07/10/2014
ලොව සුපතල ප්රතිමා වහංසේ නෙලීම.
දිගින් අඩි 80 සහ අඩි 20ක සඳකඩපහනක්, අඩි 5ක් උසැති මුරගල් දෙකක්, පියගැටපෙලක්, අඩි 20 ක් දිග අඩි 3ක් උස මල් ආසනයක්, අඩි 3 ½ ක් උස සයනාසනයක් මත සුවිසල් පිලිම වහංසේ නෙලීම සිදුකරනු ඇත. මෙම පිලිම වහංසේ බුදු රජාණන් වහංසේ ලංකාවට සිරිපතුල ප්රතිෂ්ථාපනය කිරීමට වැඩිය අවස්ථාවේ සිරිපතුල සමන්ත කූටයෙහි පිහිටුවා දිවා ගුහාවේ සයනාසනයෙහි වැඩසිටි පරිදි ශ්රී පාදයට මුහුනලා තනි කළුගලින් නිර්මාණය කරනු ඇත.
මේ සඳහා රු.73,316,000 ක් වැයවන අතර මහජන ආධාරයෙන් මෙහි වැඩකටයුතු දැනට ආරම්භකරගෙන යන බව සිහිපත් කරනු කැමැත්තෙමි.
නෙලීමට අරමුණ.
11 වෙනි ශතවර්ෂයෙන් පසුව ශ්රී ලාංකික ශිල්පීන් විසින්ම මෙම පිලිමය නිර්මානය කරවීම විහාරාධිපති හිමියන්ගේ මුඛ්ය පරමාර්ථය වේ. ඊට හේතුව ලාංකික කලා කුසලතාවය ලෝකයට විහිදා පෑමට උනන්දු කරවීමකි. තවද දෙස් විදෙස් හැමදෙනාටම තිබෙන බෞද්ධ උරුමයන් සහ බුදුපිලිම විනාශවන බැවින් බෞද්ධ පුනර්ජීවයක් ඇති කිරීම වෙනුවෙනි.
ශ්රී ලංකාවේ නොදියුණු විහාරස්ථාන දියුනු කිරීමට දෙස් විදෙස් බැතිමතුන්ගේ ආධාරය ලබා දීමට වැඩපිලිවෙලක් සකස්කිරීම මෙහි සුවිශේෂී අරමුණක් බව විහාරාධිපති හිමි සඳහන් කරයි.
මෙම බෞද්ධ චින්තනයට මුල්තැන ලැබෙන කාලය ඉතාම මෑතක බැවින් මෙම උතුම් පිලිම වහංසේ නෙලීමට හේතුවන බවද පවසන විහාරාධිපති හිමියන් ලොව විසිරී සිටින සියළු බෞද්ධ සැදැහැවතුන්ගෙන් කාරුණික ආරාධනයක්ද කරනු ඇත. දෑත් ඔසවා වඳින මොහොතක් පසා කල්ප විනාසයක් වනතුරු පවතින මේ මහා ප්රතිමාවට ආධාර කර ශාසන චිරස්ථිතියට දායක වන ලෙසයි.
ඔබ සැම දේනාටම පටිමා පූජා කිරීමෙන් කෝසල සංයුක්තයේ දැක්වෙන ආනිසංස ලැබෙනු ඇත.මෙපින් බලයෙන් සැමට නිර්වාණ අවබෝධය ලැබේවා.
