The word - الكلمة

The word - الكلمة Contact information, map and directions, contact form, opening hours, services, ratings, photos, videos and announcements from The word - الكلمة, Religious organisation, Byblos.

الكلمة – THE WORD
صفحة مسيحية وُلدت من قلوب شباب مؤمنين، هدفها نشر كلمة المسيح ومحبته، ولمس القلوب برسائل روحية صادقة تزرع الرجاء، وتقوّي الثقة بالله، وتقرّب كل إنسان من محبته الحيّة.

القديسة ريتا🌹 شفيعة الأمور المستحيلة ♥️ شفيعة_الأمور_المستحيلة
22/05/2026

القديسة ريتا🌹 شفيعة الأمور المستحيلة ♥️

شفيعة_الأمور_المستحيلة

معقول في أم بتتمنّى الموت لأولادها؟؟؟القديسة ريتا ما كانت أم عاديّة… لما شافت إنّو ولادا بلّشوا يحملوا روح الانتقام والخ...
21/05/2026

معقول في أم بتتمنّى الموت لأولادها؟؟؟
القديسة ريتا ما كانت أم عاديّة… لما شافت إنّو ولادا بلّشوا يحملوا روح الانتقام والخطيّة بعد مقتل بيُّن، صَلِّت للرب ياخدن لعندو قبل ما يخسروا خلاصن. يمكن هالفكرة بتوجّع، ويمكن صعبة تنفهم بعقلنا البشري… بس قديش كانت بتحبّ ولادا و كانت فاهمة الحياة المسيحية صح!!

اليوم منشوف العكس أوقات… أهل بينبسطوا إذا ابنن “عايش حياتو”، حتى لو بعيد عن الله. بيصير عادي ما يحضر قدّاس، عادي يسبّ، عادي يتنمّر ع رفقاتو و لو عن مزح، عادي يكذّب، وعادي كل شي غلط لأنّو “بعدو صغير” أو “هيك الجيل”.
صرنا ننزع ولادنا، نغنّجهن زيادة، البدن باه بيحصلو عليه و كلمتن هيي الماشية… خطيّة كل ولد بهالجيل برقبة أهله!
الأم الحقيقيّة مش بس تهتم بأكل ولادا ونجاحن… الأم الحقيقيّة لازم تهتم بعلاقتن مع الله و لازم تعلّمن و تساعدن يحافظو ع قداستن.

#ريتا #ام #تربية

"بتصدقوا إنو الجمل في يفوت من خرم الإبرة؟"يسوع قال:«إِنَّهُ لأَسْهَلُ أَنْ يَدْخُلَ الْجَمَلُ فِي ثَقْبِ إِبْرَةٍ مِنْ أ...
20/05/2026

"بتصدقوا إنو الجمل في يفوت من خرم الإبرة؟"

يسوع قال:
«إِنَّهُ لأَسْهَلُ أَنْ يَدْخُلَ الْجَمَلُ فِي ثَقْبِ إِبْرَةٍ مِنْ أَنْ يَدْخُلَ الْغَنِيُّ مَلَكُوتَ اللهِ». (متى 19: 24)

لما التلاميذ سمعوا هالكلام، اندهشوا وسألوا:
«إِذَنْ، مَنْ يَقْدِرُ أَنْ يَنْجُوَ؟»
فقاللن:
«هَذَا مُسْتَحِيلٌ عِنْدَ النَّاسِ. أَمَّا عِنْدَ اللهِ، فَكُلُّ شَيْءٍ مُسْتَطَاعٌ!» (متى 19: 26)

يمكن نحنا منضحك عالجملة لأنّا منشوفها مستحيلة… بس يمكن الأصعب مش الجمل، الأصعب قلب الإنسان لما يتعلّق بهالدني، بالماديات، بالكبرياء، أو بأي شي بيصير أكبر من الله بقلبو.

يسوع ما كان عم يحكي بس عن الغنى… كان عم يحكي عن كل شي منتمسّك فيه لدرجة ننسى إنو الخلاص نعمة، وإنو الإنسان وحده ما فيه يخلّص حاله.

يمكن الرسالة مش إنو المستحيل موجود… الرسالة إنو الله أكبر من كل مستحيل.
الإنسان بيوقف مطرح ما بيقدر، أمّا الله فبيبلّش يشتغل.

يعني إذا قلبك تعبان، إذا ضايع، إذا متعلّق بألف همّ وهمّ، إذا حاسس الطريق بعيدة… الله بعدو قادر يعمل المستحيل. قادر يغيّر قلب، يشفي وجع، ويرجّع الإنسان لطريقو.

يمكن المطلوب منّا مش نكون كاملين…
يمكن المطلوب نتركلو المجال يشتغل فينا.

لأن بالنهاية، المستحيل عند البشر…بداية عند الله.
#يسوع #إنجيل #إيمان #جمل #الرسالة #مستحيل #ماديات #كبرياء #الله #محبة #صلاة #تواضع #الكلمة

تعودنا نحكي عن المحتوى يلي منشوف فيه وجه ربنا بكل عمل عم يصير… واليوم حبّينا نحكي عن Tony El Beaino، هالشخص يلي عم يعمل ...
12/05/2026

تعودنا نحكي عن المحتوى يلي منشوف فيه وجه ربنا بكل عمل عم يصير… واليوم حبّينا نحكي عن Tony El Beaino، هالشخص يلي عم يعمل رسالة كلها إيمان، عطاء، ومحبّة.
عم يفرّجينا إنو بعد في رحمة بهالأرض، وبعد في عالم قلبها مليان حب للغير، وبعد الإنسان البسيط والقلب الطيب بيقدروا يغيّروا حياة ناس بكلمة، بموقف، أو حتى بابتسامة.
وفي قصة مشهورة عن Saint Vincent de Paul بتجسّد هالمعنى.
بيُقال إنو كان رايح على موعد أو مناسبة مهمّة، وبالطريق وقف ليساعد شخص فقير ومحتاج، فتأخّر. ولما سألوه ليش تأخّرت، جاوب بمعنى:
“تأخّرت لأنّي كنت مع يسوع.”
لأن يسوع مش بس حاضر بالكنيسة… يسوع منلتقي فيه كل يوم، بالطريق، بحياتنا اليومية، بإنسان محتاج، بمريض، بحزين، أو بشخص عم يطلب كلمة طيبة ووقفة حب.
ومتل ما قال يسوع:
“كنتُ جائعًا فأطعمتموني، كنتُ عطشانًا فسقيتموني، كنتُ غريبًا فآويتموني…”
(متى 25)
كل مرة منشوف عمل إنساني، ما فينا إلا ما نتأثر ونسأل حالنا:
“شو فينا نعمل نحنا كمان؟”
لأن الإنسان الحقيقي هو يلي بيحط حالو محل غيرو، وبيحس بوجع الناس وكأنو وجعو.
وهي الرسالة نفسها يلي عاشها Saint Vincent de Paul، واللي كرّس حياتو كلها لخدمة الفقرا والمرضى والمحتاجين، وعلّم العالم إنو المحبة الحقيقية ما بتنحكى… بتنعيش.
خلّونا نبلّش نعيش لبعض، ونوقف حد بعض، وكل واحد يساعد بالطريقة يلي بيقدر عليها. والمساعدة ما بتكون دايمًا بالمصاري… أوقات الصلاة من كل القلب، والكلمة الحلوة، والوقفة الصادقة، بيكونوا أقوى من أي شي.
طوني ، الله يقوّيك ويبارك رسالتك، وإنشالله تضلّ مثال لكل شخص عم يحضرك، ليتعلّم إنو المحبة والعطاء بعدن موجودين، وإنو فينا نكون وجه يسوع لكل إنسان محتاج.

#إيمان #عطاء #محبة #رسالة #مساعدة #صلاة #يسوع #احساس #القلب

مش كل شي ما منشوفه يعني مش موجود، منشوف الحب؟ منشوف الروح؟ منشوف الوجع جوّا القلب؟لا… بس منآمن فيهم لأننا منحسّهم.طيب لي...
10/05/2026

مش كل شي ما منشوفه يعني مش موجود، منشوف الحب؟ منشوف الروح؟ منشوف الوجع جوّا القلب؟
لا… بس منآمن فيهم لأننا منحسّهم.
طيب ليه بس نوصل عند الله، بدنا نشوفه لنصدّق؟
الله مش فكرة بدها إثبات قد ما هو حضور بدو إحساس، لحظة ضعف حسّيت فيها إنك مش لوحدك، دعوة طلعت من قلبك وارتحت بعدها، باب تسكّر بوجهك، وواحد أحلى انفتح بعده… مش صدفة كل مرة.
الإيمان مش إنك تربح نقاش، الإيمان إنك تلاقي معنى، أمل، وسلام بقلبك. وإذا بعدك عم تدوّر، جرّب تحكي مع الله شي مرّة كأن عم تحكي مع بيّ، خيّ او رفيق. يمكن الجواب ما يجي بصوت، بس رح تحسّه بشي جواك ما بيتفسّر.
الله مش بعيد… بس نحنا يلي بعدنا.

#الله #الحُب #الروح #القلب #احساس

ما منخلق قدّيسين من الأساس... بس منختار نكون قدّيسين كل يوم، بكل موقف، بكل قرار، بكل حب منقدّمو. وهيدا الشي يلي عاشو مار...
08/05/2026

ما منخلق قدّيسين من الأساس... بس منختار نكون قدّيسين كل يوم، بكل موقف، بكل قرار، بكل حب منقدّمو. وهيدا الشي يلي عاشو مار شربل بصمت… مش بكلام كبير، بس بحياة بسيطة مليانة إيمان وتسليم. بـ 8 أيار، خَلَق الله ولد صغير بعيلة طَيبة، تربّى عالصلاة والمحبة… بس هالولد كان عندو شي غير: قلبه كان دايمًا معلّق بالسما. ما ركض ورا الدني، ولا ورا الشهرة، ركض ورا الله… لحد ما صار هو بحد ذاتو نور للناس.
مار شربل ما كان بس ناسك بالوادي… كان إنسان حبّ الكل، صلّى للكل، وتألّم بصمت كرمال الكل.
اليوم، بعيد ميلادو، منرجع منتذكّر إنو القداسة مش بعيدة عنا… هي بشغلة صغيرة منعملها كل يوم: نحب أكتر، نسامح أسرع، ونقرّب من الله بصدق...
مار شربل ما كان ولا يوم لشخص أو لفئة، كان لكل قلب عم يفتّش عالسلام.
يا مار شربل، علّمنا نعيش متلَك… ببساطة، بإيمان، وبقلب نضيف يوصّل حب الله لكل إنسان.

#قداسة #إيمان #الله #لبنان #محبة #نور #تسامح #عنايا #تنسك #السلام

بهالصورة، ما كان البابا عم يعمل “زيارة رسمية”…كان عم يعمل شي أقرب للإنجيل.بجنوب لبنان، محلّ ما الأرض بعدها شايلة خوف الن...
07/05/2026

بهالصورة، ما كان البابا عم يعمل “زيارة رسمية”…كان عم يعمل شي أقرب للإنجيل.

بجنوب لبنان، محلّ ما الأرض بعدها شايلة خوف الناس، ومحلّ ما الكاهن صار حامل همّ الرعية وهمّ الارض، طلع البابا فجأة، متل بي عم يفتّش عن ولادو، متل راعي عم يفتّش عن خرافه.
ما كان في عرش، و لا بروتوكول و لا شخصيات و إعلام…
كان في شاشة صغيرة عم توصّل حب و دعم كبير!
المسيح ما كان دايمًا يظهر بالهيبة يلي الناس ناطرتها. كان يفاجئ التلاميذ على مركب، يفوت عالعليّة والأبواب مسكّرة،
ينبّش ويقعد مع التعبان والمنسيّ والمكسور.
ويمكن هيدي الصورة بتشبه هالشي: راعٍ صالح، عم يقلّن: “أنا شايفكن، أنا حدكن، ما تخافوا”
وبهالزمن، أوقات أصعب وجع هو إنّو الإنسان يحسّ حاله متروك.

#الجنوب #لبنان #مسيحي #حب

مزار أم النعمة الإلهية - كفون- جبيل.(صورة معدّلة بالذكاء الاصطناعي) #مريم #يسوع
03/05/2026

مزار أم النعمة الإلهية - كفون- جبيل.
(صورة معدّلة بالذكاء الاصطناعي)

#مريم #يسوع

مش بس “العذراء مريم”…بلد كامل بيعيّطلها بأسامي الحبّ.“سيّدة لبنان”… لأنّها حامية هالأرض.“سيّدة النجاة”… وقت ما يضيق القل...
30/04/2026

مش بس “العذراء مريم”…
بلد كامل بيعيّطلها بأسامي الحبّ.
“سيّدة لبنان”… لأنّها حامية هالأرض.
“سيّدة النجاة”… وقت ما يضيق القلب وما يبقى غير الأمل.
“سيّدة المعونات”… لأنّها كانت سند للمتروك والمكسور.
“سيّدة البشارة”… لأنّ منها بلّش الخلاص.
“سيّدة الزروع”… لأنّ أهل الأرض كانوا يطلبوا بركتها للمواسم والخير.
“الأمّ الفقيرة”… لأنّها كانت قريبة من البسطاء والمتعَبين.
“أمّ النعمة الإلهية”… لأنّ نعم الله كانت توصل من خلال صلاتها وحنانها.
“أمّ المراحم”… لأنّ قلبها ما ردّ حدا خائب.

كل منطقة بلبنان عطتها اسم بمحاولة من الناس تتوصف شو بتحسّ تجاهها.
لأنّ العذراء بلبنان ما كانت يومًا مجرّد شخص عادي، كانت دمعة أمّ… وصلاة فقير… وآخر أمل لشخص ما بقى قادر يحمل وجعه.
كتير قصص عم تتغيّر بلبنان بس في شغلات بعدها متل ما هي:
شمعة قدّام صورتها، مسبحة بالإيد،… وصوت خفيف عم يقول:
“يا عدرا… دخيلِك."

شو بعد بتعرفوا كنائس أو مزارات ع اسم العدرا؟
وبأي منطقة موجودين؟
اكتبولنا بالكومنت 🙏🏻

#أيار #مريم #لبنان

مش كلّ شي بهالحياة سهل، ومش كلّ أيامنا حلوة. كلّنا مرقنا، أو عم نمرق، بظروف صعبة، بوجع، بخيبات، وبأوقات حسّينا فيها إنو ...
29/04/2026

مش كلّ شي بهالحياة سهل، ومش كلّ أيامنا حلوة. كلّنا مرقنا، أو عم نمرق، بظروف صعبة، بوجع، بخيبات، وبأوقات حسّينا فيها إنو ما حدا فاهمنا أو حدّنا.
في ناس بتفوت عحياتنا وبتفكّر إنّن الصح، بس مع الوقت منكتشف إنو مش كل حدا بيستاهل يضل. في علاقات بتتعبنا أكتر ما بتريحنا، وناس وجودها بيكسّرنا بدل ما يرمّمنا.
بس الحقيقة الحلوة، يلي يمكن ننساها أوقات، إنو في حدا واحد ما بيترك، ما بيتغيّر، وما بيغيب، مهما صار.
يسوع.
هو الرفيق الحقيقي، يلي بيسمعك بلا ما تحكي، بيفهمك بلا ما تشرح،
وبيحملك بضعفك قبل قوّتك. هو الأب الحنون، يلي حضنو أمان،
هو الأخ يلي بيسندك، وهو الوحيد يلي بيضل حدّك بكل ظرف، مش بس بالأوقات الحلوة، بل خصوصي بالوجع. إذا حسّيت يوم إنك لحالك، تذكّر إنك مش لحالك. إذا الكل تركك، هو باقي. وإذا الدنيا سكّرت بوجك، هو الباب يلي ما بيتسكّر.
خلّي قلبك يرتاح بهالحقيقة:إنو في حب ما بيتغيّر، وفي أمان ما بينكسر، وفي رفيق اسمو يسوع، ما بيتركك مهما صار.

#يسوع #صديق #حياة #حُبّ #الحنون #الله #إيمان #الأب #الأخ #القوة #أمان

صرنا ناطرين “معجزة” لتصير معنا… وكأنو حياتنا العادية ما فيها شي يستاهل نوقف عنده.بس الحقيقة؟ المعجزة نحنا عايشينها كل...
26/04/2026

صرنا ناطرين “معجزة” لتصير معنا…
وكأنو حياتنا العادية ما فيها شي يستاهل نوقف عنده.
بس الحقيقة؟ المعجزة نحنا عايشينها كل يوم.
كل نفس مناخدو… معجزة.
كل دقّة قلب… معجزة.
إنك تفيق الصبح، تمشي، تحكي، تحب، تزعل، تحلم… كلها معجزات عم تمرق معنا وكأنها شي عادي.

حتى التفاصيل الصغيرة يلي ما مننتبهلا:
شمس بتشرق كل يوم بلا ما تتأخر،
جسمك عم يشتغل بدقّة عجيبة،
أشخاص بحياتك بيوقفوا حدّك بلا مقابل…
يمكن نحنا ما عنا نقص بالمعجزات،
يمكن عنا نقص بالانتباه.
يمكن لو وقفنا لحظة… ووعينا أكتر،
منكتشف إنو الله ما عم يبعتلنا معجزة مرة بالسنة…
هو عم يغمرنا فيها كل يوم، بكل تفصيل.

المشكلة مش إنو ما في معجزة…
المشكلة إنو تعوّدنا عليها لدرجة ما عدنا نشوفا!
خلّينا نشكر الله ع كل شي صار "عادي" بحياتنا و ع كل شي رح يصير…

#معجزة #يسوع #حياة #الله

Address

Byblos

Website

Alerts

Be the first to know and let us send you an email when The word - الكلمة posts news and promotions. Your email address will not be used for any other purpose, and you can unsubscribe at any time.

Shortcuts

Share

Category