Vovonam-Pirenena Katolikan'ny Ankizy

03/06/2026

𝑴𝒊𝒓𝒂𝒓𝒚 𝒔𝒐𝒂 𝑴𝒈𝒓, 𝒎𝒂𝒉𝒂𝒗𝒊𝒕𝒂 𝒃𝒆
Arabaina ny Diosezin'i Morondava nahazo Eveka mpanampy

NAHAZO EVEKA MPANAMPY NY DIOSEZIN'I MORONDAVA

Notendren’ny Papa Léon XIV ho Eveka Mpanampy ho an’ny Diosezin’i Morondava i Mgr Jeannot Martial ANDRIANANDRAINY, nomena ny fiketrahan’i Elefantaria di Mauritania.
Izy dia Vikera Jeneralin’ny Diosezin’Antsirabe sady Rekteran’ny Seminera Aivo ao Manantenasoa – Antsirabe, hatramin’izao fanendrena azy izao.

Iza moa i Mgr Jeannot Martial Andrianandrainy

Teraka ny 13 janoary 1976 tao Befelatanana - Antananarivo izy.
Nianatra Filozofia tao amin’ny Seminera Zokiny Manantenasoa (2000-2003) sy Teolojia tao amin’ny Seminera Zokiny ao Faliarivo (2004-2007).
Nohamasinina ho pretra ho an’ny Diosezin’Antsirabe izy, ny 1 aogositra 2009.
Nahazo lisantsa kanonika roa izy : momba ny Théologie spirituelle (2011-2013) tany Avignon, Studium Notre-Dame de Vie, sy momba ny Théologie dogmatique (2016-2019), tany Paris, Collège des Bernardins. Nanaraka ny fiofanan’ny mpampiofana tany Avignon koa izy (2013-2016) sady fidei donum tao amin’io toerana io koa.
Taorian’ny fanamasinana azy ho pretra dia ireto avy ny iraka efa nampanaovina azy :
• Mpanabe tao amin’ny Seminera Aivo ao Manantenasoa, Antsirabe ny taona 2009 hatramin’ny 2011
• Rekteran’io Seminera io, ny taona 2019 hatramin’izao
• Administrateur Diocésain ho an’ny Diosezin’Antsirabe, ny 23 septambra 2022 hatramin’ny 17 septambra 2023
• Vikera Jeneralin’ny Diosezin’Antsirabe, nanomboka ny 17 septambra 2023 hatramin’izao fanendrena azy izao

02/06/2026

Rankizy oh!!!
Misorata anarana dia andao 👭🧑‍🤝‍🧑
Ny 3-4-5 Jolay izao no fotoana an 😁

25/05/2026

𝐀𝐍𝐓𝐄𝐍𝐈𝐌𝐈𝐄𝐑𝐀 𝐅𝐀𝐇𝐀 5 𝐇𝐎 𝐀𝐍'𝐍𝐘 𝐌𝐏𝐀𝐍𝐀𝐁𝐄 𝐀𝐍𝐊𝐈𝐙𝐘 𝐀𝐎 𝐀𝐌𝐈𝐍'𝐍𝐘 𝐃𝐈𝐎𝐒𝐄𝐙𝐘 𝐌𝐀𝐇𝐀𝐉𝐀𝐍𝐆𝐀

Tontosa soa aman-tsara ny Antenimiera faha 5 ho an'ny mpanabe Ankizy ao amin'ny Diosezy Mahajanga.
Izany dia notontosaina tao amin'ny Distrika Misionera Madirovalo ny 22-23-24 May 2025 ka nahatongavana Mpanabe 80 avy amin'ireo Misiona sy Vikaria Ville
Anisan'ny dinika nadritra ny Antenimiera ny
⏩ fanomanana sahady ny JNE IV izay ho raisin'ny Diosezy
⏩fampiofanana ireo mpanabe
⏩fihanona ny tatitra isakin'ny Misiona sy famahana ny olana...
⏩Fampahafantarana ny OPM

👉Anisan'ny nampiavaka ity antenimiera ity ny fanaovana asa hiraisana toy ny "fanetsana" izay niarahan'ireo mpizaika rehetra nanatanteraka 😅

Vovonam-Pirenena Katolikan'ny Ankizy

24/05/2026

🔥🕊️ TRATRY NY PANTEKÔTY 🔥🕊️
Hidina amintsika anie ny Fanahy Masina 💧ka hanome antsika sy ny ankohonana misy antsika tsirairay avy ny fanomezam-pahasoavana fito ho entina mijoro vavolombelon'ny fitiavan'Andriamanitra 🤍🤍

Evanjely Masin'i Jesoa Kristy araka ny nosoratan’i Md. Joany Jo. 20, 19-23

Ny harivan’ny Paka ilay andro voalohan’ny herinandro, raha nirindrina ny varavaran’ny trano nivorian’ny mpianatra noho ny fahatahorany ny Jody, dia tonga i Jesoa ka nitsangana teo afovoany sy nilaza tamin’izy ireo hoe: “Homba anareo anie ny fiadanana!” Nony efa nilaza izany Izy, dia nasehony azy ireo ny tanany sy ny tratrany, ka faly ny mpianatra fa nahita ny Tompo. Dia hoy indray Izy tamin’izy ireo : “Homba anareo anie ny fiadanana! Tahaka ny nanirahan’ny Raiko Ahy no anirahako anareo koa”. Rehefa nilaza izany Izy dia nitsoka ka nanao tamin’izy ireo hoe: “Raiso ny Fanahy Masina, ny fahotana izay havelanareo dia ho voavela ary izay hotananareo dia ho voatana”.

— Izany àry ny tenin’ny Tompo. — Dera anie ho Anao, ry Kristy! 😇😇

14/05/2026

☁️✨ ANKALAZAINTSIKA ANIO NY NIAKARAN’I JESOA ANY AN-DANITRA ✨☁️

Tsy nandao antsika i Jesoa, fa mbola miaraka amintsika isan’andro. ❤️

Koa amin’izao fetin’ny Ascension izao dia aoka isika hanohy hino, hivavaka ary hizara fitiavana amin'ny manodidina antsika. 🙏

10/05/2026

Miarahaba ny fikambanana masina TAMPIKRI manerana an'i Madagasikara amin'izao andron'izy ireo izao.
Mahavità be amin'ny asan'ny Tompo ankininy aminareo

𝐌𝐢𝐚𝐫𝐚𝐡𝐚𝐛𝐚 𝐚𝐧𝐭𝐬𝐢𝐤𝐚 𝐦𝐩𝐢𝐤𝐚𝐭𝐫𝐨𝐤𝐚 𝐓𝐀.𝐌𝐏𝐈.𝐊𝐑𝐈 𝐫𝐞𝐡𝐞𝐭𝐫𝐚 𝐭𝐫𝐚𝐭𝐫𝐲 𝐧𝐲 𝐀𝐧𝐝𝐫𝐨 𝐍𝐚𝐬𝐢𝐨𝐧𝐚𝐥𝐲 𝟐𝟎𝟐𝟔

20/04/2026

VOVONAN'NY ANKIZY DIOSEZY MORONDAVA

Alahady fahatelo amin'ny paka ✨

Nanao hetsika iombonana ny ankizy avy ao amin'ny diosezin'i Morondava ny 19 avrily teo. Natomboka tamin'ny sorona masina ⛪ fiaraha misakafo 🍛 ary nofaranana tamin'ny lalao baolina kitra ⚽ ho an'ny ankizilahy sy ankizivavy 🥰

14/04/2026

Nahavita Antenimiera ihany koa ireo mpanabe ao amin'ny Vovonan'ny Ankizy diosezy Morondava ny 10-11-12 Avril teo. Nandritra izany no nanaovana ny dinika hampandrosoana ny vovonan'ny ankizy eo anivon'ny diosezy.

14/04/2026

Miarahaba an'i Monseigneur Jean Désiré Razafinirina amin'izao faharoa taona nanamasinana azy ho Eveka izao 😊

14 Aprily 2024 - 14 Aprily 2026

Feno roa taona androany ny nanamasinana ho Eveka an'i Mgr Jean Desiré Razafinirina koa hirary soa azy isika rehetra amin’izany andraikitra sahaniny izany.

Raha tsiahivina kely dia ny 12 febroary 2024 izy no notendren’i Papa Fransoa ho Evekan'i Morombe. Izy no Eveka teratany Malagasy voalohany voatendry hitantana ity Diosezy ity

Mirary soa anao izahay Monsenera.

📷Radio Five

12/04/2026

⏩ Tontosa soa aman-tsara ny Antenimieran'ny Vovonan'ny Ankizy teto amin'ny Diosezin'i Fianarantsoa izay niatomboka ny Zoma 10 Aprily ka nifarana anio Alahady 12 Aprily 2026 teto amin'ny 𝐋𝐚𝐩𝐚𝐧'𝐧𝐲 𝐀𝐧𝐤𝐢𝐳𝐲 Ambalapaiso Fianarantsoa...
👉 Fifampizarana nataon'ny Pretra Aomonie Vovonam-pirenena katolikan'ny Ankizy...
👉 Fampitana ny vaovaon'ny vovonana Nasionaly
👉Tatitra isakin'ny Disitrika
👉Hafatra avy amin'ny Pretra Aomonie CEPAL eto amin'ny Diosezy
👉Fifampizarana sy sorona masina notarihin' 𝐌𝐠𝐫 𝐍𝐢𝐜𝐨𝐥𝐚𝐬 𝐑𝐚𝐤𝐨𝐭𝐨𝐣𝐚𝐨𝐧𝐚 𝐀𝐫𝐬𝐞𝐯𝐞𝐤𝐚 𝐂𝐨𝐚𝐝𝐣𝐮𝐭𝐞𝐮𝐫 𝐃𝐢𝐨𝐬𝐞𝐳𝐲 𝐅𝐢𝐚𝐧𝐚𝐫𝐚𝐧𝐭𝐬𝐨𝐚
👉 Nofaranana tamin'ny sorona masina ny Alahady

⏩ Maro ireo Distrika nahatonga mpanabe nisolotena mba handinika ny hanatsarana ny fanabeazana ny Ankizy..