15/02/2026
අද මහා ශිව රාත්රියයි 🌟
මහා ශිව රාත්රිය පිළිඹද හින්දු දහමේ කතා ප්රවෘත්තීන් රැසක් ඇති අතර, මහා විෂ්ණු දේව රාජෝත්තමයන් හා සබැඳිව මහා ශිව රාතිය ආරම්භ වූබව ඉන් එක කතාවක දක්වා ඇත.
ඈත අතීතයේදී විශ්ණු දෙවියන් හා බ්රහ්ම දෙවියන් අතර ගැටුමක් පටගත්හ. ඒ ඔවුන්ගේ බලය වැඩි තමන්ගේය කියා මේ දෙදෙනා අතර බහින් බස් වීමක් ඇති වු අතර පසුව එය ටිකෙන් ටික ඉතා විනාශකාරී සටනක් බවට පත්විය. මේ සටන යම් අවසානයකට ගෙන එන්නයි සියලු හින්දු දෙවිවරුන් ශිව දෙවියන්ගෙන් ඉල්ලා සිටි අතර එය පිලිගත් ඔහු විශ්ණු හා බ්රහ්ම අතර ඉතා විශාල වු ගින්නක් ඔහුගේ සලකුණ ලෙස දැක්වෙන ශිවලීංගය මතින් ඇති කරන ලදි.
ඉන් පසුව එම ගින්නේ අවසානයත්, උපතත් මුලින් ම සොයා දෙන්නා බලවත් බව පිළිගන්න බව ශිව දෙවියන් දෙදෙනාටම අභියෝගය ලෙස පවසා ඇත.
එය ඉතාම පහසු කාර්යයක් ලෙස වටහා ගත් දෙවිවරු දෙපලගෙන් බ්රහ්ම දෙවියන් එය අවසානය සෙවීම ඉතා පහසු යයි සලකා හංස වෙසක් ගෙන ඉහල පියඹා ගිය අතර ඊට වඩා ගින්නේ ආරම්භය සෙවිම පහසු යයි සිතු විශ්ණු දෙවියන් වල් ඌරකු ලෙස වෙස් මවා ගෙන පොළව යටට යන ලදි..
දෙදෙනාම පහසු යයි සිතුවත් එය ඉතාම අපහසු කාර්යයක් විය.
සැතපුම් ගණන් ඇවිදිමින් උපතත්, අවසානයත් සෙව්වත් සොයා ගත නොහැකි වී තිබුනි. බ්රහ්මයන්ගේ මේ ගමන අතර තුරදී ඔහුට "කේතකි පුෂ්පය" හමුවනවා. ඔහු එය රැගෙන අවසානයේ ශීව දෙවියන් ලගට පැමිණෙන්නේ තමන් එම ගින්නේ අවසානය සොයාගත් බව එම මල පෙන්වා ශිව දෙවියන්ට බොරු කීමට සිතාගෙනයි. එහෙත් අවංකවම තම දෙදෙනාගේම බලයට වඩා ශිව දෙවියන් බලවත් බව බ්රහ්ම හා විශ්ණු දෙවියන් පිළිගන්නේ ඉතා නිහතමානීවයි.
කොහෝම වුනත් ශිව දෙවියන් තමාට බොරු කීමට හිතාගෙන පැමිණි බ්රහ්ම දෙවියන්ට කිසිවකුට ඔහුට වන්දනා මාන කරන්නට එපායයි ශාප කරන අතර කේතකි පුෂ්පයට දඩුවම් ලෙස කිසිදු පුජාවකට නොගත යුතු මලක් ලෙස ප්රකාශ කරනවා. මෙසේ බල අරගලයකට පත් බ්රහ්ම හා විෂ්නු දෙවියන්ට ලෝකයේ යථාර්තය අවබෝධයට සිදු කල පරීක්ෂණය සිහිකරමින් මහාශිව රාත්රිය සමරනු ලබනවා.
ඔබ සැමට ශ්රී සුබ මහා ශිව රාත්රී දිනයක් වේවා 🙏
