Restoration Calvary Community Church

Restoration Calvary Community Church Church Services

06/09/2024

LIKAMANO (TSA LERATO, TSA MOSEBETSING, TSA SETSOALLE)

1. O se ke oa lumella khahleho ea 'mele ho o foufatsa.
Motho o na le lintho tse ngata haholo ho feta chebahalo ea hae feela.
2. O se ke oa bontša lerato la hao ha bonolo.
O se ke oa hafaka ka maikutlo a hao oa a lahlela hohle feela joaloka haeka ha se letho, ba tla o nkela menyetla 'me o ka qetella o le motho ea hlaseloang habonolo.
3. O se ke oa tela thabo ea hao ka nako tsohle ho khahlisa motho.
Batho ba na le tšekamelo ea ho se hlomphe, ho eka, le ho sebelisa motho e mong haeba ba tseba h**e o lula a fumaneha bakeng sa bona kamehla.
Haeba ba u rata e le kannete, ba tla batla h**e o thabe o be o fumane molemo joalokaha le bona ba batla ho thaba le ho fumana molemo.
4. O se ke oa thetsoa ke mantsoe a monate.
Batho ba bang ke likheleke tsa mantsoe a monate ao ba ke keng ba a boloka kapa hona ho phethahatsa kamoo ba buileng kateng.
Ho e-na le ho thetseha ke mantsoe, talima 'me o ele hloko seo ba se etsang ho e-na le seo ba se buang.
5. Le ka mohla o se ke oa tatela ho bolella motho liphiri tsa hao tsa khale kapa makunutu a hajoale. Sena ke kenyelletsa le merero ea hao ea bokamoso!
Batho ba tsebang makunutu a hao a tebileng kapa mefokolo ea hao ba ka o hlahisa kotsi le hona ho o timetsa.
HLALEFA!

19/04/2024

O TLA U THETSA KA HO RE LINTHO TSENA KE TSA HAE

"...Diabolose a boela a mo nkela thabeng e telele haholo, a 'montša mebuso eohle ea lefatše le khanya ea eona, a re ho eena: Ntho tseo kaofela ke tla u nea tsona, ha u ka oa ka mangole, ua nkhumamela..." - Mattheu 4:1-11.

Na u elelletsoe h**e moleki o re tlela ka lintho tseo a tsebang h**e li molemo ebile re tla li thabela ha a batla ho re hulela molekong? Ho joalo! Ha a ne a re Jesu a fetole majoe bohobe a tsebe ho ja, le ha a ne a re manģeloi a tla mo khakeletsa ka liatla tsa oona, le ha a ne a re a ka nea Jesu lefatše le mebuso ea lona 'moho le matlotlo a lona kaofela, tsena tsohle ke lintho tse shebahalang li le ntle.

Le matsatsing ana o ntse a tla ho 'na le uena, a re bontsa lintho tse ntle. Ntho e bolutu eo re atisang ho se e hlokomele ke h**e: leha e le h**e Adama, ha a ne a etsa sebe o ne a tlohellele Diabolose ho nka borena le bolaoli boo Molimo a neng a mo neile bona, 'nete e salang e phela ke h**e teng LINTHO TSENA HA SE TSA SATANE, KE TSA MOLIMO! Pesaleme 24:1-2 e re bolella h**e lefatše le tsohle tse ho lona ke tsa tsa Jehova, li entsoe ke Eena! Elelloa leshano leo la Diabolose.

Na u ka thabela ho thusoa ke Diabolose mathateng a hao ha lintho ha li sa tsamaee hantle? Mohlomong a u thuse h**e na u ka etsa magic joang, u fetole majoe bohobe, u tsebe ho phela hamonate?
U ka thabela ho khothaletsoa ke Diabolose ho ipea kotsing ka linako tse ling e le h**e Molimo a tle a hlahe a u sireletse hobane u ngoana oa hae? U itihele h**e a tsebe ho u romella manģeloi?
Na u ka rata ho ruoa lefatše lohle, u be morena holim'a batho kapa mebuso, u hlomphuoe, u be morui e moholo ea nang le matlotlo a managata? Diabolose o tšepisa h**e a ka u nea lintho tsena tsohle, ha feela u ka mo khumamela! Thapelo ea pelo ea ka ke h**e liketso le liqeto tsa rona li se ke tsa re etsa batho ba ntseng ba khumamela Diabolose.

KELETSO EA KA:
1. U se ke be ua khahloa ke none e feta e hlotsa! O ntsa u tšepisa lintho tseo e seng tsa hae, ebile kamehla leha a ka u nea tsona, u tsebe e mpa e le leraba feela la h**e eke ua thetseha, u kenelle harenyana, u tsebe ho ba oa hae ka ho tiea.
2. Molimo o ntse a rerile ho u nea sohle seo u se hlokang, ka tsela ea Molimo eseng ea Diablose. Mamella, tšepa Molimo, rapela Eena 'me O tla iponahatsa bophelong ba hao.
3. Ho thabela lintho tseo u li fumaneng ka litsela tsa Diabolose ho ka fana ka monatenyana oa nakoana, empa phello ea teng ke lefu/lihele.
MO HANELE! MO LELEKE! U SE KE UA MO NEA SEBAKA!

09/04/2024

MENYAKO E RE FIHLISANG MOO RE EANG

“... Ke lebala tse kamorao, ‘me ke hahamalla ho tse ka pele; ke mathela moo ho lekantsoeng teng, e leng pheo eo re e biletsoang holimo ke Molimo, ka Jesu Kreste.” – Ba-Filipi 3:13-14

Kaofela ha rona ho na le moo e mong le e mong a bilelitseng teng, ‘me re tla kopana le menyako bophelong. E ka ba ka tšobotsi ea MENYETLA kapa LIQHOLOTSO. E ka ba lintho tseo re ka li amohelang, ra li aka, kapa tseo re tšabang le ho talimana le tsona…

Boipotso bo kang ba bo “Teng ha ekaba…?” – ( Teng ha ekaba ke tla hloleha?) Re ka fetoa ke menyetla ea bohlokoa bophelong hobane feela re na le letsoalo la ho etsa seo Moea oa Molimo o batlang re se etse. Tšabo eo e ka etsa h**e re hlolehe ho kena ka monyako oo re neng re o buletsoe!
Ho fokola ha tumelo – Qholotso ea ho se tšepe Molimo nakong ea mathata. Ho se tsebe hantle h**e na Molimo o fela a e-na le rona ho ka re sitisa ho etsa lintho. Re nahana ka bobe, mathata, le maemo a sa thabiseng ao re ka bang ho oona haeba Molimo a ke keng a re thusa, ebe rea tlohela, re inehela ho moea oa lefatše.
Ho se etse lintho ka nako – “Ke tla e bona hosane” – Ho emela nako e tlang empa u na le monyetla oa ho etsa ntho hona joale. Ho tseba se nepahetseng seo re lokelang ho se etsa, empa ebe ka lebaka la ho iphathahanya ka lintho tse ling, re re eo re tla ‘ne re e bone nakong e tlang. Hangata menyetla e meng ha hlole e ipheta, ha u sa tla ba le lekhetlo le hlahlamang!
Lihlong – Ho lumella liphoso tse fetileng – ekaba tsa hao kapa tsa batho ba bang – ho re sitisa ho ea fihla moo re reretsoeng teng. Haeba re kile ra hloleha kapa re tseba motho ea kileng a hloleha, re utloa eka le lekhetlong lena re ntse re tla hloleha hape! Hona ho atisa ho re etsa h**e re se hlole re leka lintho.
Phahamiso – Maemo a re lumellang ho sebelisa litsebo le bokhoni ba rona ho fetola maemo. Hona ho atisa ho etsahala ka tsela eo ho neng ho be kateng ho Moshe. Molimo o ne a botse Moshe h**e “U tšoere’ng letsohong la hao? hangata se hlokahalang ho arabela maemo a teng, Molimo o se a ntse a re neile sona, se sebelise.

Senotlolo sa ho kena ka monyako o mong le o mong ke ho etsa SEO JESU A RE ETSELITSENG SONA ntho ea bohlokoa ho feta eng kapa eng. Ho sa tsotellehe h**e na ho bonolo hakae kapa ho ba thata hakae, menyako e kapel’a rona e ka fetoha menyako e re fihlisang moo re reretsoeng teng ke Molimo. ‘Me Molimo o na le rōna o bile o itokiselitse ho re thusa tseleng.

14/03/2024

TSELA EA HO PHUNYELETSA HARA SEFEFO

Pelo tsa lona li se ferekane; lumelang ho Molimo, le ho 'na le lumele. - Johanne 14:1

Temana ena ha se e bueloang bana ha re ba khothatsa nakong eo ba tobaneng le ho ja moroho oa cabbage kamehla! Empa ke mantsoe a Morena Jesu ao a tiisang batho lipelo ka 'ona nakong ea liteko bophelong.

Liteko li ka tla ka litsela tse ngata: likhohlano tse ka hlahang ho bao u amanang le bona ka tsela ena kapa eane, likhathatso tse u tlelang mosebetsing, holotso ho tsa lichelete, mekhoa kapa litloaelo tseo u sitoang ho li tlohela, le tse ling.
Taba e monate kajeno ke h**e maemo ana 'ohle ha rea lokela ho a lumella ho re hatella! JESU ka sebele, o na le rona hara maemo 'ohle, 'me ka thapelo re ka khutsisa lipelo tsa rona hona maemong ao, ra ba ra bona tlholo!

Hopola h**e ha moleko o tla ho oena, Molimo o se a entse le tsela bakeng sa h**e u hlole, u fete ka katleho, u se ke oa timela, kapa u khone ho o jara! Ntho e 'ngoe feela e thusang maemong a re phahamelang: Lumela ho Molimo; lumela ho Jesu - o tlile ho hlola mesebetsi eohle ea Diabolose bakeng sa rona, ha re lumela.

12/03/2024

TLOHELLA MOLIMO A SEBETSE

Jarisa Jehova phahlo tsa hao, 'me o tla u tšehetsa. A ke ke a lumela h**e ea lokileng a 'ne a sisinngoe. (Pesaleme ea 55:22).

Ke u tšoaretse litaba tse u lokollang kajeno: Nako eo u tlohellang lintho h**e Molimo a sebetse ke e 'ngoe ea linako tse u etsang u ikutloe u lokolohile ebile u e-na le khutso le khotso e hlollang.

Hona joale, u ka khetha ho lahlela matšoenyeho a hao ho Eena. U ka phahamisa mahlo a hao, ua a tlosa maemong ao u leng ho 'ona le mefokolong ea hao, 'me oa tsepamisa mahlo a hao ho Jesu, moqadi le mophethi oa tumelo ya hao (bona Ba-Heberu 12:2). U ka amohela ’nete ea seo A reng u sona ’me ua tsamaea ka kholiseho ho seo A u bilelitseng ho se etsa!

Ke ka litsela lifeng u ka tlohellang Modimo h**e a sebetse lebitsong la hao, ua ba ua mo tšepela tsohle tsa hao kajeno, matsatsing aa, selemong see?

26/02/2024

MOLIMO A KA E ETSA
Empa Jesu a ba talima ’me a re: “Ho batho hoo ho ke ke ha khoneha, empa ho Molimo lintho tsohle lia khoneha.”— Matheu 19:26.

Re bona bothata ha Molimo a bona qetello!

U se ke ua etsa phoso, ha ho letho leo Molimo a ke keng a le etsa, 'me O rata ho sebetsa ntho tsohle molemong oa hau!

Kajeno, ha re hopoleng h**e ha ho tšepiso e thata haholo h**e Molimo a ka e phethahatsa.
Ha ho thapelo e kholo hoo A ke keng a e araba, ha ho bothata bo boholo hoo A ke keng a bo rarolla.
Ha ho lefu leo ​​A ke keng a le phekola.
’Me ha ho pelo eo A ke keng a e lokisa.

Thapelo:
Morena Jesu, rea elelloa h**e ho tsohle tseo re tobanang le tsona bophelong, ha ho letho le ka u sitang. Re lahlela tsohle ho uena ka tšepo le ka ho tseba h**e u ikemiselitse ho re thusa. Re thuse Morena ka lebaka la mohau oa hau. Amen!

21/07/2023

Repentance means turning away from your sin, not only crying in church!

Tlo, hle, Moea o Halelang! Molimo oa leseli, U tlatse ba U rapelang ka lineo tsa 'nete!
30/01/2023

Tlo, hle, Moea o Halelang! Molimo oa leseli, U tlatse ba U rapelang ka lineo tsa 'nete!

Preparing to lay down the foundation. We are building up the temple of The Lord.Your assistance in any form would be hig...
15/05/2022

Preparing to lay down the foundation. We are building up the temple of The Lord.
Your assistance in any form would be highly appreciated.
Contacts: Pastor Victor - +266 5992 8845; +266 6722 0711
WhatsApp: +266 5801 0173

05/02/2022

Joaloka kamehla e teng hape hosane ho boka Morena Molimo oa rona.
Sekamaneng ha Sepinare near Ha Foso, 10:30am.
O amohelehile le oena!

Address

Ha Sepinare, Sekamaneng
Foso

Telephone

+26659928845

Website

Alerts

Be the first to know and let us send you an email when Restoration Calvary Community Church posts news and promotions. Your email address will not be used for any other purpose, and you can unsubscribe at any time.

Shortcuts

Share

Category