01/08/2026
🌸ස්වාමීනී භාග්යවතුන් වහන්ස,
සතර වරම් දෙව් රජ දරුවන් ආදරයෙන් ගෞරවයෙන් වන්දනා මාන පුද සත්කාර කලාවූ ඔබ වහන්සේගේ ශ්රී බුද්ධ ශරීරයේ ධාතූන් වහන්සේලා සතර නම අපගේ නෙත් වලින් දැක බලා වන්දනා මාන පුද සත්කාර කලා සේම,
🌸මේ තුන් ලෝකයේම වටිනා මාණික්යයක් අත දරා සිටියද,ස්වාමීනී භාග්යවතුන් වහන්ස ඔබ වහන්සේ තරම් මා හට ඒ කිසිදු දෙයක වටිනාකමක් නැත්තේමය....
🌸ස්වාමීනී භාග්යවතුන් වහන්ස පෙර කුසල් බල ශක්ති පූර්ණය කොට මේ සා මහ සෑයක ඔබ වහන්සේගේ උතුම් ධාතුන් වහන්සේලා තැන්පත් කරන අසිරිමත් පින්කමක් දැක ගන්න අපගේ දෑස් වාසනාවන්ත වූයේමය....
🌸පින්කමේ කායික වෙහෙස මානසික වෙහෙස නොසලකා අප සැම බුදු වරයෙක් හට බුද්ධෝපස්ථානයක් කලේ සසර දුකින් මිදීමම අරමුණු කරගනිමින්මය....
🌸ස්වාමීනි, භාග්යවතුන් වහන්ස…
යම් සේ හිරු අන්තයට ගිය කල්හි සත්වයෝ ද අඳුරට ම යන්නෝ ය.
එසේම ඔබ වහන්සේ ලොව නූපන් කල්හි ලෝකෙම අන්ධකාරයට යන්නේ ම ය. උදාවන්නා වූ සූර්යයා සියලු ලෝකවල අඳුර දුරු කරන්නේ යම් සේ ද ඔබ වහන්සේ ලොව පහළ වී එවන් අඳුර නැසූ සේක් ම ය.
🌸එනිසාම මේ ලෝකයට පහළ වන එකම ආශ්චර්යවත් වූ මනුෂ්ය රත්නය වන්නේ බුදුරජාණන් වහන්සේ ම.
🌸බුදුවරුන්ගේ උපත ලොවට සැපයක් බව ඒකාන්ත සත්යයයි. මෙවන් ආනුභාව සම්පන්න වූ භාග්යවතුන් වහන්සේ උදෙසා මේ අසිරිමත් පින්කමේදී නගන සාධු නාදය,කායික වෙහෙස,වැටුනු දාඩිය,කුසගින්න,නිදි වැරූ මහ රාත්රීන් කිසිකලෙකත් හිස් නොවන්නේ ම ය. අපව නිවනට පමුණුවන්නේ ම ය.. ඔබ වහන්සේ කෙරෙහි හිත පහදවා ගත් පමණින් අපට සුගති සැප විවර වන්නේ ය. සතර අපා දොරටු වැසෙන්නේ ම ය.
🌸ස්වාමීනී භාග්යවතුන් වහන්ස, මේ සා අසිරිමත් පින්කමක් අපගේ දෑස් ඉදිරියේ දකින්න අප සසරේ පින්කර ඇති බවනම් සැබෑමය....ඔබ වහන්සේගේ නව අරහාදී බුදු ගුණයට ධාතු නිධාන අවස්ථාවේ අහස් තලය මැවූ අසිරිමත් රටාවන් මහා ජනකායකගේ සිත් තුල පින්කුසල් මෝර මෝරා පිරී ඉතිරී ගියේමය.......
🌸අප කෙරේ අනුකම්පාවෙන් ඔබ වහන්සේ දැක්වූ ඒ දයාව මහා කරුණාව නිසා, පින්කම වෙනුවෙන් වෙහෙස දැරූ අයගේ කායික වෙහෙස ඔබ වහන්සේගේ ධාතු නිධාන අවස්ථාවේදීම පහව ගියේ දෑත නළලට ගනිමින් සාදූ නාද මුවින් පිටවෙමින්මය....
🌸ඒ සිරිමත් පින්කම නිසා පින් රැස් කරගත්තෝ බොහෝමය.....දුකින් සිටි අය සතුටෙන් පිනා ගියෝය...ශ්රද්ධාව දරා සිටියෝ අසීමිත බුද්ධ අසිරිය තව තවත් විද ගත්තේමය....
🌸ස්වාමීනි භාග්යවතුන් වහන්ස, දෙපා ඇතියනට අග්ර වූ, මහා ආනුභාව සම්පන්න වූ, මෙවන් අනන්ත වූ ගුණයන්ගෙන් බබළන්නා වූ ඔබ වහන්සේට අපගේ නමස්කාරය වේවා🙏
🌸ස්වාමිනී භාග්යවතුන් වහන්ස,
🌼කායිකව දුබල වී ඇදක් මත වැටෙන දවසෙත් අප හට ඔබ වහන්සේගේ උතුම් ධාතුන් වහන්සේලා සිහිපත් වේවා🙏*
🌼මේ අසිරිමත් පින්කමේ දී කල වත්,උපස්ථානයන් දාස්පෙතියා මල් මාලෙක දාස් මල් අමුනනනවා සේ එකින් එක සිහිපත් වේවා🙏
🌼ඒ කුසල් පින් බල වී උතුම් අමා නිවන පිණිසම අප හට මේ අසිරිමත් බුද්ධ උපස්ථානය හේතු වාසනාම වේවා🙏
🌸ස්වාමීනී භාග්යවතුන් වහන්ස,
මට ඔබ වහන්සේගේ සරණ හැර වෙන සරණක් නැත්තේමය....🙏
නත්ථි මේ සරණං අඤ්ඤං බුද්ධෝ මේ සරණං වරං 🙏
