15/12/2025
https://www.facebook.com/share/p/17hzLJxuoi/
අති දුර්ලභ පූජා වර්ණය පිටුපස ඇති සුන්දර අරුත🌸
ආගමන (Advent) සහ චතාරිකය (Lent) යන කාල දෙකේදී එක් ඉරු දිනකදී කතෝලික පූජකවරුන්ට රෝස පැහැති ලෝගුවක් (chasuble - පූජක ඇඳුමක්) ඇඳීමේ අවස්ථාව තිබේ.
පූජකවරයා රෝස වර්ණය තෝරා ගන්නේ නම්, ඔහු පැළඳ සිටින මෙම දුර්ලභ වස්ත්රය බොහෝ දෙනෙකුට තද රෝස (pink) ලෙස පෙනුනත්, එය සභාවේ සම්ප්රදායේ කොටසක් වී ඇත්තේ ශතවර්ෂ ගණනාවක් තිස්සේය. මෙම රෝස පැහැති පූජා වස්ත්රය ගැඹුරු සංකේතාත්මක අර්ථයක් ඇති අලංකාර වර්ණයකි.
ශෝකය මැද ප්රීතිය.💖
මුළු ජනවන්දනා වර්ෂය තුළම දෙවරක් පමණක් භාවිතා කරනු ලබන මෙම වර්ණය, සම්ප්රදායිකව තපස් සමයක් මධ්යයේ ඇතිවන ප්රීතියේ හැඟීමක් හා සම්බන්ධ වේ. උඳුවප් කාලයේ Gaudete Sunday (ක්රිස්තු උප්පත්තියට පෙර ඉරු දින) සහ චතාරිකයේ Laetare sunday (පාස්කු ඉරුදිනට පෙර ඉරු දින.)යන දෙකෙහිම, මෙම රෝස පැහැය අඳිනු ලබන්නේ සූදානම් වීමේ කාලය අවසන් වෙමින් පවතින බවත්, ශ්රේෂ්ඨ මංගල්යය ඉතා ඉක්මනින් ළඟා වන බවත් අපට මතක් කර දීමටයි.
චතාරිකයේ හතරවන ඉරිදා දේව මෙහෙය ආරම්භයේදී සාම්ප්රදායිකව ගායනා කරන Entrance Antiphon හී (කතෝලික දේව මෙහෙයක ආරම්භයේදී ගායනා කරන ලද හෝ කියවනු ලබන ලද ශුද්ධ ලියවිලි කොටස, සභාව එක්සත් කිරීමට, දින සැමරුමේ අභිරහස හඳුන්වා දීමට සහ ඒ සමඟ යාමට උපකාරී වේ.) පවා අප තුළ තිබිය යුතු ප්රීතිය ගැන කථා කරයි.
ලතින් බසින්
Lætare Jerusalem, et conventum facite omnes qui diligitis eam, gaudete cm lætitia, qui in tristitia fuistis,ut exsultetis, et satiemini ab uberibus consolationis vestræ.
Psalm - Lætatus sum in his quæ dicta sunt mihi, in domum Domini ibimus!
සිංහල අරුත
ජෙරුසලමට ප්රේම කරන සියල්ලෙනි, ඈ උදෙසා ප්රීති සන්තෝෂ වන්න. ඈ ගැන වැලපෙන සියල්ලෙනි, ප්රීතියෙන් ඈ සමඟ ප්රීති වන්න.
මෙසේ නුඹලා ඇගේ සැනසිලි ගෙන දෙන පියයුරු උරා, තෘප්තියට පැමිණෙන්නහු ය.
ඇගේ බහුල ව ඇති කිරිවලින් ප්රීති වන්නහු ය.
ඇගේ මහිමය පූර්ණතාවෙන් නොමඳ සොම්නසින් පානය කරන්න.(යෙසායා 66:10-11)
ගීතාවලිය - දෙව් මැදුරට යමු”යි ඔවුන් මට කී විට මම ප්රීතියෙන් පිනා ගියෙමි!"(ගීතාවලිය 122:1)
දේව මෙහෙය අතරතුර අප රෝස පැහැය දකින විට, ප්රීතිමත් වීමට අපට ඇරයුම් කරනු ලැබේ; උපවාස සමය අවසන් වෙමින් පවතින අතර ක්රිස්තුස් වහන්සේගේ උත්ථානයේ සැමරීම ළං වෙමින් තිබේ යන්න මින් අවධාරණය වේ!
ප්රීතියේ අවශ්යතාවය✨
ශුද්ධෝත්තම ෆ්රැන්සිස් පාප් වහන්සේ, තම සුදතුම් පිය පදවියේදී ප්රීතිය කෙරෙහි වැඩි අවධානයක් යොමු කර ඇති අතර, "ශුභාරංචියේ ප්රීතිය" (Joy of the Gospel) සඳහා සම්පූර්ණ ලේඛනයක් (encyclical) පවා කැප කළ සේක. සෑම කිතුනුවකුගේම හදවත් පිරී තිබිය යුත්තේ කුමකින් දැයි උන්වහන්සේ එහි ආරම්භක ඡේදයේ මෙසේ සදහන් කර ඇත.
"ශුභාරංචියේ ප්රීතිය ජේසුස් වහන්සේව මුණගැසෙන සියල්ලන්ගේ හදවත් හා ජීවිත පුරවයි. උන්වහන්සේගේ ගැළවීමේ පිරිනැමීම පිළිගන්නා අය පාපයෙන්, දුකෙන්, අභ්යන්තර හිස්කමෙන් සහ තනිකමෙන් නිදහස් වේ. ක්රිස්තුස් වහන්සේ සමඟ ප්රීතිය නිරන්තරයෙන් අලුතින් උපදියි."
කෙසේ වෙතත්, ප්රීතිය සැමවිටම ලබා ගැනීමට පහසු කාර්යයක් නොවේ. විශ්වාසවන්ත කිතුනුවන්ට පවා ප්රීතියේ අංශු මාත්රයක් නොමැති ජීවිතයක් ගත කිරීමට පෙළඹිය හැකිය. ෆ්රැන්සිස් පාප් වහන්සේ පෙන්වා දුන් පරිදි, එය නිතරම චතාරිකයේ ජීවත් වීම හා සමාන වන නමුත් කිසි විටෙකත් පාස්කු ඉරිදා ප්රීතිය අත්විඳින්නේ නැතුවා හා සමානය.
"පාස්කු ඉරිදා නොමැතිව චතාරිකය මෙන් පෙනෙන කිතුනුවන් සිටිති. විශේෂයෙන්ම මහත් දුෂ්කරතා ඇති අවස්ථාවන්හිදී, ජීවිතයේ සෑම විටම ප්රීතිය එකම ආකාරයකින් ප්රකාශ නොවන බව මම පිළිගනිමි. ප්රීතිය අනුවර්තනය වී වෙනස් වේ, නමුත් සියල්ල අවසානයේ, අපට අනන්තවත් ප්රේම කරන බවට ඇති අපගේ පෞද්ගලික විශ්වාසයෙන් උපන් ආලෝකයේ දැල්වීමක් ලෙස එය සැමවිටම පවතී."
අවසානයේදී, ඔබේ පූජකවරයා "තද රෝස (rose)" පැළඳ සිටිනු ඔබ දුටුවහොත්, ප්රීතියෙන් ජීවත් වීමේ කැඳවීම සිහිපත් කරන්න. අපගේ ජීවිත සදාකාලික චතාරිකයේ ගත කිරීමට අප අදහස් නොකරන නමුත්, පාස්කුවේ ශ්රේෂ්ඨ ප්රීතිය අත්විඳීමටත්,කිතු උපතේ මහිමය හමුවන සියලු දෙනා අතර පැතිරවීමටත් කැඳවනු ලැබේ.
මාරාන්තික ජීවිතයේ බොහෝ දුක් වේදනා වලින් බොහෝ විට පහතට ඇද දමන ලෝකයක, අපගේ කිතුනු ක්රියාව ප්රීතියේ ආලෝකයක් වේවා!
✍️𝖊𝖒𝖚𝖓𝖆𝖍.
