Lenchiyawatta Christ the King Church - Media Unit

25/05/2026

අද ශුද්ධවු සභා මාතාව භාග්‍යවන්ත දේව අම්මා "ශුද්ධවූ සභාවේ මාතාව" ලෙස සමරන මංගල්‍යය මහත් හරසරින් සමරනු ලබයි.

1964 නොවැම්බර් 21 වන දින, දෙවන වතිකානු මන්ත්‍රණ සභාව තුළදී පළමු වරට "ශුද්ධවූ සභාවේ මාතාව" යන සුවිශේෂී ගෞරව නාමයෙන් දේව මෑණියන්ව පුදනු ලබනවා. නමුත් එතුමියව එලෙස සැමරීම වෙනුවෙන් ජන වන්දනා වර්ෂය තුළදී ස්ථීර දිනයක් වෙන් කරනු ලබන්නේ 2018 වර්ෂයේදී ඇති උතුම් ෆ්‍රැන්සිස් පාප් වහන්සේ විසින්. ඒ තමයි අද දිනය - හෙවත් ශුද්ධාත්ම මංගල්‍යය ට පසුදිනය.

දේව අම්මේ,
ජේසු පුතා මරණ මංචකයේදී ඔබතුමීව ජුවාම් ගෝලයාට බාර දෙනවා. එදා ඉඳන් ජේසු අම්මා අපි හැමෝගෙම අම්මා... එදා ඔබතුමී ශුද්ධාත්මයාණන් වඩින තුරා ගෝලයන් සමඟ එකට එකතු වී යාච්ඥා කළා කියලා ක්‍රියා පොතේ සඳහන් වෙනවා. ඒ කියන්නේ දේව අම්මේ... බියෙන් ගුලි වී සිටි ඔවුන්ව ධෛර්යමත් කර යාච්ඥාවට කැඳවාගෙන ආවේ ඔබේ තුමියයි.

ඒ විතරක් නෙමෙයි, ඒ සිද්ධිය තුළින් තවත් අපූරු අර්ථයක් මතුවෙනවා. ඒ තමයි ගෝලයෝ අතර මොන විදිහේ වෙනස්කම් හෝ නොගැලපීම් තිබුණත්, ඔබ තුමී වටේ ඔවුන්ට පුළුවන් වුනා එකමුතු වෙන්න. එක අරමුණකට එක්රැස් වෙන්න. ඔව් දේව අම්මේ, අද ශුද්ධවූ සභාව අපිට මතක් කරලා දෙනවා, දේව අම්මාගේ සළු සෙවණ යට අපි හැමෝම “එක මවකගේ දරුවෝ” කියලා. අද අපි අතරත් එහෙනම් භේද තියෙන්න බැහැ. නමුත්....!!!

යුද්ධෙ කාලේ මට මතකයි එක අවුරුද්දක මඩු පල්ලියට යන පාර විවෘත කළා. උතුරත් දකුණත් දේව අම්මගේ සෙවනේ අවුරුදු ගණනාවකට පස්සේ එකතු වුනා. එදා, LTTE ට බැඳුණු අපේම දමිළ සහෝදරයෙකුගේ අම්මා කෙනෙක් “මාදාවේ...” කියලත්, යුද හමුදාවට බැඳුණු අපේම සිංහල සහෝදරෙකුගේ අම්මා කෙනෙක් “මෑණියනේ” කියලත් ඔබතුමිට එකම කන්නලව්ව භාෂා දෙකකින් කරන්න ඇති, තමන්ගේ පුත්තුන්ව ආරක්ෂා කරලා දෙන්න කියලා. ජේසු අම්මේ, ඔබතුමී කන් දුන්නේ ඒ දෙකෙන් එක යාච්ඥාවක් විතරක් නෙමෙයි නේද?

ආත්මයාණන් වහන්ස, අපව ගින්නෙන් පවිත්‍ර කළ මැනව. මරිය අම්මේ, එදා බියෙන් සිටි ශ්‍රාවකයන් සමඟ සිටිමින් ඔවුන්ව ධෛර්යමත් කළ, ඔවුන්ව එකමුතු කළ ඔබ තුමී, අද බියෙන් සිටින අපවද ධෛර්යමත් කළ මැනව. කැඩී බිඳී විසිරී සිටින අපව එකමුතු කළ මැනව.

ඒ මොහොතේ සිට ඒ ශ්‍රාවකයා තම නිවසට ඇය පිළිගත්තේ ය. (ජොහාන් 19:34)

✍️ ගරු ශනිල් ජයවර්ධන පියතුමන්

✝️✝️✝️✝️✝️✝️✝️✝️✝️✝️✝️✝️

#කතෝලික #වතිකානුව

24/05/2026

24/05/2026

අද දින ශුද්ධ වූ සභා මාතාව ශුද්ධාත්ම ආගමන මංගල්‍යය(පෙන්තකොස්ත) හෙවත් තම උපන්දිනය සමරනු ලබනවා.

🔴 පැරණි ගිවිසුම තුළ පෙන්තකොස්ත මංගල්‍යය

'පෙන්තකෝස්ත' යනු ග්‍රීක භාෂාවෙන් 'පනහ' යන අර්ථය දෙන යෙදුමකි. මෙම මංගල්‍යය මුලින්ම සම්බන්ධ වූයේ ශුද්ධ වූ බයිබලයේ පුරාණ ගිවිසුම මූලික කොටගත් ජුදා ආගමටය. මෙය ජුදෙව් නිවාඩු දිනයක් වූ අතර මෙම දිනය යෙදෙන්නේ පාස්කු මංගල්‍යයෙන් පසු 50 වැනි දිනදීය. එනම් ජුදෙව්වන්ට පෙන්තකොස්ත දිනය යනු නික්මයාමෙන් දින පනහකට පසු සීනයි කන්දේදී මෝසෙස්ට ව්‍යවස්ථාව ලබා දීම සැමරීමයි.

🔴 නව ගිවිසුම තුළ පෙන්තකොස්ත මංගල්‍යය

නව ගිවිසුමේදී 'පෙන්තකොස්ත මංගල්‍යය' යෙදෙන්නේ ක්‍රිස්තුන් වහන්සේගේ උත්ථානයෙන් පසු 50 වැනි දිනයේදීය. එනම් උන්වහන්සේගේ ස්වර්ගාරෝහණයෙන් පසු 10 වැනි දිනයේදීය. එම දිනය යෙදෙන්නේ ජුදෙව් පෙන්තකෝස්ත දිනයට සමාන්තරවය. ක්‍රිස්තුන් වහන්සේගේ ස්වර්ගාරෝහණයෙන් දින 10ට පසු දේව මෑණියන් සහ ප්‍රේරිතයින් සියලු දෙනා එක් තැනකට රැස්ව සිටින විට ඔවුන් වෙත ශුද්ධාත්මයාණන් වහන්සේ වැඩම කළ බවත්, ඒ සමග ඔවුන් ආත්මයාණන් වහන්සේගෙන් පිරී උන්වහන්සේගේ බලයෙන් සන්නද්ධ වූ බවත් ශුද්ධ වූ බයිබලයේ සදහන් වේ.

🔴 ශුද්ධ වූ සභාවේ උපන්දිනය

ක්‍රිස්තුන් වහන්සේගේ අණ ප්‍රකාරව ශුද්ධ වූ සභාවේ නායකත්වය බාර වූයේ පේදුරු තුමාටයි. පෙන්තකොස්ත දිනයේදී ශුද්ධාත්ම බලයෙන් සන්නද්ධ වූ පේදුරු තුමන් ජනතාව මධ්‍යයට පැමිණ සිය ස්වාමියාණන් වන ක්‍රිස්තුන් වහන්සේ පිලිබඳ පළමු වන දේශනය කලේය. මෙම දේශනයෙන් එහි සිටි 3000ක් පමණ ජනතාව බෞතීස්මය ලබා ක්‍රිස්තුන් වහන්සේ අදහා ගත් බවද ශුද්ධ වූ ලියවිල්ලේ සදහන් වේ. එබැවින් මෙම 'පෙන්තකෝස්ත මංගල්‍යය' සභාවේ උපන් දිනය ලෙස සැලකෙන්නේ ප්‍රථම පාප් වහන්සේ වූ පේදුරු තුමා ප්‍රථමවරට දේශනා කළ නිසා වේ.

🔴 ශුද්ධාත්ම දීමනා සත

I ප්‍රඥාව

• මෙලොව වෙනුවට ස්වර්ගීය සැප සම්පත් සහ වස්තුවලට ඇලුම් කිරීම.

II තේරුම් ගැනීම

• ක්‍රිස්තුස් වහන්සේ ඉගැන්වූ විශ්වාසයේ සත්‍යතාවන් තේරුම් ගැනීම.

III දැනුමැතිකම

• දේව මහිමය සහ ගැලවීම සඳහා අවශ්‍ය දේ නිවැරදිව හඳුනා ගැනීමට හා තෝරා ගැනීමට ආදාළ අවස්ථාවේ දී ම තේරුම් ගැනීම සහ දැනුමැතිකම ය.

IV ධෛර්යය

• තම ආගමික ආගමික යුතුකම් ඉටු කිරීමේ දී මුහුණ දෙන බාධක සහ ගැටළු හමුවේ නොසැලෙන අධිෂ්ඨානයකින් කටයුතු කිරීම.

V දැනගැන්ම

• ස්වර්ග රාජ්‍යය කරා ගමන් කිරීමේ දී මුහුණ දෙන අනතුරුවලින් වැළකීමට මග දැනගැනීම.

VI දේව භක්තිය

• දෙවියන් වහන්සේට හිමි වන්දනාව සහ සේවය දීමට පුද්ගලයාව යොමු කරවීම.

VII දේව භය

• දෙවියන් වහන්සේට උතුම්ම ගෞරවය දීමටත් උන්වහන්සේ අකමැති සියලු දේ පිළිකුල් කිරීමටත් යොමුකරවයි

ශුද්ධාත්ම ආගමන මංගල්‍යය සමරන අද දින උන්වහන්සේගේ සුදතුම් වරම් ඉල්ලා අපිත් දෙවිදුන් යදිමු. ඔබ සියලු දෙනාට ශුද්ධාත්මයාණන් වහන්සේගේ සප්ත වරම් වැගිරෙන ශුද්ධාත්ම මංගල්‍යය දිනයක් වේවා!

දල්වා හදේ..
ගිනි අවුලුවා...
වඩිනු මැන
ශුද්ධාත්මෙනී... 🔥🔥

24/05/2026

ඉරුදින ශුද්ධවු දිව්‍ය පූජාව
ශුද්ධාත්ම ආගමන මංගලෝත්සවය
2026 / ‍05 / 24

#කතෝලික #වතිකානුව

24/05/2026

සිවිල් යුද්ධය පිළිබඳව ගරු ජීවන්ත පීරිස් පියතුමාගේ ප්‍රකාශය උන්වහන්සේගේ පෞද්ගලික ප්‍රකාශයක් මිස ශ්‍රී ලංකා කතෝලික රදගුරු සම්මේලනයේ හෝ ජන සන්නිවේදන කොමිසමේ - ශ්‍රී ලංකා කතෝලික රදගුරු මණ්ඩලයේ ජන සන්නිවේදන කොමිසමේ සභාපති බදුල්ල රදගුරු අති උතුම් ජූඩ් N සිල්වා හිමිපාණන්

24/05/2026

ශුද්ධාත්ම මංගල්‍යය 2026

"අප වෙත වැඩම කර අප සවිමත් කළ මැනව ශුද්ධාත්මයාණනි"
ශුද්ධාත්ම ආගමන මංගල උත්සවය

2026/05/23

21/05/2026

ශුද්ධාත්ම මංගල්‍යය 2026

"අප වෙත වැඩම කර අප සවිමත් කළ මැනව ශුද්ධාත්මයාණනි"

ගරු මීසම් සේවක පියතුමාගෙ මග පෙන්වීම තුල ගරු ප්‍රසන්න දිල්රුක්, ගරු ඉසුරු මධුෂාන්, ගරු චන්නිදු සිල්වා පියතුමන්ලාගේ ප්‍රධානත්වයෙන් පැවැත්වෙන ශුද්ධාත්ම ආගමන මංගල උත්සවය
සර්ව රාත්‍රික මෙහෙය.

2026 මැයි මස 23 වන සෙනසුරාදා සවස 7.30ට රාගම ශුද්ධවු පේදුරු පාවුළු මුනිඳුන්ගේ දේවස්ථානයෙ පැවැත්වේ.

7.30 ශූ.ජපමාලය
8.00 - 9.00 ආරම්භක හැදින්වීම, පසු තැවිලි විම
9.00 - 10.00 මෙනෙහි කිරීම
10.00-10.30...විවෙකය
10.30 - 11.00 ශුද්ධාත්මයන් වහන්සේ පිළිගැනීමට ආත්මිකව සූදානම් වීම සත්ප්‍රසාද ආශිර්වාදය
11.00 - 12.00 ශූද්ධාත්ම මංගල්‍යය පූජාව

(පවුලක් ලෙස පැමිණෙන්න)
ඔබ සැමට ආරාධනා කරමු.

වැඩි දෙනාගේ ඉල්ලීම් පරිදි සර්වාර්ථික මෙහි කටයුතු මෙසේ ඉහත ආකාරය සිදු කරනු ලැබේ.

21/05/2026

https://www.facebook.com/dr.chrishanthaabeysena/posts/122203303496456192

රාගම තේවත්ත ඓතිහාසික බැසිලිකා දේවස්ථානයේ විශේෂ නිරීක්ෂණ චාරිකාවකට එක් වීමි.

රාගම තේවත්ත ප්‍රදේශයේ පිහිටි, ඉපැරණි කලාත්මක හා වාස්තු විද්‍යාත්මක වටිනාකමකින් යුත් ඓතිහාසික බැසිලිකා දේවස්ථානයේ කඩිනමින් සිදුකළ යුතු අත්‍යවශ්‍ය ප්‍රතිසංස්කරණයන් පිළිබඳව සොයාබැලීමේ අරමුණ ඇතිව බුද්ධශාසන, ආගමික හා සංස්කෘතික කටයුතු අමාත්‍ය ආචාර්ය හිනිදුම සුනිල් සෙනෙවි මහතා සමග එක්ව විශේෂ නිරීක්ෂණ චාරිකාවකට ඊයේ දින (20) එක් වීමි.

දෙස් විදෙස් සර්ව ආගමික බැතිමතුන්ගේ නිබඳ ගෞරවයට හා වන්දනාවට ලක්වන පුරා විද්‍යාත්මක වටිනාකමකින් යුත් පුදබිමක් වන මෙම දේවස්ථානය ක්‍රි.ව. 1911 දී ආරම්භ කර තිබේ. වර්තමානය වන විට දේවස්ථානයේ විවිධ ස්ථාන අබලන් තත්වයන්ට පත්ව ඇති අතර එම අංග කඩිනමින් ප්‍රතිසංස්කරණය කළ යුතුව තිබේ.

විශේෂයෙන්ම ගෘහ නිර්මාණ ශිල්පීය වශයෙන් අනන්‍යතාවක් විදහා දැක්වෙන මෙම දේවස්ථානය සංරක්ෂණය කිරීම ජාතික වගකීමක් ලෙස සලකා කටයුතු කළ යුතුව තිබේ. එබැවින් මෙහි පුරාවිද්‍යාත්මක සහ කලාත්මක වටිනාකම මතු පරපුර උදෙසා ද සුරැකීම වෙනුවෙන් බුද්ධශාසන, ආගමික හා සංස්කෘතික කටයුතු අමාත්‍යාංශය ප්‍රමුඛව ඒ යටතේ ඇති වෙනත් ආයතනයන්හි මුල්‍ය දායකත්වය යටතේ විධිමත් ප්‍රතිසංස්කරණ ක්‍රියාවලියක් කඩිනමින් ආරම්භ කිරීමට මෙහිදී අවධානය යොමු කෙරිණි. ඒ සඳහා පළමු පියවර ලෙස ඉංජිනේරු ශිල්පයේ ප්‍රවීණතාවක් සහිත රාජ්‍ය ආයතනයන්හි උපදේශකත්වයෙන් හා නිර්දේශයෙන් යුතුව වාර්තාවක් සකස් කිරීමටත් ඉන් අනතුරුව ඒ ඔස්සේ ඉදිරි කටයුතු සැලසුම් කිරීමටත් යෝජනා කෙරිණි.

මේ අවස්ථාවට දේවස්ථානයේ පරිපාලක පියතුමන් වන ගරු රවින් සඳසිරි පියතුමන්, ගරු අමිල පීරිස් පියතුමා, ජා ඇල ප්‍රාදේශීය සභාවේ මන්ත්‍රී කීර්ති චන්ද්‍ර ප්‍රනාන්දු මහතා, කලා ශිල්පි නුවන් ජූඩ් මහතා ඇතුළු පිරිසක් එක් විය.

Participated in a special observation tour of the historic Basilica of Our Lady of Lanka in Tewatta, Ragama.

Yesterday (20th), I joined the Minister of Buddhasasana, Religious and Cultural Affairs, Dr. Hiniduma Sunil Senevi, on a special observation tour to examine the urgent and essential renovations required for the historic Basilica in Tewatta, Ragama, a site of immense ancient artistic and architectural value.

This sacred place, which holds great archaeological significance and is consistently revered and visited by devotees of all faiths from both home and abroad, was established in 1911. At present, various sections of the Basilica have fallen into a state of disrepair and require immediate restoration.

Preserving this Basilica, which showcases a unique architectural identity, is a national responsibility. Therefore, with the aim of safeguarding its archaeological and artistic value for future generations, we focused on initiating a formal restoration process, spearheaded by the Ministry of Buddhasasana, Religious and Cultural Affairs, with financial contributions from its affiliated institutions. As a first step, it was proposed to prepare a comprehensive report based on the expert advice and recommendations of state engineering institutions, and to plan further actions accordingly.

The event was attended by the Administrator of the Basilica, Rev. Fr. Ravin Sandasiri, Rev. Fr. Amila Peiris, Ja-Ela Pradeshiya Sabha member Mr. Keerthi Chandra Fernando, artist Mr. Nuwan Jude, and several others.

21/05/2026

21/05/2026

අද දින සිය 68 වන ජන්මදිනය (1958-05-21) සමරන නුවර පදවියේ රදගුරු වන අති උතුම් දේවශ්‍රිත වැලන්ස් මෙන්ඩිස් රදගුරු හිමිපාණන්ට සුබ උපන් දිනයකට ආසිරි පතන්නෙමු.

සුදතුම් වරමින් පිරී දෙව්මව් රැකවරණය තුළ නිරෝගී සුවය හා දේවාශිර්වාද බහුලව ලැබේවායි පතමින් උන්වහන්සේ වෙනුවෙන් දෙවිපියාණන් හමුවේ යාච්ඤා කරන්නට අපි ඔබට ආරාධනා කරමු.