Uthpalawanna Sri Vishnu Maha Dewalaya Devinuwara

23/05/2026

🪷 දෙතිස් ව්‍යංජන සහිත සම්බුද්ධ පූජාව 🪷

ඓතිහාසික දෙවිනුවර උත්පලවණ්ණ ශ්‍රී විෂ්ණු මහා දේවාලය මඟින් දිනපතා උදෑසන 10.00 ට පවත්වනු ලබන "දෙතිස් ව්‍යංජන සහිත සම්බුද්ධ පූජාව" සඳහා දායකත්වය දැක්වීමට පින් කැමති ඔබටත් අගනා අවස්ථාවක්!

ඔබට මෙම මහා පින්කම සඳහා දායක විය හැක.

දිනය වෙන්කරවා ගැනීමට සහ වැඩි විස්තර සඳහා බස්නායක නිලමේ කාර්යාලය අමතන්න:
📞 070 222 3400
☎️ 041 222 3400

බුදුරජාණන් වහන්සේ උදෙසා සිදුකරන මෙම උතුම් පූජාවට සම්බන්ධ වී බොහෝ පින් රැස්කර ගන්නා ලෙස මෙත් සිතින් ඇරයුම් කරමු!

#දෙවිනුවර

Send a message to learn more

22/05/2026

ඔබ සැමට උත්පලවණ්ණ ශ්‍රී විශ්ණු දෙවි පිහිටයි..!

-බස්නායක නිලමේතුමා ඇතුළු කාර්ය මණ්ඩලය -
| Official Media Bureau - Uthpalawanna Sri Vishnu Maha Dewalaya |

දේවාලයේ පූජා කටයුතු, විශේෂ පෙරහැර මංගල්‍යයන් සහ පුණ්‍ය මහෝත්සවයන් පිළිබඳ සියලුම නිල පුවත් සහ සජීවී දර්ශන නැරඹීමට අපගේ පිටුව "Follow" කරන්න.

22/05/2026

සුභ රාත්‍රියක් වේවා..! 🪷

උත්පලවණ්ණ ශ්‍රී විශ්ණු මහා දෙවි පිහිටයි!

21/05/2026

දක්ෂිණ ප්‍රභා වෙසක් උත්සවයට දෙවිනුවර ශ්‍රී විෂ්ණු මහා දේවාලයෙන් රුපියල් ලක්ෂ 30ක පරිත්‍යාගයක්! 💐✨

දක්ෂිණ ප්‍රභා වෙසක් උත්සවය සර්වප්‍රකාරයෙන්ම සාර්ථක කර ගැනීම උදෙසා, ප්‍රදේශයේ සියලුම වෙහෙර විහාරස්ථාන අලංකාරවත් කිරීමට සහ පන්සල්වල සුදුහුණු ආලේප කිරීම වෙනුවෙන් ඓතිහාසික දෙවිනුවර උත්පලවණ්ණ ශ්‍රී විෂ්ණු මහා දේවාලයට අප්‍රමාණ භක්තියකින් යුතුව සැදැහැවතුන් පූජා කරන ලද පඬුරු සහ ආධාර උපයෝගී කරගනිමින් මගින් රුපියල් ලක්ෂ 30ක මහත් වූ ධන පරිත්‍යාගයක් අද දින පූජා කරන ලදී.

සම්බුදු සසුන ආරක්ෂා කිරීමට වරම් ලද, උත්පලවණ්ණ ශ්‍රී විෂ්ණු මහා දිව්‍ය රාජයාණන් වහන්සේට මතු බුදු බවම අත්වේවා!

~ දෙවිනුවර උත්පලවණ්ණ ශ්‍රී විෂ්ණු මහා දේවාලය ~

#දෙවිනුවර

21/05/2026

දෙවිනුවර උත්පලවණ්ණ ශ්‍රී විෂ්ණු මහා දේවාලයේ පූර්ණ මූල්‍ය දායකත්වයෙන් ඉදිවූ නවීන පරිගණක විද්‍යාගාරය සිසු අයිතියට!

අනාගත පරපුර තොරතුරු තාක්ෂණයෙන් සන්නද්ධ කරනු වස්, දෙවිනුවර උත්පලවරණ්ණ ශ්‍රී විෂ්ණු මහා දේවාලයේ පූර්ණ ධන පරිත්‍යාගයෙන් සහ කැපවීමෙන්, සියලුම නවීන පහසුකම්වලින් සමන්විතව ඉදිකරන ලද නව පරිගණක විද්‍යාගාරය (Computer Lab) පසුගියදා සුබ මොහොතින් විවෘත කරන ලදී.

ප්‍රදේශයේ දරු දැරියන් වෙනුවෙන් උසස් තොරතුරු තාක්ෂණ අධ්‍යාපන අවස්ථා උදාකර දීම වෙනුවෙන් මෙම පරිගණක මධ්‍යස්ථානයේ අධ්‍යාපන කටයුතු DP Education ආයතනය හා අත්වැල් බැඳගනිමින් ක්‍රියාත්මක කෙරේ.

අපේ දරුවන්ගේ හෙට දවස වෙනුවෙන් දේවාල පරිශ්‍රයෙන් තැබූ තවත් එක් සුවිශේෂී පියවරකි!

20/05/2026

දෙවිනුවර උත්පලවණ්ණ ශ්‍රී විෂ්ණු මහා දේවාල භාරකාරත්වය මගින් පාලනය වන "HAPPY KIDS" පෙරපාසල මගින් 15 වන වරටත් අඛණ්ඩව සංවිධානය කරන ලද වාර්ෂික මහා දන්සල අද දින දේවාල පරිශ්‍රයේදී ඉතා සාර්ථකව පැවැත්විණි.

දේවාලයේ ගරු බස්නායක නිලමේතුමාගේ මඟපෙන්වීම යටතේ, පෙරපාසල් දරු දැරියන්, ගුරු මණ්ඩලය සහ දෙමාපියන්ගේ දායකත්වයෙන්, සාම්ප්‍රදායික චාරිත්‍රානුකූලව පොල්තෙල් පහන දල්වා දන්සල විවෘත කෙරුණු අතර, දේවාලය වැඳපුදා ගැනීමට පැමිණි සැදැහැවතුන් මෙන්ම ප්‍රදේශවාසී ජනතාව විශාල පිරිසක් මේ සඳහා සහභාගී වූහ.

කුඩා දරුවන් තුළ දීමේ සහ පරිත්‍යාගශීලීත්වයේ උතුම් ගුණාංග ප්‍රගුණ කරවමින්, වසර 15ක් පුරාවට මෙම පුණ්‍යකර්මය අඛණ්ඩව ඉදිරියට රැගෙන යාමට ශක්තිය සහ දායකත්වය සැපයූ සැමට අපගේ හෘදයාංගම ස්තූතිය! 🙏❤️

#දෙවිනුවර

20/05/2026

විශේෂ නිවේදනයයි! 🚨

දෙවිනුවර උත්පලවණ්ණ ශ්‍රී විෂ්ණු මහා දේවාලයේ 769 වන ඇසළ මංගල්‍යය සම්බන්ධයෙන් කාවාඩි කණ්ඩායම් වෙත සිදුකර ඇති මෙම දැනුම්දීම කාරුණිකව සැලකිල්ලට ගන්න. 🙏

සියලුම කාවාඩි නර්තන ශිල්පීන්ගේ සහභාගීත්වය හා විනය ආරක්ෂා කරමින් මංගල්‍යය සාර්ථකව පැවැත්වීමට ඔබගේ සහයෝගය අපේක්ෂා කරමු.

#දෙවිනුවර

20/05/2026