AVE MARIA SL

AVE MARIA SL
(4)

25/08/2026

https://youtu.be/HUc1oObuJ1s?si=gR8hsAsXEkExykvJ
අගෝස්තු 26, පලමු දේව ප්‍රකාශකය ..2 තෙසලෝනික 3:6-10,10-18..
ශු.සමතෙව් 23:27-32...
විනයධරයෙනි, පරිසිවරුනි, කෛරාටිකයන් වූ ඔබට වන විපතක මහත! මන්ද, ඔබ හුණු ගා සුදු කළ සොහොන්වලට සමාන ය. ඒවා පිටතින් ශෝභන ව පෙනෙතත් ඇතුළත මළවුන්ගේ ඇටකටුවලින් ද සියලු ආකාර කැලිකසළින් ද පිරී තිබේ. 28 එලෙස ම ඔබත් මිනිසුන් අබිමුවෙහි පෙනුමට පිටතින් සිල්වත් ය. එහෙත්, ඇතුළතින් කුහකකමින් හා දාමරිකකමින් පිරී සිටින්නහු ය.
29 ”විනයධරයෙනි, පරිසිවරුනි, කෛරාටිකයන් වූ ඔබට වන විපතක මහත! මන්ද, ‘ඔබ දිවැසිවරයන්ට සොහොන් ඉදි කොට, සිල්වතුන්ගේ සොහොන් කොත් අලංකාර කරමින්, 30 අපේ මුතුන්මිත්තන් ජීවත් ව සිටි කාලයේ දී අපිත් සිටියෙමු නම්, දිවැසිවරයන් මැරීමට අපි සහාය නොවන්නෙමු’යි කියන්නහු ය. 31 මෙසේ ඔබ දිවැසිවරයන් මැරූ අයගේ පුත්‍රයන් බව ඔබ ම පිළිගන්නහු ය. 32 එබැවින් ඔබගේ මුතුන්මිත්තන් පටන්ගත් දෙය ඔබ දැන් නිමාවට පත් කරන්න.

ඉදිරිපත් කිරිම AVE MARIA Ada Supuwatha

24/08/2026

https://youtu.be/J8Cb0ar2JbA?si=X67Bm81yk0qbJhA8
අගෝස්තු 25, සාමාන්‍ය සමය විසිඑක්වන සතිය..පලමු දේව ප්‍රකාශකනය 2 කොලොස්සි 2:1-3,14-17..
ශු.සුපුවත මතෙව් 23:23-26..
”විනයධරයෙනි, පරිසිවරුනි, කෛරාටිකයන් වූ ඔබට වන විපතක මහත! මන්ද, ඔබ සුවඳතලා, ශතපුෂ්ප, සුදුදුරු යන මෙයින් දසයෙන් කොටස දෙන්නහු ය. එහෙත්, යුක්තිය ද දයාව ද ඇදහිල්ල ද යන ව්‍යවස්ථාවලියේ වඩා බරපතල කාරණා ඔබ පැහැර හරින්නහු ය. ඒවාත් පැහැර නොහැර, මේවාත් පිළිපැදිය යුතු ව තිබිණි. 24 අන්ධ මාර්ගෝපදේශකයෙනි, ඔබ කෝඳුරුවා පෙරාදමා ඔටුවා ගිල දමන්නහු ය.
25 ”විනයධරයෙනි, පරිසිවරුනි, කෛරාටිකයන් වූ ඔබට වන විපතක මහත! මන්ද, ඔබ කෝප්පය සහ පිඟාන පිටතින් පවිත්‍ර කරන්නහු ය. එහෙත්, ඇතුළත බලහත්කාරකමෙනුත්, තෘෂ්ණාවෙනුත් පිරී තිබේ. 26 අන්ධ පරිසිවරය, කෝප්පයත් පිඟානත් පිටතින් පවිත්‍ර වන පිණිස පළමුකොට ඒවා ඇතුළත පවිත්‍ර කරන්න.

AVE MARIA Ada Supuwatha

23/08/2026

https://youtu.be/azaru22h0gA?si=7fIu7Ncx4XIu7rgl
අගෝස්තු 24, බරතෙලමුස් මුනි මංගල්‍ය පලමු දේව ප්‍රකාශකනය එළිදරව්ව 21:9-14..ශු.සුපුවත ජොහාන් 1:45-51..
45 පිලිප් ද නතානියෙල් සොයා ගෙන, ”මෝසෙස් ව්‍යවස්ථාවලියෙහි හා දිවැසාවලියෙහි සඳහන් කර ඇති තැනැන් වහන්සේ, එනම්, ජෝසෙප්ගේ පුත් නාසරෙත්හි ජේසුස් වහන්සේ අපට හමු වූ සේකැ”යි කී ය. 46 නතානියෙල් ද කතා කරමින්, ”වැදගැම්මක් ඇති කිසිවක් නාසරෙතින් නික්මේ දැ”යි ඇසී ය. ”ඇවිත් බලන්නැ”යි පිලිප් කී ය. 47 ජේසුස් වහන්සේ නතානියෙල් තමන් වෙත එනු දැක, ”මෙන්න, හොරබොරු නැති, සැබෑ ඉශ්රායෙල් ජාතිකයෙකැ”යි ඔහු ගැන වදාළ සේක. 48 ”ඔබ මා ගැන කෙසේ දන්නෙහි දැ”යි නතානියෙල් උන් වහන්සේගෙන් ඇසී ය. ජේසුස් වහන්සේ පිළිතුරු දෙමින්, ”පිලිප් ඔබ කැඳවන්නටත් පෙර, අත්තික්කා ගස යට ඔබ සිටිනු මම දිටිමි”යි වදාළ සේක. 49 නතානියෙල් උත්තර දෙමින්, ”ගුරුදේවයෙනි, ඔබ වහන්සේ නම්, දෙවියන් වහන්සේගේ පුත්‍රයාණෝ ය; ඔබ වහන්සේ නම්, ඉශ්රායෙල්හි රජිඳාණෝ ය”යි කී ය. 50 ජේසුස් වහන්සේ ද පිළිතුරු දෙමින්, ”ඔබ අත්තික්කා ගස යට සිටිනු මම දිටිමි, යි මා ඔබට වදාළ බැවින් ද, ඔබ අදහා ගත්තේ? මීට වඩා මහත් දේ ඔබ දකින්නෙහි ය”යි වදාළ සේක. 51 තවදුරටත් උන් වහන්සේ කතා කරමින්, ”ඒකාන්තයෙන් මම ඔබට කියමි; ස්වර්ගය විවර වී, මනුෂ්‍ය-පුත්‍රයාණන් වෙත දෙවියන් වහන්සේගේ දූතයන් නැඟ යනවාත්, බැස එනවාත් ඔබ දකින්නෙහි ය”යි වදාළ සේක.

AVE MARIA Ada Supuwatha

AVE MARIA SL

23/08/2026

සම්පුර්ණ Video එක නැරඹිමට පිවිසෙන්න
https://youtu.be/T1ZlCLKlEXA?si=hCM5stqVZkgii0Kj
Subscribe us AVE MARIA SRI LANKA CATHOLIC Youtube Channel

මොරටුව දිසා දහම් පාසල් විවිධ ප්‍රසංගය ..අරුණෝදෙට අරුණැල්ලක් විවිධ ප්‍රසංගය දේවස්ථාන 19 ක් එකට එකතු කරමින් වසර 18 ක පසු කොළඹ අගරදගුරු පදවි ධර්මෝපදේශ අධ්‍යක්ෂක ගරු දිනෙන් ප්‍රශාන් පියතුමාගේ ප්‍රධානත්වයෙන් , මොරටු දිසා නායක පියතුමා ඇතුළු දිසාවේ පියතුමන්ලා, පැවදිසොයුරියන් ඇතුළු දහම් පාසල් දරුවන් ,දෙමාපිය සහභාගිත්වයෙන් සිදු විය..
එහිදි AVE MARIA SL අපේ කැමරා කාචයේ සටහන් වු විශේෂ අවස්ථාව කිහිපයක් ඉදිරිපත් කරමු ..
මෙමිදි දරුවන් හා ගුරුවරුන් තම නිර්මාණාත්මක රංගනයන් ඉදිරිපත් කරමින් මෙම අවස්ථාව වර්ණවත් කරන ලදි..
fans Asika Priyadharshana TopFans News - Archdiocese of Colombo Verbum TV Archdiocesan Catechetical Apostolate

මොරටුව දිසා දහම් පාසල් 19 ක් එකට එකතු වි වසර 18 පසු දහම්න් මෙන් ,දරුවන්ගේ සැඟවුණු දක්ෂතා, තලෙන්තු ඔප් නංවමින් සිදු කළ අ...
22/08/2026

මොරටුව දිසා දහම් පාසල් 19 ක් එකට එකතු වි වසර 18 පසු දහම්න් මෙන් ,දරුවන්ගේ සැඟවුණු දක්ෂතා, තලෙන්තු ඔප් නංවමින් සිදු කළ අරුණෝදට අරුණැල්ලක් 2026 විවිධ ප්‍රසංගය කොළඹ අගරදගුරු පදවි ධර්මෝපදේශ අධ්‍යක්ෂක ගරු දිනේෂ් ප්‍රශාන් පියතුමාගේ ප්‍රධානත්වයෙන් , මොරටු දිසා නායක ගරු ලියෝ කැමිලස් පියතුමා ඇතුළු දිසාවේ පියතුමන්ලා, පැවදිසොයුරියන් , දහම් පාසල් ගුරු භවතුන්, හා දරුවන් ,දෙමාපියන්ගේ සහභාගිත්වයෙන් ඉතා සාර්ථකව මොරටුව සාන්ත සෙබස්තියන් මුනි දේවස්ථානයේ ජුබිලි ශාලාවේදි සිදු විය..
මෙහිදි දහම් පාසල් දරුවන් මෙන්ම දිසාවේ දේවස්ථාන වලින් ගුරු මණ්ඩලයේ රැඟුම් ගැයුම්ද දැක ගැනිමට හැකි විය..
මෙම අවස්ථාව මොරටු දිසා දහම් පාසල් අධ්‍යක්ෂ ගරු රංජන් පියතුමාගේ උපදෙස් පරිදි දිසා ලේකම් තුමා සමඟ දිසා කමිටුව විසින් සංවිධානය කරන ලදි .

Asika Priyadharshana
fans
Archdiocesan Catechetical Apostolate

22/08/2026

https://youtu.be/MRlWpH0r2W0?si=uS2Axn-xBnwOACjG
අගෝස්තු 23, සාමාන්‍ය සමය 21 වන ඉරිදා ..පලමු දේව ප්‍රකාශකනය යෙසායා 22:15-19-23..
දෙවන දේව ප්‍රකාශනය ⁣ෝම 11;33-36..
ශු.සුපුවත මතෙව් 16:13-20..13 ජේසුස් වහන්සේ පිලිප්පි කායිසාරියේ පෙදෙස්වලට පැමිණි කල, ”මනුෂ්‍ය-පුත්‍රයාණෝ කවරෙක් ය කියා මිනිස්සු කියත් දැ”යි සිය ශ්‍රාවකයන්ගෙන් ඇසූ සේක. 14 ඔව්හු කතා කොට, ”සමහරෙක්, ‘ස්නාවක ජොහන් ය’ කියා ද සමහරෙක්, ‘එලියා ය’ කියා ද, අන් සමහරෙක් ‘ජෙරෙමියා නොහොත් දිවැසිවරයන්ගෙන් කෙනෙක් ය’ කියා ද කියති”යි කී හ. 15 ”එහෙත් ඔබ මා කවරෙකු කියා කියන්නහු දැ”යි උන් වහන්සේ ඔවුන්ගෙන් ඇසූ සේක. 16 සීමොන් පේදුරු උත්තර දෙමින්, ”ඔබ ක්‍රිස්තුවරයාණෝ ය, ජීවමාන දෙවියන් වහන්සේගේ පුත්‍රයාණෝ ය”යි කී ය. 17 ජේසුස් වහන්සේ උත්තර දෙමින්, ”ජෝනාගේ පුත් සීමොන්, ඔබ ඉතා භාග්‍යවන්ත ය. මන්ද, ස්වර්ගයෙහි වැඩවසන මාගේ පියාණන් වහන්සේ විසින් මිස මනුෂ්‍ය මඟකින් මෙය ඔබට එළිදරව් නොකරන ලද්දේ ය. 18 මම ඔබට කියමි: ඔබ පේදුරු ය. මේ පර්වතය පිට මාගේ සභාව ගොඩනඟන්නෙමි. පාතාලයේ දොරටුවලට වුව ද, එය පරාජය නොකළ හැකි ය. 19 ස්වර්ග රාජ්‍යයේ යතුරු ඔබට දෙන්නෙමි. ඔබ පොළොවෙහි දී යමක් බඳින්නෙහි ද, එය ස්වර්ගයෙහි දී බඳිනු ලබන්නේ ය. ඔබ පොළොවෙහි දී යමක් මුදන්නෙහි ද එය ස්වර්ගයෙහි දී මුදනු ලබන්නේ ය”යි වදාළ සේක. 20 තවද, තමන් ක්‍රිස්තුන් වහන්සේ බව කිසිවෙකුට නොකියන ලෙස උන් වහන්සේ ශ්‍රාවකයන්ට අණ දුන් සේක.

ඉදිරිපත් කිරිම AVE MARIA Ada Supuwatha

21/08/2026

https://youtu.be/vxpNEf66h18?si=kNlbKuA04F71eSk6
අගෝස්තු 22, කන්‍ය මරිය රාජේශ්වරියගේ මංගලෝත්සය ..පලමු දේව ප්‍රකාශකනය එසකියෙල් 43:1-7..ශු.සුපුවත ලුක් 1:26-38..
26 සවැනි මස, ගාබ්‍රියෙල් නම් දේව දූතයා දෙවියන් වහන්සේ විසින් ගලීලයේ නාසරෙත් නම් නුවර විසූ, 27 දාවිත් රජ පරපුරෙන් පැවත එන ජෝසෙප් නම් මනුෂ්‍යයෙකු හට විවාහ ගිවිසුම් දී සිටි කන්‍යාවක වෙත යවන ලදී. ඒ කන්‍යාවගේ නම මරියා ය. 28 දේව දූතයා ඈ සිටි තැනට පැමිණ, ”විපුල ප්‍රසාදලත් උත්තමිය, ඔබට මංගල වේ; සමිඳාණන් වහන්සේ ඔබ සමඟ ය”යි කී ය. 29 එහෙත්, ඈ ඒ වදන් අසා අතිශයින් කැළඹී මේ කෙබඳු ආචාරයක් දැ යි සිත සිතා සිටියා ය. 30 දේව දූතයා ඈට කතා කොට, ”මරියාණනි, බිය නොවන්න, ඔබ දෙවියන් වහන්සේගෙන් වරප්‍රසාදය ලද්දෙහි ය. 31 මේ බලන්න, ඔබ පිළිසිඳගෙන පුතෙකු ලබන්නෙහි ය; උන් වහන්සේට ජේසුස් යන නාමය තබන්න.
32 ”උන් වහන්සේ ශ්‍රේෂ්ඨ වන සේක, පරමෝත්තමයාණන්ගේ පුත්‍රයාණෝ යයි කියනු ලබන සේක; උන් වහන්සේගේ පිය වූ දාවිත්ගේ සිංහාසනය දෙවි ස්වාමීන් වහන්සේ උන් වහන්සේට ප්‍රදානය කරන සේක; 33 උන් වහන්සේ ජාකොබ්ගේ වංශය කෙරෙහි සදහට ම රජකම් කරන සේක; උන් වහන්සේගේ රාජ්‍යය කෙළවරක් නොදක්නේ ය”යි කී ය.
34 එවිට මරිය තුමී දේව දූතයාට කතා කොට, ”මට පුරුෂයෙකු නැති බැවින් මෙ‍වැන්නක් කෙසේ විය හැකි දැ”යි ඇසුවා ය.
දේව දූතයා ඈට උත්තර දෙමින්, ”ශුද්ධාත්මයාණන් වහන්සේ ඔබ කෙරෙහි පහළ වන සේක; පරමෝත්තමයාණන්ගේ ආනුභාවය ද ඔබ වසාගන්නේ ය. එහෙයින් උපදින පරිශුද්ධ දරුවා දෙවියන් වහන්සේගේ පුත්‍රයාණෝ යයි කියනු ලබන සේක. 36 බලන්න, ඔබේ ඥාතිවරිය වන එලිසබෙත් ඇගේ මහලු වයසේ දී පුතෙකු පිළිසිඳගත්තා ය. වඳ යයි කී ඇයට දැන් සවැනි මාසය ය. 37 මක්නිසා ද, දෙවියන් වහන්සේට නොකළ හැකි කිසිවක් නැතැ”යි කීවේ ය. 38 මරිය තුමී කතා කරමින්, ”බලන්න, මම සමිඳාණන් වහන්සේගේ දාසිය වෙමි; ඔබ පැවසූ ලෙස ම මට ඉටු වේ වා”යි කීවා ය. එවිට දේව දූතයා ඈ කෙරෙන් වෙන් ව ගියේ ය.

ඉදිරිපත් කිරිම AVE MARIA Ada Supuwatha
AVE MARIA SL

21/08/2026

අගෝ 22 සවස 2.00 සිට...

20/08/2026

https://youtu.be/7LAVRiKY4j0?si=U9LHES8k0dham19b
අගෝ 21, සාමාන්‍ය සමය විසිවන සතිය..පලමු දේව ප්‍රකාශකනය එසකියෙල් 37:1-14..
ශු සුපුවත මතෙව් 22:34-40..
34 උන් වහන්සේ සද්දුසිවරුන් නිරුත්තර කළ බව අසා පරිසිවරු එක්රැස් වූ හ. 35 ඔවුන් අතරෙන් විනයධරයෙක් උන් වහන්සේ පරීක්ෂා කරමින්, 36 ”ගුරුදේවයිනි, ව්‍යවස්ථාවලියෙහි ශ්‍රේෂ්ඨතම ආඥාව කිමෙක් දැ”යි ඇසී ය. 37 උන් වහන්සේ ඔහුට කතා කොට, ” ‘නුඹේ මුළු හෘදයෙන් ද නුඹේ මුළු සිතින් ද නුඹේ මුළු බුද්ධියෙන් ද නුඹේ දෙවි ස්වාමීන් වහන්සේට ප්‍රේම කරන්න.’ 38 මෙය ශ්‍රේෂ්ඨතම පළමු වන ආඥාව ය. 39 දෙ වන ආඥාව ද එයට සමාන ය. එනම්, ‘නුඹ, නුඹට ප්‍රේම කරන්නාක් මෙන් නුඹේ අසල්වැසියාටත් ප්‍රේම කරන්න’ යනුයි. 40 මුළු ව්‍යවස්ථාවලිය හා දිවැසාවලිය රඳා ඇත්තේ මේ ආඥා දෙක මත ය”යි වදාළ සේක.

ඉදිරිපත් කිරිම AVE MARIA Ada Supuwatha

19/08/2026

https://youtu.be/O4Lphzhr9ek?si=WOMUFaPV6qBGD3W-
අගෝස්තු 20 ,සාමාන්‍ය සමය විසිවන සතිය..පලමු දේව ප්‍රකාශකනය එසකියෙල් 36:23-28.. ශු. සුපුවත මතෙව් 22: 1 – 14

1 යළිත්, උන් වහන්සේ සෙනඟට කතා කරමින් උපමා මඟින් මෙසේ වදාළ සේක: 2 ”ස්වර්ග රාජ්‍යය මෙවැන්නකට උපමා කළ හැකි ය. එක්තරා රජෙක් තමාගේ පුත්‍රයාට සරණ මංගල්‍යයක් පිළියෙළ කෙළේ ය. 3 ඔහු සරණ මංගල්‍යයට ආරාධිතයන් කැඳවාගෙන එන පිණිස දාසයන් යැවී ය. එහෙත්, ඔව්හු එන්න අකමැති වූ හ. 4 යළිත් ඔහු වෙන දාසයන් යවා, ‘මෙන්න, මාගේ මංගල භෝජනය පිළියෙළ කර තිබේ. ගොනුන් හා තර කළ සතුන් මරා, කෑම සාදා ඇත. හැම දෙය ම සූදානම් ව තිබේ. මංගල්‍යයට එන්න කියා ආරාධිතයන්ට කියන්නැ’යි කී ය. 5 එහෙත්, ඔව්හු එය නොසලකා, කෙනෙක් තමාගේ කෙතටත්, තව කෙනෙක් තමාගේ වෙළඳාමටත් ගියහ. 6 සෙස්සෝ ඔහුගේ දාසයන් අල්ලා, ඔවුන්ට නිග්‍රහ කොට, මැරූ හ. 7 රජතුමා උදහස් වී, තමාගේ යුද්ධ සේනා යවා ඒ මිනීමරුවන් විනාශ කොට ඔවුන්ගේ නුවර ගිනි ලැවී ය. 8 එවිට ඔහු තම දාසයන්ට කතා කොට, ‘මංගල්‍යය සූදානම් කර තිබේ. එහෙත්, ආරාධිතයෝ සුදුස්සෝ නොවෙති. 9 එබැවින් ඔබ මංසන්ධිවලට ගොස් හමු වන සියල්ලන් මංගල්‍යයට කැඳවා ගෙනෙන්නැ’යි කී ය. 10 ඒ දාසයෝ මාවත්වලට ගොස් හමු වූ යහපත් අයහපත් දෙගොල්ල ම රැස් කළහ. අමුත්තන්ගෙන් මඟුල් මඩුව පිරී ගියේ ය. 11 එහෙත්, රජතුමා අමුත්තන් බැලීමට පැමිණි කල, එහි මඟුල් ඇඳුම් නොහැඳ සිටි මිනිසෙකු දැක, 12 ‘මිත්‍රය, මඟුල් ඇඳුමක් නොහැඳ මෙතැනට ආවේ කෙසේ දැ’යි ඔහුගෙන් ඇසී ය. ඔහු නිහඬ විය. 13 එවිට රජතුමා කතා කොට, ‘මොහුගේ අත් පා බැඳ, පිටත අන්ධකාරයෙහි දමන්න; එහි දී විලාප කීමත් දත්මිටි කෑමත් වන්නේ ය’යි සේවකයන්ට කී ය. 14 මන්ද, කැඳවනු ලැබුවෝ බොහෝ ය. තෝරාගනු ලැබුවෝ ස්වල්ප ය.”

ඉදිරිපත් කිරිම AVE MARIA Ada Supuwatha

Address

Colombo

Telephone

+94777156762

Website

Alerts

Be the first to know and let us send you an email when AVE MARIA SL posts news and promotions. Your email address will not be used for any other purpose, and you can unsubscribe at any time.

Shortcuts

Share

Category