31/10/2025
සියලුම සාන්තුවරුනි,
සියලු සාන්තුවරයන්ගේ මංගල්යය සමරන අද දින විශේෂාකාරයෙන් අප වෙනුවෙන් යාච්ඤා කරන මෙන් අයදිමු. අවුල් වියවුල් වුණු මේ ලෝකය සහ විශේෂාකාරයෙන් සෑම ක්ෂේත්රයක්ම අවුල් වුණු අප රට වෙනුවෙන් යාච්ඤා කළ මැනව. ආත්මාර්ථකාමීත්වය, අසාධාරණත්වය, අයුක්තිය, ක්රෝධය, පළිගැනීම, උඩඟුව, කෑදරකම හමුවේ ඔබ සියල්ලන් මෙන් ජේසුස් වහන්සේගේ කොන්දේසි විරහිත ආදරය ජිවත් කරන්නට හැකි වන පිණිස අප වෙනුවෙන් යාච්ඤා කළ මැනව.
විශේෂාකාරයෙන් ශු. සභාව වෙනුවෙන් යාච්ඤා කළ මැනව. අති උතුම් ශුද්ධෝත්තම පියාණන් ඇතුලු ශු. සභාවේ සියලුම සමාජිකයන් (ගිහි, පැවිදි පුජක) වෙනුවෙන් යාච්ඤා කළ මැනව. අප කරන ඉතා කුඩා දේ වුවද මහත් වූ ආදරයකින් කරන්නට සහා සෑම මොහොතකම ජේසුස් වහන්සේව ජිවත් කිරිමට හැකි වන පිණිස අප වෙනුවෙන් යාච්ඤා කළ මැනව. ජිවත් වී සිටින මේ කෙටි කාලයේ ඔබ සියල්ලන්ගේම ආදර්ශයන් අපගේ ජිවිත වලට ගෙන අවසාන මොහොත දක්වාම ජේසුස් වහන්සේගේ කොන්දේසි විරහිත ආදරය ජිවත් කරමින් කෙදිනක හෝ ජේසුස් වහන්සේව ප්රකෘති ස්වභාවයෙහිම දකින්නට අපට හැකි වන පිණිස අප සියල්ලන් වෙනුවෙන් යාච්ඤා කළ මැනව.
ආමෙන් !
