24/08/2026
معقول الله بيبعتلنا الوجع؟!
بادري بيو عاش وجع كبير بجسمه، والجروح كانت بيديه واجريه وجنبه، و الأصعب من هالوجع انو ما كان حدا مصدقه، و اتهموا بالكذب و عزلوا!
قولكن ما سأل: ليش يا الله كل هالعذاب؟ ليش انا؟ شو بدك مني انا يلي لحقت دعوتي و تركت اهلي و ضيعتي و جيت اتنسّك هون، صلّي و اخدم و ساعد،… شو بعد مطلوي مني، ليش تاركني وحدي هيك اتعذّب؟؟
بس الله خططه اعمق من هيك و مش دايماً منفهما!
الله كان عارف قوّة ايمان بادري بيو يلي هو يمكن ما كان متخايلها هلقد. بادري بيو يلي ساعد الفقراء و المرضى، يلي اتغلّب عالشيطان بكل تجاربه، يلي حمل جزء من اوجاع المسيح بفرح و حب،… ما كان قدر عمل كل هودي لو ما كان يسوع معه بكل تجربة، عم يقلّو انتَ اتَكَلت عليي و يلي بيتكل عليي ما بيخسر ولا معركة!
مش كل جرح بحياتنا يعني إنّو الله تاركنا، ومش كل صلاة ما تحقّقت يعني إنّو الله ما سمعنا.
أوقات الله بيبعتلنا تجارب صعبة كتير، و اذا عرِفنا نسَلّمو ذاتنا و نتّكل عليه و نقول لتكن مشيئتك، منلاقي عنا قوّة ما كنّا نعرف إنّها فينا.
#قديسين #الله #مسيح #يسوع
