30/05/2021
ප්රභාකරන්ගෙ දකුණු අත වූ කොටි නායක ශංකර් ඇතුළු ත්රස්තවාදීන් රැසක් මිහිපිටින් අතුගා දමා ලක් මවට නිදහසේ හුස්ම ගන්නට තම ජීවිතය පූජා කළ යුධ හමුදා විශේෂ බලකා වීරවර ලුතිනන් කර්නල් ලලිත් ජයසිංහ විරුවාගේ ආදරණීය බිරිඳ මුහුණු පොතේ තැබූ සංවේදී සටහන...! ❤️
" ආදරණීය වව්නියාව...
හුස්මත් එක්ක බැඳුන වව්නියාව..
මම ඒ කාලේ නොදැකපු වව්නියාව..
එයා වැඩිකාලයක් හිටපු වව්නියාව ..
මම අද පහු කරන් ආව වව්නියාව..
ඩ්රැයිවර් මැඩම් වව්නියාව කියද්ද උපන් ගමට ආව වඩා සතුටක් හැගීමක් හිතට ආව..
එයා දැන් එහෙ නෑ තමා...
ඒත් ටවුන් එක පහුවෙද්දි දැකපු,
වව්නියාව හොස්පිටල් එක,පොලීසිය,බැංකු ( ඩියු ඩේට් එකට කලින් ක්රෙඩිට් කාඩ් වලට සල්ලි දාන්න දුවපු හැටි) කඩ සාප්පු කෑම්ප් ...
මේවා ඒ කාලේ නොදැක්කත් හිතින් මවාගෙන එයා කියන විස්තර අහන් හිටපු කාලයක් තිබුණා..
ඒ අජීවී බිල්ඩින් උනත් අද දකිද්දි පරණ යාලුවෝ දැක්කා වගේ සතුටක් හිතට එනවා.. ජීවත් උනත් මැරුණු ගානට ඉන්න මිනිස්සු අතරේ නැතිවෙලත් එයා අපි එක්ක හැමදාම ජීවත් වෙනවා..
දිග කම්බිවැටවල් එක්ක ලොකූ ගේට්ටු දාපු කෑම්ප් දකිද්දි පුදුම සතුටක් හැගීමක් හිතට එන්නෙ..එයා මේ බිමේ මොනතරම් නම් පය ගහල ඇතිද..
මට මතක් වෙනවා ඉස්සර එයා
නිවාඩු ඉවර වෙලා යන්න හදද්දි
අනේ තව එක දවසක් ඉන්න කිව්වහම
"ගේට්ටුව ලගින් කලිසම ගලවලා තමා මට ඇතුලට යන්න වෙන්නේ"
කියනව හිනාවෙවී..
එයා එහෙමයි වැඩට කැප වුණේ...
ඒ තමයි එයාගේ ආදර්ශය,පරාර්ථය..
එයා වෙනුවෙන් කෙරෙන වැඩකට අපි අද ඔඩ්ඩුසුඩාන් ආවා ..
එයාගේ අවසන් සුසුම් මුසු වුණු මේ හුළඟත් මට සනීපයි..
ගොඩක් දේ දැනුනත් නොදැනෙන ගානට හැමදාම වගේ ඒ හුලගේ සෙල්ලම් කරන දුව එක්ක සතුටු වුණා.." ❤️
Credits- FB post by Colonel Lalith Jayasinghe’s wife and Journalist Umanga