Methsith Arana, No 1, Methsith Arana/මෙත්සිත් අරණ, Hathmaththa Waththa, Kannaththota, Ruwanwella (2026)

24/07/2026

සම්බුදු දහමේ අරුතය ලොවට කියන්නට මෙත්සිත් අරණේ පැවිදිව බබසර වැසුමට කැමති වයස 10/15 ආදරණීය පුතුනුවරුණට ආරාධනා. විමසීම් /071-8397675

24/07/2026

මෙන්න අපේ රටේ නියම කොල්ලො.💪💪💪

24/07/2026

- ජය ශ්‍රී මහා බෝධියේ ඉතිහාස කතාව 🙏😍🌿🍂🏜️❤️
ධර්මාශෝක රජතුමාට බිසෝවරු කිහිප දෙනෙක් හිටියා.එයින් අගමෙහේසිය වුනේ අසංධිමිත්‍රායි.ඊලගට හිටියා කෞරවකී බිසව.ඒ වගේ දේවි බිසවත් හිටියා.ඇය තමයි මිහිඳු මහරහතන් වහන්සේගේ මව වුනේ.

තව බිසවක් හිටියා තිස්සරක්ඛා කියලා.මේ බිසව හරි නපුරු කෙනෙක්.ධර්මාශෝක රජතුමා ජය ශ්‍රී මහා බෝධියට හුගක් ආදරය කලා.පුද පූජා කලා.ඒක මේ තිස්සරක්ඛා ඉවසුවේ නෑ.ඇය හිතුවා.
"රජතුමා මටත් වඩා ආදරේ මේ බෝධියටනේ" කියලා

ඒ නිසා ඇය ශ්‍රී මහබෝධිය විනාස කරන්න හිතුවා.පොරවක් අරන් ගහ කපලා ඒකට විෂ කටු ඇතුල් කලා.

රජු මේක අහලා හුගාක දුක් වුනා.තිස්සරක්ඛා එලවා දැම්මා.
එසේම අශෝක රජු අතිශයෙන් ශෝකයට පත්ව බෝධි මූලයට කිරි වත් කර නැවත වර්ධනය වීමට සැලැස්වූ බවත්, බෝධියේ ආරක්ෂාව පිණිස ගඩොලින් කළ ප්‍රාකාරයක් ඉදි කළ බවත් සඳහන් වෙනවා.

එසේම එතැන් පටන් ෆාහියන් හිමියන් වඩින කාලය වනතුරු දිගටම වර්ධනය වූ බෝධිය ඒ වන විට රියන් 100ක් පමණ උසින් යුතු බව පවසා ඇත.

මීළඟට ක්‍රිව හත් වන සියවසේ සංචාරය කළ හියුං සැන් හිමියන්ගේ දේශාටන වාර්තාවේ ශ්‍රී මහා බෝධිය ගැන සඳහන් වේ.

එහිදී උන්වහන්සේ, බුදු රදුන් බුද්ධත්වය ලබන විට අඩි දෙතුන් සියයක් උසින් යුතු වූ බෝධිය කිහිප වරක්ම කපා දැමීම සහ විවිධ හානි මැද වුවද අඩි හතළිහක් හෝ පනහක් පමණ උසට ඇති බව පවසයි.

එසේම ෆාහියන් හිමියන් පැවසූ අශෝක රජුගේ බිසව විසින් බෝධිය කපා දැමීම ගැනද සඳහන් කරන අතරම ඊට පෙර අශෝක රජු බුදු දහම වැළඳ ගැනීමට පෙර බෝධිය කපා දැමූ බවත්, එහිදී එම කපා දැමූ බෝධිය අසලින් තවත් බෝධියක් හට ගත් බවත්, ඒ දැක අශෝක රජු ඒ කෙරෙහි පැහැදුණු බවත්, සඳහන් කරයි.

එසේම හියුං සැන් හිමියන් වැඩම කිරීමට පෙර ක්‍රිව හයවන සියවසේ අවසන් කාලයේ සහ ක්‍රිව හත්වන සියවසේ මුල් දශකයේ රජ කළ සසංක රජු විසින් ශ්‍රී මහා බෝධිය කපා දමා එහි මුල් ද ගලවා දැමූ බවත්, එහි මුල් වල අවසානයක් සොයා ගත නොහැකි වූ තැන ගිනි තබා අනතුරුව සීනි ද්‍රාවණයක් වත් කළ බව උන් වහන්සේ වාර්තා කර ඇත.
පසුව පූර්ණවර්මන් රජු විසින් කිරි වත් කර බෝධිය නැවත වර්ධනය වීමට සැලැස්වූ බවත් සඳහන් කරයි.

එසේම එම රජු බෝධියේ ආරක්ෂාව පිණිස බෝධිය වටා අඩි 24 ක් උසට ගලින් ප්‍රාකාරයක් ඉදි කර බවත් හියුං සැන් හිමි එම ස්ථානයට වඩින විට එම ප්‍රකරයට ඉහළින් අඩි දහයක් පමණ උසට බෝධිය වර්ධනය වී තිබූ බවත් සඳහන් කර ඇත.

දිව්‍යාවදානයේ අශෝකාවදාන කොටසේ ද, අශෝක රජුගේ බිසව වන තිස්සරක්ඛා විසින් බෝධිය විනාශ කිරීම ගැන සඳහන් වන අතර නමුත් එහි ඉහත චීන භික්ෂූන් වහන්සේලා පවසන පරිදි බෝධිය කපා දැමීමක් නොව මන්ත්‍රකාරියක් ලවා හදි හූනියම් කිරීම මගින් බෝධිය විනාශ කිරීමට උත්සාහ කළ බවත් බෝධිය විනාශ වන බව දුටු අශෝක රජු දුක් වන බැවින්, එම හදි හූනියම් ඉවත් කර බෝධිය නැවත යථා තත්වයට පත් කළ බව සඳහන් ය.

මීට සමාන විස්තරයක් ඉදිරිපත් කරන ක්‍රිව හතර වන සියවසේ පමණ ලියවුණු මහාවංසය ද (20 වන පරිච්ඡේදය) තිස්සරක්ඛා බිසව විසින් ශ්‍රී මහා බෝධිය විනාශ කිරීම ගැන පවසන අතර එහිදී විෂ කටු යෙදීම මගින් සිදු කළ බව සඳහන් කරයි.

මෙසේ එකිනෙකට වෙනස් වන රටවල් කිහිපයක මූලාශ්‍ර මගින් එකම සිදුවීම (මදක් වෙනස් ආකාරයෙන් වුවද ) විස්තර කර ඇති බැවින් අශෝක රජුගේ බිසව විසින් ශ්‍රී මහා බෝධියට හානි කළ බව සත්‍ය බවට තහවුරු කළ හැක.

මී ලඟට ශ්‍රී මහා බෝධිය පිළිබඳ වාර්තා වන්නේ ෆ්‍රැන්සිස් බුකනැන් මහතා විසින් ගයා සහ පැට්නා ප්‍රදේශ වල කළ ගවේශනයේ දිය.
1811 වර්ෂයේදී කළ මෙම ගවේෂණ වාර්තාවේ ඉතා කදිම නමුත් අවුරුදු 100 ක් පමණ වයස වන බෝධිය ගැන පවසන අතර නටබුන් අතර පිහිටි එය නිසැකවම ඊට කලින් පිහිටි බෝධියකින් හටගන්නට ඇතැයි පවසයි.

මීළඟට 1862 දී ඇලෙක්සැන්ඩර් කනින්හැම් මහතා සිය වාර්තාවේ 1811 දී දුටු බෝධිය දීරායමින් පවතින බවත් අතු තුනක් සහිත එක කඳක් පමණක් සජීවි ව පවතින බවත් සඳහන් කරයි.

එසේම 1871 දී නැවත දුටු බවත් 1875 වනවිට සම්පූර්ණයෙන්ම දිරාගොස් තිබූ බවත් 1876 දී ඇතිවූ කුණාටුවක් නිසා ඉතිරිව තිබූ දිරාගිය කොටස ද කඩා වැටුණු බව ඔහුගේ බුද්ධගයාව පිළිබඳ වාර්තාවේ සඳහන් කර ඇත.

එසේම එහි මව් ශාකයෙන් හටගත් අංකුර එහි තැන ගැනීමට ඒ වන විටත් වර්ධනය වෙමින් පවතින බවත් සඳහන් කර ඇත.

එසේම 1834 වර්ෂයේ ලංකාවෙන් බුද්ධගයාව වන්දනාමාන කිරීම සඳහා වැඩම කළ බුලත්ගම ධම්මාලංකාර සිරි සුමනතිස්ස මහානාහිමි ඇතුළු පිරිසක් එහි වැඩ සිටි බෝධීන් වහන්සේ ගෙන් ලබාගත් අංකුරයක් ලංකාවේ ගාල්ලේ පරමානන්ද විහාරයේ රෝපිතව අද දක්වා වැඩ සිටියි.

එසේම ක්‍රිපූ තුන්වන සියවසේ ලංකාවට වැඩම කළ ශ්‍රී මහා බෝධියේ දක්ෂිණ ශාඛාව ද අදටත් අනුරාධපුරයේ වැඩ සිටියි.

එසේම ශ්‍රී මහා බෝධිය විනාශ කළ නොහැකි බවත් එය අවුරුදු 5000 ක් කල් පැවතිය යුතු බවත් ඇතැමුන් ප්‍රකාශ කරතත් ඒ වැනි කරුණක් බුද්ධ දේශනාවේ කිසිම තැනක සඳහන් කර නොමැති බැවින් මිථ්‍යා මතයක් මිස සත්‍යයක් නොවන බවද ප්‍රකාශ කළ යුතුය.

එබැවින් මේ සාධක අනුව බුද්ධගයාවේ අද වැඩ සිටින බෝධීන් වහන්සේ මුල් බෝධීන් වහන්සේ ගෙන් හටගත් අංකුර වලින් ඇති වූ බෝධියක් බව පැහැදිලිවන අතරම එය කනින්හැම් මහතා විසින් රෝපණය කළ එකක් බවට කරන ප්‍රකාශය ද පදනම් විරහිත බව පැහැදිලි වෙයි.

24/07/2026

අපේ අය බරටම වැඩ 💪💪💪💪😇😇😇

24/07/2026

🪷 ලෝකයේ වැඩිම බෞද්ධ ජනගහන ප්‍රතිශතයක් ඇති රටවල් 🌏

බුදු දහම ලොව පුරා කෝටි සංඛ්‍යාත ජනතාවගේ ජීවිත ආලෝකමත් කරන ආගමකි. පහත දැක්වෙන්නේ බෞද්ධ ජනගහන ප්‍රතිශතය අනුව ඉහළින්ම සිටින රටවල් කිහිපයකි.

🇰🇭 කාම්බෝජය – 97.1%
🇹🇭 තායිලන්තය – 94.4%
🇲🇲 මියන්මාරය – 89.1%
🇧🇹 භූතානය – 74.7%
🇱🇰 ශ්‍රී ලංකාව – 69.6%
🇱🇦 ලාඕසය – 64.2%
🇲🇳 මොංගෝලියාව – 51.1%
🇯🇵 ජපානය – 37.2%
🇸🇬 සිංගප්පූරුව – 30.8%
🇻🇳 වියට්නාමය – 23.0%
🇲🇴 මැකාවු – 19.6%
🇹🇼 තායිවානය – 19.2%
🇰🇷 දකුණු කොරියාව – 19.0%
🇲🇾 මැලේසියාව – 18.9%

🙏 ශ්‍රී ලංකාව ලෝකයේ බෞද්ධ ජනගහන ප්‍රතිශතය වැඩිම රටවල් අතර පස්වන ස්ථානයේ සිටින අතර, බුදු දහම හා බැඳුණු සම්ප්‍රදායන්, පුරාවිද්‍යාත්මක උරුමයන් සහ සංස්කෘතික වටිනාකම් රැකගෙන සිටින ප්‍රමුඛ බෞද්ධ රටක් ලෙස අදත් විශේෂ ස්ථානයක් හිමි කරගෙන සිටී.

📌 මූලාශ්‍ර: Pew Research Center, World Population Review සහ අනෙකුත් ජාත්‍යන්තර ජනගහන දත්ත ඇසුරිනි.

#බුදුදහම #බෞද්ධ #ලෝකය #ඉතිහාසය

23/07/2026

*☸️සික්ඛමානා ප්‍රේතිය*[ලක්ඛණ සංයුත්තය]

> ⭕ මෙම ප්‍රේතයන් භාග්‍යවතුන් වහන්සේ සිය අවබෝධයෙන් යුතුවම දැක වදාළ හෙයින් සැක සංකා ඇති නොකරගෙන ශ්‍රද්ධාවෙන් යුතුවම කියවන්න ❗

එක් දිනක් මුගලන් මහරහතන් වහන්සේ සහ ලක්ඛණ මහරහතන් වහන්සේ ගිජුකුළු පව්වෙන් පහළට වඩිමින් සිටියහ. මඟදී මුගලන් වහන්සේට තම දිවැසින් අහසේ පියඹා යන අද්භූත රූපයක් දැකගත හැකි විය.

_ඇය කාන්තාවකි. නමුත් ඇය හැඳ සිටි සිවුර, අත රැඳි පාත්‍රය සහ ඉණ බැඳි පටිය ගිනිගෙන දැවෙමින් තිබුණි. මුළු ශරීරයම ගින්නෙන් හා දුමෙන් වෙලී තිබූ ඇය, දැඩි වේදනාවෙන් කෑගසමින් අහසේ පියඹා ගියාය._ 😢
මෙය දුටු මුගලන් වහන්සේ මඳ සිනහවක් පහළ කළහ.

පසුව බුදුරජාණන් වහන්සේ ඉදිරියට ගිය අවස්ථාවේදී, ලක්ඛණ හිමියන් එදා මඟදී සිනහසුණේ මන්දැයි මුගලන් වහන්සේගෙන් විමසා සිටියහ.
එවිට මුගලන් වහන්සේ තමන් දුටු ගිනිගන්නා ප්‍රේතිය පිළිබඳව විස්තර කළහ. එය අසා සිටි බුදුරජාණන් වහන්සේ එම සිදුවීම සනාථ කරමින්, ඇයගේ පෙර ආත්මය පිළිබඳව මෙසේ දේශනා කර වදාළහ:

*"මහණෙනි, ඔය ප්‍රේතිය පෙර කස්සප බුදුරජාණන් වහන්සේගේ සාසනයේ මහණ වීමට සූදානම් වෙමින් සිටි 'සික්ඛමානාවක්' (හික්මිය යුතු ශිෂ්‍යාවක). ඇය තමන් සිල්වත් යැයි අන් අයට පෙන්වමින්, ඇතුළතින් දුශ්ශීලව ජීවත් වුණා. ගිහි දායකයන් මහන්සියෙන් පූජා කළ සිව්පසය (සිවුරු, පාත්‍ර ආදිය) වැරදි ලෙස පරිහරණය කරමින් ශාසනය කෙලෙසුවා. ඇය කළ ඒ පාපකර්මයේ විපාකය තමයි අද ඔය විඳවන්නේ."*😨🙏

තෙරුවන් සරනයි!
අමාදහර 🙏🙇‍♂️

23/07/2026

🌸 සෝවාන් ඵලයේ අසිරිය සහ ඒ සඳහා පිවිසෙන මඟ🙏☸️🌹💫
අනන්ත වූ අමිහිරි සංසාර කතරින් මිදී නිවනේ අමා සුවය දකින ආර්ය මාර්ගයට පා තබන ප්‍රථම උතුම් මංසන්ධිය 'සෝවාන්' ඵලයයි! චතුරාර්ය සත්‍යයේ යථාර්ථය පරිපූර්ණ ලෙසම අවබෝධ කරගනිමින්, ආත්ම දෘෂ්ටිය සම්පූර්ණයෙන්ම සුනුවිසුනු කර, තෙරුවන් කෙරෙහි පැවැති සියලු සැක සංකා සදාකාලිකවම අතුගා දැමූ ඒ උතුම් සෝවාන් වූ අරහත් මාර්ගිකයන් තුළ පිහිටන, පෘථග්ජනයෙකුට කිසිදා නොලැබෙන ඒ අසාමාන්‍ය සුවිශේෂී ගුණාංග 4 ක් පිහිටා තිබේ.

සෝතාපත්ති සංයුක්තයේදී ඒ පිළිබඳව මෙසේ සඳහන් වේ.

“බුද්ධෙ අවෙච්චප්පසාදෙන සමන්නාගතො හොති,
ධම්මේ අවෙච්චප්පසාදෙන සමන්නාගතො හොති,
සංඝෙ අවෙච්චප්පසාදෙන සමන්නාගතො හොති,
අරියකන්තෙහි සීලෙහි සමන්නාගතො හොති.”

1️⃣ බුදුරජාණන් වහන්සේ කෙරෙහි කිසිදිනෙක නොසෙල්වෙන, අචල ශ්‍රද්ධාවෙන් හා ප්‍රසාදයෙන් යුක්ත වීම.

2️⃣ ශ්‍රී සද්ධර්මය කෙරෙහි කිසිදු සැකයනොමැති, අචල ප්‍රසාදයෙන් යුක්ත වීම.

3️⃣ මහ සංඝරත්නය කෙරෙහි පවිත්‍ර වූ, නොසෙල්වෙන ප්‍රසාදයෙන් යුක්ත වීම.

4️⃣ ආර්යකාන්ත ශීලයෙන් සම්පූර්ණයෙන්ම යුක්ත වීම.

මෙහි දැක්වෙන ආර්යකාන්ත ශීලය යනු අන් කිසිවක් නොව නිසි ලෙස සුරකින පංචශීලයයි. ආර්යයන් වහන්සේලා පංච දුශ්චරිතයට දැඩි ලෙස අප්‍රිය කරන අතර, පංචශීලයට මහත් සේ ප්‍රිය කරති. එය කිසිවිටෙකත් කඩ නොකර සුරකින බැවින්ද, ආර්යයන්ට ප්‍රිය උපදවන බැවින්ද එයට 'ආර්යකාන්ත ශීලය' යයි කියනු ලැබේ. සාමාන්‍ය පෘථග්ජනයන් තුළ නොමැති, සෝවාන් වූ උතුමන් තුළ පමණක් පිහිටන මෙම විශිෂ්ට ගුණාංග සතර සෝතාපත්තියංග ලෙස හැඳින්වේ.

එමෙන්ම, පෘථග්ජන පුද්ගලයකුට සෝවාන් මාර්ගයට පැමිණීම සඳහා හෙවත් සෝවාන් පුද්ගලයකු බවට පත්වීම සඳහා පුරුදු පුහුණු කළ යුතු තවත් ගුණාංග සතරක් ද සෝතාපත්ති සංයුක්තයේ දැක්වේ. ඒවා ද සෝතාපත්තියංග නමින්ම හඳුන්වයි. ඒවා නම්,

“සප්පුරිසසංසෙවො සොතාපත්තියංගං
සද්ධම්මස්සවණං සොතාපත්තියංගං,
යොනිසොමනසිකාරො සොතාපත්තියංගං,
ධම්මානුධම්මපටිපත්ති සොතාපත්තියංගං.”

1️⃣ සත්පුරුෂ සේවනය– උතුම් සත්පුරුෂයන් ආශ්‍රය කිරීම.

2️⃣ සද්ධර්ම ශ්‍රවණය – නිවැරදි සද්ධර්මයට නිරන්තරයෙන් සවන්දීම.

3️⃣ යෝනිසෝ මනසිකාරය – අදාල කරුණු නුවණින් විමසා බැලීම හා යථාර්ථවාදීව සිතීම.

4️⃣ ධර්මානුධර්ම ප්‍රතිපත්තිය – අසන ලද ධර්මයට අනුකූලව නිවැරදි ලෙස පිළිවෙත් පිරීම.

මේ අනුව, සෝවාන් මාර්ගයට පිවිසීමට උපකාරී වන පූර්ව ගුණාංග සතරත්, සෝවාන් වූ පසුව උතුමන් තුළ පිහිටන අචල ගුණාංග සතරත් යන කරුණු උතුම් සෝවාන් ඵලය හා සබැඳි පදනම බව මැනවින් පැහැදිලි වේ.

(අතිපූජ්‍ය රේරූකානේ චන්දවිමල මහ නාහිමිගේ “බෝධිපාක්ෂික ධර්ම විස්තරය” ග්‍රන්ථය ඇසුරිනි.)

🙏☸️🌟🌸🙏☸️🌟🌸🙏☸️🌟🌸🙏☸️🌟

23/07/2026

☸️ ලෝකෝත්තර මාර්ගයන්ගේ බලය ☸️

සෝවාන් මාර්ගය සකෘදාගාමීමාර්ගය අනාගාමීමාර්ගය අරහත්මාර්ගය යන ආර්‍ය්‍යමාර්ග සතරය, සෝවාන්ඵලය සකෘදාගාමීඵලය අනාගාමීඵලය, අර්හත්ඵලය යන ආර්‍ය්‍ය ඵල සතරය, නිර්වාණ ධාතුවය යන ධර්ම නවය නවලෝකෝත්තර ධර්ම නම් වේ.

ලෝකෝත්තර ධර්මයෝ ය යන්නෙහි තේරුම සත්ත්වයන් ලෝකයෙන් එතෙර කරවන්නාවූ ද ලෝකය ඉක්මවා සිටින්නා වූ ද ධර්මයෝය යනුයි. නවලෝකෝත්තර ධර්මයන් අතුරෙන් ආර්‍ය්‍යමාර්ග සතර හා ආර්‍ය්‍ය ඵල සතර පිළිවෙත් පිරීමෙන් තම තමන් කෙරෙහි වෙන වෙනම උපදවා ගත යුතු ධර්මයෝ ය. නිර්වාණය ලෝකෝත්තර ඥානවලින් ප්‍රත්‍යක්ෂ කර ගත යුතු ධර්මයෙකි. පර්‍ය්‍යාප්ති ධර්මය අසා බලා දැරිය යුතු ධර්මයෙකි.

යමෙක් ප්‍රථම ආර්‍ය්‍ය මාර්ගය වූ සෝවාන්මාර්ගය සිය සතන්හි උපදවා ගත්තේ වේ නම් එහි බලයෙන් ඔහුගේ සන්තානයෙහි දෘෂ්ටි විචිකිත්සා මතු කිසිම කලෙක අන් ජාතියකදී වුවද නූපදනා පරිදි දුරුවන්නේය. අපායෝත්පත්තියට හේතුවන කර්මයන් කරන තරමට ඖදාරික වූ ලෝභාදි අන්‍ය ක්ලේශයෝ ද දුරුවෙති. එබැවින් වර්මාන ජාතියේ තබා අනාගත ජාතිවලදී අපායෝත්පත්තියට හේතුවන තරමට බලවත් වූ පව්කම් ඔහු අතින් නො කෙරෙන්නේය. සත්ත්වයා අපායෙහි උපදින්නේ සක්කාය දෘෂ්ටිය ඇතිතාක් පමණෙකි. සත්කාය දෘෂ්ටිය ප්‍රහීණ බැවින් ඔහුට ඇති අතීත අකුශලකර්මයෝද ඔහු අපායෙහි උපදවාලීමට සමත් නො වෙති. ප්‍රථම මාර්ගයේ බලයෙන් ඔහු කිසි කලෙක අපායෙහි නූපදනා පුද්ගලයෙක් වෙයි. ප්‍රථම මාර්ගඥානය උපදවා චතුස්සත්‍යයන් ප්‍රත්‍යක්ෂ කළ පුද්ගලයාගේ සන්තානයෙහි එහි ආනුභාවයෙන් බෝධිපාක්ෂිත ධර්මයෝ ක්‍රමයෙන් වැඩෙති. ක්ලේශයෝ පිරිහෙති. ඔහු නිවන් මඟ ඉදිරියටම යන්නේ ය. ආපසු නො එන්නේ ය. එබැවින් ඔහු සසර පමා වුව ද ජාති සතකදී සියලු කෙලෙසුන් නසා අර්හත්වයට පැමිණ නිවනට පැමිණෙන්නේය.

සකෘදාමී මාර්ගය නම් වූ ද්වීතීය ආර්‍ය්‍යමාර්ගය උපදවා ගත් කල්හි එහි බලයෙන් සෝවාන්මාර්ගයෙන් ප්‍රහාණය නොවී ඒ පුද්ගලයාගේ සන්නාතයෙහි ඉතිරිව තිබු කාමරාගාදීහු තුනී වෙති. තුනී වීමය යනු නිතර නූපදනා බවට පැමිණීම හා කලාතුරකින් උපනද සියුම් ලෙස පමණක් උපදනා බවට පත්වීමය. කාමරාගය අප්‍රහීණ බැවින් සෝවාන් පුද්ගලයෝ මෛථුන සේවනය ද කෙරෙති. සකෘදාගාමී පුද්ගලයන්ට කාම රාගය කලාතුරකින් ඇති වුවද ග්‍රාමධර්මයෙහි යෙදෙන තරමට ඖදාරිකව නූපදී. සකෘදාගාමීමාර්ගයේ බලයෙන් බෝධිපාක්ෂික ධර්මයන් වැඩීමේ වේගයද බලවත් වේ. එබැවින් සකෘදාගාමී පුද්ගලයා ප්‍රමාද වුවද ඉපදීම වශයෙන් මේ ලෝකයට එක් වරකට වඩා නො පැමිණේ.

අනාගාමීමාර්ග නම් වූ තුන්වන ලෝකෝත්තර ආර්‍ය්‍යමාර්ගය ඇති වූ කල්හි එහි බලයෙන් ඒ පුද්ගලයාට කාමරාගය හා ව්‍යාපාදය සම්පූර්ණයෙන් දුරු වන්නේ ය. එබැවින් ඔහු කාමලෝකයෙහි නැවත නූපදින්නේ ය.

අර්හන්මාර්ග සංඛ්‍යාත සතරවන ආර්‍ය්‍යමාර්ගය උපදනා කල්හි එහි බලයෙන් ඒ පුද්ගලයාට ඉතිරිව තුබූ සකලක්ලේශයෝ ප්‍රහීණ වෙති. ඔහු සසර මතු නූපදන්නේ ය. ආර්‍ය්‍යඵලයන්ගෙන් සිදුකරන විශේෂ කෘත්‍ය නැත්තේ ය. ඔවුහු මාර්ගයන් අනුව පවත්නෝය. ඒවාට පැමිණි ආර්‍ය්‍යපුද්ගලයන්ට ඵලසමාපත්තිසුඛය ලැබිය හැකිය.

නිර්වාණධර්මයාගේ ආනුභාවය, ස්ථීරත්වය හා කෙලෙස් නැසීමට ආර්‍ය්‍යමාර්ගයන්ට සහාය වීමය. ලෝකයෙහි ඇති අන්‍යවස්තුහූ පරණ වීමෙන් නරක් වෙති. කලෙකදී සම්පූර්ණයෙන් ම විනාශ වෙති. පරණ වීමෙන් නරක් වන ස්වාභාවය හා නැසෙන ස්වාභාවය නිවනට නැත. එබැවින් රහත්ව පිරිනිවන් පාන්නා වූ පුද්ගලයාට නිවීම නැති වී ගොස් නැවත සසරට එන්නට සිදු නොවේ.

22/07/2026

සසුනබරේ දිදුලන මිනි පහනක් වේවා .චිරන් ජයතු.හිමි සදුනි 🙏🙏☸️☸️☸️❤️❤️❤️

22/07/2026

🪷 අපි "මම" ලෙස දකින්නේ ඇත්තටම කුමක්ද?
බුදුරජාණන් වහන්සේ දේශනා කළේ අප "මම", "මගේ" ලෙස අල්ලාගන්නේ පංචුපාදානස්ඛන්ධ බවයි. එනම් රූප, වේදනා, සංඥා, සංස්කාර හා විඤ්ඤාණ යන ස්කන්ධ පහ උපාදානයෙන් අල්ලාගත් ස්වභාවයයි.

සාමාන්‍ය පුද්ගලයා මේවා තුළ සත්ත්වයෙකු හෝ ස්ථිර පුද්ගලයෙකු දකිනවා. නමුත් ධර්මය අනුව ඒ සියල්ල අනිත්‍ය, දුක්, අනත්ත බව ප්‍රඥාවෙන් දැකිය යුතුය.

නිවන් යනු පංචස්කන්ධවලින් පැන යෑමක් නොවේ. ජීවමාන රහතන් වහන්සේ තුළද ස්කන්ධ පවතී. වෙනස වන්නේ ඒවාට ඇති තණ්හාව, උපාදානය සහ අවිද්‍යාව සම්පූර්ණයෙන්ම දුරු වී තිබීමයි. එබැවින් "මම" යන මුලාව නැවත නොඋපදියි.

අප දකින රූප, අසන ශබ්ද, සුවඳ, රස, ස්පර්ශ සහ සිතුවිලි සියල්ලම හේතු-ප්‍රත්‍ය මත ඇතිවන ධර්මතාවයන්ය. ඒවා තුළ ස්ථිර ආත්මයක් හෝ සත්ත්වයෙකු සොයාගත නොහැක.

පටිච්චසමුප්පාදය දේශනා කරන්නේ අවිද්‍යාවෙන් සංස්කාර, සංස්කාරයෙන් විඤ්ඤාණ, විඤ්ඤාණයෙන් නාමරූප ආදී ලෙස සම්පූර්ණ සංසාර චක්‍රය ගොඩනැගෙන ආකාරයයි. මේ සත්‍යය අවබෝධ වන විට "මම" යන දෘෂ්ටිය දුර්වල වෙමින් අවසානයේ සම්පූර්ණයෙන්ම නිරෝධය වෙයි.

බුදුරජාණන් වහන්සේ තවත් දේශනා කළේ සත්ත්වයන්ගේ උසස්-පහත් භාවය තීරණය වන්නේ කර්මය අනුව බවයි.

"කම්මස්සකා, මාණව, සත්තා..."
"සත්ත්වයෝ තම කර්මයේ උරුමක්කාරයෝය. කර්මයම ඔවුන්ගේ උපත, පිළිසරණ හා භේදයට හේතුවයි."

ඒ නිසා අපගේ වගකීම වන්නේ අකුසල් දුරලා, කුසල් වර්ධනය කරමින්, සිත පිරිසිදු කරමින් ජීවිතය ගත කිරීමයි.

"සබ්බ පාපස්ස අකරණං,
කුසලස්ස උපසම්පදා,
සචිත්ත පරියෝදපනං —
ඒතං බුද්ධාන සාසනං."

බුදුරජාණන් වහන්සේගේ ධර්මය ගැඹුරින් අධ්‍යයනය කරන විට, "මම" යන බැඳීම ක්‍රමයෙන් ලිහිල් වන අතර නිදහසට මඟ විවෘත වේ.

🙏 සියලු දෙනාටම ධර්මාවබෝධය ලැබේවා!

ධර්ම දානය පිණිස බෙදා හරින්න ☸️🙏

Methsith Arana

24/07/2026

24/07/2026

24/07/2026

24/07/2026

24/07/2026

23/07/2026

23/07/2026

23/07/2026

22/07/2026

22/07/2026

Address

Telephone

Website

Alerts

Contact The Place Of Worship

Shortcuts

Share

Category

Listing takedown request