Vavaky Ny Mpandresy

30/12/2025

🌿 𝐇𝐀𝐍𝐀𝐎 𝐋𝐀𝐋𝐀𝐍𝐀 𝐕𝐀𝐎𝐕𝐀𝐎 𝐈𝐍𝐃𝐑𝐀𝐘 𝐍𝐘 𝐓𝐎𝐌𝐏𝐎 🌿

Tsy mora ny lalana nodiavintsika tamin’ity taona 2025 ity.
Nisy ny fahadisoam-panantenana,
ny fikatsoana zavatra maro samihafa,
ny vavaka tsy voavaly,
ny ezaka be nefa vokatra kely.

Fa androany, te-hampahery anao sy hampahatsiahy anao amin'ny alalan'ny Tenin’Andriamanitra aho 💬

📖 “Indro, Izaho manao zavatra vaovao; efa mipoitra izany, moa tsy fantatrareo va? Eny, hanao lalana any an-efitra Aho, sy ony any an-tany karankaina.”
— Isaia 43:19

👉 Izay nikatso rehetra dia ho vahana
👉 Izay rava rehetra dia ho haorina indray
👉 Izay very fanantenana dia ho havaozina
👉 Izay nitomany mangina dia ho hifaly indray

Ny Tompo tsy Andriamanitra mijanona amin’ny lasa,
fa Andriamanitra manao fanombohana vaovao 🙏
Amin’ny 2026, Izy no hitarika anao amin’ny lalana vaovao,
na dia tsy hitanao aza ny fiandohany ankehitriny.

✨ Matokia Azy
✨ Aza kivy
✨ Tano ny finoanao

Fa izay nataon’ny Tompo teo aloha dia mbola ho vitany indray — ary mihoatra noho izany aza.

🙏Ity misy vavaka fohy, sitrako indrindra raha iarahantsika miombona:
“Tompo ô, atolotray Anao ny lasa, ny ratra sy ireo izay tsy nety rehetra tamin’ny 2025. Havaozy izahay, sokafy ny lalana vaovao, ary ento amin’ny fanatanterahana ny sitraponao izahay amin’ny taona 2026. Amena.”

Vavaky Ny Mpandresy