23/02/2026
අද දින ශාන්ත තෙරේසා දෙව්මැදුර දෙහිගහපිටිය - තරුණ සංගමය විසින් සංවිධානය කළ Fundraiser Car Wash වැඩසටහන, දෙවියන් වහන්සේගේ කරුණාවෙන් සාර්ථකව නිමාවට පත් විය 💙🚗✨
මෙම වැඩසටහන සාර්ථක කර ගැනීමට අපට සහය වූ මීසම්භාර පියතුමා සහ මීසමේ ජනතාව ද, තම වාහන ගෙනවිත් අපට සහය දුන් සියලු දෙනාටද, අපගේ උත්සාහය අගය කරමින් ශක්තියක් වූ සියලු දෙනාටද අපගේ හෘදයාංගම ස්තුතිය පුද කරමු. විශේෂ ස්තුතියක් සුනිල් මාමාට සහ රොසිටා නැන්දාට, මෙම වැඩසටහන පැවැත්වීමට ඔවුන්ගේ ඉඩම් භූමිය, ජල සැපයුම සහ විදුලිය අපට භාවිතා කිරීමට අවසර දුන් කරුණාව වෙනුවෙන්. ඔබගේ උදාර සහය නොමැතිනම් මෙය සිදු කළ නොහැකි විය. හට් එක ලබාදුන් ෆැරැන්සිස් මාමටද අපගේ ස්තුතිය පුදකරනවා. එසේම අපගේ තරුණ තරුණියන් සඳහා දිවා ආහාර සපයමින් ආදරයෙන් සහය දුන් තිරිස් නැන්දා, සිතාරා නැන්දා, තෙරේසා නැන්දා සහ රමණි නැන්දාට අපගේ ගැඹුරු ස්තුතිය පුද කරමු.
ආදරණීය තරුණ පවුලේ සියලු දෙනාට, මෙම වැඩසටහනේදී ඔබ සැම දක්වූ මහන්සියත්, කැපවීමත් සඳහා හෘදයාංගම ස්තුතිය. ඔබගේ එකමුතුකම, උද්යෝගය සහ සහයෝගය නිසා මෙම වැඩසටහන සාර්ථක විය. තවද, සෑම ආකාරයකින් සහය දුන්, දායක වූ සහ අපට උද්යෝගය දුන් සියලු දෙනාටත් අපගේ කෘතඥතාවය පිරිනමමු.
දෙවියන් වහන්සේ ඔබ සැමට ආශීර්වාද කරත්වා 🙏
ජේසු පිහිටයි!
ශාන්ත තෙරේසා තරුණ සමිතිය
දෙහිගහපිටිය
