26/02/2026
ඛුද්දක නිකාය | මට්ටකුණ්ඩලී පේත වත්ථු
අලංකතෝ මට්ටකුණ්ඩලීමාලාධාරී හරිචන්දනුස්සදෝ
බාහා පග්ගය්හ කන්දසිවනමජ්ඣේ කිං දුක්ඛිතෝ තුවත්ති?
පින්වත් දරුව, නුඹ හරිම ලස්සනයි. මට්ටකුණ්ඩල දරාගෙන ඉන්නවා. මල් මාලා පැළඳ ඉන්නවා. රන්සඳුන් තවරාගෙන ඉන්නවා. ඉතින් මේ වනාන්තරය මැද්දට ඇවිදින් දෑත් බැඳගෙන අඬනවා. මොන කාරණයකටද ඔච්චර දුකෙන් අඬන්නෙ? 🥺🌳
---
සෝවණ්ණමයෝ පභස්සරෝඋප්පන්නෝ රථපඤ්ජරෝ මම
තස්ස චක්කයුගං න වින්දාමිතේන දුක්ඛේන ජහිස්සං ජීවිතන්ති
මට කරත්තයක් හම්බ වෙලා තියෙනවා. ඒක රත්තරන් එකක්. ප්රභාශ්වරයි. ඒ වුනාට රෝද දෙකක් නෑ. මං ඒ දුකෙන් තමයි මේ ජීවිතය අත්හරින්ට හිතාගෙන ඉන්නෙ. ☸️🔥
---
සෝවණ්ණමයං මණිමයංලෝහිතංකමයං අථ රූපියාමයං
ආචික්ඛ මේ භද්දමාණවචක්කයුගං පටිලාභයාමි තේති
අනේ ලස්සන දරුව, මට කියන්න. රත්තරනින්ද කරවලා ඕන? මැණික්වලින්ද කරවලා ඕන? එහෙම නැත්නම් පද්මරාග මැණික්වලින් හරි, රීදියෙන් හරි කරවලා දෙන්නම්. මං ඔබට රෝද දෙකක් ලබා දෙන්නම්. 💎🛠️
---
සෝ මාණවෝ තස්ස පාවදිචන්දසුරියා උභයෙත්ථ දිස්සරේ
සෝවණ්ණමයෝ රථෝ මමතේන චක්කයුගේන සෝභතීති
එතකොට ඒ මාණවකයා ඔහුට මෙහෙම කිව්වා. සඳයි හිරුයි දෙකම අපට පේන්න තියෙනවා. රත්තරනින් කරවපු මගේ රථය ලස්සන වෙන්නෙ නම් අන්න ඒ දෙක රෝද හැටියට ලැබුනොත් තමයි. ☀️🌕
---
බාලෝ ඛෝ ත්වමසි මාණවයෝ ත්වං පත්ථයසේ අපත්ථියං
මඤ්ඤාමි තුවං මරිස්සසින හි ත්වං ලච්ඡසි චන්දසුරියේති
අනේ පින්වත් දරුව, නුඹ හරි මෝඩ කෙනෙක් නෙව. නොපැතිය යුතු දෙයක් නෙව ඔය නුඹ පතන්නෙ. මං හිතන හැටියට නම් නුඹ මැරිල යන්ටයි හදන්නෙ. හිරු සඳු දෙක නම් නුඹට ලබාගන්ට පුළුවන් වෙන්නෙ නෑ. 🚫🌑
---
ගමනාගමනම්පි දිස්සතිවණ්ණධාතු උභයෙත්ථ වීථියෝ
පේතෝ පන කාලකතෝ න දිස්සතිකෝනිධ කන්දතං බාල්යතරෝති
මේ හිරු සඳු දෙකේ අහස් ගමනත් දකින්ට ලැබෙනවා. පැහැ සටහන් දකින්ට ලැබෙනවා. ඒ දෙකේ ගමන් මාර්ගයත් දකින්ට ලැබෙනවා. නමුත් කෙනෙක් මැරුණට පස්සෙ කොහෙත්ම දකින්ට ලැබෙන්නෙ නෑ. එතකොට වැළපෙන අපි දෙන්නගෙන් වඩාත්ම මෝඩ කවුද? 🤔💡
---
සච්චං ඛෝ වදේසි මාණවඅහමේව කන්දතං බාල්යතරෝ
චන්දං විය දාරකෝ රුදංපේත කාලකතාභිපත්ථයං
පින්වත් දරුව, ඔය ඇත්තක්මයි කිව්වෙ. මං තමයි මේ වැළපෙන අය ගෙන් මෝඩම කෙනා. හඳ ඉල්ලා හඬන දරුවෙක් වගේ. කළුරිය කරල පරලොව ගිය අය ඉල්ල ඉල්ල මමයි හඬන්නෙ. 😭🙏
---
ආදිත්තං වත මං සන්තං ඝතසිත්තංව පාවකං
වාරිනා විය ඕසිඤ්චං සබ්බං නිබ්බාපයේ දරං
ගින්නකට ඉසින ගිතෙලක් වගේ දුකෙන් ගිනි ගත්තු මාව නිවිල ගියා. වතුර ඉහල නිවල දානව වගේ මගේ සියලු කාය චිත්ත පීඩා නිවිල ගියා. 🔥💧😌
---
අබ්බහී වත මේ සල්ලං සෝකං හදයනිස්සිතං
යෝ මේ සෝකපරේතස්ස පුත්තසෝකං අපානුදි
මගේ පපුව ඇතුළේ ඇනි ඇනී තිබුණු සෝක හුල ඔබ උදුරලා දැම්මා. පුත්ර සෝකය නිසා මං ගොඩාක් සෝකයෙන් පෙළි පෙළී හිටියේ. ඔබ ඒක දුරු කළා. 💘🩹🙏
---
ස්වාහං අබ්බූළ්හසල්ලොස්මි සීතිභූතෝස්මි නිබ්බුතෝ
න සෝචාමි න රෝදාමි තව සුත්වාන මාණව
පින්වත් දරුව, නුඹේ අවවාදය අසපු ඒ මම දැන් සෝක හුල් උදුරලා දැමූ කෙනෙක්. සිහිල් වු කෙනෙක්. නිවුන කෙනෙක්. දැන් මං සෝක වෙන්නෙ නෑ. ✨❄️
---
දේවතානුසි ගන්ධබ්බෝ ආදු සක්කෝ පුරින්දදෝ
කෝ වා ත්වං කස්ස වා පුත්තො කථං ජානේමු තං මයං
නුඹ දෙවියෙක්ද? ගාන්ධර්වයෙක්ද? එහෙම නැත්නම් පුරින්දද වූ ශක්රයාද? කවුද ඔබ? කාගේවත් පුත්රයෙක්ද? අපි ඒ කරුණ දැනගන්නෙ කොහොමද? ❓😇
---
යඤ්ච කන්දසි යඤ්ච රෝදසිපුත්තං ආළාහනේ සයං දහිත්වා
ස්වාහං කුසලං කරිත්වා කම්මංතිදසානං සහව්යතං පත්තෝ
ඔබ හඬන්නේ යම් කෙනෙක් උදෙසාද ඔබ වැළපෙන්නෙ යම් කෙනෙක් උදෙසාද, ඒ ඔබේ පුතා සොහොනේ දවල නේද ඉන්නෙ. ඒ මං කුසල් කරගත්ත. මං දැන් දෙව්ලොව දෙවියන් අතරයි ඉන්නෙ. 🌟💎
---
අප්පං වා බහුං වා නාද්දසාමදානං දදන්තස්ස සකේ අගාරේ
උපෝසථකම්මං වා තාදිසංකේන කම්මේන ගතෝසි දේවලෝකන්ති
තමන්ගේ ගෙදරදී සුළු වශයෙන් හෝ බොහෝ හෝ දන් දුන්න බවක් නම් අපි දන්නෙ නෑ. ඒ වගේම උපෝසථ සිල් ආදිය රැක්ක බවක්වත් අපි දන්නෙ නෑ. එහෙම එකේ දිව්ය ලෝකෙ ගියේ මොන වගේ පුණ්ය කර්මයකින්ද? 🤔🏰
---
ආබාධිකෝහං දුක්ඛිතෝ බාළ්හගිලානෝආතුරරූපෝම්හි සකේ නිවේසනේ
බුද්ධං විගතරජං විතිණ්ණකංඛංඅද්දක්ඛිං සුගතං අනෝමපඤ්ඤං
මං තමන්ගෙ නිවසේ හොඳටම ලෙඩ වෙලයි හිටියේ. දුකට පත්වෙලයි හිටියේ. ගිලන් වෙලයි හිටියේ. ආතුර වෙලා හිටියේ. සැකයෙන් එතෙරට වැඩි නිකෙලෙස් වූ අලාමක ප්රඥා ඇති සුගත වූ බුදුරජාණන් වහන්සේව මට දැකගන්ට ලැබුනා. 🤒☸️🙏
---
ස්වාහං මුදිතමනෝ පසන්නචිත්තෝඅඤ්ජලිං අකරිං තථාගතස්ස
තාහං කුසලං කරිත්වා කම්මංතිදසානං සහව්යතං පත්තෝ
ඒ මං ගොඩාක් සතුටු වුනා. සිත පහදවා ගත්ත. තථාගතයන් වහන්සේට වන්දනා කරගත්තා. අන්න ඒ පින්කම කරල තමයි දෙව්ලොව දෙවියන් අතරට මං පැමිණුනේ. 🙌✨🌈
---
අච්ඡරියං වත අබ්භුතංඅඤ්ජලිකම්මස්ස අයමීදිසෝ විපාකෝ
අහම්පි මුදිතමනෝ පසන්නචිත්තෝඅජ්ජේව බුද්ධං සරණං වජාමි
හරීම ආශ්චර්යයයි! පුදුම සහගතයි! වන්දනා කළ පමණින්ම මේ සා පුණ්ය විපාකයක් ලැබෙනවා නම් මමත් සතුටු සිතක් ඇති කරගන්නවා. හිත පහදවා ගන්නවා. අදම බුදුරජාණන් වහන්සේව සරණ යනවා. 😲🙏💖
---
අජ්ජේව බුද්ධං සරණං වජාහිධම්මඤ්ච සංඝඤ්ච පසන්නචිත්තෝ
තථේව සික්ඛාය පදානි පඤ්චඅඛණ්ඩඵුල්ලානි සමාදියස්සු
ඔව්! අදම බුදුරජාණන් වහන්සේව සරණ යන්න. ශ්රී සද්ධර්මයත් ආර්ය සඟරුවනත් සරණ යන්න. ඒ වගේම පංච සීලයත් කඩ කරන්නෙ නැතුව, පළුදු කරන්නෙ නැතුව සමාදන් වෙන්න. ☸️🛡️
---
පාණාතිපාතා විරමස්සු ඛිප්පංලෝකේ අදින්නං පරිවජ්ජයස්සු
අමජ්ජපෝ මා ච මුසා භණාහිසකේන දාරේන ච හෝහි තුට්ඨෝ
ඉක්මණින්ම සතුන් මැරීමෙන් වෙන් වෙන්න. ලෝකයෙහි නුදුන් දෙය නොගෙන ඉන්න. මත් පැන් බොන්න එපා! බොරු කියන්නත් එපා! සිය බිරිඳගෙන් පමණක් සතුටු වෙන්න. 🚫🔪💎🍷🤥
---
අත්ථකාමෝසි මේ යක්ඛ හිතකාමෝසි දේවතේ
කරෝමි තුය්හං වචනං ත්වංසි ආචරියෝ මම
පින්වත් යක්ෂය, ඔබ නම් මගේ යහපත කැමති කෙනෙක්. පින්වත් දෙවිය, ඔබ මට හිතවත් කෙනෙක්. ඔබ දැන් මගේ ගුරුවරයා. මං ඔබ කියපු දේ කරනවා. 😇👨🏫🙏
---
උපේමි සරණං බුද්ධං ධම්මඤ්චාපි අනුත්තරං
සංඝඤ්ච නරදේවස්ස ගච්ඡාමි සරණං අහං
මං බුදුරජාණන් වහන්සේව සරණ යනවා. අනුත්තර වූ ශ්රී සද්ධර්මයත් සරණ යනවා. නර දේවයන් වහන්සේගේ ශ්රාවක සංඝයාත් සරණ යනවා. ☸️🙌✨
---
පාණාතිපාතා විරමාමි ඛිප්පංලෝකේ අදින්නං පරිවජ්ජයාමි
අමජ්ජපෝ නෝ ච මුසා භණාමිසකේන දාරේන ච හෝමි තුට්ඨෝති
ඉක්මනින්ම සතුන් මැරීමෙන් වෙන් වෙලා ඉන්නවා. ලෝකයෙහි නුදුන් දෙය නොගෙන ඉන්නවා. මත් පැන් බොන්නෙ නෑ. බොරු කියන්නෙත් නෑ. සිය බිරිඳගෙන් පමණක් සතුටු වෙනවා. ✅😇🕊️
🙏 සාදු! සාදු!! සාදු!!! 🙏
උතුම් වූ ධර්මදානය පිණිස මෙම දෙසුම ඔබේ මිතුරන් අතරේ බෙදාහරින්න
Follow the අමාවතුර channel on WhatsApp: https://whatsapp.com/channel/0029Vb7U8Z4IXnljgUqLmu13
