FJKM Tranovato Samboranto

Home
Madagascar
Ambohijanaka
FJKM Tranovato Samboranto

Contact information, map and directions, contact form, opening hours, services, ratings, photos, videos and announcements from FJKM Tranovato Samboranto, Christian church, Ambohijanaka.

27/03/2026

Isaorana ny Tompo noho ny fitsingerenan'ny taona nahateran'ny raiamandreny Mpitandrina Pasteur Sederalalaina sy ny zanany Nicia. Hotahiana hatrany ary hotehirizin'ny Tompo eo ambany fahasoavaNy mandrakariva.

Ary Andriamanitra mahay mampitombo ny fahasoavana rehetra aminareo, mba hanananareo ny onony rehetra mandrakariva amin'ny zavatra rehetra, ka hitombo amin'ny asa tsara rehetra; — II Korintiana 9 : 8

09/03/2026

Faly miarahaba antsika rehetra amin'ny anaran'i Jesoa Kristy Lohan'ny Fiangonana.
Isaorana ny Tompo fa tanteraka tamin'ny alahady 01 martsa teo ny Fetin'ny taranaka teto amin'ny fitandremana ary tratra ihany koa ny tanjona.

Misaotra ny tsirairay tamin'ny fandraisana anjara tamin'ny hetsika rehetra na ny maraina na ny hariva.

Ny Voninahitra dia an'Andriamanitra Irery.

Misaotra ny Tompo koa isika noho ny fitsingerenan'ny taona nahateran'i ramatoa Lalaina, vadin'ny Mpitandrina am-perinasa. Mitondra am-bavaka azy isika mpianakavin'ny finoana mba hanany hatrany ny hery, ny fahasalamana, ny tanjaka amin'ny andraikitra mbola apetraky ny Tompo aminy eo anivon'ny ankohonany, ny fianakaviana, ny fiangonana sy ny firenena. Hotahiana hatrany.

Ary Andriamanitra mahay mampitombo ny fahasoavana rehetra aminareo, mba hanananareo ny onony rehetra mandrakariva amin'ny zavatra rehetra, ka hitombo amin'ny asa tsara rehetra; — II Korintiana 9 : 8

20/02/2026

Finaritra. Amin'ny maha iray antsika ao amin'ny Tompo, handeha hanolotra ho an'ireo havantsika tra-boina. Androany sy rahampitso eny amin'ny kianja barea.

Ho an'Andriamanitra Irery ny Voninahitra

13/02/2026

Finaritra.
Antsoina isika amin'ny fiombonam-bavaka sy antso tolo-tanana manoloana ny voina nihatra tamin'ny Fiangonana sy ny mpiara-belona.
Araka ity taratasy ity dia eny amin'ny FJKM Tanjombato Martiora no hanatanterahintsika eto amin'ny SPAA 11 izany ny alahady 15 febroary ho avy izao amin'ny 3 ora.
Samia tahian'i Jesoa.
Ho an'Andriamanitra Irery ny Voninahitra.

09/02/2026

Faly miarahaba antsika rehetra amin'ny anaran'i Jesoa indray ry havana ary manonona ny Fiadanan'ny Tompo amin'ny tsirairay avy.

Ny tolakandron'ny fetin'ny taranaka isika mpianakavin'ny finoana dia mbola asain'ny komitin'ny fandraisan-tanana Mpitandrina amin'ny antsam-piderana lehibe iarahana amin'ny Hosana Ambohijatovo Fitiavana. Nasaina manokana amin'izany ihany koa ny Gadona Artistika.

Tongava maro ary entano ihany koa ny namanao fa tena hahazo aim-panahy.

Hisy ny sakafo atoandro (vary sy laoka) amidy amin'ny vidiny 3 000ar.

Ho an'Andriamanitra Irery ny Voninahitra

" Fa asany isika, voaforona tao amin'i Kristy Jesoa mba hanao asa tsara" — Efesiana 2 : 10a

07/02/2026

👋Faly miarahaba antsika rehetra amin'ny anaran'i Jesoa Kristy Lohan'ny Fiangonana indray ry havana.

Ny taranaka rehetra samy hidera ny asanao amin'izay mandimby azy Sy hanambara ny asanao lehibe. — Salamo 145 : 4

👉Ny alahady 01 martsa ho avy izao no natokantsika ho Fetin'ny taranaka eto amin'ny fitandremana Tranovato Samboranto. Koa mitaona sy manentana ny zanaky ny Fiangonana rehetra na ny aty an-toerana na ny any am-pielezana hiara-hidera, hankalaza sy hanome Voninahitra an'Andriamanitra amin'io fotoan-dehibe io.

👉Ny lohahevitra entintsika amin'izany dia ny hoe "Taranaky ny Tranovato Samboranto tia an'Andriamanitra". Hisy ny fampianarana entin'ny raiamandreny Mpitandrina isaky ny alahady mikasika izay.
Koa samia miomana am-po, an-tsaina, am-panahy ny amin'izany fankalazana izany.🙏

Ho an'Andriamanitra Irery ny Voninahitra.

29/01/2026

Miarahaba tompoko.
Ho an'ireo izay mikasa hakety aminay ety Samboranto dia ireto ny bus tonga ety :
Eny Ambohijatovo ambonin'ny zaridaina, mandray zotra I ( KOMI fotsy misy tsipika maitso) Tsilazaina no hidirana dia miala eny amin'ny terminus Tsilazaina mihitsy

Eny amin'ny cnaps ampefiloha ndray dia zotra F (fotsy misy tsipika gris), ka ilay mandeha Tsilazaina no idirana

Rehefa tonga eo Tsilazaina dia misy sampanana miakatra pavé dia eny tampon'ny fiakarana no misy ny Fiangonana

Misy bus maro mitovy amin'ireo loko ireo na ny eny Ambohijatovo na ny eny amin'ny cnaps fa aleo manontany ihany fa sao lasa any an-toera-kafa.

Samy mandalo eo amin'ny sampanan'Alasora eo Ambohimanandraisoa (arrêt Domaine) izy 2 ireo raha antenantenany no mandray.

Tongavasoa ety aminay tompoko. Tahian'i Jesoa.

11/01/2026

Faly miarahaba antsika rehetra amin'ny anaran'i Jesoa Kristy.
Toy izao ny fandaminana eto anivon'ny fitandremana momba ny fiombonantsika eny amin'ny coliséum amin'ny 18 janoary ho avy izao :
🕛 Amin'ny 6 ora sy sasany ny fiaingana
💰6 000ar ny saram-pitaterana mandroso sy miverina
✍️ Misoratra anarana any amin'ny diakona isam-paritra ka aterina ao amin'i Z. Tolotra ao Tsilazaina ny lisitra alohan'ny alakamisy ho avy izao.

Ho an'Andriamanitra Irery ny Voninahitra

01/01/2026

Lehibe ny asan'i Jehovah, Ka dinihin'izay rehetra mankasitraka azy. Madera sady malaza ny asany; Ary ny fahamarinany maharitra mandrakizay. — Salamo 111 : 2 - 3

Faly miarahaba ny mpianakavin'ny finoana rehetra amin'ny anaran'i Jesoa Kristy Lohan'ny Fiangonana amin'izao taona vaovao izao . Isaorana ny Tompo noho ny famindram-poNy ka tsy nahalany ritra antsika afaka misitraka ny fahasoavaNy amin'izao 2026 izao indray.

Misaotra ny Tompo koa isika ry havana fa tanteraka soa aman-tsara androany ny fiarahabana ny Mpitandrina misotro ronono, na dia nampitain-davitra aza izany. Tontosa ihany koa ny fiarahabana ireo zokiolona eto anivon'ny fitandremana ka nanolorana ho azy ireo ny solombodiakoho amin'izao tonon-taona izao.

Misaotra ny Tompo ihany koa isika fa natolotry ny andiany Lafatra (mpianatra informatika) ny tsangam-baton'izy ireo dia ny micro eo amin'ny Latabatra Masina.

Ho an'Andriamanitra Irery ny Voninahitra.

26/12/2025

Krismasy Fahafahana 2025.
Isaorana ny Tompo ry havana fa tanteraka soa aman-tsara ny herinandro sambatra nofaranana tamin'ny seho nataon'ny sampana Sekoly alahady, ny presco ao amin'ny centre socioculturel Hasina sy Hazavana ary ny fikambanan'ny Loholona sy ny diakona.
Isaorana ny sampana, sampan'asa, sy fikambana rehetra nandray anjara tamin'izany.

Soli Deo Gloria

28/10/2025

Fa asany isika, voaforona tao amin'i Kristy Jesoa mba hanao asa tsara — Efesiana 2 : 10a

Mbola faly miarahaba antsika rehetra amin'ny anaran'i Jesoa.

Koa satria fotoan-dehibe eo amin'ny fiainan'ny Fiangonana ny Alahadin'ny Mpitandrina izay hotanterahintsika ny alahady ho avy izao, dia ampatsiahivina isika sampana, sampan'asa sy fikambanana tsirairay eto amin'ny fitandremana mba samy hanao ny fanamiana mampiavaka antsika avy araka ny efa fanaontsika.

Ho an'ny sampana Sekoly Alahady manokana dia manamafy ny mpiandraikitra fa manao ambonin'akanjo fotsy avokoa isika.

Aoka ifampilaza.

Ho an'Andriamanitra Irery ny Voninahitra.

Address

Ambohijanaka

Website

https://fjkmsamboranto.wordpress.com/

Alerts

Be the first to know and let us send you an email when FJKM Tranovato Samboranto posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to FJKM Tranovato Samboranto:

Shortcuts

Want your place of worship to be the top-listed Place Of Worship in Ambohijanaka?