29/07/2025
අගරදගුරු පදවි මරිය වසරේ නිළ තේමා ගීතය - 2013
✍️ 🎹පද රචනය හා තනු නිර්මාණය ඃ ගරු සිසිල් ජෝයි පෙරේරා පියතුමා
ඔබ වචනය ලෙස මට සිදුවේ යැයි පවරා දුන්නේ අභිමතයයි
කිතු සමිදුන් ඔබ කුස තුල ජන්මය මනු සංහතියේ අභිමනයයි
නෙක විද මාවත් පැට`ඵනු මංසලෙ සග මග පෙන්වන ඊතලයයි
විමුක්ති වෙරළට යන්නට වෙහෙසන ඔරුවට මුහුදේ පෑ තරුවයි
නමෝ කන්යා මව් මරියනී දිව්ය සත්ප්රසාද මහිලාවෙනී
කිතු සමිදු වෙත යන්න හරි පාර පෙන්වන්න ජපමාල රාජිනියනී
සුබාහුල්ය දෙව් ස්නේහෙනී ස්වර්ග අව්යාජ ආචාරිනී
කල්වාරි සිප් අරණේ ඔබ දැනුම ලැබ දුලබ
සග ජෙරුසෙලම වෙත එමී
මේ මම සමිදුන් දාසිය වෙමි යැයි සැල කෙරුවේ ඔබ ඇදහිල්ලයි
එලිසබෙතුන් බැහැ දකින්න යන්නට ඔබ යොමු කෙරුවේ ආදරයයි
වසරක් පාසා ජෙරුසෙලමට ගොස් අවනත වූයේ පිළිවෙතටයි
කල්වාරිය මත ගැලු සිරි රුධිරෙට මුසු වූයේ ඔබෙ ලේ කදුලයි
බෙත්ලෙහෙමේ ගව මඩුවේ නිහඩව සියල්ල සිතේ නිදන් කෙරුවා
නාසරතේ වඩු මඩුවේ පුබුදුව දෙව් පුතු දිවි මග දිරි කෙරුවා
කානාවේ මංගල සාදෙට විත් දේව පුතුට ඇවටිලි කෙරුවා
පුතු කියනා දේ කුමක් වුවත් එය කරන්නට අපටත් අණ කෙරුවා
පුතු යා යුතු මග නිතරම පසුපස සෙවනැල්ලක් මෙනි ඔබ සිටියේ
බෙත්ලෙහෙමේ පුතු නැල වූ උකුලම පුතු මළ සිරුරට යහන වුයේ
ගිනිදිව් විලසින් ශුද්ධත්තමය දානෙදි සිටියේ ඔබ ශ්රාවක කුටියේ
ඔබමයි අම්මේ අප ලග ඉන්නේ දිවි ගමනේ රුදු පොර පිටියේ
