15/06/2025
පෙරහැර මංගල්යයට එක් වූ දහම් පාසල් දරුවන් හා චින්තන විමුක්ති ජාගොඩ ගුරුතුමන්...
යළි පිබිදුණු ගිංගඟ මිටියාවතේ මහා සංස්කෘතික උරුමය සුවිසල් ප්රදේශයක් පුරා එහි අසිරිය විහිද යෑමට සමත් විය.. ප්රදේශයේ අවට විහාරස්ථාන 10 ක් මෙම උතුම් සංස්කෘතික උරුමය රැක ගැනීමට ගොනු විය.. එහිදී ප්රදේශයේ දරුවන්ගේ කලා කුසලතා මගින් මෙම උරුමය ඔප දමා බත්දුන් පුරවරයට වටිනාකමක් මුසු කිරීම පෙරහැර සංවිධානයේ මුඛ්ය අරමුණක් විය..
එය ජය ගැනීම අතිශය අපහසු කාර්යයකි.. නමුත් එම දුෂ්කර කාර්ය ඉතා ගෞරවයෙන් හා වගකීමෙන් තම උර මතට ගත් ස්වර්ණ රශ්මි කලායතනාධිපති චින්තන විමුක්ති ජාගොඩ ගුරුතුමන් පෙරහැරට පෙරමග තනමින් පුරා මාස කිහිපයක් දහම් පාසල් වලට යමින් දරුවන් පුරුදු පුහුණු කරමින්, දරුවන්ගේ ආරක්ෂාව ගැන සොයා බලමින්, ඇදුම් සපයමින්, අවසානයේ ඉතා ප්රවීණ නර්තන ශිල්පීන් හා මුසු වෙමින් පෙරහැර මංගල්යය හා දරුවන් එක් කිරීමට සමත් විය.. එම කාර්යය අමිල වූවකි, ගෞරවණීය වූවකි, ඒ සදහා සුවිසල් මෙහෙවරක් ඉටු කළ චින්තන විමුක්ති ගුරුතුමන් ඇතුළු ස්වර්ණ රශ්මි යන්ට බෙහෙවින් ම පුඤ්ඤානුමෝදනා කරනෙමු..
තවද අප ගන්නා ව්යායාමයෙහි වටිනා කම අවබෝධ කරගනිමින් මෙම සංස්කෘතික උරුමය රැක ගැනීමට සවියක් වූ ශාසනාරක්ෂක මණ්ඩලයේ ගරු සභාපති, ලේකම් නාහිමිපාණන් වහන්සේලාට ද, ප්රදේශයේ දහම් පාසල් ප්රධානාචාර්ය හිමිපාණන් වහන්සේලා, ආචාර්ය මණ්ඩලය මෙන්ම දරුවන් ඇතුළු දෙමාපියන් ටද අපගේ කෘතඥතා පූර්වක ස්තුතිය ද පළ කරමු..
1. සම්බුද්ධ ජයන්ති දහම් පාසල - ගනේගම උතුර
2. සෝභිත දහම් පාසල - කිරිබතාවිල
3. අභයතිස්ස දහම් පාසල - වැල්ලේතොට
4. සුචරිතෝදය දහම් පාසල - මහ ගොඩකනන්ද
5. හේමසිරි දහම් පාසල - කොටගොඩ
6. ධම්මානන්ද දහම් පාසල - හැම්මෑලිය
7. තෙසරණ දහම් පාසල - ගනේගම
8. සුගතපාල දහම් පාසල - සන්දරවල
9. සරණංකර දහම් පාසල - බොරළුකඩ
10. ස්වර්ණ හංස දහම් පාසල - වුඩ්ලන්ඩ් වත්ත
මෙහිදී ගනේගම තෙසරණ දහම් පාසලේ දරුවන් පුරුදු පුහුණු කිරීම්, ඇදුම් සපයා ගැනීම් මෙන්ම ප්රවාහනය ඇතුළු සියලු දෙයක් ම එම ධර්ම විද්යාලය මගින් ම සිදු කල අතර පෙරහැර මංගල්යය වෙනුවෙන් එම ධර්ම විද්යාලය ලබා දුන් අනභිභවනීය දායකත්වය ද විශේෂයෙන් සිහිපත් කරනෙමු..
