شفيعنا القديس شربل

15/06/2026

15/06/2026

زوادة اليوم:
بيخَبّرو عن شَبّ تَقي كان يفوت كِلّ يَوم عالكنيسِة قبل ما يروح عَ الجامعَة ، وبعد عَودتو، بيِتفاجأ كِلّ يَوم بيشوف رِجّال ختيار قاعِد قدّام المَصلوب عَم يِبتِسِملو ويِتطَلَّع فيه.

بيَوم مِن الإيّام إجا لعَندو وقَلّو :
«أكيد إنتَ عَم بِتصَلّي بَس شو عَم بتقِلّو للربّ؟».

جاوَب :
«وَلا شي أنا بِبتِسِملو وبشوفو بِدَورو عَم يِبتِسِملي، بْقِلّو أنا بحِبَّك بيجاوِبني أنا كمان بحِبَّك».

الزوّادة بتقلّي وبتقلَّك :

في كتار بالحياة بيِشحَدو مِش عَيب إذا ما عطَيناهُن مَصاري بَس عَيب ما نَعطيهُن إبتسامِة وحُبّ. والله معك.

14/06/2026

زوادة اليوم:
أحد الشبّان يللي بيسكنو بسفح جبل حَد المحلّ يللي بيسكن فيه النسّاك، توجّه لأحد النسّاك، وطلب منو يعلّمو الصلا، جاوبو: «ليش بدّك تتعلّم الصلا، وشو الهدف من صلاتك؟». قلّو: «لحتّى إتعلّم كيف بدّي إتصرّف». سكت النّاسك وما جاوب، بعد شهر رجع لعند النّاسك وطلب منّو يعلمو الصلا، سألو عن السبب جاوبو: «بدّي صير قدّيس». كمان النّاسك سكت وما جاوب. بعد فتره رجع وطلب يعلمو الصلا وسألو النّاسك عن السبب جاوب: «حتّى إكتشف الربّ». جاوب النّاسك: «ما بقيت بحاجه لتتعلّم لأنّك وصلت لغاية الصلا».

الزوّاده بتقلّي وبتقلّك
الصلا هي صلا بالربّ، هدفها الأوّل والأخير هو اللّقاء فيه والتعرّف عليه والعيش معو.

14/06/2026

الأحد 14 حزيران / June 2026 - الأحد الرابع من زمن العنصرة: يسوع يبتهج بالروح - إنجيل القدّيس لوقا 10 : 21 - 24 Luke

(بَعدَ عَودَة الاثنَين وَالسَّبعينَ تِلميذًا بِفَرَحٍ) ٱبْتَهَجَ يَسُوعُ بِالرُّوحِ القُدُس، فَقَال: «أَعْتَرِفُ لَكَ، يَا أَبَتِ، رَبَّ السَّمَاءِ وَالأَرْض، لأَنَّكَ أَخْفَيْتَ هذِهِ الأُمُورَ عَنِ الحُكَمَاءِ وَالفُهَمَاء، وَأَظْهَرْتَها لِلأَطْفَال. نَعَم، أَيُّهَا الآب، لأَنَّكَ هكذَا ٱرْتَضَيْت.
لَقَدْ سَلَّمَنِي أَبي كُلَّ شَيء، فَمَا مِنْ أَحَدٍ يَعْرِفُ مَنْ هُوَ ٱلٱبْنُ إِلاَّ ٱلآب، وَلا مَنْ هُوَ ٱلآبُ إِلاَّ ٱلٱبْن، وَمَنْ يُريدُ ٱلٱبْنُ أَنْ يُظْهِرَهُ لَهُ».
ثُمَّ ٱلتَفَتَ إِلى تَلامِيذِهِ، وقَالَ لَهُم عَلى ٱنْفِرَاد: «طُوبَى لِلْعُيونِ الَّتِي تَنْظُرُ مَا أَنْتُم تَنْظُرُون!
فَإِنِّي أَقُولُ لَكُم: إِنَّ أَنْبِياءَ وَمُلُوكًا كَثِيرِينَ أَرادُوا أَنْ يَرَوا مَا أَنْتُم تَنْظُرُون، فَلَمْ يَرَوا، وَأَنْ يَسْمَعُوا مَا تَسْمَعُون، فَلَمْ يَسْمَعُوا».

12/06/2026

زوادة اليوم:
في شخص عم بيفتّش ويسأل عن مدى أهميّة وجود أللّه بحياتو، بيدلّوه ع ناسك بالجبل، بيروح لعندو وبيدقّ بابو أول يوم وتاني... وسابع يوم، حتى فتحلو الباب وسألو عن حاجة الإنسان لألله بحياتو، فقلّو: «تعا بكرا». ولمّا رجع باليوم التالي، نزلوا سوا ع الوادي جنب النهر. فطلب الناسك منو إنّو ينزّل راسو بالمي وما يشيلو أبدًا، بس ما قدر يصمد دقيقه فقام بسرعه، فسألو الناسك: «ليش قمت؟». فأجاب: لأني حسّيت إنّي بحاجه لأتنفّس. فقلّو: «حاجتك لألله هي متل حاجتك للتنفّس، لأنو هو نفس حياتنا».

الزوّاده بتقلّي وبتقلّك
الربّ هو حاجه وغايه ما لازم نتأخّر ولا دقيقه بالتفتيش عنّو لأنّو هو حياتنا، وإذا فقدناه منفقد كلّ حياتنا.