St Monica's Cathedral Altar Servers

18/06/2026

Thapelo ea Hoseng ho Pelo e Tlotlehang ea Jesu
19 June

Pelo e Tlotlehang ea Jesu,
Ha ke qala letsatsi lena lecha, ke beha pelo ea ka Pelong ea Hao. Ntlatse lerato la Hao, mohau oa Hao, le khotso ea Hao. Tataisa mehopolo ea ka, mantsoe a ka, le liketso tsa ka, e le h**e ke etse lintho tsohle bakeng sa khanya ea Molimo.

Sireletsa kopano ea Baena ba Setefane ea Halalelang ba eang boikhutsong 'me u re tlatse ka matla le sebete sa ho tlotlisa lebitso la Hao.

Pelo e Tlotlehang ea Jesu, e ke e buse lapeng la ka, mosebetsing oa ka, le bophelong ba ka.
Nthute ho rata kamoo U ratang kateng le ho sebeletsa ka boikokobetso le mohau.

Pelo e Tlotlehang ea Jesu, ke beha tšepo ea ka eohle ho Uena. Amen. 🙏🏾🙏🏾

EA SEBELETSANG OTLA RENA 🙏🏾🙏🏾

18/06/2026

Ehh nekere ke practice ke bone na ntse kele bohale-hale kaho hata pitsa ea bohobe..📌

Mookameli oaka o itse ke nna etlaba head chef Ha Mositi mane 📌📌

Rate me out of 10

18/06/2026

Ache tsena tsona li hloka RE:post akerr 📌

18/06/2026

coming soon 📌

18/06/2026

Mongaka o re ke lehopotse tsa morao haa qeta oa tsamaea😶‍🌫️

18/06/2026

THAPELO EA HOSENG | JUNE 18
Ntate oa Rona ea Maholimong, ea Ratehang
Kea U leboha ka mpho ea letsatsi lena.Hoseng hona re tla ka pel’a Hao re le lipelo tse boima.

Kajeno re rapella ngoana e mong le e mong ea utloang bohloko, ea tšabang, ea lahliloeng, ea hlekefetsoang, ea hlorisoang, kapa ea lebetsoeng.

Morena, Ua ba bona kaofela. Ha ho meokho e oang mahlong a bona eo u sa e tsebeng. Ha ho sello se tsoang molomong oa bona se sa fihleng litsebeng Tsa Hao.

Ntate, ba phuthele ka tšireletso ea Hao.
Beha letsoho la Hao le matla holim’a bona.
Tlisa thuso moo ho bonahalang ho se na thuso, tlisa tšeliso moo ho nang le bohloko, tlisa polokeho moo ho nang le kotsi, tlisa tšepo moo ho nang le ho hloka tšepo.

Re rapella ba ke keng ba bua ba ikemela.
Ba fe babuelli.
Ba fe basireletsi.
Ba fe batho ba sebete ba tla emela ’nete ’me ba hane ho e furalla.

Morena, pepesa lefifi hohle moo le ipatang teng.
Tlisa toka ho ba hatelletsoeng ’me u pholose ba qabeletsoeng maemong a ba fetang matla.
Tlohela mosebetsi o mong le o mong o mobe o pepesetsoe leseling.

Hape re rapella lipelo tsa rona re tsotelle mahlomola a ba bang, re rute ho rata kamoo U ratang kateng, ho tsotella kamoo U tsotellang kateng, le ho ikemisetsa ho thusa moo re ka thusang teng.

Kea leboha, Ntate, h**e ngoana e mong le e mong o bohlokoa mahlong a Hao.
Kea leboha h**e baa ratoa, baa nkoa e le ba bohlokoa, ’me Ua ba tseba ka mabitso.

’Muso oa Hao o ke o tle, thato ea Hao e ke e etsoe, lefatšeng joalokaha e leholimong.
Re kopa tsena ka Kreste Morena oa rona, Amen. 🙏🏾🙏🏾

EA SEBELETSANG OTLA RENA 🙏🏾

17/06/2026

Re teng le kae😊

17/06/2026

Utloe Basso ere" U Bitsitsoee Ntate SekhonyanaVitalisi Marole OMI Mobishopo oa Leribe ke morena Molimo"🔥🔥

Mohlang e fihlang litsebeng tsa lona etloba li goosebumps feela🥹🔥

17/06/2026

🙏🏾📌

"Go to Joseph, I have not known anyone who turned to him and was not helped" Saint Teresa of Avila

Kajeno ke letsatsi la sehopotso sa pelo e hloekileng ka ho fetisisa ea Josefa ea Halalelang

Pelo e Hloekileng ka ho Fetisisa ea Mohaleli Josefa e re hopotsa h**e khalalelo hangata e fumanoa linakong tse tloaelehileng tsa bophelo. Joaloka Josefa, re ke re sebeletse ka botšepehi, re rate re sa ipatlele, ’me re tšepe Molimo leha tsela e ka pele e sa hlaka. Mohlala oa hae o ke o tataise mosebetsi oa rona, malapa a rona, le qeto e ’ngoe le e ’ngoe eo re e etsang kajeno.

Pelo e Hloekileng ka ho Fetisisa ea Mohaleli Josefa, Re rapelle.🙏🏾🙏🏾

EA SEBELETSANG OTLA RENA 🙏🏾🙏🏾

17/06/2026

SEHOPOTSO SA PELO E HLOEKILENG KA HO FETISISA EA MOHALELI JOSEFA (MEMORIAL OF THE MOST CHASTE HEART OF SAINT JOSEPH)
BORAPELI BA LABORARO HO ’M’A RONA OA THUSO E SA KHOTSOENG(WEDNESDAY DEVOTION TO OUR MOTHER OF PERPETUAL HELP) 17 June 2026

Kajeno ke letsatsi le tletseng mohau la borapeli bo habeli bophelong ba Kereke 🙏🏾

Re hlompha Pelo e Hloekileng ka ho Fetisisa ea Mohaleli Josefa, mohlokomeli ea khutsitseng le ea tšepahalang oa Jesu le molekane ea lerato oa ’M’e ea Hlohonolofalitsoeng Maria. Pelo ea hae e re ruta bohloeki, boikokobetso, kutlo, le ho tšepa thato ea Molimo ka botlalo. O phetse bophelo bo halalelang ka khutso, empa ka botšepehi bo matla.

Ka nako e tšoanang, retelehela ka tšepo ho ’M’a Rona oa Thuso e sa Khotsoeng, re kopa thapelo ea ’m’a ea re tataisang, a sireletsang malapa a rona, ’me a re atametsa ho Mora oa hae, Jesu. Ntlheng e ’ngoe le e ’ngoe ea tlhoko le ntoa, ke thuso ea rona ea kamehla le setšabelo sa rona.

Kajeno re memeloa ho kopanya pelo e hloekileng le e tšepahalang ea Mohaleli Josefa le pelo e lerato le e utloeleng bohloko ea Maria. Re ithute ho bona ka bobeli ho phela bophelo bo ikokobelitseng ka botlalo ho Molimo.

Oho Mohaleli Josefa o re sireletse ka tlhokomelo ea ntate, ’me ’M’a Rona oa Thuso e sa Khotsoeng o re tataise kamehla ho Jesu.

Mohaleli Josefa, Pelo e Hloekileng ka ho Fetisisa, u re rapelle.
’M’a Rona oa Thuso e sa Khotsoeng, u re rapelle. 🙏🏾

EA SEBELETSANG OTLA RENA 🙏🏾🙏🏾