07/10/2026
🌸🪷 ගෞතම බුද්ධ චරිතය 🪷🌸
🌿 ලුම්බිනී ගමන 🌿
දරු ගැබට දස මස පිරෙන්නට ළං වූ කල්හි, මහාමායා දේවීන් තම දේවී මාපියන් වෙතට, දෙව්දහ නුවරට යන්නට අදහස් කොට ඒ බව සුදොවුන් මහ රජතුමාට දැන්වූවා ය.
කපිලවාස්තුව රෝහිණී නදියෙන් මෙගොඩ වූ අතර, එගොඩ ලුම්බිනී උයනට ටිකක් එපිටින් දෙව්දහ නුවර පිහිටියේ ය. 🌿
සුදොවුන් මහ රජතුමා,
“එන පසළොස්වක දා මහාමායා දේවීන් එහි එතැ”
යැයි දන්වා අංජන රජු වෙත දූතයෙකු යැවීය.
✨ නියමිත දිනයෙහි මහාමායා දේවීන් රන්සිවි ගෙයක නංවා, ක්ෂත්‍රිය කාන්තාවන් පිරිවර කොට දී, ඇමැතියන්ගේ රැකවරණය ඇතිව මහ පෙරහැරින් දෙව්දහ පුරය කරා යැවූහ.
🌊 රෝහිණී නදිය ද තරණය කළ ඒ මහ පෙරහැර ලුම්බිනී උයන සමීපයට පැමිණියේ ය. දෙව්දහ පුරයෙන් ද දේවීන් පිළිගැනීමට මහත් නෑදෑ පිරිසක් ලුම්බිනිය වෙත පැමිණ බලා සිටියහ.
🌺 එදවස ලුම්බිනී උයන මල් හා පලවලින් බර වූ වෘක්ෂලතාවලින් අතිශයින් ශෝභාසම්පන්න විය. ගිරවුන්, මොනරුන් ආදී පක්ෂීන්ගේ මධුර හඬින් ද, මල් රොන් ගනිමින් හැසිරෙන බඹරුන්ගේ ගුමුගුමු හඬින් ද උයන් පෙදෙස ඒකනින්නාද විය.
🌿 සුගන්ධවත් මන්දමාරුතයෙන් මුළු පෙදෙසම සුවඳවත් වූ අතර, ලුම්බිනී උයන ඉතා රම්‍ය වූ සොඳුරු පරිසරයක් බවට පත්ව තිබිණි.
🌸 මේ අතර මහාමායා දේවීන් උයන් සිරි දැක එහි යන්නට කැමැත්ත පළ කළා ය. ඇය කැටුව පෙරහැර ලුම්බිනී උයනට පිවිසියේ ය.
🌳 මහාමායා දේවීන් රන්සිවි ගෙයින් බැස, සිය නැඟණියන් ආදී ක්ෂත්‍රියාවන් හා සෙසු සේවක සේවිකාවන් සමඟ උයන් සිරි බලමින් හැවිදිනී ය.
🌼 එසේ යන අතර, මුල සිට අග දක්වාම මලින් සැරසුණු මඟුල් සල් රුකක් දැක ඒ වෙත ගියා ය.
මඟුල් සල් රුකෙහි අත්තක් අල්ලා ගනු කැමැත්තෙන් දකුණත දිගු කළා ය.
🌿 ඒ සල් අත්ත දේවීන් වෙත නැමුණේ ය.
මහාමායා දේවීන් එය අල්ලා ගත්තා ය.
🪷✨ මෙසේ ලුම්බිනී උයනේදී සිදුවූ ඒ උතුම් අවස්ථාව, ලෝකයට අසිරිමත් බුද්ධ චරිතයක උදාවට පෙර සිදුවූ පූර්ව පියවරක් ලෙස බෞද්ධ සාහිත්‍යයේ අතිශය ගෞරවයෙන් සිහිපත් කෙරේ. ✨🪷
🙏 සම්බුදු සරණයි!
🌸 ශ්‍රී සද්ධර්මය සදා සුරැකේවා! 🌸
#ගෞතමබුද්ධචරිතය #ලුම්බිනීගමන #මහාමායාදේවී #ලුම්බිනී #බුද්ධචරිතය #සම්බුදුසරණයි #සද්ධර්මය
