21/01/2026
භාග්යවතුන් වහන්සේ මෙසේ දේශනා කළසේක.
මාගේ උත්කර්ෂවත්, ආශ්චර්යවත් විද්යාමානත්වයන් අතර ප්රමුඛතම විද්යාමානත්වයන් පිළිබඳ පමණක් මා විසින් ඔබට ප්රකාශ කරන්නෙමි. මාගේ ශ්රී විභූතීන් අනන්තයි සීමා විරහිතයි. මම සියලු ජීවාත්මියෙකුගේම හෘදය තුල පරමාත්මා ලෙසින් වැඩ සිටින්නෙමි. සියලු ජීවීන්ගේ ආරම්භයත් මධ්යයත් අවසානයත් මමම වෙමි.
ආදිත්යයන් අතර විෂ්ණු මම වෙමි.
ආලෝකයන් අතර සූර්යයා මම වෙමි.
වායූන් අතර මරිචි මම වෙමි.
තාරකාවන් අතර චන්ද්රයා මම වෙමි.
වේදයන් අතර සාම වේදය මම වෙමි.
දේවතාවන්ගේ රජු ඉන්ද්ර මම වෙමි.
ඉන්ද්රියන් අතරින් මනස මම වෙමි.
ජීවාත්මීන්ගේ සවිඤ්ඤානකත්වය මම වෙමි.
පූජකයන් අතරින් බ්රහස්පති මම වෙමි.
සෙන්පතියන් අතරින් ස්කන්ධ මම වෙමි.
ජලාශයන් අතරින් සාගරය මම වෙමි.
ඍෂිවරුන් අතරින් භෘගු මම වෙමි.
ශබ්දයන් අතරින් ඕම්කාරය මම වෙමි.
යජ්නයන්ගේ ජපය මම වෙමි.
නිශ්චල වස්තූන් අතරින් හිමාල පර්වතය මම වෙමි.
සියලු වෘක්ෂයන් අතරින් නුග වෘක්ෂය මම වෙමි.
දේවතාවන් අතර මහාඍෂින්ගෙන් නාරද මම වෙමි.
ගාන්ධර්වයින් අතරින් චිත්රරථ මම වෙමි.
පරිපූර්ණත්වයට පත්වූවන් අතරින් කපිල මුණි මම වෙමි.
අශ්වයන් අතරින් උච්චෛස්රවා මම වෙමි.
හස්තීන් අතරින් ඓරාවන මම වෙමි.
මිනිසුන් අතර අධිරාජයා මම වෙමි.
ආයුධ අතරින් වජ්රය මම වෙමි.
එළදෙනුන් අතරින් සුරභි මම වෙමි. ප්රජනන හේතුකාරකයේ කන්දර්ප මම වෙමි.
සර්පයන් අතර වාසුකී මම වෙමි.
බොහෝ ශීර්ෂයන්ගෙන් යුත් නාගයන් අතරින් අනන්ත නාග මම වෙමි.
සමස්ථ ජලජ ජීවීන්ගේ වරුණ දේවතාවා මම වෙමි.
මියගිය මුතුන්මිත්තන්ගේ ආර්යමා මම වෙමි.
නීතිය ක්රියාත්මක කරන්නන් අතර යම මම වෙමි.
දෛත්යයන් අතුරින් බැතිමත් ප්රහ්ලාද මම වෙමි.
මැඩලන්නන් අතරින් කාලය මම වෙමි.
මෘගයන් අතර සිංහයා මම වෙමි.
පක්ෂීන් අතර ගරුඩා මම වෙමි.
පවිත්ර කරන්නන් අතර සුලඟ මම වෙමි.
අවි දරන්නන් අතර රාම මම වෙමි.
මත්ස්යන් අතරින් මකර මම වෙමි.
ගංගාවන් අතරින් ගංගා මම වෙමි.
සියලු නිර්මානයන්ගේ ආරම්භය අවසානය සහ මධ්යයද මමම වෙමි.
සියලු විද්යාවන් අතරින් ආධ්යාත්මික විද්යාව මම වෙමි.
තර්කවාදීන් අතරින් නිගමනාත්මක සත්ය මම වෙමි.
අක්ෂර අතරින් අ අක්ෂරය මම වෙමි.
සමාස අතුරින් ද්වන්ධ සමාසය මම වෙමි.
ක්ෂය නොවන කාලයද මම වෙමි.
මැවුම්කරුවන් අතර බ්රහ්ම මම වෙමි.
සියල්ල ගොදුරට ගන්නා මරණය මම වෙමි.
සමස්ථය නිර්මාණය කරන උත්පාදක මූලධර්මයද මම වෙමි.
ස්ත්රීන්ගේ කීර්තිය, වාසනාව, ප්රිය වචනය, මතකය, බුද්ධිය, අචලත්වය සහ ඉවසීමද මම වෙමි.
සාම වේද ගීතිකාවන්ගේ බෘහත්සාම ගීතිකාව මම වෙමි.
කාව්ය ජන්දස් අතර ගායත්රි ගීතිකාව මම වෙමි.
මාස අතුරින් මාර්ගශීර්ෂ මම වෙමි.
ඍතු අතරින් වසන්තය මම වෙමි.
සියලු වංචා අතරින් දූකෙලිය මම වෙමි. තේජසේ තේජස මම වෙමි.
විජයග්රහණය මම වෙමි.
නිර්භීතම, අවදානම්ම සහ දුෂ්කරම ක්රියාවත් මම වෙමි.
ශක්තියේ ශක්තිය මම වෙමි.
වෘෂ්ණිගෙන් පැවත එන්නන්ගේ වාසුදේව මම වෙමි.
පාන්ඩවයන් අතරින් අර්ජුනත් මම වෙමි.
මුණිවරු අතරින් ව්යාස මුණි මම වෙමි.
ශ්රේෂ්ඨ චින්තකයන් අතර උශනා මම වෙමි.
මර්ධනයන් අතර දන්ඩනය මම වෙමි.
විජයග්රහනය අපේක්ෂා කරන්නන්ගේ සදාචාරය මම වෙමි.
රහසිගත දෙයහි නිශ්ශබ්දතාව මම වෙමි.
ප්රඥ්ඥාවන්තයින්ගේ ප්රඥ්ඥාව මම වෙමි.
ඕ අර්ජුන, මම සමස්ථ පැවැත්මේ බීජ ජනනය කරමින් සිටිමි. නිශ්චල හෝ චංචල හෝ කිසිඳු ජීවියෙකුට මාගෙන් ව්යුක්තව පැවතිය නොහැක්කේය.
දිව්යමය ප්රකටවීම්වල සීමාවක් නොමැත්තේය. මා විසින් ඔබට පවසන ලද මේ සියල්ල යනු මාගේ අනන්ත වූ ශ්රී විභූතීන් පිළිබඳ හුදෙක්ම හැගවීමක් පමණි.
(භගවත් ගීතාව 10:19 - 10:40)
