31/05/2026
වෙසක් පොහෝ දිනයන්හි ඓතිහාසික රිදී විහාරස්ථානය වැඳපුදා ගැනීම සඳහා පැමිණෙන බැතිමතුන්ගේ පහසුව සහ ආරක්ෂාව උදෙසා රිදී විහාර තරුණ බෞද්ධ සංගමය සහ බෞද්ධ සංගමය අඛණ්ඩව ක්රියාත්මක වන අතර විහාරස්ථානය වැඳපුදා ගැනීම සඳහා පැමිණෙන යම් වාහනයක් හදිසි කාර්මික දෝෂයකට ලක්වුවහොත් එය නොමිලේම අලුත්වැඩියා කර දීම සඳහා වාහන ආපදා කමිටුවක් ද රිදී විහාරස්ථ තරුණ බෞද්ධ සංගමය මඟින් පත් කර තිබෙන අතර පැමිණෙන සියලුම රථ වාහන නිසි ලෙස හැසිරවීම ඇතුළු සියලු කටයුතු සිදු කරනු ලබන්නේ තරුණ බෞද්ධ සංගමයේ සාමාජිකයින් විසිනි.
එසේම රිදී විහාරස්ථ තරුණ බෞද්ධ සංගමය, බෞද්ධ සංගමය සහ බෝසත් ළමා සමාජය මඟින් ආහාර පාන අලෙවිසැල්,මල් අලෙවිසැල් ඇතුළු සුබසාධන අලෙවිසැල් පවත්වාගෙන යන අතර එම අලෙවිසැල් මගින් ලැබෙන මුළු ආදායමත් වාහන රථ ගාල් මගින් ලැබෙන මුළු ආදායමත් ඇතුළුව වෙසක් පොහෝ දිනයන් මූලික කරගෙන ක්රියාත්මක වන සියළුම සුබසාධන කටයුතු මඟින් බැතිමතුන් හරහා ලැබෙන ආදායම මුළුමණින්ම යොදවනු ලබන්නේ ඓතිහාසික රිදී විහාරස්ථානය මඟින් සිදුකරනු ලබන ආගමික,සංස්කෘතික සහ සාමාජීය සේවාවන් සඳහා පමණි.
මෙම සියලු කටයුතු රිදී විහාරයේ භාරකාර පූජ්ය තබ්බටුවාවේ ශ්රී සිද්ධාර්ථ බුද්ධරක්ඛිත නායක හිමිපාණන් වහන්ස්ගේ අනුශාසනාවන්ට යටත්ව රිදී විහාරස්ථ තරුණ බෞද්ධ සංගමයේ සහ බෞද්ධ සංගමයේ නිළධාරීන්ගේ පූර්ණ අධීක්ෂණය යටතේ සියලුම සාමාජිකයින්ගේ සභභාගීත්වයෙන් සහ එකමුතුවෙන් ඉතාම සැලසුම්සහගතව සහ පිළිවෙළින් සිදු කෙරේ.
