මුලතිව් කුරුන්දි පුදබිම

23/08/2026

මුලතිව් වැලිඔය අභිනව සංඝාවාසය පුජා කිරීමේ උතුම් පිංකම අගෝස්තු මස 25 වෙනි දින
පෙරවරු 9 .00 .

රත්නපුර කැන්දලන්ද තේ කර්මාන්ත ශාලාවේ අධිපති සුපින්වත් චන්දන ලියනගේ මැත්තුමන් ඇතුළු පවුලේ සැමගේ පූර්ණ ධන පරිත්‍යාගයෙන්ද ගම්වාසී දායක පිංවතුන්ගේ ශ්‍රම දායකත්වයෙන්ද ඉදිවූ මෙම සංඝාවාසය මහා සංඝරත්නයට පුජා කිරීමේ පිකමට සුපින්වත් ඔබසැමටම ඉතාම ගෞරවයෙන් ආරාධනා .

විහාරාධිපති උතුරු පලාත් ප්‍රධාන සංඝනායක පුජ්‍ය ගල්ගමුවේ සන්තබෝධි ස්වාමීන් වහන්සේ .

20/08/2026

මනුසත් දෙරණ වැඩසටහන මෙවර වවුනියාව බෝගස්වැව 2 ශ්‍රී සාලවනෝද්‍යාරාම පිංබිමේදි ..

15/08/2026

උතුරු කරයේ වන්නි මහ වන මැද සුපිහිටි ඓතිහාසික සපුමල්ගස්කඩ පුදබිමේ අලුතින් ඉදිවූ භාවනා කුටිය 🙏

14/08/2026

13/08/2026

කවුඩාගල නායක හිමියන් උපනීත හිමි සමගින්
කුරුන්දියට වැඩිදා ....

12/08/2026

ඇත්තටම මේක බොරුවක් කියලා හිතුවේ ඒත් හොයල බලනකොට කතාව ඇත්ත..
"....උතුරු නැගෙනහිර ඒකාබද්ධ සංවර්ධන ව්‍යාපෘතියක්.."
ලෝක බැංකුවත් ඩොලර් මිලියන 100ක් දෙනවලු..

මේක එක රටක් පළාත් නවයක් තියෙන..
හැබැයි පළාත් දෙකක් එකතු වෙලා කරන මෙහෙම අපි කවදාවත් අහලා තිබුණේ නෑ..

උතුරු නැගෙනහිර ඒකාබද්ධ කරනවා කියන්නේ එල්.ටී.ටී.ඊ.යේ මුල් කාලයේ තිබිච්ච ප්‍රධානම ඉල්ලීමක්..
හැබැයි ඉන්දියාවේ දැඩි පීඩනයට ලක්වෙලා ඉන්දු ලංකා ගිවිසුම අත්සන් කරපු
ජේ. ආර් ජයවර්ධනවත්,
ඒ පීඩනය යටතේවත්,
ඒ පළාත් දෙක ඒකාබද්ධ කරේ නෑ..

ඊට පස්සේ එල්ටීටීඊය ප්‍රබල ත්‍රස්තවාදී සංවිධානයක් බවට පත්වෙලා ඒක සම්පූර්ණයෙන්ම විනාශයට පත් කරන්න අපේ රණවිරුවන් ජීවිත පූජාවෙන් කටයුතු කරා..

එතකොට ඉල්ලීම කරපු ප්‍රබලම කණ්ඩායම දැන් ඉවරයි..
ආපහු සැරයක් ඒ කණ්ඩායමේ ඉල්ලීම වෙන ආකාරයකින් ඉටු කිරීමට යන ගමනක මූලික පියවරක්ද මේක කියල සැක හිතෙනවා..

අර සුනාමි සහන මණ්ඩල යෝජනාවට විරුද්ධව නඩු කියපු මිනිසුන්ගේම කාලෙකදි,
මේ වගේ යෝජනා ක්‍රියාත්මක වෙනවා දැක්කම පුදුමයක් වගේම දුකකුත් හිතෙනවා..

මේවා අපේ මිනිස්සුන්ට ඒක සැරේට දැනෙන්නෙ නැති වෙන්න පුළුවන්..
හැබැයි රිදෙන්නෙ නැතුව තමයි ටික ටික දැන් වැඩේ කරන්න හදන්නේ..
සමහර විට උතුරු නැගෙනහිර ඒකාබද්ධ වෙලා වෙනම පාලනයක් ඇතිවෙනකන් අපේ මිනිස්සුන්ට දැනෙන එකක් නෑ..

සමහරවිට කියයි කොරහේ කිඹුල්ලු දකිනවා කියලා..

ඇයි මොකද ඒ පැත්ත සංවර්ධනය කර හැම නරකද කියලා කෙනෙකුට අහන්න පුළුවන්..

කිසි ප්‍රශ්නයක් නෑ හොඳට කරන්න ඕන..

හැබැයි ඒකට උතුරු නැගෙනහිර ඒකාබද්ධ සංවර්ධන ව්‍යාපෘති කියන්නේ නැතුව උතුරු සංවර්ධන ව්‍යාපෘතිය නැගෙනහිර සංවර්ධන ව්‍යාපෘතියකුයි විදියට ක්‍රියාත්මක කරන්න බැරි ඇයි.?

ඇයි ඔය වචනේ එල්ලෙන්නේ කියලා කවුරුහරි ප්‍රශ්න කරයි..

ඔව් ඒක එල්ලෙන්නම ඕන වචනයක් තමයි..
මොකද ඒක නවත්තන්න මේ රටේ විරෝධාර තරුණයන් සිය ජීවිත දහස් ගණනක් පූජා කරලා තියෙනවා..
අතපය නැතිකරගෙන සදාකාලික දුබලතාවයට පත්වෙලා තියෙනවා..

අම්මලට ආදරණීය පුත්තු නැතිවෙලා තියෙනවා..
පුංචි එවුන්ට ආදරණීය තාත්තලා නැති වෙලා තියෙනවා..

ඒ හැම දෙයක්ම කරේ මේ රටේ කෑලි වලට බෙදෙන්නේ නැතුව එක රටක් විදියට තියාගන්න ඕන හින්දා

මේ ක්‍රියාමාර්ගවලින් ඒවට හානියක් වෙනවා නම් හොඳයි කියල කියන්නේ කොහොමද..?

උපුටා ගැනීමකි ...

11/08/2026

අමතක නොවන මහා පාද යාත්‍රාව කුරුන්දියට වැඩි දිනය

10/08/2026

08/08/2026

🔴 යාපනයේ තිස්ස විහාරය මැද්දෙන්
පාර කැපීමේ නඩුවේ පොලිස් ඉල්ලීම
මහේස්ත්‍රාත් අධිකරණය ප්‍රතික්ෂේප කරයි:
පාරට එරෙහිව පොලිසිය සඳුදා මහාධිකරණයට

යාපනය තිස්ස විහාර භූමිය මැදින් විහාරය දෙකඩ වන සේ වලිකාමම් උතුර ප්‍රාදේශීය සභාව විසින් පාරක් කැපීමට එරෙහිව පලාලි පොලිසිය විසින් ඉදිරිපත් කළ ඉල්ලීම මල්ලීකම් මහේස්ත්‍රාත් අධිකරණය විසින් ප්‍රතික්ෂේප කර තිබේ. විහාර භූමිය මැදින් පාර කැපීම නිසා සාමය කඩවන බව පවසමින් පොලිස් ආඥා පනතේ 81 වන වගන්තිය යටතේ ලබාගෙන තිබූ තහනම් නියෝගය නිෂ්ප්‍රභ කළ අධිකරණය, ප්‍රදේශය සංවර්ධනය කිරීමේ බලතල ප්‍රාදේශීය සභාවට ඇති බව ප්‍රකාශ කර ඇත. එමෙන්ම, පොලිස් ආඥා පනතේ 66 වන වගන්තිය යටතේ පාර තැනීම නතර කරන ලෙස පලාලි පොලිසිය අද දින කළ නැවත ඉල්ලීම ද ප්‍රතික්ෂේප කළ මහේස්ත්‍රාත් අධිකරණය, ඒ සම්බන්ධයෙන් මහාධිකරණය හමුවට යන ලෙස පොලිසියට නියෝග කර තිබේ. ඒ අනුව පලාලි පොලිසිය එළඹෙන සඳුදා දිනයේදී මෙම තීන්දුවට එරෙහිව මහාධිකරණය හමුවේ අභියාචනයක් ඉදිරිපත් කිරීමට නියමිතය.

සෑම පෝය දිනකම අන්තවාදී පිරිස් උද්ඝෝෂණ පවත්වන මෙවැනි සංවේදී විහාරස්ථානයක් මැදින් පාරක් කැපීමෙන් මහජන කැලඹීමක් සිදු නොවන බවට අධිකරණය තීරණය කර තිබුණ ද, මීට පෙර මුලතිව් කුරුන්දි විහාරයේ චෛත්‍යය ඉවත් කිරීමට හිටපු මහේස්ත්‍රාත්වරයා දුන් තීන්දුව මෙන්ම මෙවැනි සිදුවීම් හරහා සිංහල බෞද්ධ උරුමයට සිදුවන හානිය හමුවේ නීතියේ සාධාරණත්වය උදෙසා මෙම සටන ඉදිරියටම ගෙන යා යුතු බව ප්‍රදේශවාසීහු සහ බෞද්ධ පාලකයන් අවධාරණය කරති. සිය අයිතිවාසිකම් සහ උරුමය වෙනුවෙන් පෙනී සිටීම "බොරු දේශප්‍රේමයක්" ලෙස ඇතැමුන් හැඳින්වුව ද, වලිකාමම් යනු ශ්‍රී ලංකා රාජධානියේම කොටසක් බවත්, බලහත්කාරයෙන් ජාතික උරුමයන් විනාශ කිරීමට ගන්නා මෙවැනි උත්සාහයන්ට එරෙහිව සමස්ත ජාතියම එකමුතුව පෙළගැසිය යුතු බවත් අදාළ වාර්තා වැඩිදුරටත් පෙන්වා දෙයි.

Copied TTV News.lk

05/08/2026

පිංබර වස්සානයේ මාහැඟි කුසලයකට සුපින්වත් ඔබට මෙත් සිතිං ආරාධනා ....!
"භාවනා කුටියකට විදුලි අලෝකය "

වන්නි මහා වන මැද පිහිටි අප ඓතිහාසික සපුමල්ගස්කඩ පුන්‍ය භූමියේ ඉදිකරමින් පවතින සහ ඉදිකල භාවනා කුටි සදහා සූර්ය විදුලි බලය ලබා දීමට දායක වීමට ඔබටත් අවස්ථාව ...

සියළු විමසීම් විහාරාධිපති උතුරු පලාත් ප්‍රධාන සංඝනායක පුජ්‍ය ගල්ගමුවේ සන්තබෝධි ස්වාමීන් වහන්සේ
📞0772036151

පහන් පූජාවේ ආනිසංස

අජිත ස්වාමින් වහන්සේ පියුමතුරා බුදු රජුන්ට එක් මිතෙල් පහනක් පිදූ පිනින් කල්ප හැටදාහක් දෙව්ලොව සැප විඳ දහස් වතාවක් සක්විති රජව උපන්නේ ය. සතිස් වතාවක් සක් දෙව් වුණා. වාර සත් සියයක් ප්‍රදේශ රජ වුණා. අවසානයේ නිවන් දැකීමට ද ඒ කුසලය ම උපනිශ්‍රය වූ බව දැක්වේ.

(අපදාන පාලි: 400 වන අපදානය)

පඤ්චදීපිකා තෙරණින් වහන්සේ පෙර බුදු සසුනක කළුවර රැයක බෝධින් වහන්සේට පහන් පහක් පිදූ පිනෙන් අසූ වාරයක් දෙව්ලොවට අධිපති සක් දෙවිඳු ගේ බිරිඳ වී උපන්නා ය. දහස් ගණන් සක්විති රජ දරුවන්ට අග මෙහෙසිය වුණා ය. අප බුදුසසුනේදී සත් අවුරුදු වියේදී නිවන් දැකීමටද ඒ පින උපනිශ්‍රය වී ඇත.

(9 වන ථේරී අපදානය)

සකුලා තෙරණිය කාශ්‍යප බුදුරජුන් පිරිනිවීමෙන් පසු උන්වහන්සේ ගේ චෛත්‍යයට එක් රැයක් එක් පහනක් පුදා පහත සඳහන් ආනිසංස ලැබුණු බව ථේරි අපදානේ දක්වා ඇත්තේ ය.

සෑම තැනම තමාට ප්‍රදීප දැල් වේ.
දිවැස් ලැබේ.
තීක්‍ෂණ නුවණ ලැබේ.
යසසින් දිලිසෙත්.
ශ්‍රද්ධාව හා ප්‍රඥාව මනාව පිහිටත්.
උසස් කුල සම්පත් ඇත්තෙකු වේ.
ඒකදීපිය හිමි සිද්ධාර්ථ බුදුරජුන් ගේ චිතකයට එක් පහනක් පුදා එක් තිස් වරක් සක් දෙවිඳු විය. විසි අට වතාවක් සක්විති රජ බව ද ලැබුවා. තව විශේෂ අනුසස් දෙකක් ද ලැබුවා.

විෂම ස්ථාන වලට යන විට සමවෙන්නා හ.
විනිවිද පෙනෙන දෙනෙත් ඇත්තෙක් විය.
(416 වන ථේර අපදානය)

පින්වතුනි! පහන් සුවාසූ දහසක් විසිරුණ කැලඹුන සිතින් පිදුවත් මෙපමණ අනුසස් ගෙන නො දෙන අතර, පැහැදුන සිතින් එකඟ සිතින් බුද්ධිමත්ව එක පහනක් පිදුවත් මහත් අනුසස් ලැබෙන බව වටහා ගනිත්වා.