25/08/2026
කුරුසිය හිස මත තබත්දී දරුවා ගැහෙන්නට පටන් ගත්තා, ඊට පස්සෙ සිදුවුනේ පුදුම ප්රාතිහාර්්යයක්! (සම්පූර්ණ ලිපිය කියවන්න)
***************************************************************************
මගේ කුඩා බිලිඳා උපන්නේ හදවතේ ස්පන්දන වේගය වැඩියෙනුයි. වෛද්යවරුන් මේකට විවිධ අර්ථකථනයන් දුන්නත් අම්මා කෙනෙක් හැටියට මට මගේ දරුවා විඳවනවා බලන් ඉන්න බැරි තරමේ දුකක්. මම මගේ දරුවව අරගෙන ගියේ කටුනායක අප ස්වාමිදූගේ සිද්ධස්ථානයටයි. මාස කීපයක් ම හාස්කම් යාච්ඤාවට සහභාගි වෙලා, ලිපි ලියලා රතු පෙට්ටියට දැම්මා. ශුද්ධවූ කුරුසියේ ආශිර්වාදය ලබා ගත්තා. මටත් මගේ දරුවටත් ශුද්ධෝත්තම අපොස්තුළුතුමා, ශුද්ධවූ කුරුසිය තබා ආශිර්වාද කරත් දී, මාස නවයක් වයස මගේ දරුවා ගැහෙන්න පටන් ගත්තා. එදා ශුද්ධවූ කුරුසියේ ආශිර්වාදය දුන්නේ, මරිය තුමී විසිතුන් වතාවක් දර්ශණය වූ දර්ශණ දෙව්මැඳුරේ දී යි. දර්ශණ දෙව්මැඳුරේ ස්ථාපිත, මරිය තුමී ජේසු බිළිඳු වඩවාගත් දර්ශණ ප්රතිමාව දිහා බලලා, මම ඒ වෙලාවේ කිව්වේ, ‘අනේ කටුනායක අම්මේ මගේ මේ දරුවා කළ වරද මොකක්ද’ කියලයි. කුරුසියේ ආශිර්වාදයත් ඒ සමගම අවසන් වුනා. දරුවගේ ගැස්ම ද නැවතුනා. පසු සතියේ දරුවාව වෛද්යවරුන්ට පෙන්නුවා. මගේ දරුවා සම්පූර්ණයෙන් ම සුවපත් වෙලා. මගේ දරුවා සුව වෙලා දැන් මාස තුනකටත් වැඩියි. කටුනායක අප ස්වාමිදූගේ සිද්ධස්ථානයට විශ්වාසයෙන් ගිහිල්ලා, හාස්කම් යාච්ඤාවට සහභාගි වෙලා ශුද්ධවූ කුරුසියේ ආශිර්වාදය ලබා ගත්තොත් වරදින්නෙ නැහැ. හැබැයි ඉතින් විශ්වාසයෙන් කරන්න ඕනා.
ශර්මිලා නානායක්කාර - අඹන්විට
****************************************************************************
නිර්මල කන්ය මරිය තුමිය දර්ශණය වූ, ශ්රී ලංකාවේ ප්රථම සහ එකම සිද්ධස්ථානය වූ කටුනායක අප ස්වාමිදූගේ සිද්ධස්ථානයෙහි ඉදිකර ඇති දර්ශණ දෙව්මැඳුර, නිර්මල මරිය තුමියගේ ම ඉල්ලීමක් නිසා තනනු ලැබූ දෙව්මැඳුරක්.
වර්ෂ 1976 මැයි මස 11 වෙනි දා, ශ්රී ලංකාවේ, කටුනායක දී දර්ශණය වී, මරිය තුමී, මෙසේ පවසනු ලැබුවා, “මාගේ ආදර දරුව, මෙම ස්ථානයෙහි මා නමට කුඩා දෙව් මැඳුරක් ඉදිකරන්න. එය මගේ උතුම් ආශාවකි”.
එතැන් සිට පියවරෙන් පියවර, මරිය තුමියගේ ආශාව ඉටුකරමින් තනනු ලැබූ දර්ශණ දෙව්මැඳුර 2018 අගෝස්තු 11 වෙනි සෙනසුරාදා සවස, දිවයිනේ සතර දෙසින් ගැලූ මහා ජන ගඟක් මැද, ශුද්ධෝත්තම රොහාන් ලලිත් අපොන්සු අපොස්තුළුතුමන් විසින්, ආශිර්වාද කර දෙව් මවුන් වෙත පිළිගන්වනු ලැබුවා.
නිර්මල මරිය තුමියගේ ම ඉල්ලීමක් මත ඉදිවූ මෙවැනි දෙව්මැඳුරු ලෝකයට ම ඇත්තේ අතලොස්සක් පමණයි. ශ්රී ලංකාවට ම එකයි. එම දෙව්මැඳුර කටුනායක අප ස්වාමිදූගේ සිද්ධස්ථානයෙහි පිහිටා ඇති අතර, මේ වන විට මෙම සිද්ධස්ථානය, මරිය තුමියගේ හාස්කම් බහුලව සිදුවන සිද්ධස්ථානයක් බවට පත් වී තිබෙනවා.
ඉහත ඔබ කියවනු ලැබූ ප්රාතිහාර්්යයද, සිදුවූයේ මෙම දර්ශණ දෙව්මැඳුර තුල දී, ශුද්ධ වූ කුරුසියේ ආශිර්වාදය ලබා දෙන විටයි. මරිය තුමිය 23 වතාවක් මේ වන විට දර්ශණය වී ඇති අභිනව දර්ශණ දෙව්මැඳුරේ 8 වෙනි සංවත්සරය අගෝස්තු 29 වෙනි ලබන සෙනසුරාදා සවස 6 ට පැවැත්වෙන අතර, දර්ශණ දෙව්මැඳුර සැදැහැවතුන් සඳහා සවස 5.30 ට විවෘත කරනු ලබනවා.
නිර්මල මරිය තුමිය 23 වතාවක් දර්ශණය වූ, දර්ශණ දෙව්මැඳුර තුලදී ලබන සෙනසුරාදා, ඔබගේ ඉල්ලීම් ලිවූ ලිපි රතු පෙට්ටිය තුලට දැමීමටත් ඒ සමගම ශුද්ධවූ කුරුසියේ ආශිර්වාදය ලබාගැනීමටත් ඔබට අවස්ථාව ලැබෙනවා. ඔබගේ ඉල්ලීම් ලිවීම සඳහා කඩදාසි ද, කවර ද, සිද්ධස්ථානයෙන් නිකුත් කරන බව කරුණාවෙන් සලකන්න.
Location :- https://aplink.to/map
