1952 නොවැම්බර් මස 25 වන දා උපත ලද Y. නිහාල් ද සිල්වා දේවගැතිතුමා කොළඹ නාලන්දා විද්යාලයෙන් හා ගල්කිස්ස ශා. තෝමස් විද්යාලයෙන් පාසැල් අධ්යාපනය ලබා ඇත. උපතින් බෞද්ධයෙකු වූ ඔහු 1977 වසර වන විට එවකට කොළඹ ඔබරෝයි හෝටලයේ රාත්රී සමාජ ශාලාවේ සංගීත කණ්ඩායමේ ඩ්රම්ස් වාදන ශිල්පියෙකු ලෙස සේවය කරමින් සිටි අතර එහිදී ඔහු සමඟ රැකියාව කළ මිතුරෙකු මඟින් යෂුවා (යේසුස්) ක්රිස්තුස් වහන්සේ ගැන දැනගන්නා ලදි.
එම වකවා
නුවේදී ඔහුගේ ජීවිතයේ ඇතිවූ ප්රශ්නයකදී ඔහු විසින් ඊට විසඳුමක් සොයා නොලැබුන විටෙක අවසානයේදී “මැවුම්කාර ජීවමාන දෙවිකෙනෙකු ඇත්නම් මට පිහිට වන්න” යනුවෙන් පවසා ඇත. එසේ නොවුවහොත් ඔහුගේ දිවි තොර කර ගැනීම ඔහුගේ එකම අභිප්රාය වී තිබිණ. එම මොහොතේ ජීවමාන දෙවිතුමන් ඔහුගේ ජීවිතයට දර්ශණය වී හාස්කමකින් ඔහුගේ ප්රශ්නයට විසඳුමක් ගෙන ආ අතර ඔහුගේ දිවි රැකිණ. එම සිදුවීමෙන් පසුව ඔහු, යෂුවා (යේසුස්) ක්රිස්තුස් වහන්සේ ඔහුගේ එකම පුද්ගලික ගැළවුම්කරු ලෙස පිළිගත්තේය.
පසුව කිතුනු සභාවේදී මුණගැසුනු හයසින්ත් ෆ්රැන්සිස්කෝ මෙනවිය සමඟ 1979 වසරේදී විවාහ විය. ස්වාමින්වහන්සේ ඔවුන් දෙපලට දරුවන් තිදෙනෙකු තුලින් ආශිර්වාද කළ සේක. ඉන්පසු වසර කිහිපයකට පසු විදෙස් ගතවී යුරෝපා රටක රැකියාවක් කිරීමෙන් අනතුරුව 1990 දශකයේ මුල් භාගයේදී නැවතත් ශ්රී ලංකාවට පැමිණියේය. නැවත පැමිණි කාලයේදී ශුද්ධාත්මයාණන්ගේ මඟපෙන්වීම තුල එවකට කලුබෝවිල ප්රදේශයේ පැවති රේමා බයිබල් පාසලට ඇතුලත්ව වසර දෙකක පාඨමාලාව සම්පූර්ණ කළේය.
1990-1992 වකවානුවේ බයිබල් පාසැලේ අධ්යාපනය ලබමින් සිටිනා විට ස්වාමින්වහන්සේ, සිංහල මාධ්යයෙන් ඇදහිල්ලේ වචනය ඉගැන්වීම සඳහා බයිබල් පාසැලක් ආරම්භ කිරීමට ඔහුගේ සිත තුලට කථා කළ සේක. ඒ සිතිවිල්ල උදෙසා යාච්ඤා කළ ඔහු එය නිසි කාලයේදී ගෙන ඒමට ස්වාමින්වහන්සේට භාර දී බයිබල් පාසලෙන් ඉවත් වීමෙන් පසු සේවයේ යෙදෙන අතරම රැකියාවකද නිරතව සිටියේය. වසර දෙකකට පමණ පසු දෙවියන් වහන්සේ නැවතත් ඔහුට කථා කරමින් පූර්ණකාලීනව සේවය කිරීමට කැඳවූ සේක. එය සම්පූර්ණයෙන්ම ඇදහිල්ලේ පියවරක් වූ අතර එමඟින් ඇදහිල්ලේ ජීවිත රටාවක් ගතකිරීමට ඔහු සහ ඔහුගේ පවුලට සිදුවිය.
මෙම තීරණයගෙන කාලයකට පසු 1995 සිට 1999 දක්වා නාරාහේන්පිට ZION COLLEGE OF MINISTRIES (සියොන් බයිබල් පාසලේ) විදුහල්පති ලෙස කටයුතු කිරීමට ඔහුට දෙවිඳුන් මඟ විවර කළ සේක. මෙම බයිබල් පාසැල තුල සේවය කරමින් සිටින අතරවාරයේ 1999 දී ස්වාමින් වහන්සේ නැවතත් කලින් ඔහුට කථා කර තිබූ ඇදහිල්ලේ වචනය ඉගැන්වීමේ බයිබල් පාසලක් ආරම්භ කිරීම ගැන කථා කළ සේක. මේ වනවිට මේ පිළිබඳව කථා කර වසර දහයකට ඉතා ආසන්නව තිබිණි. වසර 2000දී ස්වාමින් වහන්සේ ඔහුට මඟපෙන්වමින් තුඩැල්ල ප්රදේශයට රැගෙන ආ අතර එහිදී උන්වහන්සේ ඔහුට සැපයූ නිවස ඇතුලත ප්රධාන නිවසින් වෙන්වූ, සිසුන් 40 දෙනෙකුට අධ්යාපනය ලැබිය හැකි ශාලාවක් අන්තර්ගතව පැවතුනි. පළමු සිසුවා දෙවියන් වහන්සේ රැගෙන ආ අතර සිසුන් හතර පස් දෙනෙකු සමඟින් බයිබල් පාසල ඇරඹිණ. මෙසේ ඇරඹි බයිබල් පාසලට වැඩිකල් ගතවීමට ප්රථම උන්වහන්සේ සිසුන් 40 කට ආසන්න ප්රමාණයක් රැගෙන ආ අතර පංති කාමරය සම්පූර්ණයෙන්ම පීරී පැවතුනි. එදාමෙදාතුර සිසු සිසුවියන් 500 කට අධික ප්රමාණයක් බයිබල් පාසලේ වසර දෙකක පාඨමාලාව සම්පූර්ණ කර ඇත.
වර්ෂ 2003 මුල් භාගයේදී නැවතත් ස්වාමින්වහන්සේ ඹහු තුලට උන්වහන්සේගේ සැලැස්මේ දෙවන පියවර එළිදරව් කළසේක. එනම් “අදුල්ලාම්හි ගුහාව” යන්නයි. (1 සාමුවෙල් 22:1-2) මේ දර්ශණයත් සමඟ තුඩැල්ල ප්රදේශය තුල සිංහල භාෂාවෙන් කිතුනු සභාවක් ආරම්භ කිරීමට ස්වාමින්වහන්සේ සභාපාලකතුමාට කථා කළ සේක. ස්වාමින් වහන්සේ සමඟින් දීර්ඝ පොර බැදීමකින් පසුව 2003 වසර අවසානයට මාස කිහිපයකට පෙර ඔහුගේ බිරිඳත් දියණියත් හා තවත් එක් පිටස්තර පුද්ගලයෙකුත් සමඟ ඔහුගේ නිවස තුල සන්ධ්යා මෙහෙයක් ලෙස සභාව ඇරඹිනි.
පෙරසේම දිනෙන් දින ස්වාමින් වහන්සේ ඊට මිනිසුන් එකතු කළ අතර වැඩිකලක් ගතවීමට පෙර නිවස තුල ඉඩකඩ මදිවූ බැවින් නිවසින් පිටත කූඩාරමක් සාදා ඒ තුල මෙහෙයන් පැවැත්වීමට ගත්තේය. මේ සභාව තුලට විපතට පත්වූවන්ද ණය තුරුස් ඇත්තන්ද නොසතුටු සිත් ඇත්තන්ද ගෙනෙමින් ස්වාමින්වහන්සේ මේ සේවය තුලින් ඔවුන් සුව කරමින් මුදාහල සේක. එතැන් පටන් මේ දක්වා ස්වාමින්වහන්සේ මේ සේවය පියවරෙන් පියවර වර්ධනය කළ සේක.
සභාව ආරම්භ කළ පසු ආත්මයාණන්වහන්සේ සභාපාලකතුමාට මේ සභාව සභාපාලක ජෝසප් මොරෙල් යටතේ පවතින WORD OF LIFE CHRISTIAN ASSEMBLY (ජීවනයේ වචනය ක්රිස්තියානි සභාව) යටතට ගෙනෙන ලෙස පැවසූ අතර පසුගිය වසර හය මුළුල්ලේ අප ඒ සේවය සමඟ එක්ව කටයුතු කරන්නෙමු.
එසේම අප බයිබල් පාසැලේ අධ්යාපනය සම්පූර්ණ කළ සභාපාලක කැඳවීමක් සහිත දේව දාසයෙකු යටතේ සභා ශාඛාවක් කුරුණෑගල ප්රදේශයේ පිහිටුවා ඇති අතර එහි බයිබල් පාසලක්ද පැවැත්වේ. ඊට අමතරව සයිප්රස් හා ඊශ්රායෙල් යන දේශයන් වල අප සභාවේ පූර්ණ අධීක්ෂණය හා අනුමැතිය යටතේ ශාඛාවන් පැවැත්වේ.
තුඩැල්ල ප්රධාන ශාඛාව යටතේ තරුණ කණ්ඩායමේ සේවය, ඉරිදා දහම් පාසල, ප්රශංසා හා නමස්කාර කණ්ඩායමේ සේවය, ප්රොපේතමය මැදහත්කාරකමේ සේවය, මැදහත්කාර යාච්ඤා කණ්ඩායමේ සේවය, කාන්තා කණ්ඩායමේ සේවය වැනි රාජ්යයේ සේවාවන් රැසක් ක්රියාත්මක වේ.
සභාපාලක තුමා සමඟින් සභා වැඩිමහල්ලන් කණ්ඩායම හා උපකාරක සේවා කණ්ඩායම ද අත්වැල් බැඳ රාජ්යයේ සේවයේ යෙදී සිටිති.
