14/04/2025
🌼 හොඳ දේවල් ජීවීතේට ගන්න අනවශ්ය දේවල් අතහරින්න !!!
✨️ මේ මාතෘකාව ටිකක් පුළුල්ව කතා කරන්න විග්රහ කරන්න පුළුවන් එකක්.අපි මධ්යස්ථව තමයි මේ දිහා බලන්න ඕන මොකද මේ අර්බුදය ගොඩනැගෙන්නේ අපේ සිංහල සංස්කෘතියත් ඒ වගේම අපේ බෞද්ධ දර්ශනයත් අල්ලාගන.ඇත්තටම අපේ සෑබෑම අවුරැද්ද තමයි වෙසක් පෝය හැබැයි එහිදි මූලිකත්වය දෙන්ක ඕන අධ්යාත්මික ප්රතිපදාවට මොකද බුදුරජාන්න වහන්සේ දේශණා කෙරැවේ "යමෙක් මාව දකින්න ඕනේනම් මේ සතර සතිපට්ඨානය දකින්න" කියලානේ ( අවබෝධ කරන්න කියලානේ) නමුත් අද අපි වෙසක් සමරන්නේ කොහොමද කියලා අපි හැමෝම දන්නවා.හැබැයි වෙසක් පෝය සම්බන්ධ කරගෙන වෙසක් තොරන් ,කූඩු ,දන්සල් දීම,වෙසක් බැති ගී කීම ආදි ගොඩාක් දේවල් තියනවා.එතකොට අධ්යාත්මික ප්රතිපත්තියේ යෙදෙන්නේ අතලොස්සයි.නමුත් යම් කෙනෙක් අධ්යාත්මික ප්රතිපත්තියේ යෙදිලා අර කියපු ඒවාට ගරහනවානම් ඔහු ලැබුව අධ්යාත්මික දෙයක් නැහැ.
තමන් හරි අනිත් අය වැරදි කියන මතය අල්ලාගන ගරහන එක දුෂ්ඨියක්.බුදුරජානන් වහන්සේට වුණත් සමාජය 100% ධාර්මික කරන්න බැරිවුණා .ඒ කාලයේත් නිගණ්ඨයන් සරණ ගිය අය හිටියා.ඒ වගේම බුදුරජාණන් වහන්සේ ළගම මහණ වෙලා දේවදත්ත,කෝකාලීක ආදිය අයත් සරණ ගිය අය හිටියා.එතකොට අපි අද අවුරැදු 2500 පහු කරලා ගිහින් ඉන්නේ බුදු රජාණන් වහන්සේ පිරිනිවන්පාලා.එතකොට අද සමාජය අපිට 100% ධාර්මික කරන්න බැහැ.ඒකයි බුදු රජාණන් වහන්සේ දේශනා කෙරැවේ ප්රඥාවන්තයින්ට පමණයි මේ ධර්මය තියෙන්නේ කියලා.
ඒ කියන්නේ යමක ඇත්ත නුවණින් දකින්න පුළුවන් කෙනාට,එතකොට අපි අධ්යාත්මික වැඩ පිළිවෙලේ හිටියා කියලා අනිත් දේවල් වලට ගරහන්න හොඳ නැහැ.එදාට සමහර විට කුඩුගහන කෙනා..අරක්කු බොන කෙනා සල්ලාලකම් කරන නොයෙක් වැරදි කරන අය වෙසක් කූඩු හදනවා දන්සල් දෙනවා.ඒ අයත් මානසික තෘප්තියක් ලබනවා. යම් පිනක් ජනිත වෙනවා.
එතකොට අපි හැමදෙයක්ම දකින කෝණයේ අර්බුධය තියෙන්නේ.දැන් අපි ජනවාරි 1 වෙනිදා අවුරැදු සමරනවා.අප්රේල් 14 අවුරැදු සමරනවා වෙසක් පොසොන් දෙකම සමරනවා.ඒ තුළින් එකිනෙකාතුල හිතවත්කම් අලුත් වෙනවා.දයාව අනුකම්පාව අලුත් වෙනවා.
එතකොට අපි හැමදෙයකින්ම ගන්න ඕන යහපත් දෙයක්.මේ අප්රේල් අවුරැද්ද අපිට අයිති දෙයක් නොවෙන්න පුළුවන් නමුත් එදාට අපි දෙමාපියන්ට වැඩිහිටියන්ට ගුරුවරුන්ට බුලත් දීලා වදිනවා.පන්සලට ගිහින් මල් පූජා කරලා එනවා ඒවාගෙන් පිං රැස් වෙනවා.අපිට ඒදාට විතරක් නෙමේ හැමදාම මේ දේවල් කරන්න පුළුවන් නම් ගොඩාක් වටිනවා.නමුත් අද තියන මේ කාර්යබහුල ජීවිතේ එක්ක මේ තියන පොඩි දවසත් කරන පොඩි පිනත් ගොඩාක් දෙනෙකුට වටිනවා.
මමනම් මේ හැම දෙයක්ම ජීවිතේ එක්ක මධ්යස්ථව දකින්නේ..මොකද බුදු රජාණන් වහන්සේ අපිට දේශනා කෙරැවේ අපිට ගන්න හොඳ දෙයක් තියනවානම් ඕනම කෙනෙකුගෙන් ගන්න අනවශ්ය දෙයක් තියනවානම් ඒවා අතහරින්න.ගරහන්න එපා කියලා .මොකද බුදු දහම කියන්නේ සත්යවාදී මානුෂීය දර්ශණයක් .දැන් බලන්න ලෝකයටම පැමිණි කෝරෝනා ප්රශ්ණය වුණත් ලෝකේටම කරදරයක් වුණා .නමුත් ඒකේ හොඳ පැත් ගොඩාක් විවෘත වුණා.
පරිසරයට ආදරය කරන්න පුරැදු වුණා,වගා කරන්න පටන් ගත්තා,හැමතැනම පිරිත් දාන්න පටන් ගත්තා,එකිනෙකාට උදව් කරන්න පටන් ගත්තා.ඉතින් අපි හැමදෙයකින්ම සුභ හොඳ පැත්ත විතරක් ජීවිතයට ගන්න බලන්න.අපි අපේම දේවල් වලට ගරහනවා .භිකෂුන් වහන්සේලාගේ මත අල්ලාගන ආයතන වශයෙන් ෆෙස් බූක් වල යූ ටියුබ් වල කමෙන්ට් කර කරා මරාගන්නවා.අපේ නායක හාමුදුරැවෝ හරි උඹලාගේ නායක හාමුදුරුවෝ වැරදි කිය කියා.ඒ කා ළගවත් ධර්මය නැහැ.සමහරු දේශපාලන මතවලට බෙදිලා අකුසල් කරගන්නවා.
ඒ නිසා ඒ හැමදෙයක්ම මධ්යස්ථ උපේක්ෂාවෙන් බලලා ඒ හැමදෙයකින්ම හොද යහපත් දෙය ජීවිතයට ගන්න .අනවශ්ය දේවල් අතහරින්න. එතකොට අපිට ඉතාමත් සැහැල්ලුවෙන් ලෝකය දෙස බලලා සතුටින් ජීවත් වෙන්ක පුළුවන් .අපි අප්රේල් අවුරැද්දට ගැරහුවා කියලා ඒක මේ සමාජයට නැති වෙන්නේ නෑ.ඒ ගරහන්න යන කාලය අරගෙන අද අවුරැද්දේ වැඩිහිටියන්ට දෙමාපියන්ට වැදලා හවස හැමෝම බුදුන් වැදලා පිරිත් ටිකක් කියලා .
ඒ වගේම ඔය එක එක වේලාවල් උදාවෙනවා කියන කොට ගෙවත්තේ පැළයක් හිටවලා හරිම සැහැල්ලුවෙන් හිටියානම් ළමයින්ටත් ආදර්ශයක් යනවා අනේ අවුරැද්ද කියන්නේ අපි සමඟියෙන් හැමෝම ඉන්නවා කියන එක නේද කියලා සරාංශ කරලා කීවොත් ( ඕනම දෙයක හොඳ යහපත් දෙය ගන්න අනිත් ඒවා සියල්ල අතහරින්න ) නැත්තම් අපි සමාජය හදන්න ගිහින් අපේ සිත ගැටිලා නම් ඒ උත්සහය අසාර්ථකයි.
මධ්යස්ථ සිතින් හැමදේම දැකලා අපි එකිනෙකා හැදෙමු .එතකොට මේ සමාජය ගොඩාක් ලස්සන වේවි.හැමෝටම සමඟිය පිරැණු පින් කරන කුසල් වඩන නිදුක් නිරෝගි සුභම සුභ වාසනාවන්ත දිනයක් වේවා!!
තෙරැවන් සරණයි..!! යහපතක්ම වේවා..!!
පුජ්ය මහව කල්යාණ ඤාණ හිමි
සමස්ත ලංකා දහම් සුවඳ පදනම නිර්මාතෘ / සභාපති
