https://www.facebook.com/106396951654413/

Tanora Mandresy Fakampanahy, By pass, Alasora (2026)

13/04/2025

IREO OLONA HOLAVINA TSY HIDITRA NY LANITRA.
* Betsaka ny olona no mino an'Andriamanitra fa tsy mino an'i Jesosy Kristy
Niteny mazava Izy hoe:
Jaona 14:1
[1]Aza malahelo ny fonareo; minoa an'Andriamanitra, ary minoa Ahy koa.

ATAO AHOANA NY MINO AZY ANEFA?
MINO MNDRAY AZY AO AMPO.
Jaona 1:12
[12]Fa izay rehetra nandray Azy dia nomeny hery ho tonga zanak'Andriamanitra, dia izay mino ny anarany,

TADIDIO FA NY OLONA HO LAVINA VOALOHANY DIA NY TSY MINO AN'I JESOSY

2 Korintiana 13:5
[5]Diniho ny tenanareo, na mitoetra amin'ny finoana ianareo, na tsia; izahao toetra ny tenanareo. Moa tsy fantatrareo va ny amin'ny tenanareo, fa ao anatinareo Jesosy Kristy, raha tsy olona nolavina ianareo ?

Apokalypsy 21:8
[8]Fa ny osa sy ny tsy mino((TSY MINO AN'I JESOSY KRISTY TOMPO) sy ny vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy ary ny mpandainga rehetra dia hanana ny anjarany ao anatin'ny farihy mirehitra afo sy solifara; izany no fahafatesana faharoa.

*Apokalypsy 17:8
[8]Ny bibi-dia, ilay efa hitanao, dia teo ihany ary tsy eo izao, nefa efa hiakatra avy amin'ny lavaka tsy hita noanoa izy ka ho lasa ho amin'ny fandringanana; ary ny monina ambonin'ny tany, dia izay tsy voasoratra eo amin'ny bokin'ny fiainana hatramin'ny nanorenana izao tontolo izao, dia ho gaga raha mijery ilay bibi-dia, izay teo ihany ary tsy eo izao, nefa mbola ho avy indray.
==>Tsy iza ireo fa ny bibidia
*Ireo izay tsy nankatoa ny Tenin'Andriamanitra:
Apokalypsy 21:8
[8]Fa ny osa sy ny tsy mino sy ny vetaveta sy ny mpamono olona sy ny mpijangajanga sy ny mpanao ody ratsy sy ny mpanompo sampy ary ny mpandainga rehetra dia hanana ny anjarany ao anatin'ny farihy mirehitra afo sy solifara; izany no fahafatesana faharoa.
Apokalypsy 22:15
[15]Fa any ivelany ny alika sy ny mpanao ody ratsy sy ny mpijangajanga sy ny mpamono olona sy ny mpanompo sampy ary izay rehetra tia lainga sady mandainga.
Galatiana 5:19-21
1 Korintiana 6:9-10

13/04/2025

NY ANTOKA HIDIRANA NY LANITRA NA SÉCURITÉ ETERNELLÉTERNELLE.

Inona no antoka fa hiditra ny lanitra?
Ianao mpivavaka be ve?
Ianao mpanao fanatitra be ve?
Ianao mpikambana ao amin'ny chorale ve?
Ianao mpandrotsaka rakitra sy mpanao asa soa ve?
Ianao miteny amin'ny teny tsy fantatra ve?
Ianao mampanao fahagagana ve?

Ry havako,
Mila mandray ny tombo-kase-n'ny Fanahy Masina ianao raha te hiditra ny lanitra.
Maro ny mpivavaka tsara, mafana fo,mpandala ny lalàn'i Mosesy tonga tamin'ny andro pantekosta fa spectateur sy spectatrice fostiny fa tsy nandray tamin'ny filatsahan'ny Fanahy Masina.
2 Korintiana 1:22
[22]Izay nanisy tombo-kase antsika koa ka nanome ny Fanahy ho santatra ato am-pontsika.
Efesiana 1:13
[13]Ao aminy koa ianareo, rehefa renareo ny tenin'ny fahamarinana, dia ny filazantsara famonjena anareo,- eny, ao aminy koa ianareo, rehefa nino, no nasiana tombo-kase tamin'ny Fanahy Masina araka ny teny fikasana.
,Efesiana 4:30
[30]Ary aza mampalahelo ny Fanahy Masin'Andriamanitra, Izay nanisiana tombo-kase anareo ho amin'ny andro fanavotana.

TSY NY REHETRA NO HIDITRA NY LANITRA,FAHAMARINANA ARA-BAIBOLY IZANY.

NOHO IZANY RY HAVAKO,
Lioka 13:23-24
[23]Dia hoy ny anankiray taminy; Tompoko, moa vitsy va no hovonjena? Ary hoy Izy tamin'ny olona:
[24]Miseseha hiditra amin'ny varavarana etỳ ianareo; fa hoy Izaho aminareo: Maro no hitady hiditra, fa tsy ho afaka.

Ho amintsika rehetra anie ny Fahasoavan'i Jesosy Kristy Tompo.

10/04/2025

METEZÀ HO VONJENA IANAO.
MANAMBAVA MITANANA NY HELO.
ALEON'I JESOSY NIJALY TAMIN'NY HAZOFIJALIANA ARY ALEON'NY RAINY MAHITA NY ZANANY MIJALY ,FADIRANOVANA,NOHALAIMBARAKA TOY IZAY HAHITA AHY SY IANAO HIJALY SY VOALATSA ANY AMIN'NY HELO.

Ohabolana 1:12
[12]Aoka isika hitelina azy velona tahaka ny fitelin'ny fiainan-tsi-hita (HELO NA SHEOLA)Ary hanao azy teli-moka toy ny latsaka any an-davaka;
Habakoka 2:5
[5]Ary koa, mamitaka ny divay; Ny olona miavonavona tsy mba mahatoetra, Dia ilay mitanatana vava tahaka ny fiainan-tsi-hita(HELO NA SHEOLA), Eny, toy ny fahafatesana, ka tsy mety voky, Fa manangona ny firenena rehetra ho ao aminy Sy mamory ny olona rehetra ho ao aminy.

TE HO ISAN'NY OLON'NY LANITRA VE IANAO?

AVIA HO SARIHIKO HO AFAKA IANAO,
HANATONA NY HAZOFIJALIAN'NY JESOSY,
HIBEBAKA SY HIAIKY HELOKA ARY HANGATAKA NY RÀNY HANADIO ANAO.
==>DIA HO ANISAN'NY OLON'NY LANITRA IANAO.

10/04/2025

INDRISY! TARA LOATRA.
* Tsara ny fibebakin'ny olona vao tonga any amin'ny helo saingy tara loatra.
*Niaiky ny helony i Jodasy saingy tara loatra.
Matio 27:3-4
[3]Ary Jodasy, ilay namadika Azy, raha nahita fa nohelohina Jesosy, dia nanenina ka namerina ny sekely volafotsy telo-polo tamin'ny lohan'ny mpisorona sy ny loholona
[4]ka nanao hoe: Nanota aho, satria namadika rà marina. Fa hoy ireo: Ahoanay izany? fa asa anao.
*Niaky ny egyptianina rehefa tonga teo ampovoan'ny ranomasina fa niady tamin'Andriamanitra saingy tara loatra.
Eksodosy 14:25
[25]Ary nanala ny kodian'ny kalesiny Izy(Andriamanitra) ka nampahasarotra ny nandehanany, dia hoy ny Egyptiana: Aoka handositra ny tavan'ny Isiraely isika, fa Jehovah no miady amin'ny Egyptiana ho an'ireo.
*Tonga saina i Esao raha voafitakin'ny rahalahy saingy tara loatra.

RY HAVAKO,
ANIO NY ANDROMPAMONJENA HO ANAO,
AZA MANJENY ANDRO HO LASA FA TSY FANTATRAO NY AMPITSO.
Jakoba 4:13-14
[13]He! ianareo izay manao hoe: Anio na ampitso dia hankany Ananona izahay ary hitoetra any herintaona ka hividy sy hivarotra ary hahazo tombom-barotra,
[14]kanefa tsy mahalala ny ho ampitso ianareo. Inona moa ny ainareo? Fa zavona ihany ianareo, izay miseho vetivety, dia levona.

09/04/2025

MIFALY AHO SATRIA NANDRESY ILAY NAMPAHORY AHY JESOSY.

*TEZITRA NY DEVOLY SATRIA NAMPANITSAHAN'I JESOSY NY LOHANY ISIKA KRISTIANINA VOAVONJY.

Salamo 74:13-14
[13]Nampisaraka ny ranomasina tamin'ny herinao Hianao; efa namakivaky ny lohan'ny dragona tao anaty rano Hianao.
[14]Hianao nanorotoro ny lohan'ny mamba ka nanome azy hohanin'izay firenena any an-efitra.

TSY VITAN'IZANY FA REHEFA TONGA NY FANEKENA VAOVAO, DIA NAPETRAK'ANDRIAMANITRA ANY AMPALADIANTSIKA I SATANA.
==>Tsy tokony ho hita eny andohatsika na ny Devoly satria tsy any ny toerana nametrahan'Andriamanitra azy fa any ambany faladihantsika.

1 Korintiana 15:25,27
[25]Fa tsy maintsy manjaka Izy, mandra-panaony ny fahavalony rehetra ho eo ambanin'ny tongony (Sal. 110. 1).
[27]Fa ny zavatra rehetra efa nampanekeny ho eo ambanin'ny tongony (Sal. 8. 6). Fa na dia hataony hoe aza: Ny zavatra rehetra no nampanekena, dia fantatra marina fa tsy mba isan'izany Izay nampanaiky ny zavatra rehetra Azy.
Genesisy 3:15
[15]Dia hampifandrafesiko ianao sy ny vehivavy ary ny taranakao sy ny taranany: izy hanorotoro ny lohanao(MENARANA ELA), ary ianao (NY DEVOLY)kosa hanorotoro ny ombelahin-tongony(HAZOFIJALIAN'I JESOSY).

HO AMINTSIKA REHETRA ANIE NY FAHASOAVAN'I KRISTY MANDRESY AN'I SATANA

08/04/2025

ANDRIAMANITRA REHEFA NANAO NY OLOMBELONA DIA NANOME ASA AZY.
TSY TOKONY HISY"CHÔMEURS " NA HO KAMO VELONA NY OLON'ANDRIAMANITRA REHETRA.
Genesisy 2:15
[15]Ary Jehovah Andriamanitra nitondra an-dralehilahy ka namponina azy tao amin'ny saha Edena hiasa sy hitandrina azy.
==>Ny olombelona tany ampiandohanana rehefa vatany nohariana dia NOMENA ASA
*NY MPAMINANY FAHIZAY DIA NANTSOINA AMPERIN'ASA AVOKOA TAHAKA AN'I AMOSA MPIOTY VOLOBOKA,TAHAKA AN'I ELISA..SNS.
*NY MPIANATR'I JESOSY REHETRA DIA TSY MISY "CHÔMEURS " SATRIA NANTSOINA AMPERIN'ASA AVOKOA.

Ry havako,mpivavaka ianao,
mpanompo an'Andriamanitra ianao:
==>Mila miasa,mila mandrato mandrampiavin'i Jesosy.
==>NY MPANOMPO KAMO DIA NOLAVON'I JESOSY AN-KITSIRANO TSY HIDITRA NY LANITRA
==>TSY FANAHY OSA(KAMO VELONA) NO NOMENA ANTSIKA FA FANAHY MAZOTO.

HO AMINTSIKA REHETRA ANIE NY FAHASOAVAN'I KRISTY.

07/04/2025

TSY NAMORONA NY HAIZINA ANDRIAMANITRA.
Genesisy 1:3-5,14
[3]Ary Andriamanitra nanao hoe: Misia mazava; dia nisy mazava.
[4]Ary hitan'Andriamanitra fa tsara ny mazava; ary nampisarahin'Andriamanitra ny mazava sy ny maizina.
[5]Ary Andriamanitra nanao ny mazava hoe andro; ary ny maizina nataony hoe alina. Dia nisy hariva, ary nisy maraina, andro voalohany izany.
[14]Ary Andriamanitra nanao hoe: Misia fahazavana eny amin'ny habakabaky ny lanitra hampisaraka ny andro sy ny alina; ary aoka ho famantarana sy ho fotoana ary ho andro sy taona ireo.

18/02/2025

RAHA MISY VOLA DIA AZA ADINO FA EO AKAIKY EO SATANA IZAY.
Miarahaba anao amin'ny anaran'i Jesosy Tompo aho.

Ho anao izay mbola tsy mahalala na manadino dia ireto avy ny andraimby manintona an'i Devoly ho any amin'ny toerana iray:
- Raha misy ota dia ao izay ny devoly
-Raha misy RATRA(ratrapo, aretina maharitra..sns) maharitra dia tany malemy azo anorenan'ny devoly ny angadiny izay ao.
-Raha misy vola dia tsy lavitra eo izay i Satana.

REHEFA MANANA VOLA IANAO DIA MIVAVAHA FA EO AKAIKY EO IZAY NY:
-Fanahin'ny fireharehana (Te hanao tsinontsinona olona sy hanevateva olona)
-Ny fanahin'ny fijaganjangana
-Fanahin'ny tsy fankatoavana
-FANAHIN'NY FANDANIAMPOANA SY TSY FAHONONANTENA.
==>Rehefa tsy azony amin'ireo telo ambony dia hezahany tratrarina amin'ity farany.
Gaga ianao fa notahian'i Jesosy ihany nefa TSY MAHATSANGANJAVATRA, LANILANY FOANA NY VOLA(MISY FANAHY MAMPISAVORIVORY),
Betsaka ny vola mivoaka tsy hahazoana zavatra mivaingana,tsy mahonontena ka tsy manana na dia tahiry kely aza.Miaramitontona ny vola sy ny aretina sy ny olana hany ka tsy misy hiadanana izay mba azo.

Ry havako,
Ny devoly dia tia vola ary ny asan'i Satana eto ambonin'ny tany dia miodina amin'ny vola avokoa.

Ilaina ny vola saingy rehefa mahazo vola dia apetraho amin'i Jesosy tahaka ilay m**o dimy sy hazandrano roa mba tsy ho lanilany foana fa hitombo amin'ny asa tsara sy hahatsangananjavatra.

Ho amintsika rehetra anie ny Fahasoavan'i Jesosy Kristy Tompo

18/02/2025

ILAY ALINA MANDOTO.
Miarahaba anareo amin'ny anaran'i Jesosy Tompo ny Tenako.
Amin'ny maha-olombelona misaina antsika dia mahalala ny hahavahatena isika hanadio ny tenantsika sy ny hanaisotra izay mitambesatra amin'ny saintsika ary manadio ny fanahintsika koa aza mba hanana fahamaivanana rehefa hiakatra fandriana ka hiditra amin'ny fialantsasatra.
Ny devoly anefa dia miasa 24ora/24ora; manana tanjona manokana izy ireo handoto ny nofo sy fanahintsika sy saintsika amin'ny NOFY VETAVETA SY FISAINANA MALOTO.
Ankoatran'ny fahamamoana dia ao anaty nofy no fomba iray hahafahan'i Satana milalao ny fiainantsika tahaka ireny JEUX VIDEO ireny hany ka MANOTA AO ANATY NOFY IREO KRISTIANINA MAREFO KA ISAINA OTA IZANY.
Joda 1:8
[8]Kanefa toy izany koa, ireo dia manonofy ka mandoto ny nofo sady mandà ny manana fahalehibiazana ary miteny ratsy ny manana voninahitra.
==>Ry havako, omeo an'i Jesosy ny "Guidon-n'ny fianananao", ilaina fanolorantena hentitra sy matotra izany.
==>Angataho ny Ràn'i Jesosy handrakotra ny fiainanao.
MBOLA MIRIORIO IREO FANAHY MANDOTO IREO MANDRAKANKEHITRINY.
==>Raiso ny Fanahy Masina ho tombokase ho anao mba tsy hanankery aminao ireo fanahy moloto ireo.

Ho amintsika rehetra anie ny Fahasoavan'i Jesosy Kristy Tompo.

01/12/2024

AIZA ILAY LEHILAHY NIJANGAJANGA TAMINY?

Nisy tantara iray tao anatin'ny filazanantsaran'i Jaona izay tiako hosaininao!

Jaona 8:2-5,7,9-11
[2]Ary nony maraina koa dia nankeo an-kianjan'ny tempoly indray Jesosy, ary ny vahoaka rehetra nanatona Azy, dia nipetraka Izy ka nampianatra azy
[3]Ary nisy vehivavy anankiray azo nijangajanga nentin'ny mpanora-dalàna sy ny Fariseo; ary rehefa napetrany teo afovoany izy,
[4]dia hoy ireo taminy: Mpampianatra ô, ity vehivavy ity azo olan-tanana nijangajanga
[5]Ary ao amin'ny lalàna Mosesy dia nandidy antsika fa hotoraham-bato izay vehivavy manao toy izany (Deo. 22. 22-24); fa ahoana kosa hoy Hianao?
[7]Ary raha naharitra nanontany Azy ireo, dia nitraka Izy ka nanao taminy hoe: Izay tsy nanota eo aminareo no aoka hitora-bato azy voalohany
[9]Ary raha nandre izany izy, dia nivoaka tsirairay hatramin'ny zokinjokiny ka hatramin'ny zandrinjandriny; ary Jesosy irery ihany no sisa teo sy ilay vehivavy teo
[10]Ary rehefa nitraka Jesosy, dia hoy Izy taminy; Ravehivavy, aiza ireny? Tsy nisy nanameloka anao va?
[11]Ary hoy izy: Tsy misy, Tompoko. Dia hoy Jesosy: Izaho koa dia tsy manameloka anao; mandehana, ary amin'izao sisa izao dia aza manota intsony].

Deotoronomia 22:22
[22]Raha misy lehilahy azo mandry amim-behivavy vadin'olona, dia samy hatao maty izy roroa, na ralehilahy izay nandry tamin-dravehivavy, na ravehivavy koa; ka dia hofongoranao tsy ho eo amin'ny Isiraely ny fanao ratsy.

Raha ny soratra Masina no jerena DIA MILA VONOINA IZY ROA(LAHY SY VAVY).
Teto anefa dia vehivavy ihany no henjehana ary ny lehilahy avela hiriaria hanota.

Toy izany koa no misy ankehitriny,
ny vehivavy terena ho virjiny fa ny lehilahy efa niray ara-nofo imbetsaka leferina.
Ry havako, MITOVY NY LANJAN'NY FIJANGANJANGANA AMIN'NY LAHY SY VAVY.

NY LALÀNA MITSARA DISO FA ANDRIAMANITRA MITSARA MARINA.
ILAINA HO MADIO HO AN'ANDRIAMANITRA IANAO NA LAHY NA VAVY.

Ho amintsika rehetra anie ny Fahasoavan'i Kristy

22/11/2024

"RAISO FOANA HOY PASITERANAY DIA HATAOVY IZAY MBA TIANY ,ZARA AZA IZY NIVERINA"
Teny matetika fandretsika io rehefa miverina avy nandany ny androny tamin'ny fijagajangana ny raimpianakaviana iray.
NY BAIBOLY ANEFA DIA MANIRAKA ANTSIKA MBA HO HENDRY.
Matio 10:16
[16]Indro, Izaho maniraka anareo ho tahaka ny ondry ao ampovoan'ny amboadia; koa hendre tahaka ny menarana, ary morà tahaka ny voromailala.

VAVAKA BE NY RENIMPIANAKAVIANA REHEFA MANDRAY RAIMPIANAKAVIANA NISINTAKA KA TROTRAKIN'NY FIJANGAJANGANA:
1)Nahazo aretina avy any ilay raimpianakaviana,ohatra VIH/SIDA satria betsaka ireo mpivarotena niraisany.
==>FADIO NY MIRAY ARA-NOFO AMINY NA MANGATAKA IZY.
AMPIANDRASO TELO VOLANA IZY DIA MAMERINA IREO ANALYSES-N'NY ARETINA AZO AMIN'NY FIRAISANA ARA-NOFO.
2)Na manao kapôty roapolo aza ny lehilahy iray dia mifindra amin'ny firaisana ara-nofo koa ny aretina ara-panahy satria TSY MAHAVOARO IO NY KAPÔTY.
==>Mila manao délivrance mafy izy ary manolotena mba ho afaka ireo devoly ireo vao miray amin'ny vadiny na dia nifona aza mba tsy hamindra ireo devoly azony tany amin'ireo vehivavy makorely(izay miaraka amin'ny lehilahy maro isan'andro=mandray na mamindra devoly avy amin'ny lehilahy maro anatin'ny andro iray).

RY VEHIVAVY, AROVY NY TENANAO.
TSY NATAO HIZAKA NY ARETINA SY NY DEVOLY BE DIA BE IZAY NOENTINY VADINAO HO VOANDALAN'NY SATANA HO ANAO IANAO.

EFA NIARITRA FANITSAKITSAHANA DIA MBOLA HIARITRA NY ARETINA ARA-PANAHY MIFINDRA KOA VE?

MAHONONA TENA NA DIA EFA ELA TSY NIRAY ARA-NOFO AZA!

Ohabolana 6:5
[5]Afaho ny tenanao toy ny gazela miala amin'izay mihazona azy, Ary toy ny voron-kely miala amin'ny tanan'ny mpamandrika.

HO AMINTSIKA ANIE NY FAHASOAVAN'I KRISTY TOMPO.

22/11/2024

NY NONO SY NY FITANJAHANA.
Anisany taovam-pananahana ivelany izay mandray anjara betsaka amin'ny fiovan'ny toe-batana ny nono(miova arakarakn'ny fivoaran'ny tsiry mpanentana na hormones); ary koa toerana misy fafinaretan'ny nofo.
Ny baiboly dia mampiseho fa MANOMBOKA MITOMBO NY NONO REHEFA MIDITRA AMIN'NY FAHATANORANA NY VEHIVAVY ANAKIRAY.
ISAIN'NY BAIBOLY HO FITANJAHANA NY FAMOAHANA NONO.
Ary ny tsy fanaromana izany amin'ny fitafiana dia midika ho ivon-toerana manintona fakampanahy sy fahafinaretan'ny maso ho an'izay mahita azy satria MITANJAKA.

Ezekiela 16:7-8
[7]Efa nataoko alinalina, toy ny zava-maniry any an-tsaha, ny isanao, ka nitombo sy nihalehibe ary tonga tsara tarehy tokoa ianao; naniry nono ianao sady naniry volo, nefa mbola nitanjaka sy nihanjahanja ihany
[8]Ary raha nandalo Aho ka nijery anao, dia hitako fa izay no fotoanao, dia ny fotoam-pitiavana: ary narakotro anao ny lambako, ka nosaronako ny fitanjahanao; eny, nianiana taminao Aho ka nanao fanekena taminao, hoy Jehovah Tompo, ka dia efa Ahy ianao.
Ezekiela 23:3,21
[3]ary nijangajanga tany Egypta izy; fony izy mbola tanora no nijangajanga; tao no nisafosafoana ny tratrany, ary tao no nitsapatsapana ny nonon'ny fahavirijinany.
[21]Nitady ny fijangajangan'ny fahatanoranao ianao, dia ilay nitsapatsapan'ny Egyptiana ny nononao, satria nonon'ny fahavirijinanao ireo.

RY HAVAKO,
MARINA FA MAFANA NY ANDRO SAINGY AZA ADINO FA LOZA HO AN'IZAY HIAVIAN'NY FAHAFITOHINANA.
FANAHY MARO NO VERY AMIN'NY HELO NOHON'NY AVY AMIN'NY NONONAO, BETSAKA NY MALOTO NOHON'NY FITANJAHANAO.

Nampitafian'Andriamanitra i Eva mba tsy hande MITANJAKA,
OZONA NY FITANJAHANA TAO ANATY BAIBOLY,
JESOSY TSY NITANJAKA FA NAMPITANJAHAN'IREO MIARAMILA ROMAMANINA MBA HOTAFIANA ISIKA SATRIA EFA NOENTIN'I JESOSY NY FITANJAHANTSIKA.

MBOLA HITOETRA ANATY HENATRA VE IANAO?Mbola hitanjaka?
Mibebaha.

Ho amintsika rehetra anie ny Fahasoavan'i Kristy Tompo.

Tanora Mandresy Fakampanahy

13/04/2025

13/04/2025

10/04/2025

10/04/2025

09/04/2025

08/04/2025

07/04/2025

18/02/2025

18/02/2025

01/12/2024

22/11/2024

22/11/2024

Address

Website

Alerts

Contact The Place Of Worship

Shortcuts

Share

Category