අලුත්වල තරුණ බෞද්ධ සංගමය

26/05/2026

කවි බණ ධර්ම දේශනාව

දේශකයාණන් වහන්සේ: පූජ්‍ය මනකඳුරේ පඤ්ඤාසාර ස්වාමීන් වහන්සේ

දිනය සහ වේලාව: මැයි මස 26 වන දින පස්වරු 7.00 ට

ස්ථානය: වතුරව රජ මහා විහාරස්ථ, යස්වන්ත් ස්වර්ණ සා පරිශ්‍රයේදී...

ශ්‍රද්ධාභරිත දායකත්වය:
සමන් ප්‍රියන්ත මුණසිංහ මහතා සහ කපු මහත්මයා ඇතුළු පින්වත් පවුලේ සැම.

ඔබ සැමට මෙත් සිතින් (ගෞරවයෙන්) ආරාධනා..!

11/06/2025

අලුත්වල තරුණ බෞද්ධ සංගමය මෙහෙයවන පුරාණ නන්දාරාම මහා විහාරස්ථ මිහිඳු පූජා මහා පෙරහැර ලබන 29 වන දින සවස අලුත්වලදී වීථි සංචාරය කරවීමට අවශ්‍ය මූලික කටයුතු සියල්ල මේ වන විට සංවිධානය කර ඇත.සෑම වසරක් පාසාම අඛණ්ඩව පැවැත්වෙන අලුත්වල පෙරහැර ගම්වාසී අවට ගම්වාසී සියළුම දෙනා ලබාදෙන දායකත්වයන් මතින් මෙවර මෙසේ 52 වන අභිමානවත් පෙරහැර මංගල්ලය ලෙස සංවිධානය කරනු ලබන අතර පෙර වසරවලදී මෙන්ම ඔබ සියළුම දෙනාගේ දායකත්වයන් සහ සහයෝගයන් මෙවරද පෙරහැරේ සාර්ථකත්වය වෙනූවෙන් ලබා දෙන ලෙසද මතක් කර සිටින්නෙමු.
මෙවර 52 වන මිහිඳු පූජා මහා පෙරහැර අලංකාර පෙරහැර මංගල්‍යයක් මෙන්ම අභිමානවත් අයුරින් වීථි සංචාරය කිරීම සදහා අලුත්වල ප්‍රදේශයෙන් නර්ථනාංග 27ක් පමණ පුරුදු පුහුණු වන බවට මේ වන විටත් සංගමයට නිළ වශයෙන් දැනුම් දී ඇත.එම සියලු නර්තනාංග සඳහා අවශ්‍ය කූර්ය වාදක කණ්ඩායම් සඳහා වැය වන මුදල් සංගමය මගින් ලබා දීමට තීරණය කර ඇති අතර නර්තන අංග ඉදිරිපත් කිරීම,පුරුදු පුහුණු කිරීම සහ ඇඳුම් සැකසීම සඳහාද විශාල මුදලක් වන බැවින් ඒ සඳහාද යම් දායකත්වයක් ලබාදීමට සංයමය තීරණය කර ඇත.
පෙරහරේ ගමන් කිරීම සඳහා තූර්ය වාදක කණ්ඩායම් සහිත එකදු නර්තන අංගයක්වත් මුදල් වියදම් කොට පිට පළාත්වලින් ගෙන්වා නොගැනීම මෙවර සංගමය විසින් ගන්නා ලද සුවිශේෂීම තීරනයකි.එමගින් ගමේ නර්ථන ශිල්පීන් සදහා ප්‍රමුඛතාව ලබාදීම අපගේ අරමුණවේ.එසේ වුවත් පෙරහරක් සඳහා අත්‍යවශ්‍ය වන උඩරට පහතරට සහ සබරගමු නර්තනාංග (බෙර නැටුම්) තෝරා ගත් යම් ප්‍රමාණයක් පෙරහැරේ අලංකාරය සහ අභිමානය වෙනුවෙන් එක් කිරීමට සිදුවේ.එහිදී අප අත්‍යවශ්‍යම නර්තනාංග වලට පමණක් අවස්ථාව ලබාදීමට අදහස් කර සිටි.
ගමේ අභිමානය ලොවට ගෙන යන අලුත්වල මිහිඳු පූජා මහා පෙරහැරේ 52 පියවර සාර්ථක කර ගැනීම සඳහා සියලු දෙනාම අපත් සමග එක්වන ලෙස මෙසේ ඇරයුම් කර සිටින්නෙමු.
තරුණ බෞද්ධ සංගමය
අලුත්වල.

04/06/2025

04/06/2025

ගෝනාපීනුවල ශාසනාරක්ෂක බල මණ්ඩලය,ගෝනාපීනුවල ප්‍රාදේශීය ලේකම් කාර්‍යාලය සමගින් එක්ව අලුත්වල තරුණ බෞද්ධ සංගමය විසින් ප්‍රදේශයේ දහම් පාසල් 13 ක දරු දැරියන්ගේ සහභාගිත්වයෙන් සංවිධානය කරන "ධර්මාභිවන්දනා" පොසොන් බැතිගී සරණිය නැරඹීමට ඔබ සැමට ආරාධනා ....

04/06/2025

අනුබුදු මිහිඳු හිමි ගුණ සිහි කරමින් මෙවර අලුත්වල පුරාණ නන්දාරාම පුදබිම ක්‍රේන්ද්‍ර කරගනිමින් තෙදින පිංකම් මාලාවක් තරුණ බෞද්ධ සංගමය විසින් සංවිධානය කරණු ලබයි.ඒ සදහා සම්බන්ධ වන ලෙස සියළුම දෙනාට මෙති සිත් පෙර දැරිව මෙසේ ඇරයුම් කරන්නෙමු....

04/06/2025

ගමේ අභිමානය ලොවට ගෙනයෑමට
පෙළගැසෙමු...