25/08/2026
Ke ka masoabi re fetisa litsebiso tsena tse peli tsa tahlehelo ea Baholo ba Kereke ena ea rona:
1. Ntate Moholo Patrick Lipholo o hlokahetse ka la 10 Phato 2026, ’me o tla bolokoa Mahuu ka la 5 Loetse 2026. O sebelelitse Kereke ena ea Morena Jesu, Phuthehong ea Mahuu, e le Moholo ho fihlela bophelo bo se bo mo hana, a ba a kopa ho lokolloa mosebetsing oa Lekhotla.
2. ‘Mè Moholo Nowinile Aletta Toyana o hlokahetse ka la 15 Phato 2026. E bile setho se matla sa Lekhotla la Kereke le sa MMM Phuthehong ea Mohale’s Hoek, ‘me o bile a ts’epeloa ho hlokomela le ho alosa Lekala la Mohale’s Hoek, Teropong. ’Mè Toyana o tla bolokoa ka la 12 Loetse 2026.
Re ts’elisoa ke mantsoe a Lengolo a reng: “Ke loanne ntoa e molemo, ke qetile sebaka, ke bolokile tumelo.” (2 Timothea 4:7)
Komisi ea Selika e kopa Balumeli ho hopola malapa ana merapelong ea rona, le ho ts’ehetsa le ho ts’elisa malapa ka matsatsi a boletsoeng.
