الأمل من السماء

14/09/2024

سبت سعيد!!

لُوكَانْ تْحَلُّو عِينِينَا، وْشَافْ كُلّْ وَاحَدْ فِينَا الْمَعْرَكَة بِينْ الْمْلَايْكَة وَالشّْيَاطِينْ، لِّي مْتْحَالْفِينْ مْعَ النَّاسْ الْخَايْبِينْ، شْحَالْ غَادِي نْتْصَدْمُو! الْمْلَايْكَة الطَّاهْرِينْ كَيْخَدْمُو بْوَاحَدْ الشَّدَّة كْبِيرَة بَاشْ يْنَقْذُو الْبْشَرْ، حِيتْ مْهَلَّكْ الْأَرْوَاحْ كَيْحَاوَلْ يْخَلِّي الْفْدَاءْ لِّي تْشْرَا بْتْمَنْ غَالِي بْزَّافْ بْلَا فَايْدَة. لُوكَانْ تْحَلَّاتْ الْبْصِيرَة دْيَالْنَا، غَادِي نْشُوفُو شِي حَاجَة لِّي عَمْرْنَا مَا غَادِي نْنْسَاوْهَا مَادَمْنَا عَايْشِينْ. غَادِي نْشُوفُو أَرْوَاحْ مْحْنِيَّة تَحْتْ الظُّلْمْ، عْيَانَة بَالْحُزْنْ وْمَضْغُوطَة بْحَالْ الْعَرْبَة تَحْتْ حْمَلْ كْبِيرْ، وْقْرِيبَة تْمُوتْ مَنْ الْقْنُطْ وْ اُلْغْبِينَةْ. غَادِي نْشُوفُو مْلَايْكَة كَيْطِيرُو بَالزَّرْبَة بَاشْ يْعَاوْنُو النَّاسْ الْمْجَرّْبِينْ لِّي وَاقْفِينْ عْلَى اُلْحَافَةْ دْ اُلْهَاوِيَة. هَادْ النَّاسْ الْمْجَرّْبِينْ مَا قَادْرِينْشْ يْعَاوْنُو رَاسْهُمْ وْيَتْجَنّْبُو الْخْرَابْ لِّي كَيْهَدّْدْهُمْ؛ وْلَكِنْ مْلَايْكَةْ يَهْوَهْ كَيْبَعّْدُو الْمْلَايْكَة الْخُبْثَاءْ، وْكَيْوَجّْهُو الْنْفُوسْ بْعِيدْ عْلَى الْبْلَايَصْ الْخَطِيرَة، بَاشْ يْثَبّْتُو رَجْلِيهُمْ عْلَى أَسَاسْ قْوِي. غَادِي نْشُوفُو حْرُوبْ دَايْرِينْ بِينْ الْجِيشِينْ، حْقِيقِيَّة بْحَالْ الْحْرُوبْ لِّي كَيْدِيرُوهَا الْجْيُوشْ الْمْتْعَارْكَة فَالْأَرْضْ.

(ST, 29 October 1894 para. 6)

04/07/2024

اُلْعَطِيَّة اُلْلِّي بْلَا ثَمَنْ مَعْطِيَة لْكُولْشِي.

''وْهَكَّا آ الْخُوتْ، مَا خَاصّْنَاشْ نْكُونُو مْلْزُومِينْ بْالدَّاتْ دْيَالْنَا، بَاشْ نْعِيشُو عْلَى حْسَابْ الشَّهَوَاتْ دْيَالْهَا. وْحْنَا كَنْعَرْفُو بْلِّي إِيلُوهِيمْ كَيْخَلِّي ݣَاعْ الْأُمُورْ تْخْدَمْ لْلْخِيرْ لْهَادُوكْ اللِّي كَيْبْغِيوْهْ، اللِّي خْتَارْهُمْ عْلَى حْسَابْ الْقَصْدْ دْيَالُه." (رِسَالَةْ رُومَا 8‏: 28)

هْنَا عَنْدْنَا مَسْأَلَة نْتَاعْ "اُلدَّعْوَة"، وْ هَادْشِي كَيْخَلِّي شِي وَحْدِينْ يْدِيكُورَاجَاوْ. يَقْدَرْ شِي أَخْ يْڭُولْ، "يَمْكَنْ أَنَا مَمْعَيَّطْشْ لِيَا ، وْ ڭَاعْ مَمْتْأَكَّدْ بَلْلِّي أَنَا مَعَيَّطْ عْلِيَا. وْ عَلَا هَادْ اُلْقِيبَالْ, هَادْشِي مَاخْدَامْشْ وْمَمْنَاسْبْشْ لِيَّا.
هَادْ اُلْمَسْأَلَة دْيَالْ "اُلدَّعْوَة" يَمْكَنْ تّْحَلْ بْسُهُولَة كْبِيرَة. لْمَّنْ عَيْطْ يَهْوَهْ؟ "رُوحْ يَهْوَهْ وْالْعْرُوسَة كَيْݣُولُو: «أَجِي!»، وْاللِّي سْمَعْ يْݣُولْ: «أَجِي!» وْاللِّي عْطْشَانْ يْجِي. وْاللِّي بْغَا، يَاخْدْ الْمَا دْيَالْ الْحَيَاةْ فابُورْ.(رُؤْيَا يُوحَنَّا 22‏:17)
اُلدَّعْوَة هِيَّ لْكُلْ طِفْلْ وْ مْرَا وْ رَاجَلْ عْلَى اُلْأَرْضْ. هَادُوكْ اُلْلِّي كَيْسَمْعُوهَا خَاصْهُمْ يَاخْدُوهَا وْ يْوَصْلُوهَا لْلُّوخْرِينْ. لُطْفْ يَهْوَهْ وَاسَعْ بْزَّافْ بْاُلْقْدَرْ اُلْلِّي يْخَلِيهْ يْسْتَوْعَبْ كُلْ فَرْدْ؛ ''حِيتْ هَكَّا بْغَا يَهْوَهْ نَاسْ الدّْنْيَا حْتَّى وْهَبْ وَلْدُه الْوْحِيدْ، بَاشْ مَا يْتّْهْلَكْشْ كُلّْ مْنْ كَيْآمْنْ بِيهْ وَلَكِنْ تْكُونْ عَنْدُه الْحَيَاةْ الدَّايْمَة. (إِنْجِيلْ يُوحْنَّا 3‏:16) وْ هَادْ اُلنُّصُوصْ بْجُوجْ كَافْيِينْ بَاشْ يْشَتْتُو لَلْإِتِجَاهَاتْ بْرَبْعَة كُلْ وْسَخْ لَاهُوتِي تْكْتَبْ بَاشْ يْثْبْتْ بْلْلِّي يَهْوَهْ حَطْ عَدَدْ قْلِيلْ مَنْ اُلنَّاسْ لْمَّنْ عَيَّطْ، وْ مَاكَايَنْ حْتَّا شِي وَاحَدْ آخَرْ مَنْ غِيرْهُمْ. وْهَكَا مَا يْلْزَمْ لْحَتَّا شِي نَفْسْ تَبْقَى بْعِيدَةْ حِيتْ يْحْسَاب لِيهَا بَلْلِّي مَمْعَيَّطْشْ لِيهَا. مَاشِي كُلْ وَاحَدْ كَيْسْمَعْ لْدَّعْوَةْ كَيْجِي، وْ مَاشِي كُلْشِي كَيَاخُدْ بْنَصِيحْةْ بُطْرُسْ وْ يْأَّكَدْ دْعَوْتُو وْ إِخْتِيَارُو؛ وَ لَكِنْ هَادْشِي مَاشِي اُلْغَلَطْ دْ يَهْوَهْ.
فْ شِي مَرَّاتْ كَنْخَافُو مَنْ هَادْ اُلْكَلْمَة، نْتَاعْ "مُنْتَخَبْ أَوْ مْخْتَارْ ". وَاشْ كَايَنْ شِي سَبَبْ بْاشْ نْخَافُو؟ لَّا؛ حِيتَاشْ كُلْ فَرْدْ يَقْدَرْ يْكُونْ مُرَشَّحْ، وْ كُلْ مُرَشَّحْ يَقْدَرْ يْتّْنْتَاخَبْ. اُلْعَطِيَّة اُلْلِّي بْلَا ثَمَنْ بْاُلنَّعْمَة نْتَاعْ تِّبْرِيرْ دْ اُلْحَيَاةْ كَتْشْمَلْ اُلْكُلْ (رُومِيَة 18:5). وْ فْاُلْلَّحْظَةْ اُلْلِّي كَتْسَلَّمْ فِيهَا نَفْسَكْ وْ كَتَاخُدْ اُلْمَسِيحْ فْبْلَاصْتْهَا، كَتَاخُدْ كُلْ مَا كَيْعْطِيهْ اُلْمَسِيحْ. وْهُوَّ، قَادَرْ يْبَارْكَكْ " وْيْبَعّْدْ كُلّْ وَاحْدْ مْنّْكُمْ عْلَى الشَّرّْ دْيَالُه" (أَعْمَالْ اُلرُّسُلْ 3‏:26) . وْكُلْ مَا هُوَّ ضَرُورِي لَلْحَيْاةْ وْ اُلتَّقْوَى مَعْطِي لِينَا فْاُلْمَسِيحْ. إِوَا هَكَّا اُلنَّفْسْ اُلْلِّي وَاقْفَة فْاُلْمَسِيحْ تْقْدَرْ تُوقَفْ ثَابْتَة وْ مْأَمْنَة بْحَالْ صَّخْرَة اُلدَّايْمَةْ وْ اُلْلِّي مَكَتْزَعْزَعْشْ. وْكُلْ وَاحَدْ مَعَيَّطْ لِيهْ لْشَّرْكَة فْاُلمَسِيحْ، إِلَا قْبَلْهَا. وْ حْنَا تْخْتَارِينَا فِيهْ، عْلَا حْسَابْ اُلْمَسَرَّةْ اُلْزْوِينَة نْتَاعْ إِرَادْتُو، بَاشْ نْسَبْحُو مَجْدْ اُلنِّعْمَة نْتَاعُو.

12/06/2024

23/03/2024

سبت سعيد!! 🌹 ❤️ 💜

07/03/2024

1:همومنا و أعبائنا كتزول بالأخبار المزيانة! 🌹

أَجِيوْ لْعَنْدِي آ اللِّي عْيِيتُو كُلّْكُمْ وْاللِّي هَازِّينْ الْحْمَلْ التّْقِيلْ وْأَنَا غَنْعْطِيكُمْ الرَّاحَة. . . حِيتْ النِّيرْ دْيَالِي سَاهْلْ وْالْحْمَلْ دْيَالِي خْفِيفْ».«
إنجيل متّى 11‏:28‏-30

فف ضل حكم النعمة, راه من الساهل دار الحاجه المزيانه كيما هو الحال فضل حكم الذنوب كيكون من ساهل يدارو الذنوب و المعاصي . فلازم الامور تكون هكا. والا ما كانتش قوة النعمه اكثر من اللي موجودت في الذنوب فراه يستاحيل يكون عندنا نجا وخلاص من الذنوب.

ولكن كاين خلاص من الذنوب. وحتا واحد ما يقدر من المسيحيين ينكر هذا الشيء.

فالخلاص ونجا من الذنوب كيعتمد على قوة النعمه مقارنتا بلي فالذنوب وما يمكنش يكون العكس .فاملين كتكون النعمه سائده, فالانسان قادر يدير الحاجه المزيانه. فره حتى شي واحد ما لقى صعوبة من انه يدير الذنوب والمعاصي لحقاش الانسان مستعبد بطبيعه الحال للقوه نتاع الذنوب السايدة.

فمهما هاد القوه نتاع الذنوب عندها تاثير فهي ماشي غير صعيبه وصافي ولكن هي كتمنع الخير اللي عارفه وقادر يديرو الإنسان.

ولكن الى حكمات وسادت قوه اكبر من ذنوب. إيوا, واش مغاديش يكون من السهل بنفس القدر نخدموا الاراده القويه والسلطه العاليه كيما كان الحال لما كنا كانخدموا الاراده الاخره منين كانت سايدت؟ ولكن النعمه ماشي بهاد السهوله قوية من الذنوب. فلو كان هادشي كامل, لكانت الفرحه و البهجه من نصيب كل خاطئ و مذنب في العالم. ولكن كاينه قوه في النعمه اكبر واكثر من ديك الموجوده في الذنوب. لحقاش كل ما الذنوب كاتكثر فالنعمه كتفوتها وتزيد.

وذاك الشي علاش كاين رجاء كبير لكل مذنب فالعالم. ايوا منين كاتجينا هذه النعمه؟ من عند يهوه < النعمه ليكم … من يهوه بانا ومن عند ربنا يسوع المسيح'' وملين كايجيو وذنوب؟ من عند الشيطان بطبيعة الحال, فكل شيء واضح وباين بحال الالف للباء للتاء. فالقوه اللي في النعمه اكبر من هذيك الموجوده في الذنوب لحقاش كاينه قوه اكبر فيهوه من اللي موجوده فالشيطان.

26/11/2023

https://youtube.com/playlist?list=PLZpQ6MT3TIJDTnZAft1_Bxuvl7xy8PEW7&si=xzGbQV6MJoa0a3qQ

En esta lista de reproducción encontrarás el libro del Génesis en Tachelhit la lengua de 3 millones de hablantes entre el Atlas y el Antiatlas, Sur de Marrue...