30/05/2026
💫💫අරහං ගුණයේ බලමහිමය💫💫
තථාගතයන් වහන්සේ අරහං ගුණය මහත් වු ආනුභාවයකින් යුක්ත ය. එබැවින් වයසින් හෝ අන්කිසි ගුණයකින් හෝ තමා වැඩිය කියා ලෝකයෙහි කිසිම පුද්ගලයකුට බුදුරදුන්ගෙන් වැඳුම් නොලැබිය හැකිය.
දිනක් තථාගතයන් වහන්සේ වේරඤ්ජාවෙහි වැඩ වෙසෙන කල්හි උන්වහන්සේගේ කීර්තිය අසා, වේරඤ්ජ නම් බ්රහ්මණයා උන්වහන්සේ දක්නට පැමිණ, පිළිසඳර කථා කොට එකත් පසෙක හිඳ මෙසේ කීය. ‘පින්වත් ගෞතමයන් රාජ පරම්පරා ගණනක් ආයු ගෙවා ඇති මහළු බ්රාහ්මණයන්ට වඳින්නේ හෝ දැක හුනස්නෙන් නැඟිටින්නේ හෝ අසුනක් දෙන්නේ හෝ නැතය’ යි මා අසා තිබේ. පින්වත් ගෞතමයාණෙනි, මා අසා තිබු කරුණ එසේම ය’.
එකල්හි තථාගතයන් වහන්සේ,
‘නාහං තං බ්රහ්මණ පස්සාමි සදෙවකෙ ලොකෙ සමාරකෙ සබ්රහ්මකෙ සස්සමණබ්රාහ්මණියා පජාය සදෙවමනුස්සාය යම'හං අභිවාදෙය්ය වා පච්චුට්ඨෙය්ය වා ආසනෙන වා නිමන්තෙය්ය, යං හි බ්රහ්මණ, තථාගතො අභිවාදෙය්ය වා පච්චුට්ඨෙය්ය වා ආසනෙන වා නිමන්තෙය්ය මුඬාපිස්ස විපතෙය්යාති.’ (අංගුත්තර අට්ඨකනිපාත)
යනුවෙන් ‘බ්රහ්මණය, මා විසින් වැඳීමට හෝ හුනස්නෙන් නැඟිටීමට හෝ අසුනක් දීමට හෝ සුදුසු ශ්රමණයකු හෝ බ්රාහ්මණයකු හෝ දෙවියකු බ්රහ්මයකු හෝ අනිකකු නො දකිමි. බ්රාහ්මණය, යමකුට මා විසින් වැන්දේ හෝ අසුනෙන් නැඟිටියේ හෝ අසුනක් දුන්නේ හෝ වේ නම්, තැරියෙන් ගිලිහි තල් ගෙඩියක් වැටෙන්නාක් මෙන් ඔහුගේ හිස බොටුවෙන් ගිලිහී බිම වැටෙන්නේ ය’ යි වදාළ සේක. මේ තථාගතයන් වහන්සේ ගේ අරහං ගුණයේ ආනුභාවයයි.
