19/03/2026
බැසනොගිය
සරත් සඳ
ගාල්ල තරුණ බෞද්ධ සමිතිය සහ සරත් වික්රම ඩයස් යන නාමයන් බෞද්ධ සමාජය තුළ ස්ථාපිතව ඇත්තේ පර්යාය (තුල්යාර්ථිත) ස්ථාන නාමයක් හා පුද්ගල නාම යුගලයක් ලෙස වේ.
එනම් ගාල්ල තරුණ බෞද්ධ සමිතිය යන්න දෙසවන වැකෙත්ම අප සිත්තුළ නිතැතින්ම නැගෙන්නේ සරත් ඩයස් යන ගෞරවණීය නාමයයි.අනිත්අතට සරත් ඩයස් යන නම කියවෙත්ම අප සිත්වලට එන්නේ තරුණ බෞද්ධ සමිතිය යන නමයි. සරත් ඩයස් හා තරුණ බෞද්ධ සමිතිය ගසට පොත්ත මෙන් විය.
සරත් වික්රම ඩයස් සිරිමතුන් ගාල්ල තරුණ බෞද්ධ සමිතියේ මුලින්ම ප්රධාන සභාපති ධූරයට පත්වන්නේ වර්ෂ 1990 දීය. එවකට ගාල්ල තරුණ බෞද්ධ සමිතිය සතුවුයේ ගාල්ල කොටුවේ අප ප්රධාන කාර්යාලය ගොඩනැල්ලත් බොනවිස්ටා වැඩිහිටි නිවාසයේ කුඩා කාර්යාල ගොඩනැගිල්ලත් සමග තවත් කුඩා ගොඩනැගිල්ලත් පමණි. ඒ වන විට එම ගොඩනැගිලි ඉතා අබලන් තත්වයේ මෙන්ම කලක් වර්ණ නොගැන්වීම නිසා මහත් සේ දුර්වර්ණ වු ඉදිකිරීම් කිහිපයක් විය.
පොලිස් දෙපාර්තමේන්තුවේ උසස් නිළධාරියකු ලෙස ලත් මනා පරිචයත්, හික්මීමත් තුළින් සිය කණ්ඩායම සුපැහැදිලි සංනිවේදනය හා සංවේදනය තුළින් මෙහෙයවමින් ගාල්ල තරුණ බෞද්ධ සමිතිය නිවැරදි දිශාවට යොමුකරමින් ඉන් පෙර අත්කර ගැනීමට නොහැකි වූ අපූර්ව වූ ජයග්රහණ රැසක් සංවිධානයට අත්කර දුන්නේය.
නවාංගයන් රැසක් එකතු කිරීම තුළිින් ගාල්ල තරුණ බෞද්ධ සමිතිය තුල අනුවර්තනීය පරිවර්තනයක් ඇතිකලේය. ගාල්ල තරුණ බෞද්ධ සමිතියේ කීර්තිය සමස්ත දක්ෂිණ දේශය පුරා පමණක් නොව මුළු දිවයින පුරාම පැතිර වීමට සරත් ඩයස් මහතාගේ ප්රබල නායකත්වය හේතු විය.
සරත් ඩයස් මහතා සභාපතීත්වය දරණ කාලය තුළ සමිතියේ ආගමික අංශයේ සභාපති තනතුර දරමින් සංවිධානයේ සියළු ආගමික කටයතු මෙහෙයවමින් ඔහුට විසල් ශක්තියක් වූයේ වත්මන් අප ප්රධාන සභාපති නීතීඥ ප්රේමරත්න තිරාණගම මහතා බව මෙහිලා විශේෂිතව සටහන් කරනු කැමැත්තෙමු.
බොනවිස්ටා වැඩිහිටි නිවාසයට අමතරව ඌරල සහබන්දු වැඩිහිටි නිවාසය ,බොනවිස්ටා විශේෂ අවශ්යතා ඇති ගැහැණු ළමුන් සදහා වන නිවස්නය, කපුහෙම්පල දෘෂ්යාබාධිත නිවාසය, තල්ගස්වල මනතුංග බණ්ඩාරිගොඩ වැඩිහිටි නිවාසය, සහ පිලාන විශ්රාමික නිවාඩු නිකේතනය යන නව ව්යාපෘති සියල්ල ම සමිතියට එකතු වූයේ සරත් ඩයස් මහතාගේ අප්රතිහත වෙර වීර්යය නිසාත් එතුමා තුළ තිබු විශ්මිත දැක්මත් හැකියාවත් තුළින්ය.
දර්ශණීය රූමස්සල කදු ශිඛරය මත මබ නමින් ඉදිවන මෙම සරත් වික්රම ඩයස් ලෙහි ගුණ පාය ඔබගේ උස් ගුණ සමුදාය උස් හඩින් රාව ප්රතිරාව නංවමින් බොහෝ කල් පවතිණු ඇත.
මැතිදුනි, ඔබ අපගේ පරමාදර්ශයයි! අපගේ පූර්වගාමී නයුවාය! ඔබ හෙළි පෙහෙලිකල මගෙහි අපි අභිමානයෙන් යුතුව හෙට දිනයේදීත් යන්නෙමු.!
ගාල්ල තරුණ බෞද්ධ සමිති අඹරේ සුනිල්වන්ව දිදුලන බැසනොයන සරත් සඳ ඔබයි!
පාලක මණ්ඩලය- ගා.ත.බෞ.ස.
