22/08/2026
කතරගම ආයුර්වේද මධ්යස්ථානයේ නඩත්තුව වෙනුවෙන් රුහුණු මහා කතරගම දේවාලයෙන් අරමුදල්
ප්රදේශවාසී ජනතාවගේ සෞඛ්ය ප්රවර්ධනය උදෙසා කතරගම ආයුර්වේද මධ්යස්ථානය මගින් සිදුකරනු ලබන අමිල සේවාව තවදුරටත් ශක්තිමත් කිරීමේ අරමුණින්, එහි නඩත්තු කටයුතු සඳහා මාසිකව මූල්ය දායකත්වයක් ලබාදීමට රුහුණු මහා කතරගම දේවාලය මේ වනවිට පියවර ගෙන ඇත.
රුහුණු මහා කතරගම දේවාලයේ බස්නායක නිලමේ ආරච්චිගේ තිලිණ මදුසංක මැතිතුමා වෙත යොමුකරන ලද ඉල්ලීමක් සහ ප්රදේශයේ පුරවැසියන්ට ආයුර්වේදයෙන් ලැබෙන ඉහළ ප්රතිලාභය පිළිබඳව පුළුල්ව සලකා බැලීමෙන් අනතුරුව මෙම අරමුදල් මාසිකව ලබා දීමේ වැඩසටහන ආරම්භ කර තිබේ.
මෙම ප්රජා සත්කාරක වැඩසටහන හරහා කතරගම ප්රදේශයේ ජනතාවට කිසිදු බාධාවකින් තොරව ඉහළ ප්රමිතියකින් යුත් ආයුර්වේද වෛද්ය පහසුකම් ලබාගැනීමට අවස්ථාව උදාවනු ඇතැයි අපේක්ෂා කෙරේ.
