30/08/2026
දින 21 ක් පුරා දේවාල භූමිය තුළ මල් පෙරහර , කුඹල් පෙරහර , පාවඩ පිට පෙරහර හා උඩමළුවේ වීථි මහා පෙරහර චාරිත්රානුකූලව පවත්වා ඓතිහාසික කඩුදෙවොල පුදබිමේ 214 වන ඇසළ පෙරහැර මංගල්යයේ කූටප්රාප්තිය සනිටුහන් කරමින් පසුගියදා (16) දිය කපා ගෙවදීමේ වීථි සංචාරක මහා පෙරහැර පැවැත්විණි.
ශ්රී සත්පත්තිනි සළඹ හා දේවාභරණ රැගත් බස්නායක නිළමේ තුමන් , ප්රධාන කපු මැතිඳුන් ඇතුළු පිරිස දේවාලයට අයත් තොටුපළින් ඔරුවට ගොඩව බෝමිරිය ගනේවත්ත පුරාණ විහාරයේ ස්වාමීන් වහන්සේලාගේ සෙත් පිරිත් සජ්ජායනා මධ්යයේ හේවිසි නාද සහිතව කැළණි ගඟේ බුලත්ගම්පත සීමාවේ දි පුරාණ චාරිත්ර විධි බිඳකුදු කඩ නොකරමින් පෞරාණිකත්වයට , සිරිත් සම්ප්රදායන්ට මූලිකත්වය දෙමින් දිය කැපීමේ චාරිත්රය ඉෂ්ට සිද්ධ කරන ලදී.
එසේ ලබාගන්නා ලද නැවුම් දිය සහිත නොඉඳුල් රන් පැන් කලය හා දේවාභරණ රැගත් අත්යාලංකාරවත් වූ පෙරහැර උඩරට , පහතරට හා විචිත්රවත් නර්තනාංගයන් සමඟින් දේවාල භූමියට ගෙවදීම සිදු කෙරිණි.
අත්යාලංකාරවත් වූ මෙම දිය රණකෙළි මංගල්යයේ පෙරමුණේ රාල ලෙසින් අප දේවාලස්ථ තරුණ සමිතියේ ගරු සභාපති දක්ෂිත අල්විස් මහතා කෝට්ටේ රජ මහා විහාරස්ථානයට අයත් රාජා ඇතු මත ගමන් කල අතර පැන් කලය වැඩමවීම මහනුවර ශ්රී දළදා මාළිගාවේ ජන රාජා ඇතුගේ පිටමත දේවාලස්ථ තරුණ සමිතියේ ගරු ලේකම් උමේෂ් මේනුක මහතා විසින් සිදු කල අතර විෂ්ණු දේවාභරණ ශ්රී දළදා මාළිගාවේ සිංහ රාජා ඇතුගේ පිට මත දේවාලස්ථ තරුණ සමිතියේ ගරු උපසභාපති නිලන්ත ජයදින මහතා විසින් ද සිදු කරන ලදී. ශ්රී සත්පත්තිනි මෑණියන්ගේ දේවාභරණ කඩුදෙවොල සිද්ධ රංකඩු පත්තිනි දේවාලස්ථානයේ ප්රධාන කපු ධුරන්දර ශමාල් සචිත්ර මහතා විසින් සිදු කල අතර ඒ සඳහා රුහුණු මහා කතරගම දේවාලයේ වාසනා ඇතු සම්බන්ධ වුණි.
එසේම තවත් හස්තීන් 15 කගේ පමණ හා උඩපහතරට හා විචිත්රවත් නර්තනාංගයන්ගෙන් මෙම දියකැපීමේ පෙරහැර විචිත්රවත් විය.
සෑම වසරකම මෙන් මෙම මාහැඟි මංගල්යයේ ආශිර්වාදය , ආශ්චර්යය මොනවට පසක් කරමින් විටින් විට මහ පොළොව සිපගත් ආශිර්වාද මල්වැසි මධ්යයේ මෙවර 214 වන වරටත් පවත්වනු ලැබූ ඓතිහාසික කඩුදෙවොල සිද්ධ රංකඩු පත්තිනි දේවාලස්ථානයේ ඇසළ මංගල්යයේ පෙරහර කටයුතු නිමාවට පත්විය.
ඔබ සැමට සත්පත්තිනි මෑණියන්ගේ පිහිටයි!
තෙරුවන් සරණයි!
📷 Sahan Jayathu Hasaranga | Ajith Perera
සැදැහැති මාධ්ය මෙහෙවර,
කඩුදෙවොල සිද්ධ රංකඩු පත්තිනි දේවාලස්ථ මාධ්ය ඒකකය.
