24/04/2022
❤ *දේව දයාවේ ඉරුදින* ❤ (24.04.2022)
සුවිශේෂය - ශු. ජොහන් 20:19-31
*ඔබේ දයාව හා කරුණාව නියත ව, දිවි හිමියෙන් මා අනුව එන්නේය. සමිදුන්ගේ නිවාසය මාගේ සදාතන වාසය වන්නේ ය. (ගීතාවලිය 23:6)*
දේව දයාව යනු මුළු මනුෂ්ය සංහතියටම අත්යවශ්යම වන ඔසුවකි..
ඒ ඔසුව නොමැතිව ආත්ම වලට සුවයක් නැත...පැවැත්මක් නැත..
ඒ දයාව නියත ව දිවි හිමියෙන් අප වෙත එන නමුත්, අප ඒ ඔසුවේ වටිනාකම තවමත් අවබෝධ කරගෙන නැහැ නේද!
ඒ ඔසුවේ වටිනාකම අවබෝධ කරගෙන නැති නිසා තමයි අප බොහොමයක් දෙනා ඇතුළාන්ත සාමය අත්දකින්නේ නැත්තේ....
*අප දේව දයාවේ වටිනාකම අවබෝධ කරගෙන එය අත්දකින්නේ කොතරම් දුරකට ද, අන්න එතරම් දුරකට ඇතුළාන්ත සාමය අත්දකිනු ඇත..*
ඒ නිසා තමයි, ජේසුස් වහන්සේ, දයාවේ ලේකම්වරිය වන ශු. ෆවුස්තිනා ට මෙය මතක් කර දුන්නේ👇
*මනුෂ්ය වර්ගයා මාගේ දයාව කෙරෙහි විශ්වාසය ඇතිව හැරි එනතුරු සාමයක් නැත* (Diary of St. Faustina, 300)
දේව දයාවේ ඉරුදින වන අද දින දේව දයාව නම් ඔසුව ගැන ගැඹුරින් මෙනෙහි කර, එහි වටිනාකම අවබෝධ කරගන්නට උනන්දු වෙමු.. *නමුත් අද ට පමණක් සීමා නොකර සෑම දිනකම දේව දයාව නම් ඔසුව ගැන මෙනෙහි කරමු.* ඒ ඔසුව අප පානය කරමින් බොහොමයක් දෙනා ට ඒ ඔසුව පොවමු..
මේ ලෝකයේ බෙහෙත් බොහොමයක් ඇත.. *නමුත් දේව දයාව තරම් වටිනා ඔසුවක් මේ විශ්වයේ නැත..*
දේව දයාව නම් ඔසුවෙන් ලැබෙන්නේ,
*දේ* වෝත්තමයාණන් වහන්සේ
*ව* හල්කමින් මුදන පිණිස
*ද* නන් හට දෙන
*යා* ළුකමේ (ආත්මික)
*ව* රප්රසාදයයි උතුම්
දේව දයාවේ බැතිය ප්රවර්ධනය වෙනුවෙන් මහත් සේ කැපවුණු ශු. දෙවන ජුවාම් පාවුළු විසින් පවසන ලද්දකින් අවසන් කරමි.
*"දෙවියන්වහන්සේගේ දයාව හැරුණු විට, වෙනත් බලාපොරොත්තුවේ උල්පතක්, මනුෂ්ය වර්ගයාට නොමැත"*
