ny lanitra, ka nahavokatra ny tany.
19-Ry rahalahiko, raha misy eo aminareo miala amin’ny fahamarinana, ary misy anankiray mampibebaka azy, 20-aoka ho fantany fa izay mampibebaka ny mpanota hiala amin’ny làlan’ny fahadisoany dia hamonjy fanahy tsy ho faty sady hanarona heloka be.