Kimbulapitiya Parish

15/08/2026

කිඹුලාපිටිය දේවස්ථානයේ ණය මංගල්‍යය දිව්‍ය පූජාව අද සවස 05.30 ට පැවැත්වේ.

15/08/2026

14/08/2026

🌹 මරිය තුමියගේ ස්වර්ගාරෝපණ මංගල්‍යය 🌹

💙 අගෝස්තු 15 💙

“ස්ත්‍රීන් අතර ඔබ භාග්‍යවන්තියකි” 🙏

දේව මාතාවන් වන ශුද්ධ වූ මරිය තුමියගේ ස්වර්ගාරෝපණ මංගල්‍යය අද බැතිමත්ව සමරමු.

මරිය මෑණියන්ගේ මැදිහත්කම තුළින් අපගේ පවුල්, අපගේ මීසම සහ සියලුම දූ දරුවන්ට දෙවිඳුන්ගේ ආශිර්වාදය හා කරුණාව ලැබේවා! 🙏💙

🌹 ශුද්ධ වූ මරිය මෑණියනි, අප නිසා යාච්ඤා කළ මැනව! 🌹

— කිඹුලාපිටිය මීසම් මාධ්‍ය ඒකකය —

12/08/2026

11/08/2026

✝️ මරණීය දණ්ඩනය එපා — ඒ ඇයි?

මරණීය දණ්ඩනය සම්බන්ධයෙන් කතෝලික සභාවේ වර්තමාන ස්ථාවරය ඉතා පැහැදිලියි: මරණීය දණ්ඩනය පිළිගත නොහැකි අතර, ලෝකය පුරා එය අහෝසි කිරීම සඳහා සභාව ක්‍රියා කරයි.

මෙය අපරාධය සුළු කර දැක්වීමක් නොවේ. අපරාධයකට වගකීමක් තිබිය යුතු බවත්, සමාජය ආරක්ෂා කළ යුතු බවත් කතෝලික සභාව පිළිගනී. නමුත් අපරාධකරුවෙකු වුවද මිනිසෙකු ලෙස ඔහුගේ මූලික ගෞරවය නැති නොවේ යන්නයි සභාවේ මූලික අවධාරණය.

❤️ 1. ජීවිතයේ ගෞරවය අපරාධයෙන් නැති නොවේ

කතෝලික සභාවේ Catechism හි 2267 වන අංකය 2018 දී සංශෝධනය කරමින් පැහැදිලි කරන්නේ, ඉතා බරපතළ අපරාධයක් කළ පුද්ගලයෙකුගේ මානව ගෞරවය පවා අහිමි නොවන බවයි.

ඒ නිසා දඬුවම ලබාදීමේදීත් මනුෂ්‍ය ජීවිතයේ අගය ආරක්ෂා කළ යුතුය.

⚖️ 2. සමාජය ආරක්ෂා කළ හැකියි — මරණයෙන් තොරව

අපරාධකරුවන්ගෙන් සමාජය ආරක්ෂා කිරීම රාජ්‍යයේ වගකීමක්. නමුත් අද පවතින වඩාත් ඵලදායී සිරගත කිරීමේ ක්‍රම මගින්, අපරාධකරුවෙකු නැවත සමාජයට හානි කිරීම වැළැක්විය හැකි අතර, ඔහුගේ පසුතැවීම හා වෙනස් වීම සඳහා අවස්ථාවක්ද ඉතිරි කළ හැකියි.

🕊️ 3. පසුතැවීමේ දොර වසා දැමිය යුතුද?

කිතුනු විශ්වාසයේ මධ්‍යයේ තිබෙන්නේ දෙවියන් වහන්සේගේ කරුණාව සහ සමාවයි.

මිනිසෙකු කොතරම් බරපතළ වරදක් කළත්, ඔහුට පසුතැවිලි වී වෙනස් වීමට ඇති අවස්ථාව සම්පූර්ණයෙන්ම අවසන් කිරීම කිතුනු ශුභාරංචියේ ආත්මයට නොගැළපෙන බව සභාව අවධාරණය කරයි.

✝️ 4. සභාවේ නිල ස්ථාවරය

2018 අගෝස්තු 1 දින ශුද්ධාසනය විසින් අනුමත කරන ලද Catechism of the Catholic Church හි 2267 සංශෝධනය අනුව:

“මරණීය දණ්ඩනය පිළිගත නොහැකිය. එය පුද්ගලයාගේ අහිමි කළ නොහැකි ගෞරවයට හා ජීවිතයේ පූජනීයත්වයට එරෙහි වේ.”

ඒ අනුව කතෝලික සභාව ලෝකය පුරා මරණීය දණ්ඩනය අහෝසි කිරීම සඳහා දැඩිව කැපවී සිටී.

⸻

❤️ අවසානයේ…

“මරණීය දණ්ඩනය එපා” යන්නෙන් අදහස් කරන්නේ අපරාධයට සමාව දීමක් නොවේ.

එය කියන්නේ,

අපරාධයට යුක්තිය තිබිය යුතුයි.
සමාජය ආරක්ෂා කළ යුතුයි.
නමුත් මනුෂ්‍ය ජීවිතයේ ගෞරවයද ආරක්ෂා කළ යුතුයි.

කිතුනුවෙකු ලෙස අපට මතක් වන්නේ,

“මම දඬුවමට වඩා ජීවිතයත්, පළිගැනීමට වඩා පසුතැවීමත්, මරණයට වඩා කරුණාවත් තෝරා ගනිමි.” ✝️❤️

කතෝලික සභාවේ නිල මූලාශ්‍රය: Catechism No. 2267 — Vatican

Passion of the Christ ජේසුට මං ආදරෙයී⁠

09/08/2026

"සමිදුනි අප කරනා සේවේ ඔබේ නමට පුද පූජා වේ..."

කිඹුලාපිටිය නිර්මල ලූර්දු දේවමාතා සිද්ධස්ථානයේ නව මීසම් ධර්ම සේවා සභාව දෙවිදුන් ඉදිරියේ දිවුරුම් දීම අද උදෑසන ඉරුදින දිව්‍ය යාගය තුළදී ගරු මීසම් පාලක ප්‍රසාද් ඉන්දික පියතුමන්ගේ ප්‍රාදානත්වයෙන් සිදුවිය. නව මීසම් සභාවේ නව නිළධාරී මණ්ඩලය හා සාමාජික සාමාජිකාවන් පියතුමන් විසින් ආසිරි ගන්වන ලදී.
නව මීසම් සභාවේ සියලුම දෙනාට තම වගකීම් දූතික මෙහෙවරක් කොටතකා සිදුකිරීමට අවශ්‍ය දේව ශක්තිය ලැබේවා...!

08/08/2026

කිඹුලාපිටිය නිර්මල ලූර්දු දේවමාතා සිද්ධස්ථානයේ නව මීසම් මණ්ඩලය දිවුරුම් දීම ✝️

02/08/2026

5 ශ්‍රේණියේ ශිෂ්‍යත්ව විභාගයට පෙනී සිටින් දූ දරුවන් ආසිරි ගැන්වීම අද දින කිඹුලාපිටිය නිර්මල ලූර්දු දේවමාතා සිද්ධස්ථානයේදී සහයක මීසම් සේවක ගරු තිවංක ඩයස් පියතුමන්ගේ ප්‍රධානත්වයෙන් සිදුවිය.
සියලුම දූ දරුවන්ට ශුද්ධාත්ම ආලෝකය නොඅඩුව ලැබේවා...!

31/07/2026

🚨 පාස්කු ප්‍රහාරය වැළැක්වීමට අපොහොසත් වීම : හිටපු පොලිස්පති පූජිත් ජයසුන්දරට සහ ආරක්ෂක ලේකම් හේමසිරි ප්‍රනාන්දුට මරණීය දණ්ඩනය!

පාස්කු ඉරු දින ත්‍රස්ත ප්‍රහාරයක් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම, රාජකාරිය පැහැර හැරීම සහ මිනීමැරීමට අනුබල දීමේ චෝදනාවලට වරදකරු කරනු ලැබූ හිටපු පොලිස්පති පූජිත් ජයසුන්දරට කොළඹ ත්‍රිපුද්ගල මහාධිකරණ විනිසුරු මඩුල්ලේ බහුතර විනිසුරුවරුන් විසින් මරණීය දණ්ඩනය නියම කර තිබේ.

ප්‍රියන්ත ලියනගේ, විරාජ් වීරසූරිය සහ තිලකරත්න බණ්ඩාර යන ත්‍රිපුද්ගල මහාධිකරණ විනිසුරු මඩුල්ල ඉදිරියේ දීර්ඝ කාලයක් පුරා විභාග වූ මෙම නඩුවේ තීන්දුව ප්‍රකාශයට පත් කිරීම පැය 4කට අධික කාලයක් පුරා සිදුවිය.

තීන්දුව ප්‍රකාශයට පත් කරමින් විනිසුරු මඩුල්ලේ සභාපති ප්‍රියන්ත ලියනගේ සහ තිලකරත්න බණ්ඩාර යන බහුතර විනිසුරුවරුන් තීන්දු කළේ අදාළ චෝදනාවලට පූජිත් ජයසුන්දර මහතා වරදකරු වන බවය.

2019 අප්‍රේල් 20 වන දින සවස එවක රාජ්‍ය බුද්ධි සේවයේ අධ්‍යක්ෂ නිලන්ත ජයවර්ධන විසින් දේවස්ථාන සහ හෝටල්වලට මරාගෙන මැරෙන ප්‍රහාර එල්ල වන බවට බුද්ධි තොරතුරු ලබා දී තිබියදීත්, පුරවැසියන් ආරක්ෂා කිරීමේ වගකීම පැවරී තිබූ පොලිස්පතිවරයා ලෙස ඔහු කිසිදු ක්‍රියාමාර්ගයක් නොගෙන රාජකාරිය පැහැර හැර ඇති බව විනිසුරු මඩුල්ල පෙන්වා දුන්නේය.

මෙම අපරාධය හේතුවෙන් පුද්ගලයින් 268 දෙනෙකු මරණයට පත් වී තවත් 586 දෙනෙකු තුවාල ලබා ඇති බව සිහිපත් කළ බහුතර විනිසුරුවරු, විත්තිකරු සිදුකර තිබෙන වරදේ ස්වභාවය සැලකිල්ලට ගෙන ඔහුට මරණීය දණ්ඩනය නියම කරන බව නිවේදනය කළහ.

කෙසේ වෙතත්, ත්‍රිපුද්ගල මඩුල්ලේ විනිසුරු විරාජ් විරසූරිය විසින් සුළුතර තීන්දුව ප්‍රකාශයට පත් කරමින් කියා සිටියේ විත්තිකරුට එරෙහිව පැමිණිල්ල විසින් එල්ල කර ඇති චෝදනා සාධාරණ සැකයෙන් ඔබ්බට ඔප්පු වී නැති බැවින් ඔහු නිදොස් කොට නිදහස් කරන බවයි.

එමෙන්ම පාස්කු ඉරිදා ත්‍රස්ත ප්‍රහාරය වළක්වා නොගැනීම හේතුවෙන් සාපරාධී වගකීම පැහැරහැරීමෙන් මිනිමැරීම සහ මිනීමැරීමට තැත්කිරීම යන චෝදනාවලට වරදකරු වූ හිටපු ආරක්ෂක ලේකම් හේමසිරි ප්‍රනාන්දු මහතාට ද මරණ දඬුවම නියම කිරීමට කොළඹ ස්ථිර ත්‍රිපුද්ගල මහාධිකරණය අද (31) තීරණය කළේය.

මෙම නියෝගය සිදු කරනු ලැබුවේ ප්‍රියන්ත ලියනගේ, විරාජ් වීරසූරිය සහ තිලකරත්න බණ්ඩාරගෙන් සමන්විත ත්‍රිපුද්ගල මහාධිකරණ විනිසුරු මඩුල්ල ඉදිරියේ මෙම නඩුව විභාග කැඳවූ අවස්ථාවේදීය.

ත්‍රිපුද්ගල මහාධිකරණ විනිසුරු මඩුල්ලේ බහුතර විනිසුරුවරු විසින් ලබා දුන් බෙදුනු නඩු තීන්දුවක් මත මෙම තීන්දුව ප්‍රකාශයට පත් කළේය.

එම චෝදනාවට අදාළවම හිටපු පොලිස්පති පූජිත් ජයසුන්දරට ද එම අධිකරණය අද මරණ දඬුවම නියම කරුණු ලැබීය.