08/05/2026
راكع على تلّي
بتفكّرو غفيان
والبرد من حولو
وبالصمت والأيمان
شربل القدّيس
بالمحبسي سهران
يدفق حنان وحبّ
ع ناس بتصلّي
يا مساهر النجمات
تحت السما راكع
ت تنوّر العتمات
وصوت الصلا سامع
يا عايش الأسرار
وقدّامها خاشع
صلّي لنا يا بار
ت الربّ يرحمنا
ويغفر لنا الزلّي
ع المحبسي لعندك
طلعوا كبار صغار
يصرخوا بلهفي
صوبك يا هالختيار
وأنت عم تقلّن
ت تصيروا أبرار
تناولوا القربان
وكونوا قدّيسين
تيصير وجّ الربّ
ع وجوهكن يا ناس
يصير متجلّي
كل عيد ميلاد مار شربل وانتو بخير
