St.Jude Church - Kadugoda Waga

05/04/2026

“කුරුසය කියන්නේ වේදනාවක් නෙවෙයි…
එක අපිට ලැබුණු ජයග්‍රහණයයි.” ✝️🔥

Location :- St Jude Church Kadugoda Waga

03/04/2026

මහා සිකුරාදා යනු හුදෙක් ශෝකය ප්‍රකාශ කරන දිනයක් නොව, මනුෂ්‍යත්වයේ උතුම්ම ගුණාංග පිළිබඳව නැවත සිතා බැලීමට ලැබෙන අවස්ථාවකි. පළමුව, කැපකිරීමේ ගුණය ප්‍රගුණ කරන්න; සැබෑ සතුට පවතින්නේ තමා ගැන පමණක් සිතීම නොව, අන් අයගේ යහපත උදෙසා යමක් ඉටු කිරීම තුළ බව වටහා ගන්න. දෙවනුව, සමාව දීම පුරුදු කරන්න. අමනාපකම් සහ වෛරය හදවතේ තබා ගැනීමෙන් අප නිදහස් නොවන අතර, හදවතින්ම සමාව දීම තුළින් මානසික සහනය උදා කර ගත හැකිය.

තවද, ජීවිතයේ එන ඕනෑම දුෂ්කරතාවයක් හමුවේ ඉවසීමෙන් සහ නොසැලෙන අධිෂ්ඨානයෙන් කටයුතු කිරීමට මෙම දිනය අපව දිරිමත් කරයි. බලය හෝ ධනය මගින් ලෝකය යටපත් කිරීමට උත්සාහ කරනවාට වඩා, කරුණාව සහ මෛත්‍රිය තුළින් මිනිස් සිත් දිනා ගැනීම උතුම් බව මතක තබා ගන්න. අසරණ වූවන්ට පිහිට වෙමින්, අසීරු අවස්ථාවලදී අන් අය වෙනුවෙන් පෙනී සිටීම සැබෑ ආධ්‍යාත්මික ජීවිතයක ලක්ෂණයයි. එබැවින්, මෙම දිනයේදී ආත්මාර්ථකාමීත්වය දුරු කර ආදරය සහ සමාව දීමට අදිටන් කර ගනිමු.

01/04/2026

අප්‍රියෙල් 02 වන දින සුබ අස්න – ශු. ජොහාන් 13: 1 – 15

1 තමන් මෙලොවින් ඉකුත් ව පියාණන් වෙතට යාමේ නියමිත මොහොත පැමිණ තිබෙන බව පාස්කු මංගල්‍යයට පෙර, ජේසුස් වහන්සේ දැනගත් සේක. උන් වහන්සේ මෙලොව තම හිතවතුන්ට ප්‍රේම කළ සේක; අන්තිම දක්වා ම ඔවුන්ට ප්‍රේම කළ සේක.
2 රාත්‍රි භෝජනය වළඳන වේලාව පැමිණියේ ය. යක්ෂයා උන් වහන්සේ පාවා දීමට සීමොන්ගේ පුත් ජූදස් ඉස්කාරියොත්ගේ සිත ඒ වන විටත් පොළඹවා තිබිණි. 3 පියාණන් වහන්සේ තමන් අතට සියල්ල පවරා දී තිබෙන බව ද තමන් දෙවියන් වහන්සේ වෙතින් වැඩම කළ බව ද තමන් දෙවියන් වහන්සේ වෙතට වැඩම කරන බව ද දැන, 4 රාත්‍රි භෝජනයෙන් පසු උන් වහන්සේ නැඟිට තම සළුව ගලවා තබා, තුවායක් ගෙන ඉණ වටා බැඳගත් සේක. 5 ඉන්පසු උන් වහන්සේ භාජනයකට වතුර වත්කොට, ශ්‍රාවකයන්ගේ පාද සෝදන්නටත්, තමන් ඉණ බැඳගෙන සිටි තුවායෙන් පිසදමන්නටත් පටන්ගත් සේක. 6 උන් වහන්සේ සීමොන් පේදුරු ළඟට ආ විට, ”ස්වාමීනි, ඔබ වහන්සේ මාගේ පාදත් සෝදන සේක් දැ”යි ඔහු ඇසී ය. 7 ජේසුස් වහන්සේ පිළිතුරු දෙමින්, ”මා කරන්නේ කුමක් දැ යි ඔබ දැන් නොදන්නෙහි ය; එහෙත් පසුව ඔබට වැටහෙනු ඇතැ”යි වදාළ සේක. 8 එවිට පේදුරු, ”මා දිවි ඇතිතෙක් කවදාවත් මාගේ පාද සෝදන්නට නම් ඔබ වහන්සේට ඉඩ නොදෙමි”යි කී ය. ජේසුස් වහන්සේ පිළිතුරු දෙමින්, ”මා ඔබ නොසේදුවොත් මා සමඟ සම්බන්ධකමක් ඔබට නැතැ”යි ඔහුට වදාළ සේක. 9 එවිට සීමොන් පේදුරු, ”ස්වාමීනි, මාගේ පාද පමණක් නොව අත් ද හිස ද සේදුව මැනවැ”යි කී ය. 10 ජේසුස් වහන්සේ ද, ”ස්නානය කළ තැනැත්තේ මුළුමනින් ම පවිත්‍ර ය; පාද සේදීම හැර ඔහු තවත් සෝදනු ලබන්න වුවමනා නැත. ඔබ ද පවිත්‍ර ය; එහෙත් හැම කෙනෙක් ම එසේ නොවෙති”යි වදාළ සේක. 11 ”හැම කෙනෙක් ම පවිත්‍ර නොවෙති”යි උන් වහන්සේ වදාළේ, තමන් පාවා දෙන්නා කවරෙක් දැ යි දැන සිටි බැවිනි.
12 මෙසේ උන් වහන්සේ ඔවුන්ගේ පාද සෝදා, තමන් උතුරු සළුව හැඳගෙන නැවත හිඳගත් කල, ඔවුන්ට මෙසේ වදාළ සේක: ”මා ඔබට කළ දේ කිමෙක් දැ යි ඔබ දන්නහු ද? 13 ‘ගුරුදේවයෙනි’, ‘ස්වාමීනි’ කියා ඔබ මා අමතන්නහු ය. එසේ කීම හරි ය; මම එසේ ම වෙමි. 14 ඔබේ ස්වාමීන් ද ගුරුදේවයන් ද වන මම ඔබේ පාද සේදුවෙම් නම්, ඔබත් එකිනෙකාගේ පාද සේදිය යුතු ය. 15 මා ඔබට, කළාක් මෙන් ඔබත් කළ යුතු බවට ආදර්ශයක් මම දුනිමි.

01/04/2026

මහා බ්‍රහස්පතිදා දිනය යනු කිතුනු අපේ ශුද්ධවූ සතියේ සුවිශේෂීම සන්ධිස්ථානයක් වන අතර, එය පාස්කු කාලයේ ආරම්භය සනිටුහන් කරයි. මෙම දිනයේ වැදගත්කම ප්‍රධාන වශයෙන් කරුණු දෙකක් මත පදනම් වේ: එනම් ජේසු සමිඳුන් විසින් ශුද්ධවූ දිව්‍ය සත්ප්‍රසාද වහන්සේ ස්ථාපිත කිරීම හා පූජකවරය නම් වූ ප්‍රසාද නිධානය ස්ථාපිත කිරීමයි. විශේෂයෙන්ම තමන් වහන්සේ පාවා දෙනු ලැබීමට පෙර තම ගෝලයන් සමඟ අවසන් භෝජනය වැළඳූ උන්වහන්සේ, එහිදී රොටි සහ මිදි යුෂ තම ශරීරය සහ ලේ ලෙස ආශිර්වාද කර දායාද කිරීම තුළින් කිතුනු ජීවිතයේ කේන්ද්‍රස්ථානය වන දිව්‍ය පූජාව හා ශු. දිව්‍ය සත්ප්‍රසාද වහන්සේ ලොවට හඳුන්වා දෙන ලදී.

නිහතමානි භාවය තුල ජේසු සමිඳුන් තම ගෝලයන්ගේ පාද සෝදමින් පෙන්වා දුන් උතුම් ආදර්ශය තමන්ගේ ප්‍රායෝගික ජීවිතයට ගෙන ඒමට උත්සාහ කළ යුතුය. අනුන්ගේ වැරදිවලට සමාව දීමටත්, උස්පහත් භේදයකින් තොරව අසරණයන්ට පිහිට වීමටත් අපි යොමු විය යුතු බව උන්වහන්සේ ක්‍රියාවෙන්ම පෙන්වූ සේක. එසේම, මෙම දිනයේ පවත්වනු ලබන දිව්‍ය පූජාවන්ට සහ ඉන් අනතුරුව කෙරෙන ශුද්ධවූ පැයේ වන්දනාවන්ට බැතියෙන් සහභාගී වෙමින්, උන්වහන්සේගේ දුක්ප්‍රප්තියට අපි සැවොම සහභාගී වෙමු.

28/02/2026

අනුරපුර අභිනව රදගුරු අති උතුම් නිශාන්ත සාගර ජයමාන්න හිමිපාණන්ගේ පදවි ප්‍රාප්තිය සහ රදගුරු අභිෂේක විශේෂ දිව්‍ය .....

02/02/2026

සමිඳුන් පුදදුන් මංගල්‍යය හෙවත් කානික්ක මංගල්‍යය

සාන්ත සභා මාතාව පෙබරවාරි මස 02 දින අති උත්සවශ්‍රීයෙන් සමිඳුන් පුදදුන් මංගල්‍යය හෙවත් "කානික්ක" දේව මාතාවන්ගේ මංගල්‍යය සමරන්නීය. කානික්ක යනු දෙවිඳුන් සඳහා පුදන පඬුරු ලෙස හැඳින්වේ. දිව්‍ය පුත්‍රයාණන් වන ජේසු සමිදාණන් උපත ලබා දින හතළිහකට පසු දේව මාලිගාවේ ඔප්පු කළ බව දේව වචනය සඳහන් වේ. ( ලූක් 2/22- 38) ඔවුන් වහන්සේ සේ දේව මාලිගාවේ ඔප්පු කරන ලද්දේ මෝසෙස්ගේ ව්‍යවස්ථාව පරිදි ය. ( නික්මයාම 13/2,12) , ( ලෙවී 12/6-8) මෙම මංගල්‍යය දේවමාතාවන් සිහිපත් කරන අනිවාර්යය අනුස්මරණ මංගල්‍යයක් ලෙස දේව වන්දනා වසර තුළ කැපී පෙනේ. මෙම මංගල්‍යයේ ආරම්භය ක්‍රිස්තු වර්ෂ තුන්වන සියවසේ අවසාන සමයට අයත් බව පිළිගෙන තිබේ. එහෙත් 4 වන සියවසේ සිට කැපී පෙනෙන විකාශනයක් මෙම මංගල්‍යය සතුව පවතී. මෙය මුලින්ම ආරම්භ වූයේ පෙරදිග සභාවන් තුළය. පසුකාලීනව බයිසන්තියානු පිළිවෙත් හරහා මෙම මංගල්‍යය රෝමයට සේන්දු වූ අතර , මුල් කාලයේ සිටම මෙම මංගල්‍යය හා දිව්‍ය පූජාව ඉටි පහන් දිව්‍ය යාගය ලෙස ජන ව්‍යවහාරයේ සහ ජනවන්දනාවේ පැවැතිණි. මුල් කාලයේදී මෙම මංගල්‍යය පිළිබඳ හා දිනය පිළිබඳ යම් යම් ගැටලු ඇති වූ බව සභා ඉතිහාසයේ සඳහන් වේ. මේ නිසාම ඇතැම් පෙරදිග සභාවන් හා එංගලන්ත සභාව මෙම මංගල්‍යය ජනවාරි ජනවාරි 28 පෙබරවාරි 03 අතර කාල වකවානුවේදී සමරනු ලබන අතර බොහෝ පෙරදිග සභාවන් හා කතෝලික සභාව පෙබරවාරි මස 02 දින ම සෘජුවම මෙම මංගල්‍ය සමරනු ලැබේ. මෙම මංගල්‍යය සඳහා සභා පියවරුන්ගේ දේශනා හා ඉගැන්වීම් මෙන්ම ලිඛිත වාර්තාවන් ද පවතී. ජෙරුසෙලමේ ශා. සිරිල් , ශා. ජෝන් ක්‍රිසොස්තම් , ශා. ඇන්ඩෲ , ශා. ජුවාම් දමසේනූ ...වැනි ප්‍රධාන පෙළේ සභා පිය ඉගැන්වීම් සම්ප්‍රදායක් ද මෙම මංගල්‍යය සතුව පවතී. තවද ජනවන්දනා ඉතිහාසයට සුවිශේෂී මෙහෙවරක් ඉටු කරන ලද එජේරියා නම් තැනැත්තියගේ වාර්තාවට අනුව ක්‍රි.ව. 5 වන සියවසේදී ශුද්ධ වූ දේශයේ ජෙරුසෙලමේ ඉතා උත්සවශ්‍රීයෙන් මෙම මංගල්‍යය සැමරූ බවට සාධක ඇත. පසුකාලීනව ක්‍රිස්තු වර්ෂ හත අට සියවස් වල දී රෝමානු ජනවන්දනාවට මේ එක් වීමත් සමගම ලිඛිත සාක්ෂි ලෙස පළමුවන ජෙලසිස් ශුද්ධෝත්තම පියතුමා විසින් මෙම මංගල්‍ය අනුමත කිරීමෙන් පසුව මුළු යුරෝපා යුරෝපාකරයේ ම මෙය විකාශය වූ බව සඳහන් වේ. කල්යත්ම තාපසාරාම වලදී මෙම මංගල්‍ය සඳහා පූර්ව රාත්‍රියේ මෙහෙයන්ද ආරම්භ වන්නට විය. දෙවන වතිකාන මන්ත්‍රණ සභාවට පෙර මෙම මංගල්‍යය කානික්ක දේවමාතා මංගල්‍යය ලෙස ව්‍යවහාර වුණිද , ඊට පසුව දේවධාර්මික අර්ථකථනයෙන් සමිඳුන් පුදදුන් මංගල්‍යය ලෙස අරුත් ගැන්විණි. ලාංකේය ජන වන්දනා සම්ප්‍රදාය තුළ මෙම මංගල්‍යය හා මෙම මංගල්‍යය සමරන දෙව්මැදුරු ආශ්‍රිතව සුවිශේෂී භක්ති අභ්‍යාස අදත් පවතී. ඒවා අතුරින් ඉටිපහන් ආශිර්වාදය , පරවියන් හා කොබෙයියන් වැනි කුරුල්ලන් ආසිරි ගැන්වීම් , ළදරු වෙන්දේසි තැබීම් , ළදරුවන් උදෙසා සුවිශේෂී ඇදුම් සම්ප්‍රදායන් හා ආසිරි ගැන්වීම් මේවා ප්‍රධාන වේ. මේවායේ ඉතිහාසය ද මෙම මංගල්‍යය අරබයා බද්ධව පවතී. මෙම මංගල්‍යයට අනුව දෙවි සමිදුන්ට හිමිදේ යළිදු දෙවිඳුන්ට පුද දෙන්නට ද , දෙවිඳුන්ට අප සැම කැපවිය යුතු බවත් , භාග්‍යවත් මාතාවන් වන මරියෝත්තමාවන් මෙන් දේව කැමැත්තට හිස නමා දෙවිදුන්ගේ ප්‍රබල ක්‍රියා සිහිකොට ඒවා නිහඬ ව මෙනෙහි කිරීමේ සුවිශේෂී ගුණාංගය ද මෙහිදී ඉස්මතු කර දක්වාලයි.

ශ්‍රී ලංකාව තුළ කානික්ක දේවමාතාවන් නමින් කැපකළ දේවස්ථාන කීපයක්ම දැකිය හැක. ඉන් පළමු ඓතිහාසික දේවස්ථානය ලෙස කළමුල්ල නම් කළ හැකිය. එය ජුසේ වාස් මුනිතුමන්ගේ කාලවකවානුව දක්වා දිවයයි. මඩකලපුව පදවියේ තන්ඩවන්වේලි දේවස්ථානයේ කානික්ක මාතාවන්ගේ ඓතිහාසික ප්‍රතිමාවක් ඇත.

1) කොළඹ අගරදගුරු වසම
කළමුල්ල, බෝලවලාන , පිටිපන , දෙහිවල , නායකකන්ද , නිරිපොළ

2) යාපනය පදවිය - පරුතිතිවු (පරෙවිදූව )

3) හලාවත පදවිය
මාරවිල , කන්දතොඩුවාව , කල්පිටිය මීසමට අයත් පළුකතුරේයි සහ පුක්කුලම

4) මන්නාරම පදවිය - මන්නාරම තුල්ලුකුඩිරුප්පු , පලයිකුලි , සම්පල්තෝට්ටම්

5) මඩකලපුව පදවිය - තන්ඩවන්වේලි

සටහන - අසේල දසනායක

02/02/2026

චතාරික සමයේ විශේෂ දිනයන්...
............................................................
දිනපතා සුබ අස්න නොමිලේ කියවන්න , ඩවුන්ලෝඩ් කර ගන්න - https://play.google.com/store/apps/details?id=appsubaasnacom.wpapp

06/01/2026

ජනවාරි 06 වන දින අස්න – ශු. මාක් 6: 34 - 44

34 උන් වහන්සේ ගොඩට ආ කල, මහ පිරිසක් දැක, එඬේරෙකු නැති බැටළුවන් වැනි වූ, ඔවුන්ට අනුකම්පා කොට, ඔවුන්ට බොහෝ දේ උගන්වන්න පටන්ගත් සේක. 35 දවස ගෙවී යත් ම ශ්‍රාවකයෝ උන් වහන්සේ වෙත අවුත්, ”මෙය පාළු තැනකි; දැන් රෑ බෝ වී ඇත; 36 එබැවින් අවට ගම් නියම්ගම් වලට ගොස් තමන්ට කෑමට යමක් මිලයට ගන්න පිණිස මොවුන් යන්න හැරිය මැනවැ”යි කී හ. 37 එහෙත් උන් වහන්සේ උත්තර දෙමින්, ”ඔබ ම ඔවුන්ට කෑමට යමක් දෙන්නැ”යි වදාළ සේක. එවිට ඔව්හු පිළිතුරු දෙමින්, ”අප ගොස් රිදී කාසි දෙසියයක රොටි මිල දී ගෙන ඔවුන්ට කෑමට දෙන්න දැ”යි උන් වහන්සේගෙන් ඇසූ හ. 38 ”ඔබ ළඟ රොටි කීයක් තිබේ ද කියා ගොස් බලන්නැ”යි උන් වහන්සේ ඔවුන්ට වදාළ සේක. ඔව්හු සොයා බලා අවුත්, ”රොටි පහක් හා මසුන් දෙදෙනෙකැ”යි කී හ.
39 උන් වහන්සේ ඔවුන් සියල්ලන් කාණ්ඩ වශයෙන් නිල් තණ බිම පිට හිඳුවන්න ශ්‍රාවකයන්ට අණ කළ සේක. 40 ඔව්හු සියය සියය හා පණස පණස බැගින්, පේළි වශයෙන් හිඳගත්හ. 41 උන් වහන්සේ රොටි පහත්, මසුන් දෙදෙනාත් ගෙන ස්වර්ගය දෙස බලා, ආශීර්වාදය පවසා, රොටි කඩා, ඔවුන් ඉදිරියෙහි තබන්න ශ්‍රාවකයන්ට දී, මසුන් දෙදෙනාත් ඒ සැමට බෙදා දුන් සේක. 42 සෑම දෙන ම කා තෘප්තියට පැමිණියහ. 43 ඉතිරි රොටි කැබලිවලින් ද මසුන්ගෙන් ද කූඩා දොළොසක් පිරෙන තරම් රැස්කරගත්හ. 44 රොටි කෑ පුරුෂයෝ පන්දහසක් වූ හ.

09/05/2025

26/10/2023

කඩූගොඩ ශාන්ත ජූඩ් දේවස්ථානයේ වාර්ෂික මංගල්‍යය සඳහා කොඩි ගස එසවීම 2023 ඔක්තෝබර් මස 25 දින සිදු කෙරිණි.

25/10/2023

ලෝකයේ සාමය වෙනුවෙන්
සුදතුම්පියතුමන්ගේ ඉල්ලීමක් ❤😢🙏