18/04/2019
(منقول) من صديقة فايسبوكية
انا بنت كاجميع البنات عمري 24 سنة حكمات عليا الظروف نطلق القصة لي عاشوها واليديا عشتها تانا تعقدت وتحgرت وتغلبت وخرجت الطريق بمعنى ولييت ع***ة بين يوم وليلة كنت كانعالج مشاكل بمشاكل كفس لي قداتلي على حياتي كاندخل الدار كانبقا ندابز مع ميمتي ونgولها اش هاد العيشة الفقر الجوع وكان فعلا الجوع والحgرة والمشاكيل المصاريف وزيد وزيد لا أب لا أخ يهز الحمل عليا كان لي جابو ليل يديه نهار ف الدواء ديال ميمتي والكرا إلى آخره. ..كنت تانا كانبغي لبس واخا الفقر كانضرب اخر لبسة خرجات ولييت البنات والشيشة والبيران والقصاير والشراب البنت لي كانت أي واحد يتمناها ولات من واحد الواحد... مارحمتش راسي كتر من مارحمنيش الزمان كانعاود ليك أختي إكرام واقسم بالله النار فقلبي والدموع تسالاو أختي ولييت نمشي الليلة بفلوس صحاح بعت لحمي بالغلا والرخيص وجبت فلوس صحيحة ولكن ماكدبوش لي gالو فلوس الحرام يمشيو فالحرام واخا تجيبي مليون حرام فليلة يمشي بين ليلة ونهار تقت فيك أختي وعرفتك ونعمة التقة بنت ناس حطي هادشي يكون للعبرة ماشي الفرجة غير ماتحطيش سميتي عفاك ولا تصويرتي المهم ماشي هادشي هو لي بغيت نعاودلك لي بغيت نعاودلك هي الضربة لي قتلاتني وهي تعرفت على واحد الخليجي عرفاتني عليه غير واحد البنت فالصالون لي كنت كانمشيلو نصايب فيه مشات يام وجات يام بقينا نهضرو يوميا كانصيفط ليه تصاوري لي مستورين ولي مامستورينش. ...السيد بدا كايصيفطلي فلوس صحيحة تاتوصل تال 3 مليون فالشهر طمعت مانكدبش عليك gلت هادي هي الفرصة نقض راسي من الفقر ونقض ميمتي معايا بقينا على اتصال لمدة عام تاتطمعني مزيان كايصيفط ليا كل شهر وكانهدرو يوميا وكانمارسو على التليفون وكولشي. ..تا شاءت الأقدار جا المغرب وتلاقينا فطنجة ف اوطيل وبت معاه يعني نعست معاه... ومن ديك الليلة أختي إكرام وانا فالفراش حيت بعد ديك اليلة كتاشفت أنه كان مريض بمرض السيدا الله يحفظك ويحفض gاع الوليات ماخدمتش عقلي طمع عماني تما نgول السيد كايصيفط تال 3مليون فيقي الحمارة كان لا عب لعبتو باش يطمعمي وبصح عماني الطمع نتاحرت مت تدفنت وفالخر رضيت وتبت لله هاني مريضة بمرض السيدا تال يوم نتدفن تعدبت وعدبت معايا ميمتي كتر لي بغيت نوصل ليكم انا الخطأ لي درت وماشي غير خطأ كتر من بحر ديال الذنوب والله يتجاوز عليا راني خديت عقاب فالدنيا قبل الآخرة اني تبعت الشهوات والبنات والطمع وماتبعتش طريق الله ندمت دبا ولكن باش تنفع الندامة ياريت نرجع الزمان اللور نخدم فالديور نغسل الطواليطات نسعى نسعى اختي ومانوصلش لي وصلتلو دبا أختي إكرام وليت كانصلي تبت درت الخمار وليت الصلاة ليل ونهار بغيت غير ربي يسمحلي ويغفر ليا هادا هو لي مخليني عايشة ومتمسكة هو يغفر ليا ربي مابقا يهمني مرضي من غير ربي يغفر ليا ويسمحلي...
هادي قصة بنت معانا فايسبوك قريت كل ماعاودات ليا وحياة ميمتي تا فمي تبلوكا إكرام لي كاتنصح وتهضر وجوابها على نابها تقاداولي بعد ما سمعت قصتها وهاد البنت للعبرة ماشي للفرجة ودرس البزاف لي نساو مولاهم مزال باب التوبة مفتوح لهادوك لي عماهم طمع و. ... ولكم القلم دعييو معاها راها غاتقرا أش اتكتبو وانا كانقولك ليك الله أختي الله يسمح ليك ويتجاوز عليك ولي ماخرج من الدنيا ماخرج من عقايبها ما نلومك ماوالو ولكن كانت حاجة سميتها الخدمة القناعة أي حاجة إلى طريق الوسخ ولكن البكا ورا الميت خسارة مالقيت مانgولك حيت بغيمو راك خلصتي ومابغيتها ليك ضرني خاطري وبزاف بكيت وتبلوكيت لك الله أختي لك الله الله يسمح ليها وهاد الحالة يمكن يصبحو منها بزاف لقدر الله لذلك باب توبة ديما مفتوح فيقو داك الضمير لا حول ولا قوة الى باالله. ..يوم عليها وغدا عليك الى نسيتي مولاك وغواتك الدنيا 💸💷💶💰👌
والصورة للانتباه فقط ✌
