رعية القديس جاورجيوس المحيدثة-بكفيا Paroisse Saint Georges - Bikfaya

تسلمت الرهبانية الباسيلية الشويرية حجة عام 1726، لبناء كنيسة على اسم مار جريس للروم الملكيين الكاثوليك، فسعت بعمارها وشهدت مراحل ترميم عام 1900 وعام 2011.

يقول الأب برنارد توما،: نحنا موجودين بكنيسة مار جريس للروم الملكين الكاثوليك، هالكنيسة بتاريخها مش معروف كتير لأيمتا بتعود، لكن انوجد حجة بدير مار يوحنا الخنشارة بالشوير، مضمون هالحجة ان الأشخاص يلي كانوا مسؤولين عن الكنيسة هني ثلاث اشخاص، يذبك واخوتو وبشير واخوتو وابو شديد. وبهالحجة ببين انو كان في كنيسة قبل منها ولكن تهدمت وعلى اثر تهديم هالكنيسة قرروا هالثلاث اشخاص يلي كانوا مسؤولين عن هالكنيسة انو يسلموها لدير مار يوحنا بالشوير،
واوقفوا هالمقام الى هالرهبان حتى هني يهتمو بإعادة اعمار الكنيسة من خلال الخدمة كلها سوى يلي كانوا يهتمو فيها بها المنطقة.

مرت الكنيسة بعدة مراحل، مرحلتين من الترميم سنة 1900، وممكن هون كبروا الكنيسة اكتر. والمرحلة التانية هي سنة 2011، تم قلش حيطان الكنيسة يلي كانت مطلية بالطين.
الأيقونات الموجودة بتعود للنصف التاني من القرن الثامن عشر من المدرسة القدسية، إضافة الى بعض الأيقونات كتابة فنان لبناني.

هالكنيسة بيقول الأب برنارد متل كل الكنائس البيزنطية، عندها ثلاث أقسام، اول قسم هو محل عند الشعب، والقسم الثاني منسميه صحن الكنيسة والقسم الثالث قدس الأقداس او الهيكل يلي بيفصلو عن بقية الكنيسة واجهة هالأيقونات الموجودة يلي تسمى الإيقونوستاز‬‎. عنا الاشياء المهمة بهالكنيسة هالسقف يلي موجود وهو مميز من خلال النقوش الموجودة فيه. وفي بالكنيسة شيء مميز هو منبر يلي يقرأ عليه الإنجيل. ويوجد ايقونة مزار مار جريس وهو مزار مزخرف ببعض الرسومات والأيقونة كمان، بالإضافة عنا داخل الهيكل القسم الجواني، عنا مذبح من الخشب بيحمل أيقونات داير من دار. حاليا الأيقونات بس باقي منها الواجهة من الأمام.

بتخدم كنيسة مار جريس كل أبناء المنطقة، وكاهن الرعية بيقدم الخدمة الروحية اللاهوتية بتأمل وصمت.

يتابع الأب برنارد، متل ما قلنا هالكنيسة على أسم القديس جاورجيوس ومن المعروف ان القديس جاروجيوس هو قديس شعبي منتشر بعبادتو في كل الأماكن وخصوصا بالبنان والشعب بيجي وبيتبارك من هالأيقونات خصوصا ان هالمزار هو على اسم مار جريس.كنيسة القديس جاورجيوس للروم الملكيين الكاثوليك المحيدثة-بكفيا