29/03/2021
🏵🏵🏵
ඔබට මේ රහත්හුය, මේ රහත් මගට පිළිපන්නෝයයි දැනගැනීම අසීරුය
🏵🏵🏵
දිනක් තථාගතයාණන් වහන්සේ වෙත දැව කර්මාන්තයේ යෙදෙන්නෙක් පැමිණියේය.
ඔබේ නිවෙස්හි දන් දෙනවාද? උන් වහන්සේ ඇසීය.
"ඔව් ස්වාමීනී... ආරණ්යක වූද, පිණ්ඩපාතික වූද, පාංශුකූලික වූද, අර්හත් වූ හෝ ඒ මගට පිලිපන් භික්ෂූන් වහන්සේලාට අපේ නිවෙස් වල දන් දෙන සේක" යැයි ඔහු පැවසීය.
“ගෘහපතිය, ගිහිවූ, කාමභෝගීවු, පුත්රයන්ගෙන් ගැහැට ඇත්තාවූ, කසී සඳුන් පරිහරණය කරන්නාවූ, මල් ගඳ විලවුන් දරන්නාවූ, මිළ මුදල් පරිහරණය කරන්නාවූ ඔබට....
මේ රහත්හුය, මේ රහත් මගට පිළිපන්නෝයයි දැනගැනීම අසීරුය"
"එනිසා ඔබ දන් දීමේදී සංඝයා කෙරෙහි දන් දෙව. ඔබ විසින් සංඝයා කෙරෙහි දන් දෙනවානං ඉන් සිත පහදින්නේය. ඒ පැහැදුනාවූ සිත් ඇති ඔබ මරණින් මතු ස්වර්ග ලෝකයෙහි උපදින්නේය.”
(දාරුකම්මික සූත්රය)
https://pitaka.lk/main/?n=31155
අද භික්ෂූන් වහන්සේලාගේ ශීලය ගැන, සමාධි තත්වයන් ගැන, ප්රඥාව ගැන, මාර්ග පල ලාභිත්වය ගැන ගිහියන් තුල නොයෙක් නිගමන පවතී. පුද්ගල භේදයෙන් භික්ෂූන් වහන්සේලාගේ ගුණාගුණ සලකා දන් දීම අඥාණයාගේ සිරිතයි.
අනාගතයේ පහල වන කාසාවකණ්ඨක නම් දුස්සීල භික්ෂූන්ට දෙන දානය වුවත් සංඝ්යා අරමුණු කොට සිත පහදා දෙනවා නම් එම දානයේ විපාක මහත්ඵල මහානිසංස බව තථාගතයාණන් වහන්සේ වදාල සේක.
ශ්රද්ධාව උපදවිය යුතු නියම තැන ප්රඥාවන්තයා දනී.
ශ්රද්ධාව උපදවා ගත යුත්තේ බුද්ධ රත්නය කෙරෙහිය. ධර්ම රත්නය කෙරෙහිය. සංඝ රත්නය කෙරෙහිය.
භාග්යවතුන් වහන්සේගේ සාසනයේ දුස්සීල ශ්රාවකයින් නොමැත. අද යම් කෙනෙක් භික්ෂූන් වහන්සේලාගේ සමහර ක්රියාකාරකම් දැක අහෝ සංඝරත්නය නම් පිරිහී ඇතැයි කලකිරෙනවා නම් වරද ඇත්තේ සංඝ රත්නය නොහඳුනනනා ඔහු තුල මිසක් සංඝ රත්නය තුල නොවේමැයි.
බෞද්ධ දර්ශනය යනු මානසික විද්යාවකි.
ත්රිවිධ රත්නය වේවා, ශ්රද්ධාව වේවා ඒ සියල්ල අප සිත් තුල ඇතිවන සිතුවිලි මයි. ඒවා ඇතිවන්නේ බාහිර ලෝකය තුල නොවේ. පුද්ගලයන් තුල නොවේ. අප සිත් තුලමයි.
අප දක්ෂ විය යුත්තේ සම්බුදු සසුන ජීවමාන මේ කාලයේ ත්රිවිධ රත්නය පාදක කොට අපේ සිත් තුල ශ්රද්ධා සිතිවිලි හැකි පමණ වඩා ගැනීමටයි.
ලැබුණු ක්ෂණ සම්පත්තිය අපතේ නොයවා ත්රිවිධ රත්නය කෙරේ ශ්රද්ධාවෙන් තුන් සිත පහදාගෙන පින්කම් කරන්නෝ ඒවායේ මහත්ඵල මහානිසංස ලබන්නෝය. සුගතියේ ස්වර්ගයේ යන්නෝය.
වඩා දක්ෂයෝ ඒ ශ්රද්ධාව හරහා වීරිය, සති, සමාධි, ප්රඥා වඩා ගෙන සසරින් මිදෙන්නෝම වෙති.
🙏🙏🙏
