ACUSA - Armenian Church University Students' Association

Home
Lebanon
Antilyas
ACUSA - Armenian Church University Students' Association

ACUSA members are students and graduates from different universities and educational institutions. It has a committee of five members, both male and female.

FOUNDATION & HISTORY

The Armenian Church University Students' Association (ACUSA) was established in 1963, by His Holiness Karekin II Catholicos of Cilicia, now of blessed memory. ACUSA members are students and graduates from all Lebanese universities and educational institutions. The committee members are elected per annum by ACUSA members in the general assembly. This committee acts as the Exec

utive Body in charge of organizing ACUSA activities. University students first become ACUSA assistants. After a certain testing period, the committee studies the application's case and decides the probability of accepting him/her as a regular ACUSA member. All members pay an annual due as a symbolic act of involvement. Besides the committee, a spiritual advisor is appointed by the Catholicos of Cilicia. The spiritual advisor supervises and coordinates the activities. The activities include lectures, debates, seminars, visitations to exhibitions, social life, conferences, participation in ecumenical youth activities, observation of ecclesiastical feast days and national commemorations, etc. The activities and meetings are held weekly in a special hall at the headquarters of Armenian Catholicosate of Cilicia. ACUSA publishes a bulletin every three months. It includes brief articles, discussions, reports on activities, etc. Other publications include: The Prophet, by Khalil Gebran. Complete Works, by Roupen Sevag. From the very beginning ACUSA has been in close association and cooperation with the similar organizations on local, regional and world levels. The organizations with whom cooperation has been continually pursued are World Student Christian Federation (WSCF), Syndesmos, Youth Department of the World Council of Churches (WCC) through the Middle East Council of Churches (MECC). So far ACUSA has participated in all seminars and activities organized by the above mentioned organizations. As a result, ACUSA has succeeded in involving the Armenian Church Youth in the worldwide ecumenical movement.

10/06/2026

ՄՏԵՐՄԻԿ ՀԱՆԴԻՊՈՒՄ՝ Ն.Ս.Օ.Տ.Տ. ԱՐԱՄ Ա. ՎԵՀԱՓԱՌ ՀԱՅՐԱՊԵՏԻՆ ՀԵՏ

Շաբաթ, 6 Յունիս 2026-ին, ՀԵՀՈՄ-ականները ունեցան մտերմիկ հանդիպում-զրոյց մը՝ Մեծի Տանն Կիլիկիոյ Կաթողիկոսութեան Դպրեվանքի աշակերտներուն հետ։ Դպրեվանքի առաքելութեան մօտէն ծանօթանալէ ետք, անոնք ուղղուեցան դէպի Սուրբ Աթոռ՝ հանդիպում ունենալու Մեծի Տանն Կիլիկիոյ Կաթողիկոս Ն.Ս.Օ.Տ.Տ. Արամ Ա. Վեհափառ Հայրապետին հետ։

Խօսք առաւ ՀԵՀՈՄ-ի հոգեւոր խորհրդատու Հոգշ. Տ. Աւետիք Վրդ. Տէր Կարապետեան, որ իր խոր երախտագիտութիւնը յայտնեց Նորին Սրբութեան՝ իր բազմազբաղ առօրեային մէջ ՀԵՀՈՄ-ականները ընդունելուն համար։ Ապա, ան ՀԵՀՈՄ-ի վարչութեան եւ անդամներուն անունով, շնորհաւորեց Հայրապետին անուանակոչութիւնը եւ ըսաւ. «Այսօրուան դժնդակ պայմաններուն մէջ, ընտանիքի մը հայրը կը դժուարանայ իր փոքրիկ ընտանիքը ապահով եւ հանգստաւէտ պայմաններու մէջ պահել, ուրեմն որքան աւելի դժուար է Ձերդ Սրբութեան համար, երբ ամբողջ հայութիւնը իբրեւ մէկ ընտանիք կը փորձէք պահել իր լաւագոյն պատկերին մէջ: Ձեզի կը մաղթենք տոկունութիւն, համբերութիւն եւ ընդ երկար գահակալութիւն ի պանծացումն Հայ Եկեղեցւոյ, ազգին եւ ժողովուրդին»։

Ընթացքին, Վեհափառ Հայրապետին գաւազանակիր եւ Կաթողիկոսարանի Միջին Արեւելքի միջ-եկեղեցական եւ միջ-կրօնական յարաբերութեանց պատասխանատու Հոգշ. Տ. Սարգիս Վրդ. Աբրահամեան լայնօրէն վկայեց Վեհափառ Հայրապետին հետ իր Վատիկան կատարած այցելութեան մասին՝ ներկայացնելով հոն տիրած ջերմ հիւրընկալութիւնը եւ քննարկուած բազմաթիւ ու բազմաբնոյթ նիւթերը։ Խօսքը ամփոփելով, ան ըսաւ. «Վատիկանի վկայութեամբ՝ պատմական այցելութիւն էր», ընդգծելով, որ այս գնահատականը կը վերաբերի ընդհանրապէս Հայ Եկեղեցւոյ, իսկ մասնաւորաբար՝ Մեծի Տանն Կիլիկիոյ Կաթողիկոսութեան Սուրբ Աթոռին։

Հուսկ, Վեհափառ Հայրապետը պատասխանեց ՀԵՀՈՄ-ականներուն հարցումներուն, ինչպէս նաեւ զրուցեց հիմնական երեք կէտերու շուրջ.

ա) ՀԵՀՈՄ-ի կարեւորութիւնը իբրեւ ուսանողական միութիւն մեր հայ կեանքին մէջ,

բ) Նորին Սրբութեան պատմական այցելութիւնը դէպի Վատիկան,

գ) Արհեստական բանականութեան դրական եւ բացասական երեսները՝ այսօրուան արագընթաց զարգացող աշխարհին մէջ։

Վեհափառ Հայրապետը իր խօսքին մէջ ըսաւ. «ՀԵՀՈՄ-ի առաքելութիւնը կը գտնուի իր առողջ պատկերին մէջ, սակայն իբրեւ Հայ Եկեղեցւոյ Համալսարանական Ուսանողներու Միութիւն, պէտք է բացուի բոլորին, իբրեւ իւրայատուկ միութիւն»։

Աւարտին, ՀԵՀՈՄ-ականները իրենց երախտագիտութիւնը յայտնեցին հոգեւոր խորհրդատուին՝ այս անզուգական եւ իւրայատուկ հանդիպումը կազմակերպելուն եւ իրականացնելուն համար։

09/06/2026

Հատուածներ՝ ՀԵՀՈՄ-ականներու եւ դպրեվանեցիներու միջեւ տեղի ունեցած զրոյց-հանդիպումէն😇💙💛

08/06/2026

02/06/2026

Շաբաթ, 6 Յունիս 2026-ի ժամը 15:30-ին, ՀԵՀՈՄ-ականներն ու Մեծի Տանն Կիլիկիոյ Կաթողիկոսութեան Դպրեվանքի աշակերտութիւնը պիտի ունենան զրոյց-հանդիպում՝ ուսանող երիտասարդներն ու դպրեվանեցիները իրարու մօտէն ծանօթանալու համար։

Կրնան մասնակցիլ 18-33 տարեկան ուսանողները, որոնք հետաքրքրուած են Դպրեվանքի եւ ՀԵՀՈՄ-ի առաքելութեամբ։

27/05/2026

«ԿԵԱՆՔԻ ՀԱՐՑՈՒՄՆԵՐ, ՀՈԳԵՒՈՐ ՊԱՏԱՍԽԱՆՆԵՐ»

Շաբաթ, 23 Մայիս 2026-ի ժամը 20:00-ին, Խորէն Ա. Կեդրոնի ՀԵՀՈՄ-ի սրահին մէջ, տեղի ունեցաւ «Կեանքի հարցումներ, հոգեւոր պատասխաններ» խորագիրը կրող մտերմիկ զրոյց-հանդիպում։ Օրուան հիւրն էր՝ Բերիոյ Հայոց Թեմի Առաջնորդ՝ Գերշ. Տ. Մակար Արք. Աշգարեանը։

Բացման խօսքով հանդէս եկաւ ՀԵՀՈՄ-ի ատենապետուհի Աննա Գլարա Լօշիքեանը, որ իր խօսքին մէջ նշեց, թէ կարեւոր են մեր հարցումները դիմել եկեղեցականներու՝ ճիշդ ուղղութիւն ստանալու եւ Հայ Եկեղեցւոյ ճշմարիտ հաւատքէն ու դաւանանքէն չշեղելու համար։ Ապա, ան ներկայացուց Մակար Արքեպիսկոպոսին կենսագրութիւնը, որմէ ետք զինք հրաւիրեց մտերմիկ զրոյց-հանդիպումը սկսելու համար։

Մակար Սրբազանը պարզ եւ մատչելի ոճով մանրամասն պատասխանեց ՀԵՀՈՄ-ականներուն զանազան հարցումներուն։ Ուսանող երիտասարդներուն համար յիշեալ իւրայատկու զրոյց-հանդիպում մը առիթ հանդիսացաւ առաւել թափ տալ իրենց հոգեւոր-ազգային կեանքին։ Սրբազան Հայրը, իրեն ուղղուած հարցումներուն պատասխանած ընթացքին, լայն եւ իւրայատուկ կերպով անդրադարձ կատարեց հոգեւոր կեանքի եւ ազգային կեանքի մէջ երիտասարդին ներկայութեան անհրաժեշտութիւնը, ինչպէս նաեւ զանոնք գօտեպնդեց, ըսելով. «Երբ ձեր հոգեւոր կեանքին մէջ կ՚աճիք, Աստուծոյ հետ երկխօսութեամբ մտերմութեան մէջ կը մտնէք, ձեր բոլոր ծրագիրները լաւագոյն պտուղներով կը պսակէք, որովհետեւ Աստուած կ՚օրհնէ ձեր իւրաքանչիւր քայլն ու որոշումը»։ Մակար Արքեպիսկոպոսը իր պատասխաններուն մէջ անդրադարձաւ, ըսելով. «Անցեալի եւ մասնաւորաբար այս օրերու մարդիկը եթէ անորոշ կեանք մը կ՚ապրին, որովհետեւ տակաւին չեն ճանչնար Աստուծոյ կամքը իրենց կեանքին մէջ, տակաւին չեն հասկնար, թէ Աստուած իրենց ինչո՞ւ ստեղծած է եւ իրենց ի՞նչ պարտականութիւն վստահած է։ Աղօթեցէ՛ք, որպէսզի Տիրոջ կամքը լաւապէս ճանչնաք, պայման չէ հոգեւորական ըլլաք, որպէսզի ձեր քարոզչութիւնը բերէք, այլ ձեր երիտասարդի ուժով կրնաք ձեր շրջապատին, միութիւններու, ակումբներու, վարժարաններու մէջ ձեր դրական մասնակցութիւնն ու ներկայութիւնը բերել»։

ՀԵՀՈՄ-ի հոգեւոր խորհրդատու Հոգշ. Տ. Աւետիք Վրդ. Տէր Կարապետեան խօսք առնելով, առաջին հերթին իր խորին շնորհակալութիւնը յայտնեց Մակար Սրբազանին, որ սիրայօժար կերպով ընդառաջեց հրաւէրին եւ իր հարուստ գիտելիքներով ու հոգեւոր փորձառութեամբ հարստացուց զրոյց-հանդիպումը։ Հայր Սուրբը իր խօսքին մէջ, ըսաւ. «Սրբազանէն կը խնդրեմ, որ իր աղօթական կեանքին ընթացքին յիշէ ՀԵՀՈՄ-ը՝ անոր սրբազան առաքելութեան յաջողութեան համար, ինչպէս նաեւ յիշել ընդհանրապէս բոլոր երիտասարդները եւ յատկապէս ՀԵՀՈՄ-ականները, որ կարողանան կեանքի խառնաշփոթութեան դիմաց անայլայլ եւ Աստուծոյ ընդառաջ հաւատարիմ զաւակներ մնալ»։

Աւարտին, Հայ Եկեղեցւոյ Համալսարանական Ուսանողներու Միութեան անունով, Միութեան հոգեւոր խորհրդատու Հայր Սուրբը խորհրդանշական նուէր մը յանձնեց Մակար Սրբազանին։
•••
📸: Karin Simonian

20/05/2026

Շաբաթ, 23 Մայիս 2026-ի երեկոյեան ժամը 7:30-ին, Խորէն Ա. Կեդրոնին մէջ, տեղի պիտի ունենայ հոգեւոր զրոյց՝ «Կեանքի հարցումներ, հոգեւոր պատասխաններ» նիւթով։

Հոգեւոր զրոյցը պիտի կատարէ Մեծի Տանն Կիլիկիոյ Կաթողիկոսութեան աւագ միաբաններէն՝ Բերիոյ Հայոց Թեմի առաջնորդ Գերշ. Տ. Մակար Արք. Աշգարեանը։

Կրնան մասնակցիլ բոլոր ուսանողները, որոնք 18-33 տարեկան են։

19/05/2026

ՈՒԽՏԵՐԹ ԽՆԴՐԵԼՈՒ ԱՍՏՈՒԱԾԱՄՕՐ ԲԱՐԵԽՕՍՈՒԹԻՒՆԸ

Շաբաթ, 16 Մայիս 2026-ի ժամը 16:00-ին, առաջնորդութեամբ ՀԵՀՈՄ-ի հոգեւոր խորհրդատու Հոգշ. Տ. Աւետիք Վրդ. Տէր Կարապետեանին, ՀԵՀՈՄ-ականները «Տարպ ըլ Սամա»ի ուխտերթը կատարեցին։

Անոնք երեք ժամ շարունակ, միասնաբար քալեցին՝ Սաղմոսներ ընթերցելով, Աստուածաշնչական դէմքերու եւ դէպքերու մասին խորհրդածելով եւ աղօթելով Լիբանանի եւ աշխարհի խաղաղութեան համար։

Ուխտերթի աւարտին, հասնելով Հարիսա՝ Աստուածամօր արձանին մօտ, մասնակիցները ծնրադրութեամբ եւ խոր հաւատքով հայցեցին Աստուածամօր բարեխօսութիւնն ու պահպանութիւնը՝ իրենց, ընտանիքներուն, հայրենիքին եւ ամբողջ աշխարհին համար։
•••
PILGRIMAGE SEEKING THE INTERCESSION OF THE MOTHER OF GOD

On Saturday, May 16, 2026, the members of ACUSA-HEHOM gathered for the “Darb el Sama” pilgrimage under the guidance of Fr. Avedik Der Garabedian.

Walking together in faith and unity, they spent three hours praying, reading Psalms, reflecting on Scripture, and praying for peace in Lebanon and throughout the world.

The pilgrimage concluded in Harissa, where participants gathered before the statue of Our Lady and entrusted themselves, their families, their homeland, and the whole world to the intercession and protection of the Virgin Mary.
•••
📸: Karin Simonian Yervant Yeghiaian
•••
#ՀԵՀՈՄ

17/05/2026

Պատառիկներ եւ վկայութիւններ՝ «Տարպ ըլ Սամա»ի ուխտերթէն։

ՀԵՀՈՄ-ականներ երեք ժամ շարունակ, միասնաբար քալեցին՝ Սաղմոսներ ընթերցելով, Աստուածաշնչական դէմքերու եւ դէպքերու մասին խորհրդածելով եւ աղօթելով Լիբանանի եւ աշխարհի խաղաղութեան համար։🙏🏻🤍
•••
Highlights and testimonies from the “Darb el Sama” pilgrimage.

For three hours, the members of ACUSA-HEHOM walked together in faith and unity, reading Psalms, reflecting on biblical figures and events, and praying for peace in Lebanon and throughout the world.🙏🏻🤍
•••
📸: Karin Simonian Yeghiaian

13/05/2026

ԱՆԹԻԼԻԱՍԻ ՄԱՅՐԱՎԱՆՔԻՆ ՄԷՋ ՏԵՂԻ ՈՒՆԵՑԱՒ ՀԵՀՈՄ-Ի ՍՈՒՐԲ ԳԻՐՔԻ ՍԵՐՏՈՂՈՒԹԻՒՆ

Շաբաթ, 9 Մայիս 2026-ի երեկոյեան ժամը 7:30-ին, Անթիլիասի Մայրավանքի Սուրբ Գրիգոր Լուսաւորիչ Մայր Տաճարին մէջ, ՀԵՀՈՄ-ականները մասնակից դարձան Սուրբ Գիրքի Սերտողութեան՝ «Աստուած նեղացա՞ծ է մեզմէ» խորագիրով։

Օրուան բանախօսն էր՝ ՀԵՀՈՄ-ի հոգեւոր խորհրդատու Հոգշ. Տ. Աւետիք Վրդ. Տէր Կարապետեանը։

Հայր Սուրբը իբրեւ բնաբան ընտրած էր 113-րդ Սաղմոսը, զոր ընթերցելէ եւ բացատրելէ ետք, շեշտեց, թէ երբ ժխտական կամ դժուար պատահարի մը դիմաց գտնուինք, անմիջապէս կը մտածենք, թէ Աստուած նեղացած է մեզմէ եւ այն ինչ կը կրենք՝ Անոր պատիժն է։ Սակայն, իրականութեան մէջ, Աստուած չի պատժեր մեզ, այլ կ՚ուղղէ, կը դաստիարակէ եւ մեզ ճիշդ ուղիէն չշեղելու կը հրաւիրէ։

Հայր Աւետիք, օրինակ բերելով Ադամն ու Պետրոս առաքեալը, բացատրեց. «Ադամ մեղանչեց եւ Աստուծմէ հեռացաւ, անկիւն մը քաշուեցաւ, մինչ Պետրոս առաքեալ ուրացաւ զՔրիստոս եւ ամչցաւ Անոր առջեւ կանգնելու։ Սակայն, երբ ուշադրութեամբ կարդանք Աստուածաշունչը, պիտի անդրադառնանք, որ Աստուած թէ՛ Ադամը եւ թէ՛ Պետրոսը փնտռեց։ Ուստի, երբ սխալի մը մէջ իյնանք, Աստուած մեզ չի լքեր ու չի պատժեր, այլ կը փնտռէ մեզ՝ մեր ընթացքը սրբագրելու եւ Իրեն վերադարձնելու համար։ Հետեւաբար, մեզի կը մնայ լսել Աստուծոյ ձայնը եւ հնազանդիլ Իր սուրբ կամքին»։

Աւարտին, հանդիպման նիւթին առնչուող «Ինչո՞ւ Տառապանքը՝ Ցաւը» գիրքը նուէր տրուեցաւ անդամներուն։ Հայերէնի թարգմանուած այս արժէքաւոր աշխատութիւնը, զոր հայացուցած է Բերիոյ Հայոց Թեմի Առաջնորդ՝ Գերշ. Տ. Մակար Արք. Աշգարեանը, առիթ ընծայեց մասնակիցներուն շարունակելու իրենց հոգեւոր խորհրդածութիւնը հանդիպումէն ետք եւս։

Address

Խորէն Ա. կեդրոն
Antilyas
00961

Opening Hours

18:30 - 21:30

Website

http://www.acusa.org/

Alerts

Be the first to know and let us send you an email when ACUSA - Armenian Church University Students' Association posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to ACUSA - Armenian Church University Students' Association:

Shortcuts

Address
Opening Hours
Alerts
Contact The Place Of Worship
Claim ownership or report listing

Want your place of worship to be the top-listed Place Of Worship in Antilyas?